مسؤول في لكزس يكشف عن الأسعار المبدئية لـ IS 2014 في السعودية

678
37
@حاتم الخثلان

is

مع إقتراب موعد إطلاق لكزس IS الجديدة في السوق السعودي في بداية شهر يونيو القادم, كشف لنا أحد مسؤولي وكالة لكزس في السعودية عن أسعار الوكيل المبدئيه.

وفقاً لمستشار مبيعات لكزس في وكالة عبداللطيف جميل, أسعار IS 2014 المبدئيه ستكون كالتالي:

  1. لكزس IS 250 حوالي 140,000  ريال سعودي
  2. لكزس IS 350 حوالي 180,000 ريال سعودي
  3. لكزس IS F-Sport حوالي 200,000 ريال سعودي

هذه الأسعار هي توقعيه من المسؤول الذي كشف عنها, ومازالت مبدئيه, لكنها تعطينا فكره عن الأسعار المتوقعه للجيل الجديد من IS الذي تغير جذرياً.

الجدير بالذكر أننا شاهدنا وصول لكزس IS 2014 في الرياض في الشهر الماضي ونشرنا عدة صور لها, قم بالإطلاع عليها هنا. 

قارن الأسعار بألأسعار الرسمية من لكزس

 

شكرا لـ@meshal416 لإرسال الأسعار

عن الكاتب

مؤسس سعودي شفت، مهتم بكل مايتعلق بالسيارات. تابع الكاتب على تويتر

37 Comments

  1. 0

    الله يقلعهم وش ذا الأسعار
    أخذ بي أم أصرف

  2. 0

    التدشين سوف يكون يوم الخميس
    المص فل بـ190
    والفل 280 او 290

    1. ناصر العتيبي

      0

      النص فل ،، جاب قيمت ال es 350 فل كامل
      والفل جاب قيمة ال gs 350 فل كامل

      مستحيل ،،، تاكد من معلوماتك يالغالي

  3. 0

    مشكور اخوي حاتم بس فيه عندك خطأ لغوي ، المبدأية = المبدئية

    بالنسبة للأسعار المفروض ما توصل هالمواصيل و خصوصا ان الين الياباني نازل حالياً ، يعني تكون في مستوى الحالية إن لم تكن أقل

  4. 0

    الأسعار مرتفعة جدا جدا جدا للأسف كنت حاط أملي في لكزس بسبب أن أسعار سياراتها رخيصة لاكن للأسف الوضع تغير

  5. 0

    وش ذي الاسعار – كورولا بشعار لكزس ويحطها 200

    خلوها تصدي

  6. مجنون تايوتا

    0

    م اعتقد نجاحها
    الجيل الحالي سعره ارخص بكثير وسوقه عادي واقل من عادي
    الفل 180 الف يعني اخذ es خليجي اكثر مواصفات ونفس السعر واكثر رحابه من الداخل

    اذا هذي الفئه 350 يكون سعرها 150 او 155 بالكثير جدا معقول
    وال250 يكون سعرها 120 – 130 برضه روعه وسعر مرضي

  7. 0

    اما 200 الف وش صارت ؟؟ادفع 200 الف بكرولا ؟؟؟ لا ويقولون سبورت بعد .. ينصبون علينا مثل مانصبو علينا بكامري السبورت وهي نفس الكامري اللهم مغيرين الكراسي والدركسون وزوايد خفيفه ويقلون سبورت . المكينه ماغيروها هي هي . 200 الف ادفع بكدلك سي تي اس امريكيه. ازين لي وافر 40 الف بعد

  8. 0

    سعر مبالغ فيه جدا على سياره صغيرة وفيه خيارات ثانيه وافضل منها بكثير

  9. 0

    السلام عليكم
    بالنسبة للي يقولون انها ما تسوى, في ناس كثيرة توافقكم بس لا تنسوا انو لكل سيارة جمهورها الخاص
    اللكزس لو ايش ما تكون تبقى سيارة عملية اكثر من قريناتها, IS سيارة دفع خلفي و تحتوي على اجزاء مشابهة لل LFA في الداخلية, و حجمها (وزن) بالنسبة لمحركها يخليها خيار قوي و ما نقدر نحكم عليها قبل لا نشوف مواصفاتها و سعرها الرسمي من الوكالة
    و شكرا

  10. 0

    السعر مبالغ فيه بجنون. ولا يجب ان نغفل ان الين نازل هذة الايام.
    وش المشكلة اذا نزل السعر تزامناً مع اسعار العملات يابوجميل. لكن من امن العقوبة اساء الادب

  11. 0

    الي يقول غالية اقوله هذا سعرها حتى بأمريكا
    السعر يبدأ من 132 ألف ريال
    والفل سعره بحدود 180 ألف

    طبعاً انا اشوف لكزس تستاهل سيارة فخمة وفيها مواصفات روعه

    اما الي مب عاجبه ويستكثر على اللكزس اقوله مع نفسك

    معروف عن لكزس فخامتها وكثرة المواصفات والتكنلوجيا

    يكفي ان ترتيبها في احصائيات j.d.power دايماً من الاوائل

    الى الامام لكزس وطبعاً مايضرها انتقاد الناس الحقوده

  12. 0

    فية ناس تتكلم و هم ما يفقهون بالسيارات شي

  13. 0

    فية ناس تتكلم و هم ما يفقهون بالسيارات شي

    ويبدو ان بعضهم صغار سن

  14. 0

    لكزس غيرت خططها في السوق.. ولذالك تغيرت قيمة منتجاتها ( سيارات الخليج تاتي من مصانع اليابان بينما امريكا لها مصانعها الخاصه لذالك هناك فروقات في الاسعار وايضا لان لكزس لاعب اساسي ومهم في السوق الامريكي)
    لكزس تريد رفع الجودة والرفاهيه في سيارتها.. لذالك نرا ارتفاع الاسعار… عموما بمقارنه سريعه بين منافسينها من بي ام دبليو و كاديلاك ومرسيدس واودي is 350 هي الاقل سعرا بحيث تاخذ اعلئ المواصفات بسعر المواصفات القياسية عند الشركات الاخرئ .. هذه لعبة الهندسة القيمية ^_^ جودة مقابل سعر اقل

  15. سامي المالكي

    0

    السعر حلوو صراحة طيب هو نفس سعر الموستنغ او الكمارو ادا كان عندي 200 الف وابي اشتريبها سياره وش اشتري كماروا ولااللكزس اي اس سبورت لاحد يقول لي تقارن بين فئات مختلفة ارجو الرد من اهل الخبرة والسلام

    1. 0

      طبعا كامارو يا سامي . رياضيه بحته واسم عريق وتميز وعمليه . اما اللكزس اربع ابواب وتشبه الكورولا والسوناتا . ولما تمشي بالكزس بالشارع ماتلفت النظر . بالعكس اللي يشوفك من اول وهله يقول انها سوناتا او يارس او اي وحده من هالفئات اما الكمارو تميز وحضور قوي ع الطريق وكل يتعرف عليك من اول نظره . ترا مجرب الكمارو وعندي ار اس 2013 خفيفه ورشيقه وحضور قوي وحتي الموستنق رياضيه بحته . ويكفي انها صناعه امريكيه

      1. سامي المالكي

        0

        اخي الكريم شكرا لك على تجاوبك ومساعدتك لي بس ظلمت اللكزس شوي كلمت واحد خبير وقالي انك لوتبغى سيارة رياضية كشخة وفخمة خد اللكزس لاكن لو تبي سيارة رياضية اصلا عن جد خد الكامارو اللكزس ماتعتبر رياضية كثير مجرد سيارة فخمة تم اضافة تعديلات رياضيه لها واشكرك اخي طلال والسلام عليكم

  16. 0

    السعر مو مبالغ فيه ابدا ابدا طيب نقارن بأسعار المنافسات بي ام 335 250 الف مرسيدس c 255 أودي 235
    هذا أول شيء بعدين اخوي تقارن لكزس بشيفروليه سكران انت!!! لكزس تصنع سيارات فاخرة وانت تقارنها بشفر لا وتقول الكومارو أفضل ياخي طير بعدين لكزس تفوقت عل البي ام أفضل سيارة فئتها

    1. 0

      هتلز طبعا اقارنها بالكمارو انتم تصدقون اليابانيين ؟؟ يحطون لك شعار لكزس وهي بالاصل تويوتا .. ترا اغلب زبائن تويوتا جهلاء الاغلبيه.. قارن بين اللكزس وتويوتا . ترا الجلد نفس بعض ترا مراوح السياره نفس بعض وربل القزاز هو نفسه واسلاك الكهرباء نفس بعض ا. اللي يفرق حقيقه اللي هو الدفع خلفي فقط . لاحظ اللكزس ال اس والكامري شف الشبه هبينهم من ناحيه التصميم. كامري حجم كبير

  17. وضح النقاء

    0

    اللكزس اسمها مرتبط بالجودة و القيمة السوقية الجيدة

    لكن اعتقد ان السعر هذا مبالغ فيه

    واظن انه فقاعة صابون لجس النبض فقط

    ومع الوقت سينزل السعر على الاقل 15.000 من سعر السيارة

    من يذكر وقت نزول الجي اس اف الفل كانت بـ 290.000 ثم نزلت بعد كم شهر الى 265.000

    المقياس هو تقبل الزبائن للسعر

    لاننسى ان فئة ES سعرها سيضرب على IS

    تحياتي

    1. 0

      لاتقارن IS في ES

      IS لها رونقها الخاص وياليت ماتخلط الامور في بعض اذا بنمشي على مقياسك

      المفروض BMW 650 اقل سعر من BMW 750

      ولكن لكل سياره رونقها الخاص والحجم مايجعل السياره رخيصه او العكس ياعزيزي

      SAR 450000 – 500000 سعر 650 BMW

      SAR 400000 – 490000 سعر 750 BMW

      اذا على المفروض وقاعدتك التي تتماشي مع سلع الحياه البسيطه

      نقول ان BMW 750 سعرها 500 الف بمعنى الكلام لابد من ان سعر BMW 650 بـ 360 الف

      ولكن الكلام ياعزيزي مايخرج من شخص يبخص قيمه السيارات بل يخرج من شخص يتكلم عن صني و ماكسيما

      1. وضح النقاء

        0

        انت قريت مشاركتي كاملة ام بس اخر سطر!
        وهل فهمت اللي قريته زين!!
        قلت لك ان سعر سيارتين حول بعض ونفس الماركة يجعل الشخص يروح للسيارة الثانية

        طبعا اللي بيشتري فئة IS هو شخص يحب الاداء الرياضي
        مع ان كل المشترين ليسوا كذلك
        في الماضي كان ترتيب الاسعار منطقي
        التداخل الحاصل الان يجعل الزبون يفضل فئة ES على فئة IS باستثناء الشخص اللي يحب العزم

        اتمنى انك تقرا كل كلامي وماتجي لاخر سطر وتعلق

        تحياتي

        1. 0

          انت تناقض نفسك

          كيف يحبون الاداء الرياضي وقبل المشاركه تتكلم عن الحجم والسعر !

          أتق الله في نفسك وتكلم بحياديه

          نعلم انك من عشاق شعار الددسن ولكن لاتكابر وتعاند لان كل كلامك موجود فوق ردك هذا

          وبعدين شلون تقول باستثناء الشخص الي يحب العزم !

          هل الي يحب السياره دفع خلفي واداء مرضي يكون متخلف وسعر السياره يكون زهيد !

          السياره كل ماكانت رياضه تكون اغلى ولا انت تفكر الحجم يجعل السياره اغلى بسبب زياده الحديد والالمنيوم آلخ .. .. !

          واضح السبت عندك اختبار رياضيات والحسابات ضيعتك

          الحجم يفرق ويكون اغلى لاصار خبز ولا لحم ولكن في عالم السيارات الوضع مختلف تماماً .

          1. وضح النقاء

            0

            نعم انا من عشاق الددسن .. وايش المشكلة !

            مشكور على اللحم والخبز

          2. محمد الاسمري

            0

            يا زين شعار الددسن اذا بيصنع لي سيارة مثل الـ GT-R

  18. 0

    كزس IS F-Sport حوالي 200,000 ريال سعودي

    يعني نجيب خليجيه بتكون 166 الف من وجه نظري سعر مناسب لماركه جميله وخدمات مابعد البيع اجمل

  19. ملك الطاره

    0

    is لها استخدام خاص .. مش مسالة انها اصغر من es

    is سيارة دفع خلفي قوة المحرك 306 حصان تنطلق من الصفر الى حوالي 4.8 ثانية فقط

    يعني سيارة رياضية اساسا فخمة ثانيا و لها خصوصيتها

    اما es هي نفس الافلون دفع امامي نفس الجير نفس المحرك ب 267 حصان بس بفخامة اكثر
    فخمة اولا رياضية ثانيا
    محرك الes مختلف عن محرك is و ال gs رغم انهم الاثنين 6 سلندر 3.5

    is اختها الكبيرة هي gs لئنه دفع خلفي و تسخدم نفس المحرك

    فلا تستغربو لو ان سعرها قرب من ال es لئنه من نفس الغرض من السيارتين

    لكن اتفق معكم يا اخوان السعر كثير مرتفع لو اعلى فئة ب 180 بيكون سعر جيد

    بس في ذات الوقت اتوقع ان السيارة راح تدهش الى بيجربها و الى راح يقتنيها ما راح يندم

  20. 0

    سعر الF الفل كامل بالوكالة موديل 2013 وصل حول ال320 !
    الجديد م اتوقع بيكون ارخص

    من عشاقها انا لكن تمنيت يهتمون بالمراتب والضيق الي بالخلف 🙂

    الي يقارن اللكزس IS F بالكومارو !
    انا جت فترهه معي كومارو SS
    اللكزس الF راح علي
    السبب خفت السيارهه

  21. 0

    ال F اللي ب 200 بودي بس مكينه 350

  22. 0

    يا اخي بعض ناس مدري من وين جاااااية يقول يارس ولا كورلا ..!!! وبعض يقول كاميرا مغيرين فيها والبعض يقول تيويتا هي اصلا اخر واحد صدق شركة لكزس و تيوتا وحده لكن لكزس تختلف عن تيوتا تيوتا شركة مستقلة و لكزس شركة مستقلة كلهم يعملون مع بعض لانتاج سيارات لجميع شرائح المجتمع اما الي يقارن لكزس في شفر لكزس يباني فخم شفر شركة عادية لشرائح مجتمع عادي تبي تقارن قارنها ببنت عمها كاديلاك اما ال يقول كامري ومدري وش !!!! اقول له فيك شي ..! الاي اس معروف هي اصغر فئة كيف تبي حجمها يحطونها بحجم تريلة عشان ترضى .!؟ ونقول واو لكزس لكزس تجي اي اس اصغر شي إي اس حجم وسط جي اس حجم وسط إال اس حجم كبيره إالكس اكبر شي ار اكس وسط جميع الاحجام متوفره شغله كبر كامري عاد هذي احجام سيارات طبيعة لكن سيارة ما تمت للكامري ابدا لان شاصية لكزس يختلف عن الكامري لكزس ضاصية متين وصلب ويختلف عن كامري
    الي يقول تروح على الامريكي اليباني 300 حصان تنفس طبيعي اما امريك صناعي تنفس طبيعي جدا جدا فعال

  23. 0

    الاسعار تبدا من ١٤٠ الف ريال الى ١٥٢ الف ريال هذا من موقع لكزس الرسمي ! واذا كان سعرها بالشرق الاوسط اغلى! اطلبها من امريكا ارخص والكارقو ماياخذ اكثر من ٩٠٠ دولار

  24. 0

    تنصحوني اشتريها

  25. 0

    انا اقول خلها في وكالتها اصرف خل الوكيل يطالع فيها ويتأمل فيها دام اسعاره زفت

  26. 0

    حجمها مثل حجم الكورلا واتوقع الكورلا اكبر شوي ههههههه اشتري افالون اصرف لي خلونا واقعيين حجمها جدا جدا صغير

  27. 0

    لكزس وبس ياخي كل واحد عنده اكسنت وجاي يتحلطم لكزس سيارة فاخرة وسعرها مناسب واداء وقوه وتحمل

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة