استفسار عن جيب اودي Q7 الله لا يهينكم :)

1125
5

السلام عليكم ورحمه الله وبركاته

ابي استفسر عن جيب اودي Q7 الجيب عاجب اخوي و وده يشتريه مره خصوصه انه ما بيكلفه الا قرابه 250 الف على سياره عائليه وألمانيه !! شئ كويس والله

لان هو صامل مررره بس خويه معه BMW اكس 6 و مره قال له ان البي ام خايس وبهذلني بصيانته اللي تطول عندهم و الاودي أخس !!! فمن بعدها وهو متردد ….. وش رايكم انتم ؟ اتمنى اللي يجاوبني يكون مجرررب او يعرف واحد مجرب واخوي ترا استخدامه جدا نظييييف …وشكرا لكم جميعا

عن الكاتب

5 تعليقات

  1. سامي المالكي

    اخي الكريم لايغرك السعر ابدا احسب حساب مابعد الشراء يمكن 300 الف قليلة على سيارة المانية على قولتك لاكن صدقني ماتجي 10 سنوات الا وقد دفعت مبالغ كبيره جدا على تكاليف الصيانه قطع الغيار الواحد مايشتري سياره فاخره الا وهو حاسب حساب قطع غياره ياشيخ حتى الحكات البسيطه الي تحصل بشوارعنا بسيارتنا المتواضعه في الاودي تكلف مبلغ كبير ياشيخ الوالد معه جي اكس 2007 لاند كروزر وتخيل في واحد قلع حرف الاكس كلف 80 ريال ومره صار علينا حادث بسيط بخط الجنوب والله انها مغير كفره وحده مع نظام تعليقها واللمبات وجز بسيط من الصدام كلف 17 الف ياشيخ حتى الدقن جزء من الصدام يعرفه اصحاب الجيوب كلف 3 الاف وهو اضافه تزينيه فقط عاد وهدا لاند كروزر تويوتا كيف باودي جديده والوكيل معفن ولايغرك ابدا فخامة السياره ترا بتطفشك واخوك بيكبر ويتزوج وهالسيارات ماتصلح لعوائل الشعب السعودية ولورحت تتمشى وتبغى ترقى جبل بتقعد تحكحك عليك الخلاصه انصح اخوك لايشتري عندك الباسات على فخامتها وسعرها 100 الف ومحد معطيها وجه والكامري والسوناتا اغلى واقل مواصفات ليه لان الضعب عارف ان السيارات الالمانيه حتى ولو كانت برخص التراب مع الصيانه وقطع الغيار بتشفط منك الالاف على مدار السنين نصيحتي لاخوك دام عندها استعداد يدفع 300 الاف يوفرها على اكسبلور او اكاديا اقل بالسعر وكلها فخمه وعمليه ومريحه وصحيح انها يمكن تكلف بقطع الغيار لاكن موب بالشكل الكبير زي البي ام وباقي الفلوس يوفرها للزواج ولا اي شيء

    + 0- 0
    1. سامي المالكي

      الضعب الشعب عفوا عفوية

      + 0- 0
  2. اختلف معاك،

    اخوي سامي انت ذكرت بنفسك معاناتكم مع اسعر قطع الكزس.

    الياباني الحين جوودتة مو زي زمان وقطع الفئات الفخمة ليست رخيصة!

    اتوقع لو صار نفس الموقف للادوي راح تكلف نفس التكلفة اوا كثر بسي بسيط

    الالماني يحتاج فقط تواظب عالصيانة واستخدام عادي وليس تفجير!

    اقولها ونا مجرب مرسيدسات وبي امات. لكن ماسبق امتلكت اودي.

    بالمناسبة الاودي وابي ام يعطونك 5 سنوات ضمان وصيانة يعني ماتدفع شي!

    يعني اشوفها تستحق التضحية واحسبها:

    حاليا تكلفة تشغيل سيارة شعبية ولها سمعة انها عملية تقريبا بالخمس سنين = 15 الف مثلا ولكن

    زمان ايام الطيبين اتفق معاك ممكن توصل 7000 الاف فقط.

    الاودي بكل متعتها وامانها بعد الله وبرستيجها = 20 الف.

    طبعا مجرد مثال بس الفرق محرز انك تاخذ اودي.

    + 0- 0
  3. أنا جربت صيانتهم و أكبر مشكلة عندهم هي المواعيد تاخذ فتره لين تحصل لك موعد
    أنا حجزت موعدين من قبل واحد أخذ سبوعين و الثاني شهر لين جاء دوري
    بس على العموم هي مرة إلى مرتين في السنة (بالنسبة لي) لأن الصيانة كل 15 ألف
    قطع الغيار أول 5 سنوات عليهم بس انت عليك الكفرات و البنزين (البريكات لك تبديلين إذا ما كنت غلطان)
    و عندهم مشكلة ثانية في القطع الغير إستهلاكية لأن ممكن تختلف من سيارة للثانية فتاخذ وقت لأن يجيبونها من ألمانيا بس هذه إحتمالية أنك تبدلها ضعيفة
    تقييمي للوكيل سيء بس جودة السيارة ممتازة
    بالنسبة للمصاريف بعد الخمس سنوات مو متأكد (+ يمديك تبيعها)

    + 0- 0
  4. لا يشتريه لانه بيتغير كليا" ...
    البديل جيب مرسيدس m او gl

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة