سؤال عن شركة بورش

17445
18

السلام عليكم ورحمة الله وبركاته
اسعد الله صباحكم/مساؤكم بكل خير

اخواني بغيت اسأل عن البورش هل هي سياره اعتماديه وتتحمل الكرف وتعيش خصوصا مع شوارعنا الجميله جدا !
هل يتفع الواحد يشتريها مستعمله ؟

ولو كان الشخص عنده خبره بالسيارات والقطع اللي لازم تتغير هل يحتاج للصيانه عند الشركه؟
او يكفيه ان يغير اللي يحتاج تغيير عند الورش المعروفه ؟

 

عن الكاتب

18 تعليقات

  1. بورش سياراتها عملية وتتحمل, صنعت رياضية لهذا السبب. لكن فكرة انك تشتريها مستعملة ما اعتقد جيدة, لانه اللي يبيعها يكون استخدمها وحلّلها بعد, سيارة رياضية مين يخليها لو كانت بيده؟ الا اذا لقيت بورش عدادها معقول, مو اكثر من 20 او 30 الف.
    وبالنسبة للصيانة, اكيد صيانتها عند الشركة او الوكالة. بورش سياراتها رياضية ولو استخدمت قطع غير اصلية او مو لها ومن خارج الوكالة راح تخرب عليك اكثر وماراح تتحمل. خذ قطعها الاصليه راح تتحمل معاك. صحيح تكلّفك كثير, لكن هذا اهون من انك تاخذ قطع غير اصلية وتخرب عليك اكثر.

     
    1. الله يعطيك الف عافيه على الرد والتجاوب السريع يايزيد

       
  2. عبدالله الحداد

    السيارة روعه لاتاخذ مستخدم اكثر من ١٠ الاف كلم ، ملاحظتي عليها تزيح شوي من قدام عند المناورات والفرامل مفروض افضل شوي .

     
    1. وماعليك أمر اخوي عبدالله ياليت تذكر نوع البورش اللي تتكلم عنها

       
  3. ناصر الفالح

    البورش انواع

    حدد النوع المطلوب

    اهم نقطه بقولها لك ان قطع الغيار سعر شديد ههههه يعني خلك معك الماستر كارد وانت بتغير قطع واذا بتجيب دفتر الشيكات افضل

     
    1. هذا اللي مخوفني قطع الغيار والا الصيانه ممكن اسويها خارج الوكاله

       
  4. الوكيل بالنسبة لبورش (ساماكو) خدمة مميزة وخدمات فوق الخيال
    لكن سلبياتهم السعر وهذا شي طبيعي بالنسبة لبورش وأحيانا القطع تكون طلبية وتتاخر

     
    1. الوكيل ماراح اعتمد عليه بالصيانه بتوجه للورش المعروفه ان شاء الله
      صعبه اوقف السياره يومين بالشركه علشان صيانه بسيطه

       
  5. بورش 911 تعتبر أحد أكثر السيارات الرياضية إعتمادية, والان بعد شرائها من مجموعة فولكس واجن صارت قطعها ومعظم أجزائها الميكانيكية تشارك أودي وفولكس واجن.

    فكرة شراء بورش مستعمله ممكن يتخوف منها الواحد, لكن عندك بورش بوكستر أو كايمن إذا كنت تفكر بسيارة كوبيه, سعرها مناسب حوالي مابين 180-235 ألف , وأنصحك بالجيل الجديد موديل 2013-2014 لأن فيه تحسينات كبيره من ناحية الإعتمادية

    أما باناميرا وكايين, إعتماديتهم تقريباً نفس إعتمادية أودي وفولكس واجن, لأنهم يشاركونهم حتى نفس الشاصي, ومعروف أن الكايين عملي جداً, وهو أكثر سيارات بورش مبيعاً.

    الصيانه الدوريه كل 15 ألف كم, يعني تقريباً كل سنه, وبمبلغ معقول مقارنة بـ3 دفعات صيانه دوريه عند 5 الاف للسيارات الامريكيه او اليابانيه.

    قطع الغيار ممكن تكون غاليه حسب نوعها, والصيانه خارج الوكاله ما انصح فيها خصوصاً وأنها بورش.
    وتذكر أن مثل هذي السيارات إذا كنت مهتم فيها ومتابع صيانتها الدوريه ماراح تحتاج صيانه غيرها ان شاء الله, لأن الألماني فعلاً يريحك في هذي الناحية بسبب الجودة.

     
    1. البورش ٩١١ تصنع في شتوتغارت مصنع البورش الاصلي و الكيمين و البوكستر ايضاً
      اما الكيان و البناميرا فيصنعون في مصنع بورش في لايزينج عشان كذا قطعهم مشتركة مع الفولكسواجن و الاودي
      السيارة الوحيدة في بورش والتي لاتتشارك بأي قطعة مع السيارات الشقيقة الاخرى وتصنع وفي شتوتجارت بالكامل هي ٩١١ بلا شك

       
    2. شكرا كابتن حاتم على التوضيح

       
  6. عبدالرحمن

    ازيد عالاخوان ان الوكاله عندها عرض على الكايين و البنميرا صيانة ١٠٥ الاف او ٥ سنين مع ضمان على السيارة ٥ سنين مفتوح الكيلومترات و بامكانك تشتري برنامج صيانه بمبلغ ٧ ريال تقريبا بيرحك و بيوفر عليك

     
  7. البورش لاتشتري الا الجديد اغلب الي يبيعون البورش تكيون فيها اعطال بسسب سوء الاستعمال خصاتاً اذا لم يفعل صيانة ال 60.000 كم

     
    1. ١- تكون

       
      1. ٢- خاصتاً

         
        1. معقولة مشاكله وهو ماتعدى ال ٦٠٠٠٠ كم ؟
          حتى لو فيه سوء استخدام المفروض يتحمل لانه توه جديد

           
  8. الكيان و البناميرا يتشاركون قطعهم من الفولكس واجن طوارق و فيتون اي تصنع في lipzig في المانيا اما الكريرا فتصنع بالكامل في بورش شتوتغارات وجميع قطعها بورش شف شعار البورش مكتوب عليه شتوتجارت ودأما الجديدة افضل وخاصتاً بورش اعرف واحد معه كيان دفع ٨٠٠٠ صيانة و واحد معه كريرا دفع ٢٠٠٠٠ الف صيانة والوكيل ماحد يمدحه بتتعب اسأل ملاك البورش و الفولكس واجن والاودي بتلقاهم يسبون وليلعنون فيه بيكرهك في السيارة وهاذي نصيحتي لك

     
    1. اخوي الكاسر شكرا على الإفادة
      لكن الوكيل ماراح اعتمد عليه ابدا
      والصيانه راح تكون برا الوكالة ان شاء الله

       

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة