السلام عليكم يا اخوان ، انا محتار وماعندي أحد أخذ منه الرأي والنصيحه .
انا عمري ٢٤ سنه وعزوبي وأسوق ابيكا ٢٠٠٦ من الجامعة وابي اشتري سيارة جديدة عن طريق البنك ، والدفعة الأولية عندي حوالي ٢٠ الف .
الشغلات الي احتاجها :
سيارة فيها قوة ، لازم ٦ سلندر ، لأني تعبت من كومة الحديد الي معي
وابي سيارة كشخة وشكلها رائع بحكم اني عايش على الأبيكا فأبي سيارة أكشخ فيها وشبابية
راتبي حاليا ٥ ألاف ونصف ، وخلال عدة شهور بيوصل تقريبا ٧ انشالله (ادعولي بس)
في بالي عدة سيارت بس اقرب شي التشارجر الـ ٦ سلندر ، أظنها حول الـ ١٣٠ ألف من الوكالة ، شكلها جدا جدا عاجبني ومكينة ممتازة بالنسبة لي خصوصا جاي من أبيكا هههه . ومن داخل شاشة واكسسوارات تفتح النفس
ايش تنصحوني ؟ وهل هناك عوامل أخرى غابت عن بالي المفروض أنتبه لها ؟