مارئيكم ب كدلك ats او cts من الافضل ولماذا ؟

334
6

اسعار قطع الغيار و تحملها وقوتها

عن الكاتب

6 تعليقات

  1. اول شي اعذرني لأني ناوي اكثر عليك كلام يا نواف بس السيارتين كويسات و يمكن احسن سيارتين تسويها كدلك بس مين الافضل هذي ترجع لك انت ورغبتك... بمعنى اول شي ميزانيتك تحدد شي كبير من الموضوع و ثاني شي رغبتك يعني انت تبي السياره الكبيره او اللي اصغر منها؟ و ثالثا شكل السياره مع انهم يتشابهون الى حد ما...

    من ناحية الميزانيه فبما ان الats اصغر فبتكون اقل سعر لما تشتريها و صيانتها و قطع غيارها.. يعني تببدأ اسعار الِATS من حول 130 الف اما الCTS الظاهر انها تبدا ب170 الف (بسمنيب متأكد من السعر مجرد ارقام تقريبيه) فشف انتكم ناوي تدفع و كم يناسبك,

    بالنسبه للسياره و حجمهاو قوتها... الCTS كبروها اكثرمن اول فتناسبك اذا تبي تشيل معك اهلك او اخوياك دايم اكثر من الATS يعني لو تقارن السيارتين فكأنك تقول BMW الفئة الثالثة و الخماسةاول لكزس is و es مثلا ففي فرق ملحوظ بالذات للي بيركبون ورا و غير فرق الحجم فCTS دفع خلفي و الATS امامي او رباعي و ذا النقطه ات الحكم فيها مع انه الخلفي افضل من الامامي بشكل عام فاذا نويت تاخذ الATS خذها رباعي افضل اما المكاين فهي وحد من ثنتين للCTS و الِATS يا مكينه 4 سلندر بالتيربو و هذي تعطيك حول 270 حصان او 6 سلندر ب320 حصان تقريباكلها ارقام كويسه و على ما اعتقد ال6 مشبوك بقير ثمان نمر اما ال4 بقير 6 نمر ,, خلاصة وجع الراس ذا انه السيارتين قريبين من جهة القوة جدا .

    اخيرا الشكل و اللي هو ماخذ نفس الفكره في السيارتين بس برأيي الATS شكلها ارتب شوي من الCTS كشكل خارجي اما الداخليه تعتمد على ذوقك... اوكي الCTS افخم حبتين و موادها افضل من اللي موجوده في الثانيه و طبلونها شاشة مب عدادات و ذا كله شي طبيعي بحكم فرق السعر لكن انت و وش تهوى , اذا تبي فخامه و الالوان اللي على بني و بيج و خشب اشوف انها تضبط مع السي تي اس اكثر اما اذا تبي شي اكثر رياضيه و الوان على احمر و اسود و ديكور بشكل الكاربون فايبر فاشوفها تضبط على الATS اكثر (مع انها تتوفر في السيارتينعلى حد علمي) بس مجرد راي و رايك هو اللي يهم في الاخير...

    داري طولت عليك و طفشتك و يعطيك العافية انك قريت الى هنا بس في نقطة اخيره اللي هي تحملها, هذي جدا مهمه دام انك تتكلم على امريكي بشكل عام و بالذات كدلك... اذا انت من النوع اللي تتعب السياره و تكرفها ترا الكدلك مهيب ساكتة لك 🙂 اقصد لازم تكون مهتم و ما تكرفها لانها حساسه الى حد ما بالذلت سالفة القير و المكينه الله يفكك من شرهم لكن اذا كان لابد من الكرف ولا عندك نيه تخفف عندك السيارات الثانيه اللي كتبتها لك فوق بغض النظر عن الشكل... BMW لان عندهم ضمان شامل الصيانه لمدة خمس سنين و سمعت عن ناس مددوا شنه او سنتين زياده بعد فكذا تطيح عن بالك سالفة قطع الغيار و الخرابات لمدة اقل شي 5 سنين او 100 الف كيلو...اما الثانية و هي لكزس صح بتدفع حق الصيانه مثل كدلك لكن تتحمل الكرف اكثر و خراباتها اقل و في اشياء ابسط و كلهم في نفس مجال الاسعار هذي او تزيد عن االكدلك بشوووي بس عموما الله يوفقك و ييسر لك بالافضل و الف مبروك مقدما

    + 0- 0
  2. شوف يالحبيب السياراتان قرات عنهم في عدد توب جير العربيهوتعتبر تحسين كبير لكالاديلاك عن الموديلات السابقه لانها تريد المنافسه بقوه ويعتر انهم بدايه كاديلاك الجديده لذلك وضعت فيه خبرتها حتى تستطيع منافسه الطرازات الاقوى على صعيد قطع الغيار فكاديلاك معروف بارتفاع اسعار قطعه على. صعيد الاعتماديه السياره جديده في السوق وسوف تكون افضل من الطرازات السابقه من كاديلاك لكن لانعلم ان كانت اعتماديه فعلا او لا ats تصنف من السيارات الصغيره الفخمه. وبصراحه هناك بدائل قويه جدا مرسيدس الفئه سي الجديده رائعه كالعاده شكل جميل جدا مستوى ركوب وانقياديه افضل من الامريكيه كالعاده سياره حديثه جدا لذلك هي جاذبه للانظار اكثر وهناك بي ام دبليو الفئه الثالثه الافضل من حيث التحكم والانقياديه والاشهر على الاطلاق في هذه الفئه واللكزس is الجديده سيارع ممتازه على كافه الصعد لكن اخشن من الالمانيتين على الطرقات الغير معبده وصغيره من الداخل وهذا عيبها ولكن تحمل ميزات لكزس المعروفه في الهدوء والاعتماديه اضافه الى ميزه جديده وهي الثبات العالي على الطريق ويبقى ان تخبر الطرازات لتخرج بالانطباع النهائي عن الوكلاء cts لاشك انه ممتاز وسياره حديثه لكن البديل الالماني الفئه الخامسه قوي جدا الاثنان متقاربتان جدا والفروق طفيفه لكن ان اخذت الفئه الخامسه مع خيار cofort فالسياره حريريه وناعمه جدا على الطريق ومشهوره باعتماديتها العاليه اقصد خيار comfort oplus وتبقى انت من تحدد على حسب ميزانيتك

    + 0- 0
  3. تصحيح comfort plus

    + 0- 0
  4. faisal alsaif

    للتصحيح سيارة كاديلاك ATS دفع خلفي

    + 0- 0
  5. http://www.almuraba.net/news_view_27314.html

    مقارنة

    + 0- 0
  6. السلام عليكم
    أنا نوعا ما راح أنتقد إختيارك و السبب الوكيل(الجميح)
    أبوي كان له تجربة مع الإسكليد 2008 و كانت تجربة سيئة من ناحية السيارة كان فيها بعض المشاكل و الوكيل ما كانن يعرف كويس للسيارة (طفت السيارة على أبوي وهو في الشارع أكثر من مرة و حطوها أن بعد تبديل الكفر الإضافي لازم تسوي برمجة للكمبيوتر طبعا المشكلة أن تبديل الكفر صار في الوكالة) في النهاية جبنا السيارة على سطحة لباب الوكالة
    ما أعرف إذا الوكيل إعتدل ولا لسه بس إسأل عملاء كدلك الحاليين قبل تشتري السيارة
    بالنسبة لأفضل سيارة مالك إلى أن تجرب السيارتين و تشوف الي تريحك أكثر
    طبعا من ناحيتي أفضل ATS أفضل في المراوغة و للشوارع الضيقة و المواقف

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة