نصيحة عن التعديل ؟

196
6

السلام عليكم
اخواني انا عندي golf R32 stock

و كنت حابب اركب عليها turbo و اخليها stage 1 عند واحد متخصص

حابب اعرف رايكم و اذا تنصحوني بيه ولا لا

التكلفة تقريبا حوالي بحدود ٢٠،٠٠٠ و السيارة راح تزيد قوتها من ٢٥٠ حصان الى ٤٤٠ حصان

و لو في احد جرب من قبل ايش اكثر المشاكل اللي ممكن تواحهني

و شكراااااا

عن الكاتب

6 تعليقات

  1. فولكس واجن قولف سيارة حلوة للتعديل, خيار موفّق.
    وانا جيت عشان انصح انك تروح لمتخصّص بس ماشاء الله عليك حسبت حساب الشي هذا. هل هو متخصّص موثوق؟ وكيل حصري لشركة تعديل مثل PitStop؟ لأنه تركيب التيربو وراه اشياء ثانية. لازم تحسب حساب بودي السيارة, ونظام التبريد, ونوع التيربو والكومبرسور, ونفس طقم التيربو اللي بتركبّه. لكن ان شاء الله هذا كله تم تغطيته دام انك عند متخصّص موثوق.
    اللي انصحك فيه قبل ما تركبّه, مع اني اشوف انه وضعك تمام ان شاء الله, هو انك تسأل مجرّبين. طبعا تختلف انواع التيربو ويختلف عملهم على كل سيارة. دور عن اللي معاه مثلك ومركّب تيربو وشوف تجربته معاها. ان شاء الله تلاقي هنا اللي مركّبين تيربو ويعطونك تجربتهم.

    + 0- 0
  2. غير معروف

    اشكرك اخ يزيد على الرد
    هوا الشاب متخصص في تعديل السيارات الالمانية فقط يشتغل في الاودي و الفولكس و السيات
    اما بالنسبة للتيربو الشاب ماشاء الله عليه بيجيب من شركة CTS اللي هيا متخصصة للجولف و السيارات الالمانية و بتيجي القطع كلها في نفس الطلبية
    انا شفت عنده ماكينة واصلة 700 حصان راح تركب على جولف 4
    و راح ازور PITSTOP و اشوف التكلفة كم تقريبا

    و منتظر ردود الاخوة اللي جربو من قبل

    + 0- 0
  3. ابو عبدالعزيز

    السلام عليكم ، انا عدلت سيارة كانت عندي وصرفت عليها لطقم تيربو ٥٠ الف عند محل متخصص بالخبر !! بالاوتومول !!
    و عدلت البدي والجنوط كلفتني السيارة بالكامل ١٦٠ الف ريال تقريبا !! ملاحظة غيرنا كل شي المبردات وكل الاشياء جايه من افضل وكبر الشركات العالميه اللي تشوفو دعاياتهم ! والسيارة كانت المانيه !!
    ما اطول عليكم خربت السيارة ! وبعتها ٦٠ الف ريال ، يعني خسرت السيارة وقيمة التعديل ووقفت بالورشة تقريبا سنه ! وحرقة دم ! ملاحظة السيارة تتحمل تعطلها وتزيد قوتها شي بسيط ٢٠/٣٠ حصان ! فقط !! تبيها تدبل وتتحمل مستخيل ولو صارت كلها مشوارين ، وتشوف النتيجه ! واذكرني
    اللي يقولك بيدل اك سيارة ، يورينا يصنع سيارة ! سيارتك اذا مو عاجبتك بيعها وحط فلوس زياده وجيب اسرع واحلى سيارة ! تعديل السيارة ! زي اللي جزمته قديمة ويبي يلونها ويصلحها ويدفع عليها لاهي بتصير جديدة ولا هو مرتاح !

    + 0- 0
    1. اخوي ابو عبد العزيز شاااااكر جداااا على ردك
      بس يا ريت لو تفيدني معلومات اكثر عن التعديل اللي سويته على سيارتك ، ايش نوع السيارة ، نوع التيربو ، و كم حصان زادت السيارة ،

      و حابب اعرف اذا كان التعديل في المكينة كمان ولا كلها قطع تركيب بس

      و شكررررا لك

      + 0- 0
  4. ابو عبدالعزيز

    السيارة بي ام ٣٣٥ كوبيه ٢٠٠٨ ، كانت حمرا سويتها صفراء ، لها صور كثير بسعودي اكزت ، وغيرها من الصفحات ، التيربو هي اصلا تجي توين تيربو ، شلتهم وركبت مكانهم تيربو اكبر من شركة امريكيه اسمها asr موجوده لهم يوتيوبات ، يخلو نفس الماكينه تطلع بقوه خرافيه ! وبعد ماركبتها .. وبرمجوها بسكل سلبي جدا وركبت عليها كامل القطع من المبردات والاكزوست وغيرها ، وركبت مضخه خاصه للميثانول ، ايضا ، هي كانت ٣٠٠ حصان بالكاتلوج ، على الداينو جابت تقريبا ٢٦٠ حصان ، شي كذا ، بعد ترميب القطع وصلت ٤٥٠ يمكن او اكثر !!! بس كلها مرة اللي في الداينو وبعدها خربت وطلعت دخان ابيض ، وخرب التيربو ورجعت القديمين ، وصلحت وبدلت وعدلت ! مافي فايدة ! ريحت راسي ورميتها ! كلها !! السيارة ماتتحمل اكثر من كم حصان اللي هم مقفلينها بالمصنع لحد معين ، اللي لاتخرب مع الاستخدام الطويل ! لكن ممكن تزيد ٥٪ من القوة او اكثر او اقل ما اعرف ! الاخ يزيد صاحب الموقع هو اللي يفيدنا صح ! انا

    + 0- 0
  5. 190 حصان زيادة
    من جد قوة هائلة
    اذا عدلت السيارة حط في بالك انك ما تستخدمة كثير
    و لو كان يمديك تحط سوبر شارج بدل التيربو يكون افضل
    لان عملية تركيب السوبر شارج سهلة
    ركب و توكل على الله

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة