هل ماسمعته عن كيا صحيح؟

10866
8

السلام عليكم
انا كنت ناوي اشتري لي موتر كيا اوبتيما بس احد الاقارب قال لي (ان اسعار قطع الغيار غالية جدآ و لو نويت تبيعها ماراح تجيب لك سعر مناسب , واختر لك سيارات يابانية او امريكية واترك الكورية)

هل كلامه صحيح ان اليابانية تتفوق على الكوري , وهل بالكورية فيها عيوب

 

عن الكاتب

8 تعليقات

  1. لكوري بدأ يتحسن بشكل كبير، وبدأ يصير افضل من الياباني. بالذات كيا، في السنتين الاخيرة كيا ابدعت جدا جدا. كل معرض سيارات تظهر فيه تبهر فيه الكل. تصاميمها اتحسنت، جودتها اتحسنت، صارت رائعة جدا.
    اما الياباني، ما باقول صار اسوأ، ولكن تقدر تقول انه محله، ولا هو راضي يتحسن. ولو ترجع لاخبار السيارات الجديدة من تويوتا تلاقيها كلها انتقادات بالتصميم والجودة، من ابرزها كامري اللي حصلت على اسوأ تقييم في السلامة. اذا تبغا ياباني خذ نيسان او هوندا، هذي الشركتين هي الافضل.
    المبلغ اللي تجيبه لك بعد البيع هذا مو مقياس للسيارة ابدا ابدا، ما انصحك تعتمد عليه، لانك لو تعتمد عليه ماحتلاقي غير الياباني اللي يبقى على سعره.
    بالنسبة لاسعار الصيانة، ماعندي خبرة والله يساعدوك الشباب ان شاء الله.
    طبعا انا اتكلمت بشكل عام، الكوري بدا يتحسن بجد وبالبذات كيا. لكن اذا تبغا ياباني خذ نيسان او هوندا، هما اللي الى الان باقيين في تحسن اكثر من تويوتا.
    نصيحتي لك ببساطة، اعطي الكوري فرصة، روح جرب اوبتيما. ولا تخلي سعر السيارة بعد الاستخدام مقياس لك، انت اهم شي تكون انبسطت بها واشتريت اللي مرتاح له. واذا قررت على اوبتيما انصحك تنتظر لانه موديل 2014 قريب يوصل ان شاء الله.

     
  2. youssef alkahlout

    وعليكم السلام ورحمة الله وبركاته

    السيارات الكورية بدات في الاعوام الاخير بالتطور السريع والمذهل وبدات تقدم سيارات ناجحة جدا وذات مواصفات اوروبية

    وبالنسبة للاسعار ما بعد البيع اشوفها جيده جدا في اسواق المملكة العربية السعودية
    وبالنسبة لقطع الغيار ليست مبالغ فيها وقريبة جدا من الياباني
    والاخ يزيد كفا ووفى من ناحية التصميم والجودة
    ومن رايي الشخصي ان تطرح سوال بالمبلغ الذي تود الشراء بها وماهي احتياجاتك الاساسية في السيارة وسيقوم الشباب بطرح الخيارات والمميزات لك في كل خيار

    والقرار الاخير لك والله يكتب لك مافيه الخير

    تحياتي وتقديري لك

     
  3. طيب المبلغ الي معي هو 100 الف ,, هل يكفي سعرها ؟ وهل فيه موضوع هنا يتكلم عنها ومواصفاتها ؟

    وابي اعرف سعر الدرجة الاولى وسعر الدرجة الثانية ,, واكون شارك لكم 🙂

     
    1. في محركين لكيا اوبتيما, سعة 2.0 او 2.4. وهذي اسعارها حسب مالقيتها في المواقع.
      الفئة الاعلى من 2.4 سعرها في حدود الـ 96 الف.
      والفئة الأقل من 2.4 سعرها في حدود الـ 88 الف, تكون مثل الفئة الأقل من محرك 2.0 لكن بسقف بانوراما.
      واعلى فئة من محرك 2.0 سعرها حوالي 74 الف ريال, هذي تكون بجنوط ولمبات LED.
      اقل فئة من اوبتيما هي بمحرك 2.0 لتر, وفي موقع وكالة الجبر مكتوب انه سعرها يبدأ من 61300 ريال مع 1389 ريال رسوم.
      الله يبارك لك في اللي يجيك, بس باذكرك انه موديل 2014 نازل وفيه تحديثات تخليه احلى من 2013, اذا قررت على اوبتيما فكّر في انتظارك للموديل هذا.
      شوفها هنا في تغطيتنا لمعرض نيويورك:
      https://www.saudishift.com/2013/2014-kia-optima/

       
      1. يعطيك العافية ..
        بس الي ذكرتها لي اسعار 2013 ,, تتوقع اسعار 2014 بتكون اعلى ؟
        وهل الفئة الاعلى من 2.4 بيكون فيها فتحة سقف من فوق ؟
        وثانيا كل سيارات اوبتيما 4 سلندر هل فيها 6 سلندر , لان حسب مااعرفه 4 سلندر مايصلح للسفر بسبب ضعف المكينة وعدم تحملها اما 6 ومافوق تتحمل

         
        1. ايوا صحيح هذي اسعار 2013, موديل 2014 لسا ماوصل الأسواق لكن قريب بإذن الله. وما اتوقع تتغير اسعارها بشكل كبير. وفئة 2.4 اعتقد الاثنين فيها فتحة سقف.
          وبالنسبة للمحرك, مافي 6 سلندر, اللي موجود 4 سلندر فقط. في موديل 2014 المفروض يوصل لنا محرك 4 سلندر بتيربو جديد, يولد قوة محرك V6. وبالنسبة لتحمله, هذي مسألة اسلوب قيادة واهتمام في السيارة, محرك 4 سلندر يتحمل السفر, كثيرين الناس اللي ارزاقهم في توصيل الناس بين المدن وسياراتهم كامري وكورولا وسوناتا, وبمحركات 4 سلندر.

           
  4. في كثير من الوقت سعر السيارة عند البيع يعتمد على كثير من الامور منها كيفية استخدام السيارة والمحافظة على السيارة والصيانة الدورية لذلك السعر لا يعتمد في كثير من الاحيان على نوعية السيارة بل يعتمد على مدى المحافظة عليها.

     
  5. يا اخ يزيد تقول:إذا تبغا ياباني خذ نيسان او هوندا,هذي الشركتين هي الافضل طيب . ونسيت شركة سوبارو اللي تتفوق على جميع المنافسين ياباني كوري امريكي وتحرج اللكبار في اتسارع وثبات واختبارات اتصادم وجودة المواد المستخدمة

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة