بوقاتي تعاني في التخلص مما تبقى من فايرون جراند سبورت

154
21
@يزيد سبحي

webvitesse

نشرنا مسبقاً تقرير عن تحليل يكشف ان فولكس واجن تخسر حوالي 23.5 مليون ريال سعودي في انتاج فايرون, لذا عدم تمكّنها من بيع النسخ المتبقية منها يجعل الأمر اكثر سوءاً.

تبقى من فايرون جراند سبورت 40 سيارة, مجموع اسعارها يعادل 85.6 مليون دولار, اي حوالي 321,025,680 مليون ريال سعودي. لهذا السبب, افتتحت بوقاتي نهاية العام الماضي برنامج Dynamic Drive Experience الذي يوفر تجارب قيادة لمشترين بوقاتي فايرون المحتملين. يستطيعون قيادتها في الطرق العامة او في مدرجات هبوط الطائرات في المطارات.

اكدت الشركة انها ستقوم بانتاج بديلة فايرون, ولكن ليس في المستقبل القريب. تتوقع الشركة ان تتخلص مما تبقى من فايرون جراند سبورت خلال 12 شهراً.

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

21 تعليقات

  1. السيارة ثمنها فلكي خلهم ينزلون نصف سعرها وراح تبيع باقي النسخ !! (( لو هم مستعجلين ع البيع ))
    السيارة خارقة ماعليها كلام بس شكلها يمكن مايعجب المليارات وانا منهم
    لو يخلو شكلها اكثر قوة و عصريا راح يكون افضل يعني غريبا ع بوقاتي تدفع مليارات ع تطوير السيارة ومايقدرون يخلو شكلها رائع 🙁

    + 0- 0
    1. نفس كلامك قبل ما شفتها على الطبيعه
      انت شفها في الطريق وراح تتغير نظرتك لها
      الصور حتى لما تشوفها في المعارض غير لما تشوفها تمشي قدامك

      + 0- 0
  2. abdullah.alaqeel.7

    اذا تورطوا مره ان شاء الله ما فيه مشاكل

    يرسلون لي ثنتين وخلاص

    + 0- 0
    1. طيب وباقي ال38 نسخة ؟ ما بتاخذهم وتوزعهم على عيال الحاره ؟

      + 0- 0
  3. طيب يرسلوا لي وحدة و أنا أفكهم منها

    + 0- 0
  4. LOL إن شاء الله يجي واحد من امرائنا يفزع لهم ويكتب لهم شيك وياخذ النسخ الباقيه يوزعها على اخوياه P:

    + 0- 0
  5. ملك الطاره

    شكل الجنط ما عجبني عشان كذا عيت اشتريها

    + 0- 0
  6. شيخ المعارض

    لازلت أرى هالسياره أقل من المستوى اللي المفروض تكون فيه
    يعني محرك ١٦ اسطوانه وبسعة ٨ لترات وأربع توربو
    ومع ذلك بالكثير تطلع ١٢٠٠ حصان !!!!
    أشوف هالشي فشل لمهندسي هالسيارة

    + 0- 0
    1. بأعرفك على سيارة, اسمها لامبورغيني ميورا. كانت السيارة بمحرك V12 اقصى قوة له كانت 380 حصان! هذي تطلع من اربعة سلندر اليوم!
      ما اقصده من ذكري للسيارة يا اخي, انه العالم يتطور. بوقاتي فايرون بدأت من عام 2005, يعني يبقى لها سنة ويصير عمرها 10 سنين. فكر فيها, في 2005, كم سيارة كانت موجودة وقوتها 1,000 حصان من محرك مصنعي؟ بوقاتي فايرون اعجاز في صناعة السيارات. سجلت ارقام قياسية ومازالت تحتفظ بها بعد 9 سنين! وبعد هذي السنين مالقت غير منافسة واحدة حقيقية اللي هي كوينجسيج اجيرا.
      المهندسين يفتخرون بهذي السيارة, وهي فخر للصناعة. وراح يبهرونا اكثر ببديلتها, بدون شك عندهم استطاعة يسوونها.

      + 0- 0
      1. شيخ المعارض

        شكرا على التعقيب
        بالنسبه لسنة الانتاج والتقنيات
        في عام ٢٠٠٦ كان فيه سيارة koenigsegg ccx بمحرك ينتج مايقارب ٨٠٠ حصان من محرك ٨ اسطوانات بسعة ٤.٨
        قارن محركها مع محرك البوغاتي بتلاحظ فرق هائل .
        بوغاتي احترم فيها انسيابية السيارة وتماسكها بسبب تصميمها اما المحرك فلازلت اشوفه اقل من المأمول

        + 0- 0
        1. السيارة التي ذكرتها تثبت تظريتي بشكل اكبر, نسيت تذكر انه CCX كانت مزودة بسوبرتشارج ثنائي.
          واليوم؟ كوينجسيج اجيرا تجي بمحرك V8 ثنائي التيربو قوته 1,000 حصان.
          مثل ماقلت لك اخي, الصناعة تتطور, وانت نظرتك لفايرون ومقارنتها باليوم خطأ, انظر اليها كسيارة من عام 2005 بمحرك 1,000 حصان. اعتقد انه لو بوقاتي نزلت سيارة بأربعة شواحن تيربو اليوم راح تكون اقوى من 1,600 حصان.
          انا ما بافتح موضوع للنقاش, باثبت فقط انه نظرتك ظالمة لحق هذي السيارة المعجزة في عصرها.

          + 0- 0
          1. صراحة أنا أوافق كلام الأخ شيخ المعارض
            ليه أنظر لسيارة جديدة 2013 على انّها 2005 وأقول وااو سيارة رائعة ، كذا تلعب على نفسك أخوي
            صحيح في عام 2005 كانت جبارة
            لكن الصناعة تتطور على قولتك
            كان بمقدورهم بالسنوات الأخيرة انّهم يطورون المحرك
            بدلاً من بقاءة بهذا الحجم الكبير والسلندرات الكثيرة والقوة الحصانية القليلة بالنسبة لحجم المحرك

            + 0- 0
        2. اللي فهمته من كلامك يا اخي اسامة اننا نجحد اي ابتكار حصل قبل عامنا الحالي؟
          مكلارين F1, سيارة اسطورية صحيح؟ بنظريتك اللي تقولها لي المفروض نقول لا, لأنها على فهمك سيارة قديمة من التسعينات, ليش نعترف بها في 2014؟ ومحركها V12 بس بقوة 627 حصان. هل هذا كله مبرر عشان نقول عنها سيئة؟ لأننا في 2014 بس؟
          خلينا ناخذ سيارة احدث, لامبورغيني جالاردو اللي توها اتوقفت. لها عشرة سنين بمحرك V10 بقوة 560 حصان بس! بديلتها هوراكان نزلت بنفس المحرك ولكن تعدت قوته 600 حصان. على كلامك المفروض نقول ان جالاردو سيئة, ليش ماطوروها؟ ليش ما خلوها اقوى؟
          لمن اتكلم عن سيارات فاخرة مثل مكلارين ولامبورغيني, نتكلم عن سيارات تدوم سنين مو عشان قوتها. واذا بوقاتي فايرون افخم واقوى, تتوقع سهل يحسنوها كل سنة؟ هذي السيارات يا اخي سيارات نادرة, وجدت لتضع اسطورتها, مو لقوتها. اذا واحد فكره يشتريها راح يكون بسبب اسمها مو قوتها.
          بعدين لا تنسى, هي طلعت في 2005 بس كم سنة كانوا شغالين عليها؟ ولا طلعت السيارة فجأة؟ واحد حلم في يوم انه يركب 4 تيربو في سيارة وسوها اليوم الثاني؟ لا يا اخي استمر تطويرها سنين.
          سيارات غالية في التطوير يا اخي اسامة, مو بسهولة يقولوا يلا نغير المحرك نخليه اقوى. فيه تضحيات, لازم يغيرون تصميمها, عجلاتها, مكابحها, نظام تعليقها, اجهزة انسيابيتها. وبدل ماتسوي هذا كله في سيارة حالية ماتضمن تبيعها, تسويها في جيل جديد بمواصفات افضل واقوى. مثل ماحصل مع جالاردو, لامبورغيني ما جددت قوتها الا مع بديلتها, عشان يكون كل شي جديد وتتأكد الشركة انها مليون بالمية راح تبيع.

          + 0- 0
    2. بوقاتي تقدر تجيب +3000 حصان بس عشان السلامة !!!
      شف فديو التصنيع

      + 0- 0
    3. الي اعرفه ان بوقات تقدر تطلع من هذي المكينه وبالاربع توربو ضعف ال 1200 حصان لاكن بسبب ان الكفر مايتحمل + السلامه خلو المكينه تنتج 1200 حصان فقط

      + 0- 0
      1. الشركة صرحت أنها كانت تبغا تخليها 3000 حصان لكن عشان ان الحرارة ارتفعت بزيادة عن اللزوم فكان المصنع بيحترق وقالو تخليها ما بي 1001 و1200 حصان عشان سلامت الركاب

        + 0- 0
  7. عشان كذا الواحد يشتري gt r وخلاص 🙂

    + 0- 0
    1. كلام جميل
      ليش اخس فلوس على بوقاتي

      + 0- 0
  8. اذا ممكن يقسطونها
    فانا شراي

    + 0- 0
  9. مشكلة المكيف مو بارد ولا كان اخذتها

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة