بوقاتي Galibier مازالت لديها فرصة لإنتاجها

359
13
@يزيد سبحي

مضت 5 سنين منذ ان كشفت بوقاتي عن سيارتها الإختبارية Galibier, ومن ذلك الحين لم تؤكد الشركة انتاجها, بل ان رئيس بوقاتي التنفيذي اكّد ان السيارة ستؤثر بشكل سلبي لـ “فلسفة الشركة”, ومؤكداً انه “لن يكون هناك بوقاتي بأربعة ابواب”. ولكن, رئيس بوقاتي الجديد له رأي اخر وفقاً لـ Automotive News.

يقول الرئيس التنفيذي الجديد لبوقاتي السيّد Wolfgang Duerheimer الذي استلم مسؤولية المنصب في ابريل الماضي “المشروع مازال على الجليد”, اي ان فكرة انتاج السيارة مازالت معلّقة. وقال ايضاً انه يعود للنظر للسيارة الإختبارية على نحو دوري.

قبل ان يقوم الرئيس التنفيذي السابق باحباط الفكرة, انتشرت اشاعات بأن السيارة قد تحصل على محرك W16 بقوة 1,340 حصان, وقد تصل سرعتها القصوى لحوالي 375 كم/س.

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

13 تعليقات

  1. ليش تبذير الفلوس عشان اسم بوغاتي
    لكزس LS460 وانتهت المشكلة

    + 0- 0
    1. سامي المالكي

      الي اعطوك ديسلايك هم اصحاب ثقافة التطبيل عشان الاسم نعم بوقاتي سياره اسطوريه لاككن كما قال الاخ اللكزس افضل ليس من ناحية السرعة لاكن فلنكن واقعيين هي افضل راحة امان عملية سعة ومعقولية اما البوقاتي فاقسم بالله محد يشتريها عشان سرعتها بس اسم زي ساعه هوقو محد يشتريها عشان تطلع لك الوقت بس كشخه الا تحسبون الناس يشترون البوقاتي عشان سرعه اها هدا اد جتهم فرصه في ظل وجود كيمرات مراقبة السرعه والزحمه وغيرها في الحقيقة انا ماقول ان البوقاتي جودة وصناعة وتاريخ واسم وعلامة لاكن الصدق وش الاولى اشتري جوال بثلاث الاف فيه غير الساعه تطبيقات وكاميرا وتلفون ولاساعه يد الثلاث الالاف الي تسواها بس عشان يقولون الناس عنك كشخة الاوهي ساعه مغير تطلع لك الوقت ختاما هدا رائي الشخصي وانا انسان عندي مبدأ سياره تجيبني وتوديني وموب معناها ابخل على نفسي واشتريلي كرسيده 80 لا استحسن في نفسي اشويه واكون وسطي لامبدر ولا بخيل

      + 0- 0
      1. كل واحد وله وجهة نظر .. وكل واحد اعلم بإحتياجاته وظروفه ... لكن اللي بيمتلك بوقاتي او غيرها من السيارات الغالية غالباً ما يكون هدفه التميز وندرة السيارة .. ما يبغى احد يكون افضل منه ..وبعض الاحيان تكون استثمار .. يعني يشتريها ويحافظ عليها لمدة طويله يمكن يرجع يبيعها بسعرها او اكثر على حسب ندرتها ورغبة المشتري .. صحيح الواحد ما يكون مبذر ولا بخيل .. لكنك ما تدري وش هدفه

        + 0- 0
        1. سامي المالكي

          القناعة كنزا لايفنى واقسم بالله ماراح تتميز في هالزمن المال والماديات واد تميزت يوم يومين ولا واحد جاب احسن منك الواحد المفروض يتميز بالعلم بالدين موب بماديات الواحد يتميز بشيء يخلي حياته لها قيمة ابشتري بوقاتي سنتين ونزلت مكلارين اشتري الاخر دبل السعر سنتين وكوينغسغ جت وهكدا لاتجاكر الزمان نصيحه

          + 0- 0
          1. انت الان قاعد تتكلم بنائا عن حياتكم وبيئتك الي عايش فيها وظروفك الماديه ترى في غيرك كثير عنده المليون كانه مية ريال زي هذا ماراح تفرق معاه اذا اشترى سياره سعرها حتى لو 10 مليون لان هذي الحياه الي عايش فيها .. وارد عليك واقولك ياما ناس كانو عاديين ولما جاتهم فلوس تغيرو 180 درجه ولو تجيك ثروه كبيره متاكد راح يتغير رايك وتاخذلك سياره فوق المليون

            + 0- 0
          2. سامي المالكي

            ياخي انا ماقلت ان مافيه ناس عندها مليارات ان اتكلم عن الناس العاديين الوسطيين اسالك بالله لو جبت لكزس ال اس وبوقاتي مسالة اختيار وقلتلهم وش السياره الي تختارها طول حياتك راح يقول اللكزس انا قلت لو ماعنده الا هالسيارتين المسالة ميب مسالة ان الغني يقدر يجيب بوقاتي ولا لا المسالة من الافضل معك طول الحياه

            + 0- 0
  2. لستُ متعصب ولكن!!

    بلا فلسفه انت وياه كلن يمد ررججججله على قد لحافه تطالع فوق تنكسر رقبتك خلك على الأمريكي والياباني والكوري بعدين لا فكرتو تشطحون بالالماني اشطحو ب مستعمل والايطالي والفرنسي لا جيت تنام احلم فيه مجرد حلم آسف على الحقيقه المرره

    + 0- 0
  3. شركة بوجاتي منذ تأسيسها وهي متخصصة بالفخامة المفرطة والعدد المحدود
    جميع سياراتها بعدد محدود
    لذلك كان لابد ان تستمر بهذا التخصص للحفاظ على سمعتها
    وهذا سبب شراء شركة فولكس واجن لشركة بوجاتي

    + 0- 0
  4. اي والله تقولي اللكزس افخم هاه !؟
    ههههههههههههههههههههههههههههه
    الحمد لله يا رب على نعمة العقل
    استحي اقارن اللكزيس بالمورسيدس ولا البي ام دبليو

    + 0- 0
  5. الحين وش جاب اللكزس للبوغاتي انا اقول s class احسن من ذي

    + 0- 0
  6. يارجل غير كذا يركب سيارة فخمة بسعر ماتستاهل ويكسر قلوب المساكين كل اللي يركبون بوغاتي ولمبورغيني وغيرها اشتروا السيارات
    هذي عشان يتفاخرون والله بيسأل بيوم القيامة عن ماله في ما افناه

    + 0- 0
  7. انا معجب جدا بداخليه هالسياره
    خصوصا الكونسول الوسطي جدا فخم
    اما لو باقاني تسوي سياره اربع ابواب ! الله

    + 0- 0
  8. كلام سليم لكن إذا كان الواحد أدى حق الله في الزكاه وكان الله فاتح عليه ومتواضع! فليش لأ.

    http://m.youtube.com/watch?v=oTgoj6SNfVc

    هذه باناميرا 16 سليندر !

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة