شيفروليه كورفيت Z06 2015 الجديدة هي اقوى سيارة من جنرال موترز على الإطلاق بـ 650 حصان

794
74
@يزيد سبحي

اعلنت شيفروليه عن ارقام اداء شيفروليه Z06 2015 الجديدة كلياً, وكشفت ايضاً انها اقوى سيارة تخرج من جنرال موترز.

شيفروليه كانت تحتفظ برقم ادائها منذ الكشف عنها في ديترويت هذا العام, فعندما كشفت عنها قالت انها “تولد اكثر من 625 حصان”, دون تحديد الرقم الحقيقي. واليوم, كشفت شيفروليه ان محرك كورفيت Z06 ذو الـ 6.2 لتر V8 يولد 650 حصان, و 650 رطل/قدم من عزم الدوران.

مقارنة بالسيارات السوبركار الأخرى, كورفيت لديها عزم دوران كبير. فبالنظر الى فيراري بيرلينيتا رغم عدم منافستها لها, تولد بيرلينيتا عزم دوران اقل من كورفيت Z06 بـ 28%, رغم انها تولّد 12% حصان اكثر من كورفيت. ومقارنة بالمنافسة المباشرة بورش 911 تيربو S, قوة كورفيت الحصانية تتعداها بمقدار 90 حصان.

ومقارنة الجيل السادس السابق, كورفيت Z06 اقوى بـ 40% من Z06 الجيل السابق ذو محرك الـ 7.0 لتر, واقوى بـ 7.5% من الفئة ذو محرك السوبرتشارج ZR1. ومن ناحية القوة الحصانية, Z06 2015 اقوى بـ 29% من محرك Z06 الجيل السابق, ويزداد عدد احصنتها بمقدار 12 حصان من ZR1.

تنتقل الـ 650 حصان المذهلة الى الإطارات الخلفية عبر ناقل حركة اوتوماتيكي من 8 سرعات, ووفقاً لجنرال موترز نسبة تبديل السرعات فيه اسرع من افضل ناقل حركة ثنائي الكلتش. وكورفيت Z06 2015 هي من السيارات القليلة في فئتها التي توفر ناقل حركة يدوي.

ستتوفر كورفيت Z06 2015 الجديدة كلياً في الأسواق في الربع الأخير من هذا العام.

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

74 تعليقات

  1. أرقام قويه للوحش الامريكي الله يسعد من يتمناها ويرزقه بأحسن منها

    + 0- 0
    1. وش قوية صراحة ارقام محبطة
      يعني شيلبي ٦٦٢ حصان
      وسوبر سنيك ٨٥٠ حصان

      صراحة مدري ليش شيفروليه خلته ٦٥٠ حصان

      + 0- 0
      1. بس السيارة تصميمها روووووعة

        + 0- 0
        1. مين قآل لكك آن الـ سسوبر سنيكك 850 ؟!

          رآجع معلوماتكك

          + 0- 0
      2. اقرا المقال زين ..بلغه الارقام المحرك افضل من 911 ومن فيراري
        ثانيا محرك الشبابي محرك سوبرتشارج…

        + 0- 0
      3. أتحداك تجيب سيارة قوتها و عزمها متساوين ?

        ما قدر أقولك غير انتظر تجاربها على الحلبات وشوف شغل 650 حصان

        + 0- 0
        1. للمعلوميه فقط : في سيارات عزمها أعلى من عدد أحصنتها

          + 0- 0
      4. العبرة مو في الاحصنة يا مخ .. ياخي في ناس مخها تنكة جدا !! لا تعليق ع مخك الناشف

        + 0- 0
    2. في فرق لما اقول السيارة تنفس طبيعي 650 حصان
      ولما اقول 650 حصان تربو او سوبرتشارج
      تربو و السوبرتشارجر تدخل هواء زيادة للمكينة وهاذا يجهدها و يقلل عمرها
      التربو يحرق البستن حرق
      والسوبرتشارجر يجهد عمود الكرنك

      + 0- 0
      1. الكورفت سوبر شارج عليه + السوبر سنيك ماهو نوع رسمي السوبر سنيك من شركه بورلا

        + 0- 0
  2. محمد الراشدي

    قوة جبارة

    ننتظر الكشف عن التسارع وغيره

    + 0- 0
  3. جبّاااارة ماشاء الله
    بانتظار أرقام الأداء ،، واضح انها ستضرب المنافسين

    + 0- 0
  4. هل كشفو عن التسارع من 0 الى 100؟

    + 0- 0
  5. تتوقعون بتنزل بكم ؟

    + 0- 0
  6. سياره خرافيه الواحد يعلق مخه اذا جاء يوصفها!

    + 0- 0
  7. الله يرزقني بها

    وكل من يتمناها
    امييييين

    + 0- 0
  8. السياره مزوده ب تيربو اعتبر قوتها وعزمعها طبيعين وعاديان نظرا لحجم المكينه اعتقد على جنرال ظوتورز ان تركز على سيارات تتسم بالجوده ولقدره على الاستخدام اليومي

    + 0- 0
  9. لا اله الا الله..
    يعني لازم تخربون أي شي يطلع لازم تسبونه ما يرتاح ضميرك انت واشكالك لين تذمون الشي.
    موب انت اللي تعلم شفروليه وجنرال موتورز شغلهم.

    + 0- 0
    1. انا واشكالي اجل .. واحد قليل ادب فعلا

      + 0- 0
      1. ما أشوف قلة أدب في الموضوع .
        تشوف أني سبيتك في (انت واشكالك)؟
        إذا كنت تعتبرها سبه اجل أسف !

        + 0- 0
    2. نعم اعلمهم, لاني انا اللي بدفع قروش, لذلك لي حق هذا اوﻻ.

      ثانيا, اذا انت غبي وما تتجرأ تعلمهم, ﻻ تغث خلق الله.

      ثالثا, انتبة لـــ اوﻻ زين.

      + 0- 0
      1. هههههههه لا يا شيخ بالله انك انت اللي بتدفع القروش !
        أولا شفروليه موب بحاجة لقروشك
        ثانيا انت الحين ركب خشبتين على بعض ثم رح تفلسف على مهندسين شفروليه
        ثالثا انتبه لـ أولا زين وقروشك تعرف وين تحطها ..

        + 0- 0
        1. اقول لا تقلد اسلوبي يا مفرغ !!!

          وﻻ, شفر وغيرها من الشركات لو ما فلوسي ما صنعت شي يا طبل.

          وبعدين من ناحية تركيب الخشبتين فاعتقد انها مسألة تساويك بالغباء, يعني اي واحد ممكن يسويها.

          وقروشي اعرف وين احطها, اﻻ اذا لك رأي ثاني في ذلك فانا اقولك , تنح وانا اخوك وشف دفعي. (تنح من الانحناء وليس التنحي هههه)

          + 0- 0
          1. ههههههههه شر البلية ما يضحك !
            لو تلاحظ ردي عليك اللي فوق ما تلقى اني شتمتك أو سبيتك وهذا من فضل الله اني ممكن اتكلم بقوة لكن بدون استخدام ذي الكلمات بينما أنت جيت واستخدمت كلمات ما تدل الا على سوء خلقك ومجرد تفكيرك بجملة (قروشك تعرف وين تحطها) بالطريقة القذرة ذي تدل على شدة انحطاطك ووقاحة خلقك .. أما اتهامك لي بالغباء فلو كنت انت قد الفلسفة اللي تتفلسفها كان عرفت أن (تركيب الخشبتين) هو شيء بلاغي في اللغة وهو مبالغة في الوصف لا غير .
            وأرجع أقول احرق دمههههم يا شفر ..

            + 0- 0
          2. يا رجال كل بعر.
            ههههههههههههههههه

            + 0- 0
  10. اخجلي على دمك ي شيفرولية .. صح ان الاداء يعتمد على الانسيابية والوزن ونظام التعليق والقير مو بس المكينة ، لكن تقعدين تهايطين واقوى مكينة من gm وتقارنين بارقام ومدري وش وانتي سيارات منافسة للكمارو اقوى منك !!! التشالنجر هيلكات !!! طبعاً م يحتاج اتكلم عن الفايبر و الشيلبي !!!!!!
    اقل مالها جيبي ال12 حصان حقت الفيس لفت للشيلبي (يالجيل الجديد) .. يعني بالله وش بتسوين اذا نزل الجيل القادم من الشيلبي ؟؟؟
    ما يحتاج اجيب طاري السوبر سنيك لان يبغالك ابحاث وتطوير فضائي عشان تنافسينها
    ..
    ..
    طبعاً هذا م يهضم حق الموتر من شكل وتطور جذري ف الموتر بالنسبة للجيل السابق والهوية الجديدة الجميلة وان الموتر ايقونة امريكية

    + 0- 0
    1. مدري هو ردك احسن رد والا انت كتبت لي في خاطري....

      + 0- 0
    2. الشلبي بس قوة ما تقدر تطوف سيارات مثلا GT-R و فيراري F485 و الكورفيت ZO6 C6

      بس الشيلبي يوم توصل سرعتها الي هي 203 ميلا في الساعة بتكون سبقت الكورفيت c6 zo6 و GT-R

      الشلبي زعيم المسل كار بس صعب تقارنه بسيارة سبورت

      + 0- 0
    3. هههههههههه اخجلي على دمك يا شفروليه اجل
      يا بابا انا وش ابغى بألف حصان اذا كان بيجي واحد سيارته 500 حصان ويطقطق علي .
      العبره في الأداء موب في عدد الأحصنة بعدين وين الهياط في الموضوع شركة اعلنت ان هذا اقوى محرك عندها !
      ما اشوف أي هياط . بعدين الفايبر والشلبي الـZR1 القديم كان يتحداهم وهو مرتاح ولاحظ انـZR1 هي اقدمهم .
      أنا ما بقول غير انتظر الـZO6 الجديدة تطلع للعالم ونشوف وش تسوي ..

      + 0- 0
    4. اخجل ع نفسك يا سيد .. ايش سويت انت ؟؟ روح اخترع كيس سوبر ماركت بعدين اهرج ..
      لا تحسب الشغلة كلها عدد احصنة .. مو انت اللي تعلم مهندسين قضوا عمرهم في ابحاث ودراسة ..
      في شي اسمو انسيابية .. وفي شي اسمو وزن .. وفي وفي .. وعادي ترى ممكن يحطولك كم قطعة في السيارة
      والسيارة تسير 2000 حصان !!
      بعدين جاي تقارنلي سوبر سنيك معدل بستوك zo6 ؟؟
      ع فكرة الZR1 لسا ع الابواب .. لا طلع وشخمط فورد اهرج ساعتها
      بالله فك اليوتيوب واكتب zr1 vs ccx شوف الفارق البسيط اللي بينهم .. لو سوتها الشلبي حقتك قابلني
      وشكلك ما تدري عن الهينيسيC7 والكورفيت اللي وصل 2000 حصان لو بتتكلم في التعديل
      وشوف كمان الكمارو هينيسي لعب في السوبر سنيك حقتك وهوا 612 حصان ..
      هههههههههههه وبالله خرجو الدودج من المنافسة .. اذا كان الفايبر الجديد اتحطم قدام الزد ار ون القديم

      + 0- 0
  11. frendeqz mezmeth

    وش فيك معصب ياخوي الشلبي ماكان يطلع ع الzo6 الموديل السابق !!! وهذاك كان ٥٠٥ حصان !! ياخوي مو كلشي ترا بالاحصنه !

    + 0- 0
  12. اشوف الكل يتكلم عن ارقام المكينة
    ونسي التصاميم الإنسيابية والوزن
    ترى المكينه مو هي الي تحكم
    واكبر مثال gtr
    شوفوا مع مين تمشي 12 و 16 سلندر

    + 0- 0
    1. كلامك صحيح بس تعال فهمهم ما يبون يفهمون

      + 0- 0
    2. اللي خلاها تمشي مع 16 و 12 سلندر هو التعديل الامريكي ولا هي من مصنعها حالها حال الددتسن ما تمشي الا فزة بسبب الدفع الرباعي واللي عنده شك يجاوب هل هي اسرع من لامبورغيني ؟ أو فيراري 458 أو بورش 911 تيربو اس أو مرسيدس sls أو كورفت zr1 يا رجال المسل كارز الامريكي يهينها ويهين أسرع سيارة يابانية

      + 0- 0
      1. هي أسرع في الربع ميل من كل السيارات الي ذكرتها بأستثناء لمبرجيني و البورش 911 تيربو اس

        الجي تي أر بعد النصف ميل ما بتقدر على كل السيارات الي ذكرتها.

        + 0- 0
  13. يبقى. الشلبي. أقوى منهاا. وغير كذاا. سوبر سنيك. أقوى واقوى. وهدا. باقي. في شيء اسمه كوبرا. أقوى شيء في الموستنج. بس نادره قوتها. 1050 حصان

    + 0- 0
    1. من وين صرفت لنا ذي المعلومة انت ؟!
      قاعدين نتكلم عن سيارات بدون تعديل يعني قوتها من المصنع .

      + 0- 0
  14. وحش بقوة الصراحة
    سيارة رائعة جداً

    + 0- 0
  15. ياخي انت وياه قاعدين تهايطون بالشيلبي و السوبر سنيك الحين بقولكم شيء الZR1 طالعه على الشيلبي الجديد و جنرال موتورز تقول ان كورفيت ZO6 2015 أقوى من الZR1 يعني راح يمصع أم الشيلبي و إذا تقول سوبر سنيك ترا فيه كورفيت ZR1 هينيسي 750HP فيه منافسة بينها و بين السوبر سنيك 850HP و ما تدري يمكن تنزل كورفيت ZO6 2015 هينيسي.

    + 0- 0
    1. اختصرت الكلام لأصحاب السوبر سنيك

      أهنئك

      + 0- 0
      1. يا صغير إنت وياه، الشلبي مهب من فئه الzo6 وال zr1، هذا عار على جنرال موتورز الشيلبي muscle car ويداقش السوبر كار ..
        ولا تنسى سعره الإقتصادي جداً تاخذ سياره في بطنها 662 حصان واقوى مكينه V8 في العالم لحد الآن بسعر 300 الف،
        أتمنى عوده قاتل الفيراري GT40,

        + 0- 0
        1. القوة ما فائدتها بشيء لحد الحين متورطه مع C6 ZO6 و 911 Turbo و GT-R !!!!!!!!!

          اقوى مكينة V8 في العالم هي من شركة كوينجسيج !!!

          GT40 سيارة معدلة بالكامل كيف تقارنها بسيارة ستوك

          + 0- 0
          1. على أساس إن مكينه الكورفيت ستوك، مكينتها عليها سوبر تشارج ..
            GT40 من إي ناحيه معدله ؟ مكينتها نفس مكينه الشيلبي 2009 وتحت .. بس اللي يميزها انها اخف
            وإنسيابيتها افضل لأنها مصممه على إنها تكون ( سوبر كار ) .. كلامي عن النسخ اللي اصدرتها الوكاله ما أقصد المعدله !!

            + 0- 0
          2. لحظة يعني الحين الشيلبي ستوك وعليها سوبر جارج و الكورفيت مب ستوك لأنه عليه سوبرجارج يا رجل هههه

            اما عن GT40 آسف حسبتك تقصد النسخة المعدلة.

            نقطة اخيرة انا من عشاق السيارات الأمريكية و ما أشكك في قدراتها الخارقة .

            + 0- 0
        2. هههههههه وش قاعد تقول انت سوبرتشارج موب ستوك ومدري وش ..
          يا حبيبي في بطنها 662 حصان لكن تجي الـZR1 في بطنها 638 حصان وهي أقدم وتتفوق عليها .
          الشلبي طلعت بالمحرك ذا في 2013 أما الـZR1 طلعت 2009 ولا زالت هي الأفضل .

          + 0- 0
  16. على فكره في شيء اسمه كوبرا. يلحط. الزد أوه 6. حقتك.

    + 0- 0
    1. اي كوبرا وأي موديل ?????

      + 0- 0
  17. طيب بالله عليك الكوبرا ذي اللي تتكلم عنها كم حصان ؟

    + 0- 0
  18. ياشفروليه نسيتوا
    الفورد جي تي 1000
    الف حصان وقديم كمان !

    + 0- 0
    1. يا فورد نسيتي التشارجر دايتونا ..
      أقل من 1000 ، وخاطف على الفورد كلها ،، وموديل 1971 وقت ماكانت شركـة دودج تاخذ قيور شركـة دودج 😉

      + 0- 0
      1. فورد تاخذ قيور شركة دودج ****

        + 0- 0
        1. فورد تاخذ قيور شركه دودج .. أضحكتني يالهيس،
          الحين في عام 2014 قيوركم من zf الألمانيه.

          + 0- 0
          1. فيه أسلوب أفضل من اللي استخدمته ( يالهيس ) ..
            هو تكلم عن الماضي ، وأنا ذكرت له شي من الماضي لأنه كان شوي وبيغلط على شركة شفروليه ..
            وكلامك عن كرايسلـر بكلمة ( قيوركم ) ، كرايسلر اشترت براءة اختراع القير من شركـة zf لكن شركة
            كرايسلـر هي اللي تصنع القير . بعكس شركة فورد في أيام الماضي ..
            فهمت يا جحش ؟

            + 0- 0
          2. لا تتكلم عن الماضي .. لأن في الماضي ما كانت موجوده كرايسلر اجل براءه اختراع قير.

            + 0- 0
  19. طيب يا فورد نسيتو الكورفيت c6 2000hp هينيسي

    + 0- 0
    1. ياخي فيه ناس هنا مدري كيف تفهم !
      نقول لهم سيارات ستوك بدون تعديل يقول لي جي تي 1000 حصان .
      لكن دامهم يبغونها كذا فمثل ما تفضلت انت فيه تعديل الكورفت 2000 حصان وغيره كثير ..

      + 0- 0
  20. ههههههههههه من جد شطح الأخ

    + 0- 0
  21. اختلف الفقهاء وظهروا الفلاسفه ههههههههههههههه الله يصلحكم ويهديكم

    + 0- 0
  22. لفورد الكوبرا 1050 حصان. يلحط. االكورفت. قوته 1050

    + 0- 0
    1. انت تقصد cobra jet هذي نسخة معدلة يعني تعال قارنها مع كورفيت ZR1 Hennessey

      + 0- 0
    2. ان كنت تقصد الكوبرا جيت اللي هي للدراق ريس ترى فيه سياره اسمها COPO Camaro مجهزه لمنافستها : )

      + 0- 0
  23. واجد قرقر صديق ......

    + 0- 0
  24. أولا الcobra jet هذي للدراق ريس اذا ما خاب ظني
    بس نفس الحكاية اذا انت تتكلم عن الcobra jet انا اقولك
    أن فيه الZR1 هينيسي

    + 0- 0
    1. معدله من هينيسي ؟
      ما ادري ليش تجيبون طاري سيارات معدله برى الوكاله ..
      اي سياره تكلمت عنها اقصد بحاله خروجها من المصنع ..
      عالم التعديل بحر
      الكوبرا جيت من الوكاله بهالقوه مهب معدله من شركه خاصه

      + 0- 0
      1. انا وش أسوي مدام شركة فورد عندها قسم خاص للتزويد.

        و شركة شفرولية ما عندها قسم خاص للتزويد فأنا محتاج أدور على شركة ثانية تعدل تعديل ممتاز.

        + 0- 0
  25. فورد هي اللي صنعت و صممت الcobra jet بس فيه شيئين انا مو متأكد منها الأول هو أن فريق SVT صنع المكينة و عدلوا عليها أو أن المكينة صنعتها فورد و فريق SVT عدل عليها
    الزبدة في كل الحالتين أن الcobra jet تعتبر معدلة.

    + 0- 0
  26. يا كابتن انت خاش غلط الله يهدينا و يهديك.

    + 0- 0
  27. فهد الخالدي

    سيارة روووعة خاصة انها بتنفس طبيعي
    لو انهم بينزلون zr1 سوبرتشارجر (يا ليت) ؟؟؟ كيف بتكون!!!

    + 0- 0
  28. يا فهد الخالدي السيارة مو تنفس طبيعي عليها سوبر تشارج!

    + 0- 0
    1. فهد الخالدي

      شكراً على التنبيه >> اظن قريت المقالة غلط على الانترنت !!

      + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة