عزيزي وكيل السيارات: الجزء الثاني

Sharjah-Auto-Show-2012-2

ذكرت في الجزء الأول من المقالة (اقرأها هنا) موقف لي مع وكيل كيا وموقف آخر لصديق لي مع وكيل فورد. ولم أتفاجأ ببعض الردود التي شاركتني بمواقف مشابهة أو ذكرت استيائها من وكيل معيّن، فالأغلبية تشتكي من سوء الخدمة.

الموقف الثالث

عام 2002 اشترى احد المعارف أعلا فئة من إنفينيتي Q45. وفي أول الأيام لاحظ انه يوجد صوت “زنين” يخرج من المحرك عند تشغيله. فأرسل السيارة للوكالة حتى يتم فحصها.

بعد أيام اتصلوا به لإستلام السيارة على أن المشكلة انتهت. وخلال ساعات فقط ظهر الصوت من جديد وكأنه أسوأ من قبل. أرسل السيارة للوكيل مره أخرى فطلبوا منه الاحتفاظ بها لبضعة أيام. وبعد عشرة أيام اتصلوا به لأستلامها مأكدين له انها سليمة من أي عيب.

وفي اليوم التالي من استلامها سمع الصوت من جديد فاتصل بالوكالة غاضباً وهددهم بتقديم شكوى للجهات الرسمية! وبكل بساطة قالوا له: يا أخي أرضخ للأمر الواقع وتعايش مع المشكلة طالما السيارة تمشي “وبلاش وجع راس!”.

أرسل العميل إبنه إلى دبي لتقديم شكوى عبر الشركة الأم.  وطلبت الشركة من الوكيل تقرير عن السيارة لمعرفة تفاصيل المشكلة. وبنفس اليوم جاء رد الوكيل ان مهندسيها لم يتمكنوا من معرفة أسباب الصوت.

فأرسلت الشركة الأم مهندس متخصص من اليابان إلى السعودية لفحص السيارة من جديد. وبعد الاطلاع على تقرير المهندس، طلبت الشركة من الوكيل عمل التالي:

أولاً، تقديم اعتذار رسمي للعميل وتعويضه فوراً بسيارة جديدة من نفس الموديل بدون أي تكاليف تترتب عليه.

ثانياً، شحن السيارة المعيبة لليابان لمحاولة معرفة سبب ومصدر الصوت حتى يتمكنوا من تفادي ظهوره بمحركات أخرى.

وأخيراً عزيزي الوكيل المحلي: يجب أن تعلم أن التسويق الفعلي والحفاظ على ولاء العميل هي عملية تبدأ “بعد” شراء العميل للسيارة. بينما في مذهبكم، هي عملية تنتهي فوراً عند استلام العميل للسيارة الجديدة ومغادرته الوكالة.

والآن، عودة للفيديو الذي اخرج ما بداخلي على وكلائنا المحليين.

الفيديو يتضمن فكرة بسيطة جداً قام بها أحد وكلاء أودي في كندا للتعبير عن شكره وامتنانه للعملاء الذين استمروا بعمل صيانة دورية لسياراتهم في الوكالة حتى بعد إنتهاء الضمان.

حيث فاجأت الوكالة كل عميل منهم بتوصيله للوجهه التي يختارها بسيارة أودي 2014 R8 V10 لحين الإنتهاء من عمل الصيانة على سيارته. لن أعلق أكثر على الفيديو، حيث يمكنك مشاهدته بالأسفل.

وبعد مشاهدتك عزيزي الوكيل للفيديو وردة فعل العملاء، حاول أن تفكّر جيداً بالإجابة على التالي: لماذا استمر هؤلاء العملاء بصيانة سياراتهم لدى الوكيل وتحمّل عبء التكلفة المرتفعة حتى بعد إنتهاء الضمان؟

 فيديو مفاجأة وكالة اودي في كندا لعملائها:

 

عن الكاتب

أقرأ بشغف عن كل مايتعلق بعالم السيارات .... عاشق للسيارات الرياضية والكلاسيكية، وجميع كتاباتي وآرائي من منظور شخصي .... يمكنك متابعتي والتواصل معي عبر تويتر: @Aldubayan1

38 تعليقات

  1. لفته جميلة ،،

    لكن من رأيي ان السيارات الرياضية تكمن المتعه في قيادتها وليس مجرد ركوبها ،،

    المقصد … افضل يجيبوا لي A8 W12 ولا ذي ،، لأني بصراحه بنقهر وأنا مجرد راكب

     
  2. والله اودي يقولون ان صيانتهم تحسنت حتى عندنا بالسعودية !!

     
    1. ساماكو من ازفت الوكلاء

       
      1. الصدق سمعت انها غالية سماكو اللي حقت اودي و بورش وبنتلي !! بس ترا خدمتهم جيده بس غالين

         
        1. بنتلي للغسان اخوي موب تبع سماكو

           
  3. على طاري الإنفنتي …اللهم لك الحمد ,, الله فكنا من الحمراني وجاب لنا العيسى 🙂

     
    1. حتى الإنفنيتي انتقلت للعيسى ؟

       
      1. انفنتي ونيسان صار وكيلها الرسمي العيسى

         
        1. اخوي باقي الحمراني يبع سيارات حتى الان العيسى يقولون توه مصار رسمي كل اللي عندة خليجي

           
          1. الحمراني كل اللي عنده من موديل ٢٠١١ و ٢٠١٢ و ورا !! جالس يصرف اللي عنده فقط لا غير ….ما عاد يأخذ سيارات

             
  4. المشكلة في وكلائنا الاحتكار
    عدد الوكلاء قليل
    جي ام 2 (المفروض 5)
    فورد 1
    كاديلاك 1
    تويوتا 1 (المفروض 5)
    نيسان واحد
    هيونداي 3
    كيا واحد
    مرسيدس 1
    بي ام دبليو 1
    فولكس واجد 1
    وبقيه الشركات على 1

    المفروض الماركات القويه تكون اقل شي 5

    عشان تكون فيه تنافسيه
    لكن بالوضع ما فيه امل
    لو يخلون الصيانه الاولى ب 3000 ما تقدر تقول شي

     
    1. معلومة تفيدك:
      الشركات الفخمة BMW و مرسيدس و كديلاك ..الخ
      دائما ما يكون لها وكيل حصري لها, اما الباقي فكلامك بالسليم

       
  5. انا بعكس موضوعكم ..
    اشتريت سياره من شركه الجميع 2013 وبعد 5 الاف طلع صوت برمان الدينمو . وديت السياره للجميع وفحصوها . وقال المهندس: سيارتك ع الضمان ونغير لك الدينمو كامل وراح نسوي لك طلبيه . وبعد شهرين وصل الدينمو وركبوه ع سيارتي وعطوني ضمان عليه . الحق ينقال معاملتهم لي راقيه جدا جدا وماشفت منهم اي شي . يعني مو كل الوكالات معاملتهم سيئه

     
    1. صوت الرمان جلس شهرين وانت ما تضايقت ؟
      والاعظم انك راضي عن خدمتهم
      ياخي ماشاءالله عليك شلون اصير بارد مثلك

       
      1. ههههههههههههه بنص الجبهه
        إي والله شلون صبر شهرين !!!!!!!!

         
        1. لان السياره توها نازله وموديلها سنه 2013 وقطعها ماوصلت . واهم شي غيرو القطعه باكمل وجه
          ماعندهم غير قطع الاصدام . وحاليا متوفره جميع القطع . يعني لو بيصير خلل لا قدر الله بيوفرونه بخلال يومين

           
        2. با بو صالح .ترا حنا والاخوان كل يقول تجاربه مع الوكلاء الزين والشين . اما اسلوبك بالرد كنصف جبه المصطلحات هذه سوقيه وسطحيه ويتاداولونها اهل الحواري . فا من الفاضك هذه انا اقول عندك ربع او شاص.

           
  6. وكلاء السيارات بالسعوديه جحلط !!!!!!!!

     
    1. عبدالملك ***

      شيءطبيعي يكونون جحلط لأن وزارة التجارة لم تلتفت إليهم الا قبل أشهر
      وفي السابق أنت خصيم نفسك وما تقدر تأخذ حقك إلا ب إيميلات ل دبي &الشركة الأم

       
  7. والله الوكلاء مايتعلمون الا ب العين الحمراء

    من الحكومة او الوزارة – واذا الوزارة نايمة في العسل

    اكيد الوكلاء يرتاحون وياخذون راحتهم . . .

     
  8. دخلت سيارتي الاف جي كروزر للصيانة

    ويوم استلمتها سمعت اصوات من الكفر

    فتحت غطا المسامير لقيهم مو رابطين مسامير الجنوط ومسمارين كانو مفكوين تمام وبيلعبو جوة العلبة!!! الحمدلله انه ماحصلت مصيبه وفوقها عزم السيارة ميييييييت كاني راكب كرولا

    وكلمتهم عن صوت في المساعدات قالو ماعرفنا له وطنشوه!

     
  9. قهرتني

     
  10. السلام عليكم
    عندي جرائد شيروكي ٢٠١١ لم يبقى شيء في السياره إلا فيه مشاكل
    ماعدا
    المكيف والجير والمحرك والمسجل وآلملاحه والكراسي الكهرباء
    المشاكل هي
    أصوات في المحرك وأسفل السياره واهتزازات والماء دخل في الأنوار الخلفية الثنتين منبه السياره الأنوار الأمامية
    الزجاج الأمامي انكسر بحادث وتم التغيير في الوكاله غيروا الزجاج الأمامي واستخدموا الربلات القديمة ولان الأصوات من جميع الجهات وعند مراجعة الوكيل قال لي لا يوجد عندهم ربلات تخيلوا يا جماعه الخير غيروا الزجاج من غير الربلات ولم يتبعوا انفسهم في إخباري حتى
    والله حسبي الله ونعم الوكيل في الوكيل
    اشتكيت في دبي ٥ مرات والمصيبة انه نفس الإداري الإقليمين سيئة
    اشتكيت في الوزاره هنا قالوا تعال أكمل الإجراءات بفرع الوزاره ! يعني مافي فايده أبدا
    أخيرا أصوات صفير من الأبواب وتم الشكوى منها سابقا والآن رجعت
    الملاحظات الوكيل يقوم بإصلاحه أو بالأحره ترقيع في ترقيع والمتضرر من ؟
    هذه هي الوكاله الحصرية لا حول والقوة إلا بالله
    لا اعلم ما أقول غير انه حرام عليكم

     
  11. غير معروف

    صراحتاً اللي قاعد اشوفة بعد ما تعاملت مع كثير من الوكالات ، اللي يبي ياخذ حقه راح ياخذه وما يسكت على اي شيء ، لكن اذا ساكت ويبي حقة يجيه ويتصلون يقولون عندك خلل وهذا المفروض للأسف ما عندنا 🙂

     
  12. سيارتي سزوكي سويفت … المكيف حقها كان مكتوم يعني البروده كويسه لاكن الهوا ضعيف … وكانت فيه رجه بالماكينه … وداها ابويا الوكاله وقال يكشفو عليها احسن لانو عندهم كتلوجات ومن الكلام دا .. المهم كشفوا قالو لنا الرجه من حساس مضروب وكويلات وبواجي … والمكيف التلاجه حقتو يبغالها تغيير … جلست السياره قرابه الشهرين بالوكاله بحجه طلبيه تلاجه للمكيف … المهم غيرو الكويلات والبواجي والحساس … وخلو السياره واقفه تستنى الثلاجه …وكل ما نتصل عليهم يصرفونا واخر تصريفه كانت كلمه (( نسينا )) من موظف الصيانه .. المهم وصلت التلاجه وقالو تكلف التلاجه بالتركيب 3 الاف ابويا دفع لهم 6 الاف على الكويلات والبواجي والحساس ولكشفيه مع مساعدين خلفيه بدون التركيب …ابويا رفض وخرج السياره اخد التلاجه ووداها ورشه على الاساس يركبوها تاني يوم الورشه اتصلت تقول الثلاجه الموجوده بالسياره مافيها شي بس تحتاج لتنظيف مافي داعي تركبو تلاجه جديده -_- التلاجه الجديده قيمتها الفين وشويه اعتقد … الحراميه النصابين باطهف فوق ما وقفوا السياره شهرين ونسويها كانو يبغو يغيرو قطعه ما تحتاج لتغير بس عشان ينصبو فلوس …

     
  13. عندنا الوكيل يكرهك في السيارة حتا لو كانت السيارة حلوه تصرف النظر والسبب الوكيل

     
    1. مثل شركه المتحده سيارتها حلوه ورخيصه مقارنه بفئاتها . بس هالوكيل يرفع الضغط وش زينه عند البيع وياشينه عند الصيانه

       
  14. اكبر مشكلة جهل موظفين الصيانة لخدمة العملاء يعني بالعربي مافي اسلوب للتعامل والاستقبال صفر كانه يقلك لاعد تسوي صيانة عندنا ،،، اهم شي الاستقبال والمصداقية بالتعامل ياخي ابستسم بوجه العميل ايش بينقصك !

    والله ما خلاني ابطل ادخل سيارتي للصيانة الا موظف الاستقبال في المتحدة للسيارات فرع المدينة المنورة اسلوب تكرمون ……… ورشة الصيانة كأنك بالصناعية وسيارات العملاء بعد الصيانة رامينها بالشارع

     
  15. والله بغيت قبل شهر اطلع سي 300 2013 همي بسبعد ماسمعت عن المتحدة للسيارات هونت.

     
    1. سنه 2006 اشتريت شارجر اول مانزلت علي طول ومن اشتريتها سحبت ع الوكيل نهائيا اغير الزيت برا. اشتر سي 300 واذا احتجت قطع غيار اشترها من الوكاله عادي ترا قطع الغيار رخيصه . وركبها بالصناعيه . وترا الدوج والكرايسلر يعتمد عليها لا تخاف سيارتي ماشيه 300 الف كم ومعي من 8 سنوات ماتعطلت الا قبل ثلاث شهور الشفاط الالكتروني فقط . بس مايجيها ضغط سيارتي وسرعه اخر شي 140 كم . بس معامله الموظفين شينه مايهتمون فيك ابدا مع اني ماجيهم الا اشتري فلاتر زيت وهواء فقط بس يطلعون روحي

       
  16. انا اشتريت سيارة من الجفالي و ولعت عليا لمبة الاير باق و روحت اصلحها محد اعطاني وجه الين كلمت واحد من الشباب يعرف موظف و روحت و سوالي هيا و اخد عليها مبلغ بسيط
    ولو هيا مهي غاليه السياره كان طنشت و روحت اي ورشه لمرسيدس ولا انذل ليهم

     
  17. والله ياجماعه
    مالنا غير تأسس شركة صيانه عامه لكل السيارات شركه مساهمه عامه مصغره لصيانته السيارات
    نسميها (ورشه إصلاح السيارات الجديده المستعصية ) اللي جاهز يصوت (new cars defects repair shop )( ncdrs
    على مستوى عالي من التجهيزات الجوده وشعارنا المصداقية
    ونوري الوكلات الشغل الصح
    نسوي خير للمجتمع وبنفس الوقت نلزم الوكالات أنها تحترم الزبون
    ما وصلوا للي هم عليه إلا بسبب انه آمنوا العقوبة يا وزاره !
    أسلوب الحصرية هذا هو نتيجته
    ولن ولم ينعدلوا أبدا مادام الحصري موجود

     
    1. والله فكرتك جدا رائعه … وصراحه تحمست للفكره …. لكن ريت القول ب سهوله الفعل

       
    2. فكره حلوه انا بصير الوكيل الحصري لكم ههههههههههههه

       
  18. إخواني الكرام

    اتفق معكم القول مش زي الفعل

    بس المشاريع الكبيرة كانت صغيره

    المشكلات انه نريد النخبة من الميكانيكيين المبدعين

    ترى ياجماعه ميكانيكي السيارات إذا ماكان مأخذ الموضوع هوايه واستمتاع في عمله مارح ينجز

    ووكالات السيارات تستخسر تعليم هؤلاء خوفا أن يذهبوا خارج الشركه ويعملوا خارجها

    عشان كذا لا يوجد فنيين في وكالاتنا المحترمة على قدر من الكفاءة

    يعلمونهم تغيير زيت وفلتر بس

    أما إذا جتك مشكله زي الحاصل معاي أصوات ومشاكل ميكانيكية لا يهتموا لها

    ولو أصلا كان موجود عندهم اهتمام كان وضعوا أشخاص لضبط الجوده والذي هم موجودين ولكن غير موجودين !

     
  19. يجب على الوزاره أن تقوم بتحسين الوضع
    وذلك لحمايتنا من تقاعس الوكالات
    حيث أن وضع الحالات لا يطاق

    وبعدين نتكلم بأي شئ الأسعار ولا الخدمات ولا حتى استقبال الزبائن اللي يريدو أن يشتروا سياره
    في وكالات إذا دخلت صالة العرض ماحد حولك لا ابتسامه لا استقبال ولا حتى أي شئ ممكن الواحد انه ينبسط منه
    وإذا سألته عن السعر يرد عليك وهو زعلان
    على العموم هذا فيرجع للوكيل وليس الوزاره على حد علمي
    ولو كان الوزاره إلها دور لفرحات فرحا شديدا لأني سوف اعلم أنها سوف تقوم بإدراجها في مهمتها الحالية وهو إلزام الوكيل الحصري المعين من المصنع والموافق عليه من الوزاره وحط تحت كلمه الحصري مائه خط أن الوكيل لم يصل إلى الرقي في التعامل مع الزبائن اللي مفترض أنهم يكونوا زبائن والزبون هو الزبون بس للأسف شئ غريب لا استطيع فهمه
    ولكن أن غداً لناظره لقريب

     
  20. معاذ الخالدي

    شباب باللله يرضي عليكم..قبل لا اتكلم حاب اعايدكم بالعيد واهنيكم..وكل عام وانتم بالف خير..وصحة وسلامة..كلنا مستائين من الوكلاء..لكن ابي اسالكم..كيف الواحد يفتح له وكالة وعنده راس مال عالي..لمن وشهي الطريقة..بالي تقدرون عليه..ويعطيكم ربي الف عافية..ويحفظكم..

     
  21. عمر آل راشد

    السلام عليكم فعلا واقع مرير جدا جدا…

    انا شريت سوبربان 2012 من الجميح ويشهد الله علي ماقد مر اسبوع الا وانا عندهم انواع الاصوات وغيرو الدركسون بعد الملاعن على الضمان وحالتي حالة واشتكيتهم على وزارة التجارة ولا في فائدة وصدم فيها مرتين جو الصيانة … وزي ما يقول المثل (( من امن العقوبة اساء اﻷدب ))

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة