استدعاء 4,459 دودج تشالنجر بسبب إحتمال إحتراق السيارة

اصدرت شركة كرايسلر استدعاء لتشالنجر 2013 خاص بمحركات V6 فقط لإحتمال حدوث إلتماس مما قد يسبب حدوث حريق. وقامت الشركة بالطلب من ملّاك الموديلات التي تم صناعتها بين فبراير 2012 ويناير 2013 بعدم قيادة السيارة والإتصال فوراً بأقرب وكيل.

ويقدَر عدد السيارات التي تحتوي على المشكلة بـ4,459 تشالنجر، 2500  منها تم بيعها بينما 1900 سيارة لا تزال لدى الموزعين.

وصرحت كرايسلر أنه حتى الآن تم التبليغ عن سبعة حرائق لسيارة تشالينجر لم يبلغ عنها أي إصابات.

عن الكاتب

أقرأ بشغف عن كل مايتعلق بعالم السيارات .... عاشق للسيارات الرياضية والكلاسيكية، وجميع كتاباتي وآرائي من منظور شخصي .... يمكنك متابعتي والتواصل معي عبر تويتر: @Aldubayan1

24 تعليقات

  1. الأمبراااطور

    الدوج دججو اهله بسبووع .... عجزو عن التـتن يشرونه

    الدوج\\ لافخامه ولا جوده ولاشكل

    شركه فاشله من جميع المعايير

    لببى التااايوتا واللكزس بسسسس

    + 0- 0
    1. خلك عاقل وخل التعصب عنك يالجار

      + 0- 0
    2. التيوتا مركب الطفارا يبو لاكن كلن على قدره ومقامه الي مايطول العنب ...................كمل الباقي
      iهههه فيه ناس الا الحين طايره بعجه التيوتا التجميع الهايلكس تايلندي والكامري استرالي تجميع
      وغيرها الله يرحم الحال ماشجع عبداللطيف جميل الحرامي الا مثل النوعيات هذي لاقيهم استغفر الله

      + 0- 1
  2. ههههههههههه الامبراطور ترا تايوتا ولا زمانها مع الطيبين الان صيني وتلفيق ماتحمل الا اسم شركه عريقه بدون جوده في التصنيع وبالنسبه لدوج اكيد كل شركه يوجد بها عيوب مصنعيه حت تايوتا سحبو موديلات اف جي اكثر من دوج بسبب خلل مصنعي في موديلات 2009 توهم يكتشفونه

    + 0- 0
    1. عاشق الياباني

      تويوتا خربت عام 2010 و شوه السمعة الوكيل عبداللطيف جميل او جميع وكلاء الخليج .

      بس دودج من زمان واحنا نعرف انها داجة من ايام 80 الميلادية ماعدا كليزلر لأنها تبع مرسيدس والأن تبع دودج ولا كانت دجت مع دودج من زمان

      + 0- 0
      1. خبرة سيارات

        جودة تويوتا الحقيقة الآن هي لكزس

        + 0- 0
  3. بالعكس قاعدين نشوف اهتمام من الشركة انها تستدعي السيارات اللي فيها اخطاء,

    ويوم تويوتا تستدعي FJ ليه محد قال شركة فاشلة

    انا بنظري احقر شركة بالتاريخ واخر شركة افكر اشتري منها تويوتا لا شكل ولا جودة ولا فخامة ولا مكاين

    بعدين الحبيب اللي فوق "الامبراااطور" دودج مافيها فخامة هههههههههههههه

    اجل وشو اللي فيه فخامة ؟

    قلي شي موب موجود فيها كل مواصفات الرفاهية فيها زيادة على مكاين مجنونة

    3.6 , 5.7 , 6.4 اللي نادراً ماتلقى سيارات بهالوقت بهذي المكاين

    بس انا ما اشره عليك لأنه يبي لك سنين ضوئية علشان تعرف وش هي دودج ووش انجزت بتاريخها

    خلك على الكامري التجميع الاسترالي والكورلا الماليزي ههههههههههههه

    واللي مايطول العنب...ههههههههههههه

    + 0- 0
    1. حامض

      + 0- 0
  4. الأمبراااطور

    طييب على قولتك يبيلي سنين ضوئيه عشان اعرف دوج الداااااجه ..خلنا نقارن... اووك

    vxr مقابل دورانجو ... الجوده للفكسار والشكل للفكسار والتحمل للفكسار

    اصبرر وش عندكم غير الدورانجو امممممم اللي اعرفه ان كل سياراتكم فشلن ووقفو تصنيعهن ههههههههههه ..... ايييه اييه تذكرت ....

    تشارجر مقابل افاالون ... الشكل للافالون الفخامه للافالون ...

    ميير ابسالك انتم وصلتكم البصمه ولا لا هههههههههههههههههههههههههههه

    + 0- 0
    1. تبي تقارن قارن بالسعر ايضا
      تقارن لاند كروزر بالدورانقو ؟؟؟ اولا كل وحده لها فئه ثانيا كم سعر كل وحده؟
      200تجيب لي دورانقوا فل الفل 200 الف وش نوع اللاند اللي بتجيبه لك؟ vxr5.7 نفس حجم مكينه الدورانقوا كم سعره 298 الف
      ولا يتفوق بالمواصفات على الدورانقو. فكيف بالقراند شيروكي

      الافلون فل كم سعره? محرك 3.6 ب155الف او اكثر تشارجر فل ب 151دفع خلفي ومواصفات اكثر من رادار وجنط20 كم حجم جنط الافلون ؟؟18
      ثانيا الافلون دفع امامي مما يعني اقل رساوه واقل كلفه في الصناعة.

      بالنهاية هناك فرق بين ان تشتري سيارة لاسمها او سياره تعطيك مواصفات حسب قدرتك المالية هذا غير الاختيار بين الطبع الرياضي او الفخم وسيارة تتمتع بقيادتها وسيارة مملة اشتريتها فقط للعرف الاجتماعي

      + 0- 0
    2. ههههههههههههههههه الحين دريت انك ماتعرف وشو التشارجر

      الله يهديك ضيعت وقتي معك

      قلي انك منت بفاهم واشرح لك انا وشو التشارجر

      اجل وصلنا بصمه ها ههههههههههههههه

      افالون افخم من التشارجر اجل اوك بنقارن تشارجر فئة الرود اند تراك مع الافالون "ليميتد نفقيشن"

      التشارجر النقطة العمياء مو موجودة بالافالون

      رادار امامي لتفادي الحوادث مو موجود بالافالون

      الشاشات التشارجر شاشة يوكنيكت حجم 8.4 حجم عائلي ههههههه

      وشاشة يوكنكت خذت افضل نظام شاشات لعام 2012 طبعا تحسب لك كل شي عن طريق الاقمار الصناعية وغير انها تعلمك اعلى سرعة وصلتها والتايمر لحساب الوقت اللي تجيب فيه سرعة معينة

      بالمقابل افالون شاشة من محل ابو هنود مركبها ابو جميل ههههههههههههه
      صغيرة وفيها لعبتين وراديو وتلفزيون هههههههههههههههههاي ونظام مجهول

      طبعاً بعيدا عن تدفئة وتبريد مقاعد موجودة بالثنتين نجي للمكينة

      الرود اند تراك مكينة هيمي مايحتاج اعلمك وش المكينةلأني تعبان رح اقرا عنها وتثقف شوي مكينة 5.7 370 حصان بينما الافالون 3.5 270 حصان

      بتقولي قارن مكينة التشارجر سته سلندر ابشر 3.6 292 حصان والافالون سبق وذكرتها مافي مقارنة بمعنى عام

      مكينة التشارجر الستة سلندر من صنع ميزراتي وهي شركة من شركات فيراري

      اسم المكينة بنتاستار خذت جائزة من افضل 3 مكاين V6 على العالم

      بينما مكينة الافالون وش ؟؟ ههههههههههههه

      القير ZF الكتروني من صنع فيات ومستعمل بأودي A8 و S8 اقوى سيارات

      اودي بينما قير الافالون وش هو ؟؟ هههههههههههههه

      الشاصي حق التشارجر من صنع مرسيدس وهو شاصي E Class

      وواحد اعرفه مع تشارجر كان يمشي 160 فجر الكفر وماحس الا من الشاشة طلعت له تنبيه ولا كان موب داري الموتر مازحف معه ولا تحرك من محله

      بينما لو صار كذا بالافالون وش بيصير لها ؟؟

      نجي اخيراً للشكل سم اخوي الافالون احلا من التشارجر ؟ ههههههههههههههههههههه

      اعطيك الافالون بأختصار هي ازيرا بس ماكلة واجد وانتفخت ههههههههههههههههههههههههههههه,,

      خلاص كافي عليك كذا اذا تبي نقارن الدورانقو من عيوني انت بس امر

      + 0- 0
  5. وانا اقول وش فيها وكيلنا بدأ يبيعها بـ 99
    طلع ناوي يفحمبنا !

    + 0- 0
    1. ما تنباع بـ99 هذا عرض كان برمضان وخلص

      الحين بـ111 الف وانا كل يومين عند الوكالة اشوف اسعارهم وجديدهم 🙂

      + 0- 0
  6. ونسيت معلومه بالنسبة لقير الرود اند تراك نسيت اقولك وشو يا امبراطور زمانك

    هو قير من صنع قسم AMG من مرسيدس ويتحمل تزويد الى 650 حصان

    والقير اللي سبق وذكرته "ZF" هو قير التشارجر سنة سلندر

    + 0- 0
  7. الامبراااطور

    اكتب بقوقل جودة السيارات وشف بنفسك.....

    عندك النترو باختبار الجوده جااااايب العيد .... كل علاماته دوائر سود من الفشل

    اماا مواتر تاايوتا ولكزس كلهن نجحن بالاختبار واخذن علامات ممتازه ....

    طبعا هالاختبار هذا يختبر جودة السيارات من حيث متانة الديكور ومدى تحمل السياره والاعطال الميكانيكيه والكهربائيه

    طبعا السيارات اللي فشلن فشل ذريع ومخجل هن .......شركة جيب ودودج وبعض سيارات بي ام دبليو

    اماا السياره اللي اخذت العلامات كاامله بالجوده هي هوندا اكورد

    وابقول لك معلومه بما انك جااهل بالسيارات ترى اختبار الجوده ..... مسويته شركه امريكيه موثوقه

    زبده هالقرق ...... تويوتا سيارات اعتماديه تكرف كرف الويل ولاتطلب ولا شي .... وافضل من دوج

    وتويوتا مركزها الاول عالميا من حيث المبيعات ..... يعني معقوله كل اللي يشرون تويوتا اغبياء الا حضرتك فااهم

    الله يصلحك بس ... لاتتفوه بشي لاتعرفه

    + 0- 0
    1. واذا الشركة الاولى على العالم يعني وشو احسن من مرسيدس وبي ام وبنتلي مثلا

      ههههههههههههههههههههههه مو معقول تفكيرك فتح عقلك شوي

      تويوتا يشترونها اللي فلوسهم على قدهم واللي يدورون الاقتصادية وهم اللي مخلينها الاولى عالمياً

      لكن هذا موب دليل على جودتها ولا قوتها !

      واشوف ما علقت على كلامي يوم قارنت التشارجر بالافالون ماتبي تعترف ان التشارجر احسن بمليون مره من كل تويوتا انت واحد متعصب

      بعدين عل كيفك خليت كل مواتر تويوتا نجحت بالاختبار وعلى كيفك سقطت مواتر دودج هههههههههههههههه والله ادمي غريب ترى عندي نت واقرا واطّلع موب انت اللي تعلمني

      كامري 2013 سقطت بالتست كراش تعرف وشو سقطت ولا حتى نجمة وحده خذت كرتووون بمعنى عام وهنا يجيبها لك عبد اللطيف جميل يبيعها بـ90 الف

      وانت مستانس ماتدري وين الله قاطك ماتدري انه تويوتا صارت اخس من شركة جيلي الصينية

      كلها غش بغش وقطع مشي حالك وشاشات من محلات ابو هنود

      دودج اللي تقول سقطت سيارتها التشارجر ماخذه 5 من 5 في اختبار التصادم

      وازيدك من الشعر بيت قبل فترة NHSTA مكرمين دودج لأنه التشارجر دخلت ضمن اكثر 10 سيارات امان بالعالم

      وانت جاي تقولي دودج فاشلة والله انت الفاشل اللي ما تقرا وجاي تتكلم من مخك

      والتشارجر ماخذة جائزة على مستوى قارة امريكا كاملة من افضل السيارات ثبات على الطرق السريعة

      انت خلك مع ابو جميل كل سنة ينزل لك سيارة تجميع كوري وماليزي ويبدل قطعها بقطع تجارية ويبيعها لك بـ90 الف

      وعلى كيفك قررت انه دودج ماتكرف ناس معهم 2005 و 2006 اول ما طلع التشارجر عندنا

      وللحين ماشيه معهم زي العسل تبي تشوف منهم ذولي الناس ادخل نادي LX Club وتفرج ماشية معهم المواتر ماغير تغيير قطع استهلاكية زيت وفحمات

      ومره ثانية قبل ماتناقش احد بخزعبلاتك فكر ممكن اللي تكلمه يكون فاهم اكثر منك وتبلش نفسك معه

      المشكلة للحين ولا معلومة من كلامك صحيحة مدري من وين تجيب ذي الاخبار من عقلك ؟؟

      + 0- 0
  8. الامبراااطور

    دوووووووووووووووووج فاااااااااااااشله .......

    وبعدين تقول انت ان تويوتا مايشتريها الا النااس الداااجه هههههههههههه

    تويوتا سياراتها غااااااااااااليه بالحيل ومع ذالك يشرون لانهم فاهمين وش معنا تويوتا .....مهب مثلك انت ووجهك ...جايب لي انجازات التشارجر ومدري ويش ولا اشوفها بالشارع الا كل شهر مره ....ماتركوه الناس الا انه فااااشله وغير عمليه وتطلب واااااجد .....قسم بالله انك دااااااااااج ولاتدري وين السيارات ....انا اعرف نااس كثارين متعصبين امريكي بس اذا جبت لهم طاري الدوج ضحكو علي ....ههههههههههههه

    دوج اسم على مسمى دااااااااااااجه هههههههههههههههههههههههه

    وبعدين تراك ذبحتنا بالكامري والكورلا ...وراك ماتجيب طاري الاف جي والفكسار والبرادو والسكويا والتندرا والشاص اللي يسوى كل مواتركم المعوقه ههههههههههههههههههههههه

    قسم بالله اني احتقرت روحي ,,,,اللي اناقش واحد سقيم ومغفل ومسوي علينا خبير سيارات ,,,مثلك

    + 0- 0
    1. شاطر حبيبي : )

      اي صح دودج خايسة من جدي انا لبى تويوتا بس !,

      وحاب ارد على شي واحد انت تقول ما اجيب طاري اللاند والـfj

      وش اقول اللاند يعلق مثبت السرعة

      والاف جي مستدعين 5000 سيارة

      والبرادو سيارة شايب سوري يشتغل بشركة شارينها له وين الحلو فيه

      ههههههههههههههههه !!

      واول مانزل استرجعوه الشركة بعيوب بالبريك سيستم

      والسكويا والتندرا صناعة امريكية هذولي اللي تمدح فيهم يا جاهل

      واحلا شي تدري وش يوم ماعرفت ترد قمت تسب فيني هههههههههههه

      هذا دليل اني قهرتك

      سلام.

      + 0- 0
  9. الامبراااطور

    الحين ثبت لي انك داج بالسيارات مع احترامي لك ...

    اولا اللاند ... ياناس افهمو قسم بالله ان سالفه مثبت السرعه انه مؤامره من احدى الشركات المنافسه للاطاحه بمبيعات الاند
    تكفون افهمو ...

    الاف جي.... ماقلنا شي ... استدعو على قولتك ٥٠٠٠ الاف سياره.. بس وش المشكله .. حزاام بس.. ترى فرق بين حزام وبين احتماليه احتراق المحرك ... هههههههه يرحم امك شف الفرق

    البرادو.... يوم انك مالقيت به عيب وشفته عملي ولايخرب بديت تستهبل وتستهتر به ....

    السكويا والتندرا.... تويوتا له مصانع منتشره بالعالم .... وبعدين ترى اذا كان لتويوتا مصنع بامريكا مهب دليل ان الموتر يصير امريكي..... اصلا العمال اللي يشتغلون بالمصنع يابانيين والقطع يابانيه ..... شفت انك مع احترامي لك جاهل ....

    وبالنسبه للكلام الغير لائق اللي تكلمت انا عليك.... انا متأسف ومهب قصدي اني اتلفض عليك ... ما تسوى علينا نتهاوش على قطع حديد ...

    + 0- 0
    1. داج بالسيارات وانا كل شي قلته اكدته انت بكلامك ههههههههههههه !!

      عزيزي ما راح اخذ واعطي معك كثير لكن اذا دودج سوت استدعاء

      علشان سياراتها فيها مشكلة احتمالية اندلاع حريق

      هذا شي ايجابي مو سلبي انها تصلح غلطتها !

      تراهم بشر ويغلطون

      تويوتا مثلا عندهم مشاكل مثبت سرعة وسيارات ورق على سرعة 80 مميته

      كلن له عيوب لكن الفرق انه دودج صلحت غلطتها بأستدعاء

      وللمعلومية مرسيدس تستدعي سيارات تقريبا بكل موديل بسبب احتمالية احتراق السيارة هذا وهي مرسيدس

      واقسم بالله العظيم اعرف صديق لي فجأة بقراج بيتهم ولع البانوراما حقه وحرق الاسكاليد حقهم معه

      يعني مو عيب السيارة يكون فيها مشاكل ولكن العيب انها تترك مشاكلها وماتصلحها

      حنا هنا بالسعودية من نشوف اسم دودج على طول يروح تفكيرنا خرابات وكلام فاضي حق شياب

      وبالحقيقة دودج اطلق من افضل الشركات اليابانية وما اقصد تويوتا لأنه تويوتا من اسوء الشركات اليابانية

      بس بقولك كلمه قبل ماتظلم دودج جربها بنفسك وراح تغير رايك 180 درجة

      بأمريكا يقدرون شي اسمه دودج ويعتبرونه من اهم المسل كار

      لكن عندنا للأسف عقليات متحجرة وواقفة على تويوتا

      + 0- 0
  10. الامبراااطور

    خلاص كل واحد وقناعته.... انت مقتنع بالدوج ... اشره

    انا مقتنع بالتويوتا ... اشتريه .... على ان كل هالدفاع عن تويوتا الا ان معي سييرا ههههههههههههه

    على العموم نقاش حااد ومثمر ومحترم ..... بس كل واحد متمسك برايه ههههههههههههههههههههههههههههههه

    + 0- 0
  11. صراحه نقاشكم مرره حاد

    بالنسبه لحبيبي بروك كلامك صح

    واللي يسب ف الدودج احلفلك يمين انه م استخدمه او جربه
    بس يسمع الناس تقول خرابات
    وعلى طاري ال اكس كلوب ( ههههههه انا من اعضاءه)

    بعيدا عن تعصبي لسيارتي الدودج تشارجر
    مقارنه بروك سليمه جدا

    وي الامبراطور انتا مره مقتنع بالفكره الله يهنيك
    لكن بالنسبه للراحه لا والله يبطي الاندكروزر والتويوتا كلها
    خذ لك طريق 400 كيلو بلاندكروزر وعلمني اش يصير معك ( مهما كانت فئته)
    وكمان نفس الطريق بدودج اي موديل واي فئه ( وخبرني كيف التجربه )

    سيارتي دودج تشارجر RT
    جربت لمده يومين افالون الفل ( تجربه فاشله بكل المقاييس)
    الراحه اقل من التشارجر
    الفخامه اقل
    الهيبه والرزه اقل
    الرساوه اقل
    القومات لا مقارنه
    الداخليه اقل
    الامان اقل
    يكفيك ي خي انها دفع امامي ( يرجع كنت باصدم سبعميه مره )
    وشكرا

    + 0- 0
  12. اخوي bro0ok لاتتعب نفسك على الفاضي ههههه من تعلم بس الناس الحين طاحت بالسيارات الفخمه والشكل الحلو الرياضي والامبراطور ناشب بالتيوتا للمعلوميه الكامري الي عندك بالسعوديه مو كامري اسمها ديهاتسو وعبداللطيف جميل ماغير الشعار لان الاخوان الي مثلك ما راح يشترونها للافاده بس هذي معلومه بسيطه ايضا قارن الكامري الي بالسعوديه والي بالسودان وشوف الفرقالمواصفات تختلف تماما تراك يا حبيبي مخدوع بالوكاله يابعدي واذا جيت للمركب تقارن تشارجر srt بافالون وين عايش انت وش جاب لجاب بالله من جد انت ولا تمزح ياعزيزي للمعلوميه srt8 عامه سواء كان تشارجر او كرايسلر او تشالنجر تصنف من السيارات الفخمه . وقف عند ناس بافالونك الي تحبها وقف بتشارجر وشوف نظره الناس لك وتقتنع عموما تم تقييم الاخ bro0ok تقييم ممتاز ومقنع بينما تم تقييم الاخ راعي التايوتا بتقييم يناسبه

    + 0- 0
    1. يارجل لاترقع لتيوتا مشكلة الشعب طاح بشيء لو أيش مايغير
      عزيزي كامري 2012 أخذت تقييم سيئ وكاجودة سيئة وأمن فاشل بتجارب الفحص وتراها بعد مو بالسعودية بالخارج التجارب
      وبالمقابل سعر فوق على وش مادري؟
      شقف الفديو :
      http://www.youtube.com/watch?v=KBxfxvpg8TA

      بينما تجي بتقارنه بسيارات شعبية من الشفروليه أو أي سيارة ألمانية أو إمريكية
      يارجل الجيلي الصينية ec7 أخذت ممتاز 4 نجوم والكامري صفر

      بالنسبة للأفلون بكذب لو قلت سيئة لكن صراحة ماتصف جنب كرايسلر أو تشارجر
      بالفخامة وجذب الأنظار أشوف من صالح كرايسلر وتشالنجر وحتى بالقوة والراحة

      وبالأخير كل شخص ورأيه الخاص يمكن عشقه لنوع ما يعميه عن عيوبها

      + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقعنا الشريكة