هولدن تكشف رسمياً عن كابريس 2014

12460
82
@يزيد سبحي

هل تتذكّرون صور كابريس 2014 التي اثارت الكثير من التساؤولات ؟ هاهو الجواب, فقد كشفت هولدن رسمياً عن كابريس 2014. واتضح ان التوقعات السابقة خاطئة وشيفروليه امبالا لن تستبدل كابريس في الخليج.

كما تشاهدون في الصور, لم تتغيّر السيارة كثيراً من الخارج, فقد حصلت على اضافات من الكروم, وتغيير في تصميم جنوطها التي قياسها 18 و 19 انش. ولكن التغيّرات تكمن في الداخلية, والتي حصلت عليها بالكامل من الجيل الجديد من هولدن كومودور VF 2014. وتحلّت بها ايضاً شقيقتها شيفروليه SS.

عدا التصميم الذي تغيّر جذرياً في الداخلية, حصلت السيارة على مقاعد مغطاة بالجلد, ونظام تشغيل بالزر, ونظام MyLink التفاعلي محتوياً على نظام ملاحة. والفئة الأعلى كابريس V تحصل ايضاً على عجلة قيادة رياضية, و 9 سماعات Bose, وشاشات في الخلف مع سماعتين لاسلكيتين.

من جانب تقنيات السلامة, تحصل كابريس 2014 على نظام اوتوماتيكي للركن, ونظام تنبيه بحركة المرور خلف السيارة, ونظام التنبيه بالنقطة العمياء, وحساسات وكاميرا في الخلف.

تحت غطاء محرك الفئة الأساسية ستجد محرك V6 سعة 3.6 لتر. وفي كابريس V, الفئة الأعلى, ستجد محرك V8 سعة 6.0 لتر. للأسف لم تكشف الشركة عن مواصفات المحركات, ولكن من المتوقع ان يولد محرك الـ V6 حوالي 285 حصان, اما محرك V8 فقد يولد 353 حصان. مهما كانت اختياراتك للمحرك, ستجد ناقل حركة اوتوماتيكي مكوّن من 6 سرعات.

وفقاً لهولدن, انخفضت اسعار هولدن كابريس في موديل 2014 قرابة 10 الاف دولار, قد يكون ذلك بسبب أزمة صناعة السيارات في استراليا. ستبدأ أسعار كابريس 2014 في أستراليا من 54,990 الف دولار, اي حوالي 206,220 ريال سعودي. وسنراها في الأسواق نهاية العام الجاري.

بما اننا شاهدنا صورها التي نشرناها سابقاً وهي تحمل شعار شيفروليه, نعلم انها ستصل الينا في الخليج العام الجاري او بداية 2014, ما علينا الان سوى ان ننتظر الإعلان الرسمي عنها من شيفروليه, وحتى الان لا توجد معلومات عن أسعارها في الشرق الأوسط.

صور هولدن كابريس 2014 فئة V الرسمية:

الأسعار الرسمية لهولدن كابريس 2014 في أستراليا, ويظهر الفرق بين سعر موديل 2012 و 2014, والسعر المرتفع في السوق الأسترالي:

Untitled-3

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

82 تعليقات

  1. المشكلة انهم نزلوها في نفس اليوم اللي نزلت مرسيدس اس
    عشان كذا معد فيه ولا نوع من الانبهار
    خلاص معد ابي انا الا مرسيدس

     
    1. محمد الشامسي

      هههههههههههه هيه والله صدقك المرسيدس كرهتنا السيارات كلها

       
  2. اتمنى انهم حسنوا الجودة.

     
  3. ما كأن 200 كثير عليها ؟؟؟فيه أنواع وألوان وأشكال من السيارات تستاهل الـ 200 أكثر من هذي !
    وللأمانة كانت مع واحد من الزملاء يقول الله لايعيد الشر من ورشة لورشة مع ان موديلها جديد ؟؟

     
    1. جديد أقصد به من 2008

       
    2. غير مبهره

      الكيا كوريس تمرغ بأنف الكباري التراب افخم واجود والامريكي معتمد على السمعه فقط

       
  4. اتوقع فيه غلط بالسعر
    ٢٠٠ الف فيها لكزس وانفنتي

     
    1. الأسعار في أستراليا مختلفه تماما عن بقية الدول, وأسعارهم مرتفعه بشكل مبالغ فيه.

      كابريس 2012 سعره في استراليا $64,490 دولار لفئة الـ6 سلندر, يعادل حوالي 241 ألف ريال.

      لكن نتوقع في السعودية تحافظ على سعرها أو تنخفض لتترك فارق بينها وبين إمبالا.

       
  5. ياليت تتأكد من السعر

     
  6. أقول أهجدو. بس

     
  7. وووووين ٢٠٠ الف شكل اللي كتب الخبر موصاحي
    لا ويقول كمان انخفضت وصارت ب ٢٠٠ الف
    ٢٠١٣ الرويال ب ١٧٠ وانت تقول تبدا من ٢٠٠!!!

     
    1. يقول لك السعر في استراليا …. و السعر عندهم أغلى من عندنا بسبب الضرايب

       
  8. خبل انا اشتري كابرس ب200 الف .. ماشريتها ب100 عشان اشتريها بهالسعر !! اتوقع فيه غلط بالسعر
    السوق الان للتورس والتشارجر .. الكابرس مافي جديد والمبيعات من اقل لاقل لازم يتغير الشكل من 2007!!

     
  9. يا اخوان اسعار السيارات في استراليا اغلى من السعوديه بكثير .. الكابرس 2011 في استراليا كان بـ ٢٢٧ الف ريال وفي السعوديه ب١٥٤ الف .. يعني المفروض الاخ يزيد كتب انو السعر ذا في استراليا وليس السعوديه.

    مقارنه بين اسعار استراليا والسعوديه لعام ٢٠١١

    الـ Caprice V اللي هو في السعوديه SS بـ ٢٢٧ الف ريال .. السعوديه قبل الخصم ١٥٤ الف ريال

    اللومينا SSV في استراليا بـ ٢١٤ الف ريال .. في السعوديه اخر موديل لها كان ٢٠١١ وجت كميه محدوده وكانت بـ ١٥٨ الف ريال والسيارات تنعد ع الاصابع.

    الكابرس فعلا سعره راح ينزل في السعوديه عن موديل 2012 ومن مصادر في GM ME اكدو هالشي، وللمعلوميه .. قبل اسبوعين بالضبط كانو مسوين تجارب كابرس 2014 في الرياض والشرقيه وبدون تمويه.

     
    1. صحيح اخوي الخبر يتكلم عن سعرها في استراليا. وانا ماكتبت لانه مايحتاج, لاننا نتكلم عن هولدن مثل ماتشوف في الخبر, وقلت ننتظر نسخة شيفروليه منها. ما اتوقعت احتاج اعيد واكرر في كل خبر انه هولدن استرالية وماتخرج من هناك. لكن يفضّل اني اوضح الشي هذا. لأنه الكل لاحظ اسم “كابريس” بدون “هولدن”.

       
  10. Suliman ALothman

    موعد الاكشف عنها سيء امس مرسيدس وتبي نناظر كابرييس .!!!

    السعر التوقع فيه غلط .. 200 ويين ..

     
  11. ههههههههههه 200 على الخردة ذي ؟ ولاحتى غيرو التصميم وب200 ألف !!!

     
  12. تشوف تحفة مرسيدس وبعدين تجي تشوف ذي ههههههه قمة القرف
    مودع الكشف سيئ

     
  13. بالعقل كورفت C7 = ١٩٦

    كابريس = ٢٠٠

    تكفون فهموني

     
  14. ناصر العتيبي

    هههههه حلوة حركة نزلوها مع المرسيدس ،،،
    الكابرس الموجودة حاليا ماهي محتاجة إلا أنظمة ومواصفات وهذا الي حصل ،، السيارة صارت ١٠/١٠ والسعر بالسعودية ماراح يتعدى ١٧٠ للرويال ،، وفتره وب ترجع ١٥٥ …

     
  15. غير مبهره

    سياره زباله اساسا وماتستحق الانتظار ليس هناك تطوير جدي من شفروليه

     
  16. عاشق البناميرا

    معي وحدة ال تي زد ٢٠٠٨بصراحه سياره مع الخط وفيها
    جوده رووعه وجربوها مع الخطوط وراح تتذكرون كلامي

     
    1. صح الكابرس حق خطوط …
      بس أنا أفضل السيارات اللي للخط و لداخل المدينة افالون 2011-2012

       
  17. انا من عشاق الكابريس واستخدمت جميع موديلاته ٢٠٠٢ و٢٠٠٦ و ٢٠١٠

    السياره استراليه خررررده وخراباتها بالكيلو وماهي عمليه ابدا واذا جا الصيف تفتح فمها في كل ورشه الله

    لايعيد اليوم اللي شفتك فيه هنقللللللعي

     
    1. عاشق البنوميرا

      انا استخدمت 96ال تي زد ومشى معي 630 الف وبعته ولحد الان ماركبت سياره براحته
      ومعي الان2008 ال تي زد اشوفه موتر روعه لكن السياره تبي سواق اما اللي يبي يهجول بها فماانصحه بالكابرس لانه يبي رجال عاقل بسواقته

       
  18. سيارة ما تقدم اي شيء نفس الشكل نفس المحرك نفس القيرا
    وش السبب الي بيخليني اشتري السيارة ذي

     
    1. السبب : انه ما في سيارة بنفس سعرها تملك نفس قوة محركهـــا ودفع خلفي ..
      الشي الثاني لكزس ES الجديدة وأفالون الجديدة 2013 ع سبيل المثال ما تغيرت محركاتها ولا قيورهــا !!

       
  19. الموتر رووعه ولافيه كلام هولدن وشيفروليه ابدعوا

     
  20. والله يا انه السيكل احسن من ذا الموتر

    وسياارة المطاعم حقت سوزوكي ابرك ب مليون مرة

     
  21. ياشباب الي بيجي السعوديه وشو ذا ولا الانمبالا

     
    1. شيفروليه كابريس وامبالا بيوصلون السعودية بإذن الله

       
  22. توي جاي من خبر اطلاق مرسيدس اس كلاس

    ايوه واخباركم طيبين ههههههههههههههههه

     
  23. الأمبراااطور

    خرااااااااااااااااااابااااااااااااااااااات ومن ورشه لورشه…….

    وسعره ب200 الفف؟؟؟؟؟؟؟؟؟

    فيه سيارات لازم تحتااط منها مهما كاان……

    عندك الكابرس….اللومينا….حرااااره

    وعندك المرسدس ….كهههههرب ..ولا كل واحد يصلحه…

    من افضل السيارات بالنسبه لي …هوندا اكورد…بس مشكلته القطع بسس

    وعندك التويوتا اعتمااادي قووه ..بس من تالي البدي خرابيط

    السياره المتكامله …..جوده وشكل وفخامه …..(لـــكزس) وبسسس

     
    1. Suliman ALothman

      لو تفضل السيكل افضل لك .!!!

       
  24. اذا نويت السفر فعليك بالشفر

     
    1. كان معاي لومينا ٢٠٠٧ مشيت ٢٠٠ الف كيلو وماشتكت من شي غير انو انفرط عليا القير بسبب الاهمال في تغيير الزيت ورجلي كانت حاره على الموتر

       
  25. طيب الآن وش الأعلى سعر الكابرس ولا إمبالا ….

     
  26. طيب ليش قيرها على اليمين يعني انها ماهي بجاية هنا ؟

     
  27. غير معروف

    وش التغييرات الميكانيكيه ؟

    قير – نظام تعليق – مقاس الدفرنس

    لان ما لقيت اجوبه كافيه

    🙂

     
  28. عاد الي مسوي ينتف في الكابرس ومدري ايش اركبه انت وشوف بعينك صح انه ما فيه فخامه بس تحسه هيبه وباذن الله تجي الفخامه في موديل 2014

     
  29. يا شباب افدوني بليز الكابرس2014 متى ينزل با الظبط في رمضان ولا متى

     
    1. شيفروليه لسا ما كشفت عن كابريس بشعارها. غالباً توصل اسواق السعودية في بداية العام الجاي, مستحيل يتم اطلاقها في رمضان.

       
  30. اما بس الكابرس 2013 نزل في رمضان وانا مكلم مبيعات الي في الجميح يقولي في رمضان بس حبيت اتاكد

     
  31. عبدالرحيم الجهني

    سلام عليكم ورحمه الله وبركاته
    اول شي بالنسبه للكابريس
    او الوحش الاسترالي
    والله انه من اروع السيارات
    انا معاي كابريس 2006 اس اس الصلاه ع النبي مافي اروع منه خرابات مااااااااااافيه خرابات
    اذا على خرابات وفك فمها الناس متعودين على هايلكسات ودداسن وكوريلات
    انتم تتكلمون عن مكاين 6.0 يعني ايش يعني ال اس توو
    ال اس تو تستخدمها استخدام يومي
    ايش المشاكل اللي واجهتني بالكابريس 2006
    تنسيم مويا ينزل مع الخراطيش وترتفع الحراره اعبي المكينه مويا واعبي الرديتر وادق سلف وانتهى
    والمشكله الثانيه مشكله تبريد الجربكس وهذي المشكله انهوها شركه هولدن من موديل 2009 صارو ينزلو مبردات للجربكس ..
    ارتقو شوي والله العضيم انا معاي 2006 معيشني عيشت ملك
    سياره هيبه رززه ملكه بالخط لاخرابات ولا بلاوي الصلاه ع النبي ماشاء الله تبارك الله
    وربي اشوف الجديد شوي وابكي ابيه ابيه اجلس اناقز بالسياره تقل جايني وكزز
    اعرف كثير معهم الجديد 2008 وفوق ولاأحد يشكتي منه اللي انا مااتكلم عن الزباله مكاين الـ 6 سريندل لا الـ 8 ارخص واوفر وتريح راسك من كل شي ..^
    الكابريس رووعه وبالنسبه للسعر يقصدو بالسعر الاسترالي مو بالسعودي
    (( تسال الناس شلون تقول الكابريس فيه خرابات يقولك الناس يقولون ))
    طيب خل كلام الناس ينفعك ي رجل …
    سلام عليكم ..

     
  32. عبدالرحيم الجهني

    واي واحد اتمنى انه يقول وش نوع سيارته
    الكل يعرف ان السيارات الجديده كلها بالرساوه مااااش تعبانه حيل وهفه هوااا تحركهااا بالطريق
    وقسم بالله الـ 2006
    الصلاه ع النبي ماشاء الله
    مافيها اي خلاف
    ومن موديل 2009 طيرو كل المشاكل ولو تسال اااااااي احد سيارتك وش فيها مشاكل اذا قالك فيها مشكله انا ماعرف شي عن السيارات

    وشي جميل انهم غيروو شكل السياره من الداخل بس لو خلوها مثل اول الاناس بتمل
    انا كنت كاره الكابريس الجديد بالنسبه للديكور كانو ضالمينه شوي
    بس الحين جناااااااااااااااان روعه الصصلاه ع النبي بالنسبه لسعر 150 الف
    دعواتكم حبايبي ناوي اشريها بس ادعولي بالعروسه ناوي اخذها لجل الله يفتح علي وعليكم من الدعوات

    (( حبيب قلبي لاتحكم على احدد الكابريس فيه وفيه فيكك خير قبل تشتري اي سسسسسسياره ي حبيبي روح محلات التاجير وستاجر السياره اللي تبغاها
    كامري تبي .؟ فورد تبي .؟ مازدا تبي .؟ نسيان .؟ افالون كووووووولهههههههههههههههههههههههها
    م تسسسوي الكابريس جعلني فدوته جعل الله يرزقني اياه ….
    استاجر السياره وجربها وسافر فيها وعلى فكره السياره ماتعرف جودتها الا اذا سافرت بالطريق وعرفتها بالمنعطفات والهدوووووووووووووووء اللي فيها ..
    اذا مادخلت راسككك وطار الياباني من راسكك وعرفتتت ان السياره اللي انت فيها اجار ومافيها مشاكل هاديه الصلاه النبي بدون رجه بدون اي قربعه صدقني اول سياره بتدخل راسك هي

    بجد اسف ع الاطاله ..

     
  33. شخص مجهول

    الحمد لله….

    في الإنتظار بشعار شفرولية و ”خبر وصول كابرس 2014 إلى السعودية – سعودي شفت“…
    ^_^

    ———–
    طيب اللُّومينا مافي خبر عنها؟؟؟

     
  34. يرفض ذكر اسمه

    ماشاءءالله تباررك الله اخيرا غيرو الديكور الداخلي …. بخصوص الي يقول خربات ورش وماورش ياحبيبي انا كل فتره استاجر لي واحد واخذته وتعرف كيف لعنت والديه وهجولتبه وثم رديته والموتر مافيه ولاشي ولا عيوب

     
  35. يرفض ذكر اسمه

    ههههههههه بخصوص اليي يقول اعلنوها في وقت سيء مسوي انك بتشتري المرسيدس هههههههه قم عني هناك هههههه

     
  36. يعقوب محمد

    كل الناس كانو متوقعين تغيير الشكل ولكن ماتغير..
    نفس ماحصل بالضبط مع الفورد الكراون فكتوريا جلس شكلها سنوات طويلة وهو نفسه ماتغير وفي النهاية تم إيقاف إنتاجها وأعتقد أن هذا السيناريو سوف يتكرر بالضبط مع كابريس

     
  37. ابو عت عت

    اخوي معليش بس هالكلام مو صحيح ابدا

    قبل فترة واحد نزل نفس الموضوع بالنهاية طلع اشاعة

    لو تدخل موقع هولدن ما راح تلقى اعلان عن كابرس 2014 ابدا , او معلومات جديدة عنه

    الخبر الصحيح فقط ان اللومينا 2014 تغيرت كليا اما الكابرس على نفس حاله , او ممكن يتم استبداله بـ امبالا مافي خبر رسمي ابدا ,

    وصراحة ضحكت يوم قريت ( انخفضت اسعار الكابرس 10 الاف دولار )

    كيف انخفضت اسعارها وانت كاتب يبدا سعرها من 150 الف ؟ ههههههههه

    الكابرس اللحين سعره 108 الف لو انخفض 10 الاف دولار يعني بيصير سعره يبدا من 71 الف !!

     
  38. صدام المالكي

    اولا السلام عليكم اماا بعد المداخله كالاتي اناا معي كابرس 2008 6 سلندر اخذته متستخدم نظيف قبل 3 سنوات تقريبا ودوامي فالرياض وكل اسبوع نااقز عند اهلي فالطايف على الشفر وطبالين والحمدلله مااشي مثل الحلاوه ومع العلم اني سويت فيه حوادث صاادم كابرس 90 وجه لوجه ودخلته ورشة وطلعته وماشاء الله صار احسن من اول وبعدها تقلبت عليه والحين فالورشه وبيطلع بعد اسبوع الله يكون فالعون الحاصل من الكلام ذا ان الكابرس حماار مكده بس مثل ماتاخذ منه اعطه حقه والله ولي التاوفيق

     
  39. صدام المالكي

    والدليل الثاني انه يكد كد الحمير الشعب السعودي ماقصر فيه تفحيط ودرفت وتفجير وتطعيس وسباقات بالعربي خط بر بحر جوو هههههه كامل والكامل الله ويجيك واحد مطفي النور ويقول الكابرس خرابات يااليل مطوولك

     
  40. عزوز الجهني

    ي حبيبي وربي الشفر ما عليه كلام ابد كل الناس تقول الشفر خراباته كثير وهو ما عمره طلع السسياره انا معااي لومينا 2004 يعني لها تقريبا 10 سنوات وررربي زي الفل واني كارفها كرف الحمير يوميا جده مكه والطاايف احيانا والله مافيه شيء و ادا جات على حراره عبي اللديتر مويه وصلى الله وبارك

     
  41. بخصوص اللي يقول ان الكابرس كله خرابات

    انا معي 2006 ltz v6 له 8 او 7 سنوات
    وماشي زي الحلاوه ماشتكيت من شي ابد لا من قير ولا مكينه

    يعني بلا كذب لاتجي تلعن اوم اومها وتخربها وتقول كلا خرابات

    وانا اضرب خطوط ولا اشتكيت منها

     
  42. بالنسبه للي يتكلمون ليه الاسترالي اغلى ي حبيبي الاسترالي جميع سيارته مزوده واقوى من الامريكي .
    على سبيل المثال الكابرس الي يجينا السعودية يختلف تماما عن الكابرس الاسترالي .
    الكابرس الاسترالي مزود بشاحن هواىي اسمه سوبر شارجر عشان كذا تجده غالي وغير كذا ما يعرف الورش نهاىيا انا انصح بالاسترالي وانا عندي كابرس اس اس استرالي صراحه تحس انه معاك سياره فخمه وسريعه ومزوده تزويد وكاله

     
  43. لا تستعجلو …. شوفو الفديو هذا … اعتقد انها كابريس اس اس http://www.youtube.com/watch?v=N-CvZKezb6A

     
  44. بالنسبة للكابريس أنا خبرة … معاي كابرس 8 سرندل . موديل 2008 يوم اجي من السفر او مشوار بعيد احط يدي عل الكوبت حار وريحة احتراق المكينة طالع .. والحراره على النص ما تتعدا … المهم شلت البلف طناخه ابي اجرب .. صارت الحراره ما تتعدا الربع فالحر .. وفالبرد تحت الربع .. والمكينة ملها ريحة احتراق مرتاحه حيييييييييل .. له عندي اربع سنوات .. البلف ينفع بالمناطق اللي فيها ثلج فقط .. البلف سبب في تلف المكينه وعدم تعميرها مده اطول … ما عليك من الوكاله والمكنيكيين . يقلك لازم البلف يحجز المويه ويبرده فالاديتر بعدين يفتح ويلف حول المكينة يبردها كله كلام فاضي انا عارف كل هذي الامور . نصيحة مني شيل البلف … بس فالمناطق البارده لازم تحمي السيااااره حتى ترتفع درجة الحراره لربع بعدين انطلق .

     
  45. يبولا تكثرون من الهرج ذا كابريس انت وجهك وييين بـ200 او فيه غلط لا مافيه غلط للاسف يقول كذا موقادر يشتريه يعني خلونا نلعب عل مكشوف ياحبيبي. الي مايعرف الصقر يشويه هاذ كابرس هولدن ياحبيبي

     
  46. سلام عليكم
    لاتظلمون الكابرس يااخوان انشهد انه ملك الطريق
    عندي واحد مديل 2005طلعته من الوكاله الحين
    ماشي 370000 ماشاءالله تبارك الرحمن يقول
    هل من مزيد وربي موتر والي مايقدره خسران
    بس مثل ماقالو الاخوان يعطيك عطه ولاتنسى
    صيانته اول باول وشوف كيف يعيش معاك

     
  47. هع هع هع الي يشتري كابرس وربي يكرهه حياته ،،، كان معي اس اس ٢٠٠٧ ورب البيت ماقدر اسافر عليه اخاف يخرب علي يبلشني اقل سطحه ٢٠٠٠ ريال وربي كنت اخذ الكورولا ٢٠٠٦ حقت البيت عشان اسافر فيها وهذا ماقد مشى ١٦٠الف ههههههه

     
  48. تستاهل بكل سعر

     
  49. اذا هي بالخربات كل سياره تخرب

     
  50. اخاف تكون الاشاعه صحيحه بخصوص الامباﻻ لانو التاهو واليوكن نزلو شكل 2015 ولحد الان مافي اي معلومه رسميه عن الكابرس 🙁

     
  51. فهد الرياض

    ياجماعه خلونا من استخدامها ومادري ايش انا ابي اسال عن كابرس اس اس 2014 هل نزل وكيف شكله ومتى ينزل للجميح

     
  52. فهد الرياض

    ابي جواب مليت من تصريفات موضفين الجميح كل ماسالت واحد عن شكل الكابرس يقول ماتغيير والي يقول ماراح ينزل وكل واحد له كلام ابي شخص يعلمني كلام صحيح عن الكابرس بليز افيدوني

     
  53. عبدالله العتيبي

    انشهد انه موتر فخامه وعز والي يقول خربات ماخربات انا معي موديل 2010 ال تي زد 8 سلندر كارف والدينه وشهريا الرياض الطاىف لاشكيت من خربات ولايحزنون

     
  54. زايد المفضلي

    أشتري لكزس is350f أبرك من الرويال بمية مره وارخص منها 200 سلامات وين حنا اللكزس 175 وقير 8نمر ومكينة 435 حصان اقوى من الرويال اللي يفاخرون بها

     
  55. يَ عمي أسمع انت وهو ترى الكابرس أطلق سيارة وخاصة الأس إس أكثر شيء دخل مزاجي ااااهه بس من موديل 2010 لين الحين وآنا أتمناه ولا جاني أدعولي أن الله يفرجهاا معي قسم بالله باقي شوي وانجن يوم أني شفت موديل 2014 حرام عليكم يَ شفروليه تعذبوني الكابرس أطلق وافخم وارسئ سياره يالعالم

     
  56. كابريس 2011 وفوق مافيها مشاكل وخرابات زي اول ومتاكد

     
  57. السلاا عليكم بالنسبة للي يقول خرابات ماتصلح يقولون ياعمي طير الشفر قهر ولي يذمه ماجربه الكابرس ماأستخدمت ألى جديد 2009 ال تي زد فل 8 مسوي له برمجه مفتوح لكازز اشكال انواع بي أم جميع الاحجام ياأخي وربي مليت من المطارحه صرت ماطارح ألى الدبابات وأطقطق عليها دوامي في في الرويس الشرقيه ساكن في الجنوب كل أسبوع نزله طلعه وأنت يلي يذم الكابرس جاهل نقال كلام بس صدق الي قال أنزل أستأجر وعلى شحم الشحم طيب¿
    قالها الشاعر علي القحطاني غناء عيسى الاحسائي
    محلا الشفر محلاه ومن ورده مشكور الالمان تصنع لتبقى أما الامريكي يصنع ليقهر على مرر الزمان
    فيه مقطع

     
  58. على الرقم من جمالية المقصورة في موديل 2014 توقعت تعديلات على المحركات وعلبة السرعات مثل دودج تشارجر وكرايزلر 300 سي ذوات الدفع الخلفي
    ولكن من وجهة نظري وبعد استخدام موديل 2012 التي زد سيارة روعة وعملانية وصاروخ عالأوتستراد واعطالها قليلة عن موديلات 2007 – 2009 وتبيها عقلانية واهتمام

     
  59. هوفو الشرقيه

    اقول بختصرها بربع كلمات

    مايطرب البشر غير الشفر وسلامتكم

     
  60. بلا طرب بلا هم

    كان عندي كابرس وبهذلني بالخرابات

    وطقيت لي فكتوريا ٢٠١٠ وريحت راسي من شي اسمه كابرس
    صح انه موتر بس خرابات
    وزي ما قال احد الاشخاص الي ردوا تفتح فمها بالصيف

     
  61. اتوقع الاسعار بالدولار الاسترالي يعني تطلع 187,326 ريال
    واظن انه عندهم ضرائب عاليه

     
  62. شفر فور ايفر

    قال ايش قال الكابرس خرابات انا كان معي 2001 و مشاني زي العسل ما اشتكى من شي مشى معي حدود الـ 400 و بعته و اللحين معي 2005 و ما شاء الله عليه و اللي يقول حرارة و مدري ايش هذا اكيد معه كورلا و لا كامري بس يبي يطلع عذاريب بالكابرس اللي ما يطول العنب حامض عنه يقول

     
    1. صلاح طلال الشمري

      ياجماعه صلوا على النبي اللهم صَل وسلم عليه
      الكابرس والامبالا نفس الشي وانا الحين مستعمل امبالا موديل ٢٠٠٧ وارد اميركا اقسم بالله انها تسوى الكابرس الأسترالي متانه وجوده عاليه ولاخراب ولابطيخ الا اللهم تغير زيت المحرك مع الفلتر بلحظة تبديله اقصد تمشي عليه مثلا ١٥٠٠ كيلو مباشرة يتم تغيير الزيت مع الفلتر وهذا ولله الحمد مستعملها وماشكيت منها من خراب او عطل فني لاسامح الله
      لكن السؤال اللي محيرني هو ليش اميركا وقفت تصنيع الكابرس ؟
      المهم عليك بالشف وبس التقول تويوتا وخرابيطها ولامرسيدس وللعلم المرسيدس عندي وحده من عام ٢٠٠٢ للحين ماشكيت منها ولا اطلع فيها اصلا لكن مركوب الشفر لايعلا عليه
      تحياتي واحترامي

       
  63. شفر فور ايفر

    الله يرزقني بواحد 2014

     
  64. فالح حميد المطيري

    احلا صوار سيارات كابرس 2014 احلا نوع واحسلاكم تشاجعوني علا الصور وسوف ارسل لكم الصور اولا ماينزل كباس 2015

     
    1. فالح حميد المطيري

      طيبا واشا اسويالاك

       
  65. فالح حميد المطيري

    @شفر فور ايفر
    ايا واللة وانت والصادق كان عندي واحد موديل 2002 الحينا عندي ماشي زي الفلالا والحيت امشي علايها الدمام يوميانا ماصار الا خراب واحد اللاهوا الردياتا

     
  66. صلاح طلال الشمري

    ياجماعه صلوا على النبي اللهم صَل وسلم عليه
    الكابرس والامبالا نفس الشي وانا الحين مستعمل امبالا موديل ٢٠٠٧ وارد اميركا اقسم بالله انها تسوى الكابرس الأسترالي متانه وجوده عاليه ولاخراب ولابطيخ الا اللهم تغير زيت المحرك مع الفلتر بلحظة تبديله اقصد تمشي عليه مثلا ١٥٠٠ كيلو مباشرة يتم تغيير الزيت مع الفلتر وهذا ولله الحمد مستعملها وماشكيت منها من خراب او عطل فني لاسامح الله
    لكن السؤال اللي محيرني هو ليش اميركا وقفت تصنيع الكابرس ؟
    المهم عليك بالشف وبس التقول تويوتا وخرابيطها ولامرسيدس وللعلم المرسيدس عندي وحده من عام ٢٠٠٢ للحين ماشكيت منها ولا اطلع فيها اصلا لكن مركوب الشفر لايعلا عليه
    تحياتي واحترامي

     
  67. الكابرس انتهى تاريخة وهذي السيارة تحمل اسمة تزوير من جنرال موتورز لتستفيد من سمعة الكابرس القديم فوضعت اسمة على هذه السيارة الفاشلة التي تنتج في شركة هولدن الاسترالية
    وليس لها علاقة بالكابرس ابدا ابدا

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة