هيونداي تعلن عن اسعار جينيسيس 2015 الرسمية

2797
75
@يزيد سبحي

2015-Hyundai-Genesis-front-three-quarter-02

اعلنت هيونداي بشكل رسمي عن اسعار الجيل الجديد من سيارتها الفاخرة جينيسيس موديل 2015. الأسعار المذكورة هي لسوق الولايات المتحدّة, وكما وعدت الشركة حاولت قدر المستطاع ان تبدأ اسعارها بأقل من 150 الف ريال سعودي.

يبدأ سعر الفئة الأساسية بمحرك V6 سعة 3.8 وبقوة 311 حصان من 38,000 دولار, اي حوالي 142,511 ريال سعودي. تأتي الفئة الأساسية بميزات عديدة مثل مقاعد امامية بنظام تسخين, شاشة لمس بنظام ملاحة, مصابيح امامية LED, ومساحات تعمل اوتوماتيكياً عند هطول الأمطار, وصندوق خلفي يفتح بحركة بسيطة بالقدم من اسفل الصدّام الخلفي, وجنوط 18 انش. تأتي السيارة كذلك بشاشة معلومات امام السائق بقياس 4.3 انش, وتشغيل بالزر, و7 سماعات صوتية.

اذا اردت الفئة الأساسية بنظام الدفع الرباعي, سيضاف الى السيارة حوالي 9,375 ريال سعودي. يأتي مع نظام الدفع الرباعي عجلة قيادة ومقاعد خلفية بنظام تسخين, ومنظّف المصابيح الأمامية.

اما الفئة الأقوى ذات محرك الـ V8 سعة 5.0 لتر وبقوة 420 حصان, فسيبدأ سعرها من 51,500 دولار, اي حوالي 193,140 ريال سعودي. اضافة الى الميزات السابقة, تتميّز فئة V8 بمصابيح ضباب LED, و اربعة مخارج بنظام العادم, وجنوط 19 انش, وسقف بانوراما, وعدادات رقمية, ونظام صوتي بـ 14 سماعة, واضافات الخشب الطبيعي الفاخر.

سيتم اطلاق السيارة في الولايات المتحدّة الأمريكية هذا الشهر. شاهدنا صوراً كثيرة لجينيسيس الجديدة في السعودية وهي قيد الإختبارات, اي انها لن تصل الينا الا متأخراً قليلاً هذا العام.

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

75 تعليقات

  1. اسعارها جداا معقوله على مواصفاتها . وين تحصل سياره فاخره بمكينة 8 سلندر وقوة 420 حصان بـ193 الف

    + 0- 0
    1. كرازيلر C300 SRT8

      + 0- 0
      1. الكرايسلر يا مروان ب 227

        بس تدري الأمريكي متعبة صيانته وخصوصا مجموعة كرايسلر والي هي جيب ودودج وكرايسلر

        + 0- 0
      2. الحين بالله تصنف كرايسر كسياره فاخره؟! يارجال فاضيه من الداخل مافيها اﻻ الشاشه والعدادات مافيها نص مواصفات الجنسس .. بس اقولك الصراحه انا لو معي 193 ماراح احطها في الجنسس حاليا راحاخذ سياره اصغر بشوي وومواصفات اقل بس ماركه لها تاريخها في السيارات الفاخره .. ﻻكن بعد كم سنه بكل تاكيد لما تزيد خبرة هونداي في السيارات الفاخره انا اول واحد بفكر فيها .. طبعا الكﻻم هذا كله لو معي 200 الف هههع

        + 0- 0
        1. معاك في كلامك

          في الوقت الحالي لينكون MKZ أفضل خيار

          + 0- 0
        2. شف خابرينك وخابرين تطبيلك الأعمى للكوري مع احترامي
          اذا كنت جاهل حاجة معينة لا تتكلم فيها .. حلو ؟
          الكرايسلر فيها مواصفات ممتازة وفيها حقها من الفخامة
          ولكن كجودة و عزل و رساوة صدقني ما تتقارن فيها ذا الكرتون الكوري

          + 0- 0
          1. لاتغير الموضوع لتطبيل .. لو تكلمنا عن التطبيل مافي غيركم حقين الياباني .. اذا كنت ماتعرف تميز بين فئات السيارات فهذا يدل على ان الجهل صفه من شخصيتك .. الكرايسلر من فئة الافالون والازيرا وو الخ بالرغم انها تتوفر بمحرك 8 .. الجينسس من فئة الكزس جي اس و البي ام دبليو الفئة الخامسة و المرسيدس E كلاس السياره هذي انتجت لتنافس في هذي الفئه .. وبعدين مافي شيء اسمه صدقني وصدقتك في ارقام وفي شركه تصنع سياره لمنافسة فئه معينه وعملاء معينيين ..

            + 0- 0
          2. اجل تقول لينكون MKZ أفضل خيار !!!

            اقول انت امثالك سبب للدجة والندم والبكاء هذا اما انتحر الشخص

            جاي تهايط يقالك تعرف وانت عليك بس بالظاهر ؟

            تعرف سعر السياره كم وهل هي شعبية ام لا؟

            هالسياره هذي مثل الشوكة بالبلعوم صعبه بيعته لعدم شعبيتها ويدب سعرها علطول

            خل تنفعك المظاهر بكرا اذا بغيت تبيع صحت عاد من زين السياره من برا ام القبح

            + 0- 0
        3. فعلاً انت من مطبلين الكوري وردك السابق أكبر دليل
          كونك تجهل بسيارة معينة او يخليك تعصبك الأعمى للكوري تنقص منها هذا يدل انك جاهل

          + 0- 0
          1. مايحتاج اطبل للكوري مبيعاته وتفوقه مايحتاج لتطبيل احد ولا لانتقاد احد .. اذا وضحنا الحقيقيه وطلعتو جاهلين قلتو تطبيل الله المستعان

            + 0- 0
          2. ما شفت بردك اظهار للحقيقة
            شفت تطبيل اعمى
            وفعلاً كلن يشوف الناس بعين طبعه
            انت جاهل يوم تقول الكرايسلر ما فيها الا الشاشه الحمدلله والشكر هذا اكبر جهل تتفلسف وانت ما تدري
            و كان مقياسك بالسيارات هي المبيعات فتراك ما عندك سالفة
            حتى المبيعات اللي فرحان فيها ما تفوّقت ! ههههه أكبر ثلاث شركات مبيعات تويوتا وجنرال موتورز و فولكس واجن
            يابانية و أمريكية و ألمانيّة ،، وين الكوري من الإعراب ؟!!

            + 0- 0
        4. من جدك؟!
          لا ياشيخ
          معليش اوكيه الجنيسس حلوة
          لكن ما توصل الكرايسلر سي 300 SRT8

          مع احترامي لك

          + 0- 0
      3. انا احب الامريكي وكنت ما احب الياباني ولا الكوري نهائي .. بس الصراحة راح اخذ جينيسس الجديدة ولا الكرايزلز
        هيونداي بصراحة مبدعة بالمواصفات .. الحق ينقال

        + 0- 0
  2. تخيل اني ادفع ١٩٣ ألف في جنسيس

    + 0- 0
    1. ابسألك قبل ماتقول 193 عندك هالمبلغ انت

      + 0- 0
      1. الرجل صادق خذها بعقلانيه وفكر تدفع مبلغ بحدود 200 الف على شركة جديده في عالم السيارات الفاخرة
        حاليا هيونداي تواجه شركات محترفه في عالم السيارات الفاخرة، لكن اذا اثبتت هيونداي جدارتها اقول معاك حق

        + 0- 0
      2. اول شي هذا شي ما يخصك
        ياترد بعقل ولا تجيب لنا دليل انه ما يملك هالمبلغ

        + 0- 0
  3. ابوعبدالله

    بصراحة السعر معقول جداً بنسبة لمنافيسة

    + 0- 0
  4. بالبدايه لم اتقبل السعر

    ولكن تصميم السياره وفئتها ومحركها والموصفات القويه بصراحه حقها بالتمام

    لو سياره يابانيه بتكون اقل الايمان 250 الف بمحرك 6 سلندر

    وونتظر طرحها بالأسواق والحكم على الشكل بالواقع

    + 0- 0
  5. اذا صرت دافع ١٩٣ الف بازود عليها واخذ لي مورسيدس ولا عاد يفرق معي المحرك

    + 0- 0
  6. مدري الشباب عندهم طابعات تطلع لهم فلوس من البيت 193 الف ويقول معقول جداً بعد اضن ان المعقول مخالفها الصراحه السعر مبالغ فيه للأمانه
    الا اذا ال بابا وال ماما يشترون لك السياره فا مو معقول قل ببلاش نسمح لك

    + 0- 0
  7. على حشب انت وش تبي من السياره، يعني تبيها بديل للكرايزلر ٣٠٠ سي اوكي ممكن... لكن انها تشترى كسياره فاخره و لها مكانتها مثل بي ام او مرسيدس او حتى لكزس و جاكوار... ماش ما احسها وصلت لهم ، على الاقل كاسم ، اما اذا نتكلم عن المواصفات اللي بتقدمها بذا السعر مقارنه بالشركات الثانيه ايه الجنسس تقدم اكثر باسم شركه اقل نوعا

    + 0- 0
    1. لكزس ما تقارن بمرسيدس
      كيف تصفها مع الكبار

      لكزس تقارن بلينكن وانفينتي وهالنوع

      + 0- 0
  8. ايش البابا والماما على الفكرة الناس مدهرة في القروووووووض
    خذ قرض واشتري
    لايغرك ياحبيبي المظاهر
    واحد من مئة ابوة ولا امه يشترو له سيارة .....

    + 0- 0
  9. احلى شي في هذه السيارة سعرها المنخفض و المواصفات الرائع الي تجي معاها
    الان هذه تعتبر سيارتي المستقبلية
    صح انها كورية بس ما دام انها تقدم كل الي احتاج في سيارة فخمة فهذا اهم شيء عندي

    + 0- 0
  10. بقيمتها خيارات أخرى جامعة المواصفات و ( الاسم المرموق والعريق ) وهذا شيء مهم
    وانا بنظري اكثر سيارة جامعه هذي الاشياء وبسعر معقول مثل الجنيسس هي كرايسلر SRT8
    محرك 470 حصان ! وشكل فخم و مواصفات ممتازة و اسم له مكانته مقارنه بالجينيسس وحول سعرها بعد

    + 0- 0
  11. بقيمتها خيارات أخرى جامعة المواصفات و ( الاسم المرموق والعريق ) وهذا شيء مهم
    وانا بنظري اكثر سيارة جامعه هذي الاشياء وبسعر معقول مثل الجنيسس هي كرايسلر SRT8
    محرك 470 حصان ! وشكل فخم و مواصفات ممتازة و اسم له مكانته مقارنه بالجينيسس و أكثر جودة وحول سعرها بعد

    + 0- 0
  12. طيب ياللي يقول كرايسلر ومدري ايش والسيارات الثانيه ... مافكرت بالصيانه وقطع الغيار؟؟
    انا ما قول ١٩٣ رخيصه بس بالمواصفات اللي فيها ترفعها كذا بس في النهايه تشريها بعد شهرين اذا تبيع و جابت ١٧٠ هذا وجهي ههههههههه

    + 0- 0
    1. على اساس ان الجينيسس تمسك سعرها !! أكثر سيارات تطيح السيارات الكورية
      والكرايسلر تمسك سعرها بشكل ممتاز مقارنة بالجينيسس لأنّها مرغوبة هنا وكثرتها بشوارعنا تشهد

      + 0- 0
  13. من الخطأ الكبير أنك تدفع أكثر ١٢٠٠٠٠ في سيارة هونداي مهما كانت فخامتها ..

    + 0- 0
    1. افهم من كلامك انك تبي الجنسيس 8سرندل فل كامل بمواصفاتها الي تنافس ال GS او افضل تبيها ب 120000
      هذا مفهوم كلامك يعني تبي الازيار ب 60000؟؟

      شخص يبي يستخدم الجنسييس اكثر 4 سنوات ياخذها وهو مغمض بعدين السياره اثبتت فخامها وصبرها بالموديلات السابقه مايجيني واحد تووه شارب حللليب بعران وجاي يعلق مايدري عن الياره شي ولا ركبها ولا يعرف شي عنها انا اجزم ان 60 بالمية من الي علقوا او الي حطو لايك او دسلايك ماركبوا السيارة ولاطقو خبرها

      ال C300 SRT قويه بفارق بسييط والباقي للجنسيس غير كذا الوكيل خايس حق ال C300

      الSRT من 0-100 ب4.8 والجنسيس 4.9 او 5.0

      امس بالمعارض مو بالوكالات الجنسيس 6V اقل من نص فل ب 145 وال V8 ب 185 ماصدقته لكن ممكن 190

      + 0- 0
  14. ١٩٣ الف في هونداي !!
    قيمة مبالغ فيها جداً في جينسيس
    فيه خيارات كثيرة
    عادي تزيد عليها تاخذ لك مورسيدس او بي ام او انفنتي
    اذا الكيو ٥٠ حقت الانفنتي الفل حقها حول ١٨٠ الف اتوقع اسم انفنتي يكفي
    او بنوراما مستعمل افضل من انك تاخذ جينسيس
    واللي يقول تغير شكل البنوراما
    اقوله المورسيدس ما يضره تغير الشكل الى ذلحين فخامة ورزت البينز ٩٠ الى ذلحين وملاحظه في الشوارع

    وجهت نظري !

    + 0- 0
    1. كلامك صحيح
      مرسيدس مايبيلها كلام

      + 0- 0
  15. احمد الحوسني

    وبدأت السيارات الكورية (بالمبالغة) بالاسعار !!
    مواصفات و مواصفات ..
    وكل الي موجود في السيارة (مب ابتكارات) انما مواصفات اقل سيارة في المرسيدس او اللكزس فيها نفس المواصفات ..
    على الأقل احط فلوسي على شيء مضمون ..
    والصراحه واتمنى ما يزعلون مني بعض الاخوان ..
    لو خيروني بين لكزس is 350 وهذي الهيونداي (وهم بنفس السعر تقريباً) ..
    راح اختار اللكزس !!
    حتى لو الهيونداي اكبر و اوسع وفيها مواصفات ..
    بعترف بالسيارات الكورية ..
    عندما تبدأ (بالاختراع والابتكار) ..
    حالياً هي والسيارات الصينية في نفس الحقل

    + 0- 0
    1. أتوقع في مواصفات في الشنطة وقوقل قلاس اللي موجودة في بلو لنك ٢.٠ المواصفات ذي الأولى في فئتها و 4htrack التحكم في الدفع الرباعي مثلا تحط على السبورت يتحول ٩٠٪ من الدفع الى الخلف أما هذه جديدة على السيارات ما في سيارة سيدان تتحكم انت في الدفع حقها

      + 0- 0
  16. السيارة ممتازه وفيها مواصفات قويه على نوعها لكن بصراحه ملاحض ان الشركات الكوريه بدات تزيد من اسعارها تدريجيا بعد ماضمنت قاعده كبيرة من المعجبين

    + 0- 0
  17. مساحات تشتغل اوتوماتيك وتسخين مقاعد!!

    تراها موجوده بالشبح موديل 92!!

    وين الفخامه بالموضوع؟!!

    للاسف المواصفات مخيبه للامال والسعر عالي

    المفروض سعرها بنفس سعر الموديل القديم!!

    + 0- 0
    1. طيب الكمرة الخلفيه موجودة من 2002 بأول سياره صار فيها كميرا ورا اذا ماخاب ضني وهي انفينتي M45

      افهم من كلامك يشيلون الكميرا خلاص صار شي قديم؟؟ وش يحطون ادمي ورا يعلمك؟؟

      مراتب الجلد صار شي قديم وش يحطون المنيوم..؟؟

      مراتب كهرب صار شي قديم؟؟؟ طيب المورسيدس نفسها 2014 فيها مواصفات عام 92 الي انت ذكرت !! يشيلونها

      + 0- 0
  18. اللي يدفع 175الف ب ال ss يقدر يدفع 193الف بسيارة افضل من شفر كلها استمري باحراج الشركات يا هوندااي

    + 0- 0
  19. بعدين اللي يقول المفروض بنفس سعر الموديل القديم يعني م شفت فرق المواصفات بين الموديلين!!!!!!

    + 0- 0
    1. يارجل غباء احمد ربك ع النعمه
      وكل السيارات اول ماتطلع يصير فيه زيادة في السعر

      + 0- 0
  20. حق فل الفل 160 الف ولا ريال زيادة . وجهت نظر

    + 0- 0
  21. يالبييييه 180 الف , ان شاء الله في الجنه . خوفك لاهذي ولا هذي ..استغغر الله

    + 0- 0
  22. ههههه تحليل واراء ونصهم ماعنده 100 الف صح تشوفونها غاليه وماتستاهل السعر جيب سياره ضمان مفتوح الكيلو وصيانه مجانيه مثل الجنسيس انا معاي 2014 فل كامل اخذتها ب124 الف صراحه مافيه مقارنه لها بنفس السعر اتكلم الي بيشتري 6 سلندر وقوي عزمها وانسيابيتها وعزلها ممتاز الكزس نص فل ولا فيها مواصفاتها ب165 الف و6 سلندر اما بسعر 200 الف ل8 سلندر صح بحطه بالماني

    + 0- 0
  23. سعرها منافس بالنسبة لسيارة 8 سلندر من فئة السيدان الكبيره
    بس من رأيي الى الحين جنسيس ماوصلت لمرحلة السيارات الفخمه من ناحية الاسم و الهيبة
    المواصفات موجوده في اقل فئات السيارات ماعاد صارت هي الحكم بالفخامه

    بالنسبة لي بسعرها فيه خيارات كثيره حتى وان كانت اقل قوة من محرك الجنسيس بيعوض ذلك بالاسم والهيبه
    منها كاديلاك cts ولينكون mkz و mkx و mks و فيه اللكزس ES والانتفني fx

    + 0- 0
  24. محمد العوفي

    والله مدري وش اقولكك
    هههههههههههههههههههههههههههههههههه

    + 0- 0
  25. جميله لكن السعر مبالغ فيه

    + 0- 0
  26. بالنسبة لي أشوف إن سعرها معقول ، والله كلنا نتمنى تكون بسعر أقل من هذا لكن خلونا واقعيين شوي وعطوا السيارة حقها يا جماعة ! هيونداي تلعب بورقة المواصفات في المقام الأوّل وبعدها يأتي التصميم المميّز الخارجي والداخلي بالنسبة لي (مسألة أذواق) لكن أعتقد أن الأغلبية يتفقون معاي إن الشكل الجديد يتفوق بمراحل على الموديل السابق ، من الخارج ومن الداخل ! ثانياً مسألة جودة المواد الداخلية أعتقد إنها تحسنت أيضاً عن النسخة السابقة .. في النهاية معادلة هيونداي بسيطة ، شكل أفضل + جودة أعلى + مكينة جبّارة + مواصفات تتفوّق فيها على المنافسين من نفس السعر = إرتفاع في سعر البيع بكل تأكيد .. ويحق لهم صراحة .. عموماً تظل وجهة نظر شخصيّة والحكم النهائي على السيارة بعد نزولها بإذن الله .

    + 0- 0
  27. محمد العوفي مدري ايش اقولك ^^ قول اللي تبي ولا انحشرت وبعدين خذ مرسيدس مستعمله وشوف قطعها والقطع الاستهلاكية الى وين توديك انا شخصيا اشوف ان الجينيسيس كمواطن عادي اخذها مو اتفشخر بمرسيدس وقطعها موكلتني ت ر ا ب

    + 0- 0
    1. كلام سليم

      جنسس فل كامل V8 ب 190 تقريبا رووح شوف تايوتا والامركي وغيره بنفس السعر؟؟

      + 0- 0
  28. سيارة حلوه لكن فيه افضل منها بسعر مقارب مثل كاديلاك

    + 0- 0
  29. ياشباب ،، ترى هذا سعرها بامريكا.

    يعني بتجيك هنا وقدها مشلحه مواصفاتها, وزيادة سعر بعد.

    حاليا شوف الفرق بالمواصفات بين المجدوعي والوعلان والناغي.

    كاني مشتري من شركة ثانيه من قوة فرق المواصفات بالجينيسس.

    + 0- 0
  30. لا بس اعججبني تعليقك ان جينسس افضل من شفر كلهاا هههههههههههههههههههه
    كنا نصيح من اهل التويوتا بس طلعو اعقل منكمم ي الكوري

    + 0- 0
    1. حقين تايوتا بل حالهم

      يلعب عليهم عبداللطيف جميل وعارفين انه يلعب عليهم لكن من شاب على شئ شاب عليه

      + 0- 0
    2. والله يالأمريكي انه مخييييييييس

      + 0- 0
  31. وش شايف المورسيدس كل يوم في الصناعية وترى م عاد فيه فرق كبير بين اسعار القطع
    وعادي جداً اني ادفع وانا راكب مورسيدس ولا ادفع وانا راكب جينسيس
    ي ١٩٣ الف ياللي تطير ياللي ترفع الكفره من الحفره عشان م تطيح فيها ياللي تسوق بداللي هههههههههههههههههههه

    + 0- 0
  32. الله يرزقك باللي تبغاه ي خالد وترا محد يقدر يضحك ع الكوري فهذا الوقت يا تنبهر من تقدمه يا تسكت

    + 0- 0
  33. مهما كانت مواصفات السيارات الكورية الجودة ضعيفة مواد الخام رخيصة اعيد و اكرر الكوري مواصات بدون جودة

    + 0- 0
    1. كيف عرفت تدري انواع الجلود المستخدمة في السيارة تدري الحديد ووسائل الامان وشي

      ماتعرف شئ جاي ع عمااك لو اقولك وشو الكاربون فايبر ماعرفت وشو ولا عرفت قوته تبي تروح تبحث عنه في قوقل

      + 0- 0
  34. انا مشتري الجنسس سيدان 3.8 فل كامل ب ١٤٠ الف ولله الحمد ما ندمت وناوي اخذ الشكل الجديد صراحه صعب احد يجاريها ع الخط باستثناء السيارات الغاليه جدا

    + 0- 0
  35. اقول تبون العلم والي ملحه فيه امتعونا من امكذاب خذ لك كرسيدا بقس 92ترى يمدحونها وربي ماادفع 200 الف في حديد وبكره صادميني ورايحه تشليح الا وانا ع لموزبن يازينها ابو كربريتر وبليتين ودف وانتع ههههههههههههه ماعليش بس مداخله من مطفر

    + 0- 0
  36. جينسس الكلام يعجز عن التعبير عنها خاصه موديلات 14 وتحت الشكل اللي قبل الجديد رؤعه وحتى الجديد وبالنسبه للي يقؤلون عن هيونداي الكوريه باقي السيارات باسثناء الالماني مايجون ولو شؤي من مواصفات الكوري ومن شبه للبانوراما مثل فتحة السقف البانوراميه خاصه عند الكوري بعد الالماني وباقي بتنزل سانتينيال وازيرآ الشكل الجديد 2015 قريبآ يالبئئ بس الازيرا 2015 بانتضارها

    + 0- 0
  37. الى الامام ياكؤري معاد في شي اسمه ياباني ..

    + 0- 0
  38. مرسي العولقي

    والله لو بدفع ذا المبلغ ماراح احطة بسيارة كوري !!!؟

    ورب البيت حرام سيارة كوري توصل هذه القيمة المفروض يخلونها هدية مع عروض كرايسلر الجديده يعني اشتري كرايسلر وخذ جنيسيس هدية!!
    او لكزس او بي ام قال كوري قال ياعمي روح .

    + 0- 0
    1. اقدر احلف ان سيارتك كورلا على نظام التأجير وقد سحبتها من الوكالة مرتين ولا ثلاث لعدم سداد القسط هههههههه لا شفت الواحد يهايط فاعرف انه قالب العداد

      + 0- 0
  39. سلمان عاشق الكوري

    هيبة هيبة اشهد إنه وحش

    + 0- 0
  40. لازمحنى نتعلم شي اسمه "" فاليو فور مني"" <<كلمه انقليزيه يعني على الي كثر تدفع يجيك في المواصفات مو تزيد سعر السياره عشنها مشهوره

    + 0- 0
  41. اخوي معه جنسس 14 ما شاء الله عزم مواصفات حلوه ورخيصه ب 112الف كان عليها خصم بعد الخصم صارت ب 126 الف بسس عن جد تستاهل

    + 0- 0
  42. والله اللي يقولون احط فوق 120 الف في الجينيسس 2015 الكورية انهم جهلة ولايعرفون شي بالسيارات صحيح الهونداي تحسنت جودته من تالي بس هذولا النقاد ياحقين تويوتا (هجدوا شوي عن اول) او حقين كرايسلر (الوكيل زاق عليهم مالهم الا فرع خريص واغلبهم راعين مستعمل ) اشوف ان الواحد يشتري ع قد فلوسة بينما اللي يطبلون للبانوراما والالماني بشكل عام تذكر انك شاري مستعمل والمستعمل لو صانعته ناسا الامريكية يضل مستعمل ومستحيل يكون زي الجديد , انا معكم ان الالماني ممتاز بس ترى الجديد لذيذ مهما كان,, واللي شرى البانوراما المستخدمة ب150 الف خل يخرب عليك بس الهيدروليك روح طر فلوس جنب الوكالة عشان تصلح ب 20000 ريال

    + 0- 0
  43. والله اللي يقولون احط فوق 120 الف في الجينيسس 2015 الكورية انهم جهلة ولايعرفون شي بالسيارات صحيح الهونداي تحسنت جودته من تالي بس هذولا النقاد ياحقين تويوتا (هجدوا شوي عن اول) او حقين كرايسلر (الوكيل زاق عليهم مالهم الا فرع خريص واغلبهم راعين مستعمل ) اشوف ان الواحد يشتري ع قد فلوسة بينما اللي يطبلون للبانوراما والالماني بشكل عام تذكر انك شاري مستعمل والمستعمل لو صانعته ناسا الامريكية يضل مستعمل ومستحيل يكون زي الجديد , انا معكم ان الالماني ممتاز بس ترى الجديد لذيذ مهما كان,, واللي شرى البانوراما المستخدمة ب150 الف خل يخرب عليك بس الهيدروليك روح طر فلوس جنب الوكالة عشان تصلح ب 20000 ريال

    + 0- 0
  44. لو نظرنا للمحركات في الجينسس نجد انها محركات ضعيفة لو قورنت بغيرها من السيارات الفاخرة
    أما المواصفات فعادي انها توجد في هذه الفئات يعني مافيها شي خاص أو جديد بل على العكس أغلبها مواصفات قديمة إذا ما نظرنا للألماني
    يعني ممكن تنافس بعض السيارات الأمريكية والياباني ولكن بصعوبه وهذا رأي
    وبعد كوري ما له خبرة غيره من الدول العريقة وشكرا

    + 0- 0
  45. سيارة قمة وبسعر مناسب

    + 0- 0
  46. كياد الحامدي

    سلام عليكم أنا نااوي إن شاء الله أطلع موتر بس محتاار أطلع جينيسس ولا دوج ممكن تفيدوني

    + 0- 0
  47. انا اعترف الهيوانداي جودتها تحسنت لاكن لو عندي 193الف راح اشتري مرسيدس سي كلاس سعرها 180 الف الفل وتعرفون جودة الالماني كيف و13الف احطها في جيبي واللي يقول قوة المكاينة 2.0 تراها مع تيربو

    + 0- 0
  48. لو معي 200 الف مع احترامي لكم جميعاً بروح اصك لي بورش باناميرا من الامارات على 170 الف و 190 موديل 2010او 2011 وشكرا

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقعنا الشريكة