وزارة التجارة تُغلق وكالة جيلي في جدة, وتدرس ايقاف استيراد سياراتها

9765
34
@يزيد سبحي

اعلنت وزارة التجارة والصناعة في السعودية انها قامت بإغلاق وكالة جيلي التابعة لشركة الحاج حسين علي رضا في جدة.

تقول الوزارة في تويتر ان سبب اغلاق الوكالة هو كثرة الشكاوي على خدمات الصيانة والضمان.

لم تنتهي الوزارة من الوكالة, فقد اكّدت انها تدرس ايقاف استيراد سيارات جيلي بالكامل ان لم تتحسّن جودة الخدمة.

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

34 تعليقات

  1. الحاج حسين على رضا يمسك ذا الوكالات على عماها الصيانة عنده تعبانة حتى في السيارات الي ماسكها من زمان
    المازدا لو حكه بسيطة اقل شي تجلس 3 اسابيع في الصيانة غير المماطلات
    الجيلي كنت افكر فيها بس متخوف من الصيانة وقطع الغيار الي قد شفت معانات كثير مع الوكيل في المازدا خلاني اتراجع بسرعة

     
    1. للتوضيح للجميع المشكله من ســــــوء الجـــــــــــــــــودة + الخــــــــــــدمة

       
  2. محمد الحربي

    الله يعطي الوزير العافية وكل من يشتغل معاه بذمه وضمير ، هذا اللي مفروض يتطبق و مع جميع التجار المتلاعبين و المستهترين بضمان مايبيعونه للمواطن
    -المواطن يستحق الافضل-

     
  3. أسأل الله أن يحفظك ويرعاك يا معالي الوزير وأن يوفقك أنت وجميع القائمين والموظفين بلا استثناء اضربوا بيد من حديد يكفي استغلال المواطنين وكذلك الإخوة المقيمين فقد سئمنا من الإستهتار والتخاذل سابقاً كنا نقوم بالشكوى على الوكالات لنفس الوكالات !! ولا نجد أي تجاوب وعندما نقوم بالشكوى لدى الشركة المصنعة يتم الإستهتار بنا ويعاد تحويل الموضوع إلى نفس الوكيل !! بل وعند معرفة الوكيل بأنك تقدمت بشكوى للشركة المصنعة يقوم بالمماطلة أكثر ويتعمدون مضايقتك والشركة المصنعة لا يعنيها سوى المبيعات والربح فقط !! لكن بعد صحوة وزارة التجارة بقيادة وزيرها الرجل المخلص أصبحت الشركات المصنعة تخشى إغلاق وكالتها بالمملكة وأصبح الوكيل يعيش كابوس من الخوف الذي أصابهم من الغرامات والتشهير أقسم بالله بأن أحد الموظفين بأحد الوكالات أخبرني بأن وزارة التجارة قامت بتغريمهم مبالغ مالية كبيرة لأسباب كثيرة منها التلاعب بالأسعار وكذلك بسبب الغش الذي يمارسونه على العملاء من طلاء للسيارات وغيره وكذلك غرامات بسبب المماطلة في إصلاح السيارات التي يشملها الضمان وكذلك الكذب والغش على العملاء وقولهم بأن السيارة خارج الضمان بسبب عمل صيانة خارج الوكالة !!
    الحمدلله حمداً كثيراً والله أن العميل أصبح سيد الموقف لدى جميع الوكالات بفضل الله ثم وزارة التجارة شكراً لكم جميعاً وجزاكم الله عنا وعن المسلمين كل خير وشكراً للأستاذ يزيد على الخبر الجميل

     
  4. الحين بيجونك المثبطين ويقولون لك ماسوا شي هذا شغله!

     
  5. ممتاز و وإن شاء الله مافي وكيل الا يكون تحت الرقابه بالذات في السيارات المنتشره زي وكالة عبداللطيف جميل مع تويوتا والجميح مع شفر

     
  6. وأخيرا ، تأخر هالقرار كثيرا

     
  7. عقبال كل الوكالات
    أمنية حياتي أن يكون لكل نوع سياره وكيلين على الأقل

     
  8. احسن خبر سيارة معفنة ورديئة جدا من الصين وبعد أسعار غالية
    وما في مراعاة لأرواح الناس في هذه السيارات
    ياريت يمنعوا استيراد السيارات الصينية ومن على شاكلتها

     
  9. وربي السياره كلها خربات سيارتي جديده وكل شويا اشتكي منها ومواعد الصيانه بعد شهر او شهرين تخيل تمشي فوق 120 المكيف يطفي واكثر من مره اوديها ومايعرفو وفي النهايه اكتشفو جاربكس حتى بعد ماتغير برضو كلها اصوات وقربعه من تحت الصراحه مره فاشله بس منظر

     
  10. اللي صمم شعار جيلي وش يحس به !!!
    شعار يجيب المغص

     
  11. صراحة يا شباب
    انا عندي سيارة جيلي c8
    مشاوير وروحات وجيات وسفر
    طلعت فيها ٣ مرات الأمارات
    مرتين لكويت ومرة قطر
    والحمد لله السيارة ماشيه
    التكييف ثلج والسيارة مريحة وممتا جداً مقارنة بسعرها

    الحق ينقال

     
  12. كفوو يا وزير التجاره الى الامام لله درك

     
  13. هذا الوزير الشاب لم يجعل لأي وزير آخر من عذر.
    أسأل الله العلي العظيم أن يوفقه

     
  14. نصيحه اخ لكم …. لاحد يشتري سياره من شركه جيلي والله العظيم ان غيرت مكينه ع حسابي سيارتي مالها الا سنتين … سرعتي القصوى 140 ونقص الزيت من جزن اسباب تذكر الين م وقفت السياره

    اتقو الله فينا ي وكلاء .. اقل شي اضمنو سلعاتكم والا بيننا موقف عند رب العالمين

     
  15. راعي الجيلي

    انا عندي جيلي ولها اكثر من سنة. والله اني يوميا امسك بها خطوط و الحمدلله السيارة ماشيه. اعاني فقط من مشكلة في الكهرب و اعتقد السبب التماس.

     
  16. الصيني أبو كلب (بعضه) وطبعا راح تكون جودة السيارات الصينيه تعبانه لأنها أول مره تصنع سيارات من نفسها من دون المكينه والجيربوكس (للمعلوميه ترا تركيب قطع السياره يحتاج إتقان لو القطع كلها يابانيه والتركيب “اي دوله” وكان شغلهم سريع فالسياره تبى تروح. جزاك الله خير ياوزيرنا وبيض الله وجهك وكثر الله أجرك وحسن مثواك ورفع قدرك على ماتفعله من خير والله خبر حسسني إني إنسان ليَّ حقوق زي الإمريكان والغرب

     
  17. نواف المالكي

    بصراحة انا عندي جيلي c7 السيارة حلوة مقارنة بسيارات الي مثلها ورخيصة ماشية 180 الف ومافيها اي مشاكل طبعن ما عمري رجعتها الوكالة ولا قد فحصتها واكثر من مرة امسك فيها خطوط جلد وماشالله السيارة متماسكة وحلوة بس مشكلة الصوت يعني فيها ازعاج اذا اسرعت

     
  18. سحبوا منه. وكالة كيا قبل.
    عشان مايفور قطع. ودابل الاسعار

     
  19. يديكم العافية ي وزارة التجارة هذولي من زمان المفروض تتخذوا إجراءات صارمة معاهم .. الصيانة عندهم زبااااااااااالة لأبعد الحدود .. بس بالنسبة للجيلي أنا عندي الفئة المتوسطة EC7 الحمدلله ماشية معي تمام وماشتكيت منها إلا القطع المستهلكة فقط ليا سنتين ونص ولله الحمد بس اللي نحتاجه فقط الاهتمام بخدمة مابعد البيع .. لأنه من دي الناحية أنا بعطيهم -5 نجوم كل ماروح لهم يرسلوا لي لفرع ثاني ولمن أروح لهم هناك يقولوا مافي ماعندنا مفتاح الصرة حقة الموديل اللي عندك .. والله يسوقونها ع العملاء .. أتمنى إنه اللي صار لهم دا درس وخرس من فولاذ في أذانيهم عشن يتعظوا .. الحمدلله على كل حال .. بس اش حيكون وضعنا احنا بعدين ملاك الجيلي ؟؟

     
  20. ماذا سيحدث بدما اغلقة وزارة التجاره الوكاله في من يمتلك سياره من نوع جيلي
    وهل ستلزم وزارة التجاره الوكاله باصلاح جميع الخلل غي سياراتها

     
  21. اشتريت سيارة جيلي GX2 صغيرة الحجم … الحمد لله لم اجد فيها اي مشكلة سافرت بها للمدينة من جدة لم تواجهني اي مشكلة مكيف رائع العيب الوحيد ان صوت الماكينة عالي ويبدو ان هذا العيب موجود في كل السيارات الصيني حتى الميكروباص … من الواضح ان السيارة حققت نجاح كبير في السوق السعودي نظرا لمناسبة سعرها لكل الناس فأصبحت في كل شارع وتشتغل ليموزين … وأعتقد أن هذا هو السبب الحقيقي لمنع استيرادها انها من الممكن ان تغرق السوق على حساب سيارات أخرى واكلة السوق من سنين.

     
  22. اتفق معاك اخ محمد سنجر في جميع ما تفضلت به، واضيف لكلامك ان الجيلي فئة C8 صوت محركها هادء مقارنة بباقي الفئات،
    صراحة وبعد تجربتي للسيارة لمدة تتعدى السنة، أرى انها سيارة ممتازة، والصيانة في الشرقية اكثر من ممتازة، بأدارة المهندس اشرف، رجال زي السكره،

    باختصار، بعد مرور اكثر من سنة لم اندم على شراء السيارة

     
  23. لاتنسون الوكيل الجبر صيانته سيئه جدا فوق ماتتصور وتاخير في المواعيد…

     
  24. هاوي سيارات

    الوزير توفيق الربيعه رجل مخلص ووزارته قطعت شوط كبير أثناء توليه زمام اﻷمور وأصبحنا نشاهد وكالات وشركات كانت المستهلك لاتلقي له بال ولا خدمه ممتازه مقابل مايدفع من مال ونقول هذه الخطوة الجرئيه من وزارته التي إستطاعت أن تغلق وكاله أن بقية الوكالات إذا سلكت نفس الطريق مصيركم الغرامات والاغلاق شكرا معالي الوزير

     
  25. عقبال وكيل نيسان
    وكيل تويوتا
    لو كل شخص اشتكى ستتغير اشياء كثير شوفوهم ماتحركوا الا بشكوى
    لايوجد وكيل نيسان بمنطقتي ولايتوفر فيها الا كيا ووكيل مازدا وجيلي وتويوتا وحرمنا من نيسان بموت ابي من نيسان ياخي جوده وياباني واهم نقطه السلامه ا

     
  26. للاسف اصبحنا نحن السعوديين حقل تجارب لكل شركة سيارات ناشئة بالاول الكوري والان الصيني وعلى حساب ارواحنا ياخي سيارات الصيني موديل 2013-2014 متروكة بالطرقات والورش والسبب ان صناعتها كرتونية وتهالكها سريع مثلا لماذا لاتجبر شركات السيارات الاجنبية ان تدخل شراكة مع بعض الشركات السعودية لانشاء مصانع على الاقل اتجميع سيارتها بالسعودية لتلائم اجوائنا ويتم اختبارها على طرقاتنا والا يتم فرض رسوم اضافية على استيراد الشركة التي ترفض ذلك ليتم على الاقل توطين صناعة سيارات سعودية عربية بالمنطقة

     
  27. سلمان الاسمري

    الاخوان ي يسبون ويقولون صناعة كرتونية وكلام فاضي انا شاري ec7 ، جايبة سيارات جيلي في اختبارات الامان 5 نجوم من 5 سيارات جبارة مقارنة بسعرها ، السيارة اللي عندي اعتبرها افضل من الكورولا ، باختصار اذا استمرت جيلي كذا بتتعب شركات كثيرة جدا خاصة الشركات الكورية اللي كانت ماخذه نصيب الاسد من السوق في السنوات الاخيرة ، وتذكروا كلامي هذا .

     
  28. عقبال شركة الجميح… وشركة كيا

     
  29. والله يا اخوانى انا تعبت من التعليقات واحد بيشكر فيها وعشرة بيلعنو فيها انا مش عارف اعمل اية مش قادر اركز انصحونى بصدق الله يخليكو

     
  30. اشتريت السيارة خوفتونى الله يستر ..اما ابو عبدالله شكلو شغال فى الشركة .

     
  31. السيارة مافيها ولا شي الصناعة التعبانة التيوتا وغيرها من السيارات الي صارت تنباع بس ب السمعة وكلها كرتون جيب لي سيارة ياباني او غيرها جابت5 من 5 في اختبارات الامان؟؟؟؟ شوفو السيارة الجديدة الي نزلوها فئه جديدة اصدار 2018جيلي امجراند جي اس 2018 Geely Emgrand GS
    سعرها الفل كامل اقل من 60 الف بالله روحو وشوفو الجودة والضمان 4 سنوات او 400 كليو؟؟؟؟ اذا صومالي وبهذي الجودة احترمهم كل الاحترام جيب لي سيارة مركبة دعامات ف الابواب بهذي الاسعر لحماية الراكب؟ والي يقول حديدها خفيف يودي جيلي لسمكري ويودي كامري ويشوف الرد الصادم بنفسة وشكرا

     
  32. اشتريت جيلي للسائق موديلها gx7 موديل ٢٠١٤ يعلم الله ماعمري وديتها الصيانه غير مرتين والباقي تغير زيت والسائق مبهدلها وسواقته سيئه ولكن السياره ماشيه ماشالله

     
  33. امتلك جلي جي تي ٢٠١٧ السيارة ماشاء الله عليها بس السيئ فالموضوع قطع الغيار سواء الحاج حسين …
    او الوعلان …
    كلهم يرعون لو يروحون يبيعون حبحب اصرفلهم. ..
    اشتريت كاش ، وقدر الله وصار جادث عليا بالسياره
    الصدمه فالمقدمه بس انكسرة الشمعه والمقدمه الخلفيه كامله اللي خلف الوجه الامامي للاسف الشديد مالقيت القطعتين هذي نهائيا طلبت عن طريق الشركه وكان الرد بعد يومين ماحصلناها او بعني غير موجودده فكل الفروع ..
    هذي شركة الوعلان الوكيل الجديد ، لو خلوها على الحاج حسين اصرف اقلها يمسك خط ويمكن تجيك ….ويمكن تفصل وجه خشب احسلك من البلاستك اللي يجيك راكب عليها من المصنع
    للاسف سيارتي ماشيه اقل من ٦٠ الف وصدمتها مو بودي .. اكسسوار خرجي وصاج اللديتر داير مادار لونه حديد كان عدلته ، والاتعطيله اللي عطلونياها
    حسبي الله ونعم الوكيل

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة