تدشين أول مرسيدس A45 AMG Edition 1 في الشرق الأوسط

358
50
@حاتم الخثلان

دشنت مرسيدس أول A45 AMG نسخة Edition 1 في الشرق الأوسط, والتي سكون متوفرة في السنة الأولى منذ اطلاقها في الأسواق فقط إحتفالاً بأول سنة لها في الاسواق.

رزمة Edition 1 في  A45 AMG, تتميز بتعديلات مظهرية. مثل الخطوط الرياضية من AMG, وجناح خلفي, وخط احمر على الشبك الأمامي والمرايات. وحصلت من الداخل على اضافات من اللون الاحمر والاسود, اضافة الى علامات Edition 1.

هذه الرزمة تتوفر فقط على A45 AMG, فهي مزودةبمحرك 2.0 لتر مكون من اربع اسطوانات ومزود بشاحن التيربو. تقول AMG اثناء مؤتمرها ان هذا توجّه جديد للشركة في محركات الـ 4 اسطوانات. يولد محركها 360 حصان, وقوة عزمه هي 332 رطل/قدم. تنطلق السيارة من 0 الى 100 كم/س في 4.5 ثواني.

صور مرسيدس A45 AMG Edition 1 في معرض أكسس:

تصوير: محمد الصالح

عن الكاتب

مؤسس سعودي شفت، مهتم بكل مايتعلق بالسيارات. تابع الكاتب على تويتر

50 تعليقات

  1. رااااائعة فعلا نفسك تركبها وتسرع بيها ههههه

    + 0- 0
  2. إبداع طيب اللي يبي يأخذ لفه فيها وش يسوي

    + 0- 0
  3. رائعة جدا اضافات الAMG اداء الافضل في فئتها وعجبتني كثير المقاعد الداخلية بصراحة رائعة وفي شيء لفت انتباهي انو الشاشة الي بين العدادات باللغة العربية اعتقد هاذي اول مرة في مرسيدس ولا انا غلطان؟

    + 0- 0
    1. حتى ال s الجديد أخوي الشاشة معربة

      + 0- 0
  4. روعة وجميلة
    واهم شي انها احلى من لكزس

    + 0- 0
    1. اذا الالماني احلى من اللكزس مو مشكله لأنهم رواد في صناعة السيارات الفخمه

      مو كاديلاك اللي كلها خربات كهرباء وكرايسلر اللي شركة فخمه وماعندهم الا كرايسلر 300 سي نفس شاصي الدوج شارجر ومكينته

      وسيارة ثانيه سعرها في الستينات حجم كورلا ودفع امامي وفان خايس

      + 0- 0
      1. والله انك جاهل اجل نفس شاصي الدودج مسوي فاهم ههههههههههههه
        طيب انت تدري وش شاصي الدودج تشارجر ؟
        شاصي مرسيدس E Class
        يعني ثبات التشارجر والكرايسلر نفس ثبات الـE Class
        وانا اشهد لهم بهذا الشي خاصة باللفات على سرعة
        اذا ماعندك فكرة وش تتكلم عنه و جاهل فيه اكرمنا بسكوتك
        يا لكزس انت هههههههههه سيارات معاقه بالتصميم و مكاين فاشلة
        اجل ES بـ180 وفوق وهي دفع امامي و اقوى من الكامري بشوي هههههههههههه
        وين عقلي عشان اخذ سيارة كذا زيادة ع البشاعة اللي فيها

        + 0- 0
        1. فعلا لازم الماني والامريكي مايقدر يسوي شيء من نفسه هههههههه

          على فكرة ليش تجيب طاري أخس سيارات لكزس الإي اس طيب تكلم عن إل إس ولا جي اس

          ولا اللكزس ال اف ايه او اي اس اف

          ياشيخ انتو حتى سوبر كار ماعندكم وافخم سيارة في شركتكم ال300سي تجي ستاندر 6 سلندر

          ههههههههه

          + 0- 0
          1. وش موجود باللكزس موب موجود بالكرايسلر 300c
            فكر و رد لي اوك
            غير انه نظام يو كونيكت في التشارجر والكرايسلر خذا جائزة افضل نظام ترفيهي في 2012
            والحين نظام CUE من كادلاك خذا جائزة PopularMechanics
            وين ما اشوف نظام لكزس معهم ؟
            واذا على الـLFA اوك اجيب لك الفايبر
            كلهم 10 سلندر لكن الفايبر 640 حصان والـLFA يجي 525 حصان
            و يصممونها 10 سنين هههههههههه
            وللمعلومية مكينة الفايبر تولد قرابة 840 حصان لكن فيات رفضت انه الفايبر تكون بذي القوة
            نظرا لأنه فيات تمتلك فيراري وصعب تخلي الفايبر اقوى من سيارات فيراري
            ولا كان بتشوف الفايبر دبل احصنة الـLFA حقك ههههههههههههه,
            بعدين اوافقك الرأي مالنا غنى عن مرسيدس و الالماني حلو تعاونهم مع دودج
            بس اهم شي دودج ما تعاملوا مع ياباني لأنهم عارفين انه اقل خبرة منهم ههههههههههههههه

            + 0- 0
          2. عشان تشوف انك ماتفهم شيء

            اش دخل الفايبر !! هل الفايبر سيارة فاخره !!

            اش قدمت كرايزلر عشان تنافس

            LS

            GS

            ISF

            LFA

            غير عن الفان الخايس حقهم وال200 سي اللي بحجم كورلا ودفع امامي

            + 0- 0
          3. احلا ماف الموضوع ان نص كلامك اللي تبغا تمدح فيه بكرايلزر قاعد تمدح فيه بمرسيدس

            هههههههههه

            ياخي انا قلت لك مرسيدس ماحد ينكرها في الفخامه والتقنيه شوف اسطولها من السيارات الفاخره والمتنوعه

            لكن بالله لاتتهرب من السؤال اش عند كرايزلر غير 300سي

            خليني اسلكك واقولك اي ال300 سي افضل سيارة فخمه في العالم

            بعدين شركة كرايزلر كلها يعني فاتحه عشان سيارة وحده ههههههههه

            + 0- 0
        2. عشان نفس الشاصيه سارو بنفس الثبات ؟!!

          فين راح دور المساعدات والايرو دايناميك والوزن ونسبه توزيعه. فيه أشياء كثير جدا مهمه في الأداء.

          لانه بصراحه انا ما اقلل من مرسيدس الفئه e لكن اذا فعلا أدائها نفس التشارجر والسي 300 فا انا اعتبره فشل من مرسيدس وتاكيد على تقدم بي ام بمراحل من ناحية الأداء على مرسيدس

          + 0- 0
          1. تشكك بقدرة مرسيدس عشان الشاصي مشترك بينهم ؟
            ههههههههههههههههه انسان مريض يالله لك الحمد
            اعرف واحد معاه تشارجر الجديد اقسم بالله فجر الكفر وهو يمشي 160 ما حس ولا بأي شي كيف عرف
            بالشاشة طلع له انه الكفر مبنشر بعدين وقف و انتبه له
            هذا دليل على الشاصي الاكثر من ممتاز
            و الدليل الثاني في اختبارات التست كراش التشارجر خذت 5 نجوم بكامل الاختبارات
            بينما الكثير من سيارات لكزس وتويوتا سقطت بالاختبار و اعادوا النظر فيها
            لما تتكلم عن دودج و كرايسلر انت هنا تتكلم عن مكاين وحوش امريكية بتقنية المانية
            بس انت شكلك من حقين الكوري و سيراتو كوبيه تشوفها اكشخ شي
            عشان كذا ما تعرف وش دودج و كرايسلر و تستنقص في مرسيدس عشان تعاونت مع دودج
            مرسيدس الرائدة و الاولى بالامان على العالم لو تشكك لين بكره

            + 0- 0
          2. هوا الزبده ياخالد يبغا يطلع كرايزلر السما عشان مرسيدس تنازلت وشاركتهم نفص الشاص

            يحسب انه لمن يركب شارجر انه راكب مرسيدس إي

            هههههههههههههه

            ياخ بروك بالله انا اكلمك عن كرايزلر وانت ماتبربر غير عن مرسيدس و300 سي

            ياخي لاتستنجد بالالماني زي العذاري عشان تبغا تطلع كريزلر السما

            بعدين فرض ان ال300 سي فخمه وسيارة ممتازه مع اني اشوف انها ماتوصل تنافس الجي اس أصلا من ناحية الفخامه

            وبلاشي تطبل وتتكلم عن المكينه لاننا عارفين انها مكينه وحده لاربع سيارات هههههههههه

            شارجر وتشالنجر و300سي وجراند شيروكي اس ار تي

            بس فين باقي سيارات الشركة طبعا بدون ماتتكلم عن الفان المخيس او 200 سي اللي كورلا دفع امامي

            معقول شركة كامله مسوية فخمه على سيارة وحده !!!

            + 0- 0
      2. أنته من جد جالس تدافع عن لكزس .... أتوقع كل اللي إشترو لكزس 2010+ ما سمعوا عن مواصفات الشركات الثانية .... أجل أدفع على اللكزس LX 570 مبلغ 430,000 . و على شو . مغيرين الدعامية الأمامية و ضايفين لو جلد داخلي .... أبو الفشل و التخبط

        + 0- 0
  5. السيارة رائعه وأكثر سيارة من مرسيدس تتحمس معاها شبابيه وفخمه وقوية

    لكن أعيب على مرسيدس شيئين الداخلية يبغالها تعديل بسيط خصوصا شاشة الأيباد ماتليق بمكانه مرسيدس

    ولو ينزلون منها سيدان عادية او كوبيه اما الهاتشباك صراحة ماتنفع للسيارات الفخمه

    + 0- 0
    1. في منها CLA سيدان الهاتش باك مطلوب باوروبا كثير عشان كذا توجه السيارات الاوروبيه له

      + 0- 0
    2. ما قدرت اقتبس ردك اللي فوق يا ARTI
      نكمل حوارنا
      بكل بساطة اللي قدمته كرايسلر سيارة وحدة تنافس الثلاث الاولى اللي انت حطيتهم
      سيارة افخم من الـ GS و بفخامة الـ LS و بشكل خارجي احلا
      و اقوى من الـISF اللي هي نسخة SRT
      ولا تنسى نظام اليو كونيكت الاكثر من رائع مع نظام صوتي من 19 سماعة
      عرفت ايش قدمت ؟
      خل الـLFA على جنب سبق و ذكرت منافستها الفايبر و بالنسبة لي الفايبر افضل اسم قديم و عريق
      و تحمل اسم شركة موجودة قبل ما كان فيه شي اسمه لكزس
      و سيارة اقوى بكل بساطة

      + 0- 0
      1. انت من جدك SRT تنافس LS ياشيخ شوف فرق التصميم والفخامة الداخليه بين السيارتين

        اما ان SRT تنافس ISF اقولك ممكن كلامك صحيح بس فين منافستها GS مو عاد GSF

        اما ان الفايبر تنافس اللكزس ياخي انت اسمحي يانك غبي ياتستغبي اقولك كم مره الدوج مو علامه فاخره أصلا

        لاتقولي من قبل ولا مو من قبل ترى هالشي مو بمصلحه كرايزلر انها موجودة من زمان ولكزس تتفوق عليها بزمن قصير

        + 0- 0
        1. يوم ما لقيت اي فروق داخلية بين الـ LS و الـ 300C
          قعدت تقولي شف الشكل هههههههههه الشكل هذا مو ميزة اي شركة تقدر تصمم سيارة على كيفها
          اذا تكلمنا عن شكل خورافي و تصميم مذهل فهي CLS من مرسيدس و BMW Gran Coupe
          هذا اللي اسميه شكل حلو
          اما الـ LS عادية جدا نفس اللي قبلها مع شوية تعديلات بسيطة
          و الكرايسلر شكلها يجذب اكثر بحكم انها سيارة بتصميم مستقل من الشركة
          مو مثل لكزس كل سياراتهم شكل واحد بس اللي كبير واللي صغير ههههههههههههه,
          انا ما تطرقت لعلامة فاخرة انا قلت الفايبر افضل اداء وانا عند كلامي و اسم معروف
          اما الـ LFA اراهن لك انه اكثر من 80% بالسعودية ما يعرفون وش ذي
          زيادة على انها نسخ محدودة و رافعين السعر على ايش ما ادري
          نقاشي معك ما تكلمت عليك ولا كلمة رجاء تكلم بأدب
          لأنه دايم اللي يرمي الناس بكلام معناته عارف انه مو على حق

          + 0- 0
  6. سياره جميله جدا

    + 0- 0
  7. اقوى سياره 4 سلندر بالعالم 360 حصان من 2.0 لتر السياره ما شاء الله تقدر تحرج فيها اصحاب السيارات الرياضيه

    + 0- 0
  8. سعودي شفت تصويركم اكثر من رائع أهنيكم
    واكيد مشكورين على المجهود
    طبعا السيارة توجع القلب لا تعليق

    + 0- 0
  9. عندكم يا شباب فورد فوكس st حلوة وسعرها تقريبا نص هذي او اقل ورياضية واقتصادية وعملية

    + 0- 0
    1. يا عبود السيارة اللي ذكرتها ليست سيارة فاخرة
      وليست بقوة المرسيدس المذكورة في الموضوع
      ولا بجودتها ولا بمواصفاتها ولا بوسعها الداخلي وراحتها

      + 0- 0
      1. ولكن بنفس الحجم تقريبا والفوكس اكبر شوي بعد

        + 0- 0
        1. لا يا عبود غلط كلامك الفوكس ( الهاتش باك أقصد ) مستحيل تكون
          أكبر من ذي اترك المساحة الخارجية لأنها لل a أكيد بس انا اكلمك
          عن الداخلية انت شكلك ماركبت ال a ترى من جوة اكبر من الفوكس
          بكتير واريح بكتير انا ركبتهم الاثنين يا عبود
          طبعا غير الفخامة والجودة والتقنية والقوة كلها أفضل في المرسيدس

          + 0- 0
  10. وازرفي تعديل الـM-performance يامرسيدس

    + 0- 0
    1. وضح كلامك ما فهمنا عليك

      + 0- 0
      1. http://www.bmwblog.com/wp-content/uploads/bmw-1-series-performance-parts-11.jpg

        + 0- 0
        1. وين الجناح الخلفي اللي في المرسيدس ؟
          وين الخطوط السوداء اللي بجنب السيارة تحت ومن الخلف ؟
          وين الجنوط السوداء ؟
          وين الخطوط الحمراء الخارجية على الشبك والمرايات الجانبية ؟
          بصراحة مافهمنا عليك ياليت تفهمنا قصدك
          أو يمكن عندك مشلكة لأنها أسرع هاتشباك في العالم والبي ام لا
          ياليت توضح لنا .

          + 0- 0
  11. صاروووخ هاذي السيارة حق دعس

    + 0- 0
  12. من رأيي A45 AMG افصل من النسخه هذي .. الاضافات ماعجبتني

    افضل شيء فيها محركها اقوى محرك 4 سلندر بالعالم مثل ماقريت
    هذا هو الابداع والتقنيه الالمانيه محرك 4 سلندر وينتج هذي القوه الجبااره

    + 0- 0
  13. محرك أربع سلندر وسعرهاا غالي على الفاضي.

    بخصوص أللى يغيب في أل أف أي. هذا مريض. تقارن سياره سوبر كار. بسيارهه مثل فايبر أبوكلب. الكورفت القديم زد أر ون. طرحها. بالخط. وبالثبات والقوهه وهي جديدهه ياعمي طير انت والفايبر المخيس.

    + 0- 0
    1. ياليت تقلنا سعرها كم أخوي فارس ؟

      + 0- 0
  14. يابوي ماعندكك سالفه.

    أجل أجيب. لك شيء. يله الجوده والمواصفات أفضل من زبالة الورشات. س 300. ثانيا. فيها أوتو. بارك. لاتقولي بعد فيها أوتو بارك. سي 300. فيها نظام رادار. قلي بعد فيهاا بالله طير. ركبتها مافيها ولا شيء زيها زي الأفلون فأضيه. لاتقارن لكزس. بالقرنبغ الأمريكي. وعلى فكره نظام أوتو بارك أو ماجابه لكزس 2007 وقلدته الشركات. ياحبيبي الكوري فيه أوتو باركك. والقرنبغ سي 300 مافيها فأضيه. ثانيا. أتحداك تجيب لي كلاسيلر. يعيش. أكثر من 5 سنوات كله. حدها 5 سنوات. وتشليح. خربات وقرف لكن أقدر أجيب لكك لكزس. 96. ؤتمشي إلى يومك هذاا. الكزس معروف سيارة مليون ميل. فهمت يا غبي

    + 0- 0
    1. عشان اعطيك دليل انك جاهل بالسيارة
      فيها رادار
      و بانوراما وتدفئة وتبريد اكواب وتدفئة وتبريد مراتب خلفية ومامية
      و نقطة عمياء وشفترز و زنون عالي وواطي مع خاصية تحسس للطريق
      وخاصية الالتفاف مع الدركسون
      مراتب جلد نابا و جلد وشامواه في الـSRT
      شاشة قياس 8.4 انش و حساسات خلفية و امامية و كام
      جنوط 20 انش وضعيات رياضية وكومفرت تدفئة دركسون و تعتيم مرايات سمارت كي و تشغيل بصمة و ايزي قو اللي اذا طفت السيارة يرتفع الدركسون وترجع المرتبة للخلف عشان يسهل نزولك وحفظ 3 وضعيات للمرتبة
      يعني كل اللي في اللكزس LS وانا قلت LS لأن الانواع الاقل من لكزس ممكن تفتقر لبعض من اللي قلتهم
      بالنسبة لأنها ما تعيش اكثر من 5 سنين
      السيارة من جات السعودية صار لها 6 و سنين و بعد 4 سنين تغير للشكل الحالي
      كيف تبيها تعيش اكثر وكيف تحكم عليها ؟
      تكلم بالمنطق يا عزيزي
      و ياليت تقرا اكثر عنها شكلك مره متعصب للكزس و جاي تدور احد تتهاوش معه

      + 0- 0
  15. أنا غسلت يدي يوم قرانت لكزس ب كلايسلر.دريت أن ماعندكك سالفه.

    + 0- 0
  16. ياحبيبي انا اعلمك الفرق بين اللكزس والكرايسلر وعلى فكره قبل كل شي انا معجب بالشركه الامريكيه خصوصا سيارتهم التشارجر ،

    الفرق هو في شي يسمونه ( جوده ) بالانقلش ( quality)
    وهذا اللي يمنعني من شراء سيارة من كرايسلر جوده تعبانه ومشاكل كثيره وكلامي هذا عن تجربه في افخم سياره لهم اللي هي ٢٠١٢ jeep

    وسيارتهم اللي اقل من ٢٠٠٥ دورها ان كان لقيت تعال ناقشني.
    وشوف لكزس ٩٤ شوارعنا المحفره مليانه منها وال ٩٨ و ٩٧

    هذا الفرق اتمنى وصلت

    + 0- 0
    1. يا عزيزي في شي اسمه فالي فور موني
      يعني المواصفات او الشي اللي تاخذه مقابل سعره انت بتدفع فوق 400 الف بتكون الكواليتي احسن
      لكن مو معناته اللي بـ170 او 230 الف سيء
      نفس الشي بالملابس انت تقدر تشتري فنيلة من هيرمس بسعر 40 الف او 100 الف
      لكن هذا ما يعني اني اذا لبست فنيلة بـ400 ريال او 200 ريال بتتشق و بيروح لونها ؟
      ممكن تعيش معك كثر ما تعيش معك الغالية
      و بالاخير يرجع حسب اهتمامك فيها
      السيارة كذا,
      انا معك بنقطة وحدة اللي هي ممكن دودج و كرايسلر او موبار بشكل عام ما كانت كويسة قبل من 2006 الى 2010
      لكن بالشكل الجديد تغير جذري السيارة عملية و ممتازة وفخامة و خرابات اقل تقريبا بـ80% عن قبل
      حبيت انوه الجيب موب افخم سيارة من موبار الكرايسلر سي 300 افخم
      و الجيب حقك ما ادري كيف استخدامك له يمكن ما توفقت و جاك واحد فيه خطأ مصنعي
      و الخطأ المصنعي وارد بلكزس او مرسيدس او اي شركة غيرهم,

      + 0- 0
  17. تحفه مرسيديسيه بمعنى الكلمه !!

    + 0- 0
  18. الاخ bro0ok
    احترم اسلوبك.. شركة كرايسلر اشتعلت من رماد بعد قربها من الافلاس.. ونجحت بشكل ملحوظ ! مساندة لكلامك عندي اضافة ! اعرف واحد كان بيشتري لكزس اي اس وتفاجأ بسعرها مقارنة بمكينتها ومواصفاتها واختار انه يشتري مازدا 6 الجديدة فل اوبشن ولك ان تتصور جودتها وكونها تحتوي على مواصفات مثل نظام الحفاظ على المسار و و و .. اللكزس يحتوي على الجودة ومانختلف لكنه يعاني من كبرياء سمعته اللي خلت سعره نار !

    + 0- 0
    1. كلامك صحيح و صادق بكل كلمة لكزس خذت اسم و شهرة بين الناس
      لدرجة انها اغوتهم صاروا يشوفون النصب والسعر الغالي و المكاين الضعيفة ويتغاظون عنها !
      كل هذا عشانها تحت اسم لكزس
      لو كل الناس عندنا مطلعه وتقرا كان شفت لكزس اسعار ما تتعدا 300 لأفخم نوع
      اجل is بـ230 الفل ! معقولة سيارة بحجم صني و بمكينة 6 سلندر بهالسعر

      + 0- 0
  19. مشكورين على التغطيه

    + 0- 0
  20. سعر السيارة 257 الف ركبتها في المعرض الصراحة خطيرة والازرار في كل مكان ماتدري وش تشوف وش تخلي الصراحة تحفة جميلة من مرسيدس

    + 0- 0
  21. ايش الهرجة مدري

    دحين ايش دخل c300 و لكزس في موضوع المرسديس والله انتو مدري كيف و شكرا

    + 0- 0
  22. السلام عليكم ورحمة الله وبركاته
    حبيت اسأل المرسيدس a45 متى تتغير شكليا او تغير البسيط
    لأَنِّي بستلم بعد أسبوعين

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة