هل هذه فعلا كاميرات ساهر الجديدة لمراقبة حزام الأمان؟

1816
19
@Anas Maher

تحدث مغردون في تويتر عن كاميرات جديدة في الطريق الدائري الشرقي بالرياض تستهدف السائقين الذين لا يرتدون حزام الأمان.

وحسب الصور، فالكاميرات الجديدة تلتقط صوراً علوية عن طريق الزجاج الأمامي، وتبلغ قيمة مخالفة حزام الأمان 150 ريالاً. وإن صحت تلك الأخبار، فيبدو أن كاميرات مراقبة استخدام الهاتف الجوال يعد مسألة وقت.

عن الكاتب

أعيش في الخيال وأحلم بالواقع!

19 تعليقات

  1. اوب متعصب

    سرررقه عيني عينك

    + 0- 0
  2. البس الحزام لمصلحتك ومصلحة غيرك ، ومااحد راح يقولك شي

    + 0- 0
    1. الحزام من اهم الاشياء لاخذ الحيطة وقت الحادث لاسمح الله
      لكن شلون مصلحة غيرك؟ الحزام لك فقط، من المفترض ان الحزام مايصير اجباري اللي يهتم لحياته يربطه
      المخالفات اللي مثل كذا ماترحم احيانا الشخص ينسى وتجيه مخالفة 150، في اوروبا توصل للسجن ايضا
      هذا رايي فقط

      + 0- 0
      1. ابي اضيف اني اتوقع سبب وضع ساهر هذا بالسعودية عشان الثقافة مو موجودة عندنا يمكن (ثقافة ربط الحزام)
        بس انا اقصد عموما، سواء هنا او برا، ربط حزام الامان مو لازم يكون اجباري

        + 0- 0
        1. ستنزاف ميزانية وزارة الصحة بسبب اصابات عدم ربط الحزام

          + 0- 0
  3. انا ماعندي مشكله بالمخالفه .. لاكن المشكله كلها بالتدبيل اذا ماسددت .. يعني دولة اسلامية وقوانينها اسلاميه وتمشي بشرع الله .. كيف سمحو او ساكتين عن موضوع التدبيل .. الواحد تمر عليه ايام ينزنق فيها ومايلحق يسدد .. اويمكن يكون صاحب المخالفه عاطل او اموره صعبه .. مالهم حق بالتدبيل

    + 0- 0
    1. اللي اموره صعبه و لا عاطل يلتزم بالنظام و لا يلحقه شي .. اما الواحد يخالف ثم نجي و نقول ظروفه صعبه لا تدبلون عليه فمهوب منطق .. اللي يخالف يتحمل اللي يجيه يداك اوكتا و فوك نفخ او بالعامي طبخ طبختيه يالرفله كليه

      + 0- 0
      1. ياحبيبي الحمدلله ملتزمين بالنظام ولو كان النظام اساسا لمصلحتة الموطن والشعب كان ماتخبى ورى حجر او شجر ولا كبينه كان بينوه وخلوه واضح او حطو علامات لتنبيه او ثبتو اماكنه ... النظام هاذا وضع لنهب وسرقة الموطن وفوق السرقه تدبيل .. انا صادني مرتين وانا راجع من سفر قبل لوحات تقليل السرعه حاطينه وتصوير بالشعب ... انا مانكر انو ساهر قلل الحوادث وانا مع النظام لاكن ضد التدبيل والاختباء

        + 0- 0
        1. و انا اخوك .. اذا انت تشوف ان ساهر وضع لنهب المواطن فانا اقول لك اذا تبي محد ينهبك التزم بالنظام فقط .. لو التزمت بالسرعة القانونية ما راح يلحقك شي حتى لو لبسوا ساهر طاقية الاخفاء .. لكن تتجاوز السرعة ثم تقول بعد ما يصيدك ساهر ليه متخبي و ليه يدبل علي؟؟!! اذا انت مع النظام خلاص امشي معاه و لا راح يضرك الاختفاء و لا التدبيل .. الاختفاء و التدبيل وضع للناس اللي ما تلتزم عشان تتأدب .. و بيني و بينك 300 ريال مخالفة سرعة ما تخارج اتمنى يرفعونها لـ 1500 ريال و تتدبل و تصير 3000 ريال و يلبسون سيارات ساهر طاقية الاخفاء عشان نفتك من الهمج

          + 0- 0
          1. مايحس بنكبت ومصيبة ساهر غير الناس الي دوامها خارج مدينته ... لدرجة انك تحس انو بعض موظفين ساهر يهود مو مسلمين من الاماكن الوصخه اليي يندسو فيها ... فحمد ربك يافواز منتا من الناس الي تمسك خط قرابت ساعه ونص عشان توصل دوامها .. ولا كان صفيت جنبنا بالكلام

            + 0- 0
  4. بالنسبة للمضاعفة المخالفة "التدبيل" يمكن مراجعة مكتب تسوية المخالفات في قسم المرور وتسديد القيمة العادية
    وللاسف انهم ساكتين عن هذا الشيئ

    والحمد لله اني اربط الحرام من زمان عشان لا احد يقولي شيئ ??

    + 0- 0
  5. الله يجزاهم خير عندي كاميرات ربط الحزام اهم من السرعه
    كل تقيمات امان السيارة معموله على اساس انك رابط الحزام
    يعني حادث لا قدر الله بدون حزام امان ما راحح تنفعك الخمس نجوم حقت الامان
    وكمرات السرعه برضوا مهمه
    انا الي استغربه ان الشعب قايم وما قعد في موضوع ساهر وساكتين على موضوع زحمه الرياض ولا جده المفروض بدال ما نضغط في موضوع ساهر الي هو في مصلحتنا نحول الظغط على موضوع تخطيط الطرق الي معطلنا عن دواماتنا و اشغلنا تخطيط الحالي يدل على قصر نظر في الي مسوي الطرق

    + 0- 0
  6. احسن واتمنى تطبيقه عاجلا في جميع مدن المملكه
    والي يقول سرقه اقول على شحم كبر راسك

    + 0- 0
  7. هذي مصلحتك انت وحدك يعني لو صار حادث محد مضرر غيرك لكن حكاية انك تجبر الناس على لبس الحزام مرفوضة
    حزام الامان مساله اختيارية المفترض انها ما تكون مخالفة فرضا انا سمين حزام الامان يضيق جسمي

    الشي الثاني المكان اللي ركبو الكاميرات في الدائري دائما مزدحم والسرعة اقل من 70 يعني مافية مشكلة اني ما اربط الحزام

    + 0- 0
  8. ليل النهار

    لا اعتقد انها كاميرا لرصد حزام الامان لأن في تحديد هل قائد المركبه يضع حزام امان او لا فيه صعوبه كبيره على الكاميرا

    على سبيل المثال من يلبس قميص لونه اسود ولا يرتدي الحزام فكيف للكاميرا ان تعرف

    كلامي في وقت النهار

    ماذا لو عن الليل

    اتوقع انها مجرد كاميرا مراقبه لا اكثر

    + 0- 0
  9. اللي أستغرب منه تحديد السرعه في الطرقات السريعه بسرعة 120 تعتبر سيئه

    + 0- 0
  10. هذي كاميرات عندنه تركبت في البحرين ترصد السرعه و قطع الاشاره الحمراء

    + 0- 0
  11. لايوجد تدبيل للغرامه ، مخالفة السرعه في ساهر بالاصل 500 ريال ، اذا سددتها فوراً راح يتم تخفيض المخالفه لتصبح 300 ريال .

    النظام يكون نظام سرقه عندما يتم مخالفتك وانت ملتزم بالنظام ، لذلك تقيد بالسرعه الصحيحه والبس حزام الامام والتزم بأنظمة المرور وماأحد راح يقولك شي ، تعودنا للاسف على حب تجاوز انظمة المرور 🙁

    + 0- 0
  12. والله البلاشه

    طيب واذا احد اخذ سيارتك ومربط الحزام؟؟!!

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقعنا الشريكة