اودي A8 ستكون اول سيارة تقود بنفسها بالكامل على الإطلاق في جيلها القادم

371
35

أكد رئيس منتجات وقسم تقنيات الإتصال في أودي السيد Stefan Moser في حديثه إلى مجلة Motoring الشائعات التي ظهرت في يناير الماضي و التي تتنبأ بأن الجيل القادم من أودي A8 سيحظى بنظام القيادة الذاتية بالكامل. كما علق عن هذا النظام قائلاً: “هذا النظام دائماً أفضل من البشر، فهو لا يتكلم على الهاتف ولا يرسل الرسائل، و لا يتفقد الفتيات، و لا يتشتت إنتباهه عن الطريق أبداً.”

هذا الحديث جاء بعد فترة وجيزة من إستعراض أودي لـRS7 بنظام القيادة الذاتية، حيث وصلت RS7 إلى سرعات عالية في هوكينهايم على الحلبة التي قطعتها كاملةً بأكثر من دقيقتين. يقول موسير للمجلّة ان اودي تريد ان تكون الأولى التي تقدّم تقنية مماثلة في الأسواق, قبل منافساتها الألمانيات مرسيدس وبي ام دبليو. فوفقا للتقرير، نظامها يعمل بشكل كامل الان, وان توفيرها يعتمد فقط على بعض اجراءات قانونية لإعتمادها في الطرقات.

نظام القيادة الذاتية في A8 سيعتمد على تقنيات متطورة للغاية باستعمال الكاميرات و أشعة الليزر و حساسات، ما يجعلها “قابلة للعمل على أي طريق” حسب كلام رئيس تقنيات الإتصال في أودي.

سيكشف عن الجيل القادم من A8 في نهاية عام 2016، على أن يتم طرحه في الأسواق عام 2017 بتصميم مستوحى من سيارة إختبارية سيكشف عنها الشهر المقبل في معرض لوس أنجلوس.

عن الكاتب

مهندس سرعة بدوام كامل، مهندس معماري بدوام جزئي. مختص تجارب القيادة في سعودي شفت.

35 تعليقات

  1. المشكله حقين كاديلاك اللي هيا نفسها جنرال موطرز متخيلين ان كاديلاك تثود التقنيه ويتناسوا تقنيات المانيا وهيه افلست لانها تستحق الافلاس ومافي اي امل في رجوع الشركه الام لولا ضخ 30 مليار دولار ماكنا شوفنا اساسا رجوع كاديلاك بمنتجات منافسه ومن ثم ضخت الحكومه مبلغ 60 مليار دولار لشراء الاغلبيه من اسهم الشركه اذا مايحصل الان في كاديلاك ه شيء طبيعي نتيجه السيوله الماديه فبالضروره تكثيف ابحاث التطوير وليس مزاعم البعض ان الشركه تعاني من اداره سيءه منذ اعوام عديده مضت تصل الى ثلاثه عقود! لكن جرت العاده للترقيع ل ماما امريكا ومنتجاتها فهناك حكمه تنطوي وراء كل منتج رديء يخرج منها وسلامتكم

    + 0- 0
    1. ههههههههه وش دخخخل كاديلاك في الموضوع الحين ؟!! مالها أي طاري هنا
      بس واضح انها مقطعه قلبك يا حليلك بس .
      وعلى فكره أول سيارة بالشكل الحالي اللي نعرفه للسياره كانت كاديلاك .. هي اللي اظهرت الشكل المتعارف عليه في صناعة السيارات الحين . واظن ما فيه اكبر من برنامج توب قير كدليل !

      + 0- 0
      1. يامطبل يعني ايش اول كشكل خخخخخخخ لا حول ولا قوه الا بالله حاله متعصيه هات دليل توب جير من غير علامات تعجب وفهمنا حضرتك ايش المقصود ب الشكل الحالي

        + 0- 0
        1. اول شي انا لا متعصب ولا مطبل ولا شي لو تقرأ كلامي تلقاني بالعكس رفعت مكانة الأودي بأنه الأولى يقارنها بمرسيدس وبي ام دبليو موب بالكاديلاك .
          لكن زي ما قلت واضح ان الكاديلاك مسويه له عقده بس مدري ليش ..
          الشي الثاني اللي اقصد به شكل السياره الحالي المتعارف عليه انها مركبه بأبواب وسقف وعجلة قياده وتشتغل بمفتاح كل هذا كانت كاديلاك اول من سواه ثم من بعدها مشت عليه باقي السيارات ..
          وهذا الكلام موب من راسي تقدر تفتح يوتيوب وتكتب Top gear-In search of the first car
          وتشوف السالفه كامله وتخلي الفلسفه على راسي يا حلو .

          + 0- 0
          1. ايه راح اشوف ليه لا وانشوف ايش مستوى انجاز كاديلاك للصناعه في سياره ب سقف وابواب ودليل توب جير اللي يعتبر شهاده في حق كاديلاك قي هذه الجزيئيه ...

            + 0- 0
          2. ياطيب الحين انت تحتج ب كاديلاك كأول سياره وما اول ونسيت ان شركتك كانت تمشي عالبخار لولا اختراع دايملر ل محرك الاحتراق الداخلي اللي ذكرته ليس انجاز تقني في حد ذاته عموما تحب اعطيك مقطع كشاهده اكبر ضد كاديلاك ينتقد فيه البرنامج مستوى المواد المستخدمه انها رديءه للغايه ممكن الان تعتبره برنامج انجليزي متعصب

            + 0- 0
          3. انت واياه حرام فيكم النقاش اصلا : )
            ناس لا تفهم ولا تعقل جايين من هناك حاطين كاديلاك شركتي وانا مالكها وانا ادافع عنها .
            انا كل اللي اقوله كلمة حق انها تبقى شركة كبيره وهذا غصب عن كل واحد فيكم والدليل انها اجبرتك تجيب طاريها في موضوع هي مالها علاقه فيه ..
            لا اقل ولا اكثر ..

            + 0- 0
          4. وعلى طاري محرك البخار انا ما قلت ان مرسيدس ما اخترعت شي
            انا كل اللي قلته ان كاديلاك لها مكان ولا كان الحين انت تشغل سيارتك بهندل
            وتسوقها بعصا .. فهمت الحين ولا لا : )

            + 0- 0
          5. نقاش ايش اذا انته انسان متلون وكذاب راح يرقع ل كاديلاك ويقلك اول سياره بشكل مدني وشهاده توب جير ريحتك فايحه بالتطبيل الا طبل وحفله رقص ولما انحشر قلك رفعت مكانه اودي ولا رفعت ونزلت لاتخترع كلام من راسك محشوووور غصب ايه كاديلاك لها تاريخ وايش المشكله وفي اقدم منها وكان يحمل تقنيات مبهره وفتها وانقرضت وكان فعل ماضي اقرا كلامي فوق تلقاني قلت ان متخيلين انها تقود التقنيه كيف قريتها ذي وردك كان عن تاربخ كاديلاك خخخخخخخخ ياليييييل مطولك

            + 0- 0
          6. لا لا ما فيه احد متخيل انها تقود التقنية ولا شي .. كل هذا من خيالك الواسع
            وسالفة انحشرت ومدري ايش بأصفق لك خلاص ارتحت حشرتني ؟
            هههههههههه انت لو تبغى تتأكد اني محايد وامدح كل السيارات من كل الصناعات تقدر تشوف ردي في أي موضوع ثاني وتعرف .. رح رح بس الله يستر عليك

            + 0- 0
          7. اجل لولا كاديلاك كنا نمشي بعصا ايييبه يامطبل وتبغى تاخذ وضعيه الحيادي غصب ولما بانت الريحه يقلك انا رفعت اودي فوق ومافي شي يقول انك رفعت خخخخخخخخ لاتستغغل عقول الناس ولا تتكلم بالحياديه اجل لولا كاديلاك كنا نسوق سياره بعصا ولولا واول سياره بسقف انا اقلك لولا الله ثم مرسيدس كانت كاديلاك تحفه فنيه من الحديد جميل الشكل وآسر للقلب

            + 0- 0
          8. يا عمي شف ردك كيف ما غير هرج فاضي من أول رد لين اخر رد جاي وحاط في بالك كاديلاك لأنها معقدتك .. توكل توكل بس انت الكلام حرام فيك حتى

            + 0- 0
          9. هههههههههههه ياخي والله انك مريض خلاص انا مطبل ومتعصب وكل شي ارتحت الحين خلاص ؟
            تقول اكلم طفل لازم اسلك له عشان يسكت

            + 0- 0
          10. انت نصاب ومكشوف اجل انا مريض ياراعي الاودي اللي رفعتها فوق

            + 0- 0
      2. برتامج توب قير له كم حلقه ينتقد فيه جوده الصناعات الامريكيه ورداءتها اما بخصوص السقف فهذا اول مره اسمع فيه عموما كاديلاك تاربخها طيب ولكن كانت الصناعه الالمانيه ادق ولاتزال كذلك

        + 0- 0
        1. طيب انا قلت ان الالماني موب كويس ؟!
          معروف ان الالماني افضل واجود وادق صناعه ما نختلف في ذي
          لكن موب نجحد الباقي هذا القصد بس

          + 0- 0
          1. الالماني ابتكاري اكثر هو من جعل السيارات حديثه ومتقدمه وليست كاديلاك رغم ان كاديلاك لها امور طيبه الذكر ولكن في فتره سابقه وبدات الالماني من السبعينات وادخل كومبيوتر رحلات طراز بي ام دبلبو الفئه السابعه الجيربوكس الزجزاج اللي ياخذ زوايا مرسيدي في السبعينات جيربوكس عن كريق الاسلاك وليس هيدروليك بي ام دبليوا زر غلق الحبربوكس اودي اول حيربوكس ينزل نمرتين دفعه واحده او اكثر مرسيدس والباقي كثير انا اتكلم باختصار شديد اذا كاديلاك لم تطور شيء في فتره تفوق عمري وعمر كثير من قراء الموقع وتعود الآن بسبب توفر المال من الحكومه الامريكيه وسلامتك

            + 0- 0
          2. بدا ليس في التفوق ولكن بدايه الدخول الكومبيوتر في المركبه عموما اقصد هنا البدايه

            + 0- 0
    2. الحين بس وش دخل كاديلاك بالموضوع ولا في واحد قاهرك فيها جاي تتفلسف هنا ... كل سيارة لها مكانتها وقيمتها لا تدخل الأمور في بعض الله يهديك أنت وياه وخلي عنك حركات البزارين

      + 0- 0
      1. هذا هو اللي خلاني اتعجب واتكلم لأن الشطحه اصلا موب في المكان الصح ..
        لو تقرأ بقية الردود في الموضوع ما تلقى احد جاب طاري لا كاديلاك ولا لكزس
        كلهم يقولون مرسيدس وبي ام وهذا هو الصح .. لكن تعال فهم ذا : )

        + 0- 0
        1. سؤال بسبط انا كاتب وجهه نظري لان هذا شيء عاينته من ردود الناس مين كبر الموضوع واول رد تحتج فيه ببرنامج توب جير ؟؟؟ الحين من اللي عنده مشكله ويمنع وجهات النظر في منتج كاديلاك الانريكي لا وبعد يقللي غصب عنكم تبقى شركه كبيره مين قلك اني اقول انها شركه صغيره اساسا انا اتكلم ك تقنيه يافنان تقنيه لكن الاخ قلك كنا نمشي بعصا البند لولا كاديلاك وغصب عنكم شركه كبيره لعلمك تويوتا اكبر من مرسيدس وبي ام مجتمعين ك خطوط انتاج وعدد موظفين ولكن (( قلت تقوود ااتقنيه)) ماغيرك شعب الموضوع تبغي تكمم خشمي انت غصب يامتلون

          + 0- 0
    3. والله معليش يبو zak انت اللي انحشر
      خشتك في الموضوع غلط الغلط تارك الدنيا كلها ورايح على كدلك
      واضح انها مسببه لك مشكله

      + 0- 0
      1. مافي اي مشكله مع كاديلاك اساسا لاحول ولاقوه الا بالله اللمبه طافيه خخخخخحخخ

        + 0- 0
  2. صراحة شي جدا رائع واودي كسبت المنافسة اذا كان فعلا راح تكون اول سيارة انتاجية بهذا النظام .... وباين ان المعركة في هذي الفئة راح تكون طاحنننة بعد ما طولت مرسيدس على نار المنافسة !! بانتظار الي تخبيه لنا بي ام دبليو

    + 0- 0
    1. عاشق الاودي

      من جد المنافسه جدا شرسه !! ننتظر البافاريا والآودي وش بيصلحون <3

      + 0- 0
  3. عاشق الاودي

    يا لبيييييه ننتظرها بفارغ الصبر <3 بس حرام اللي اشترا الجديده بالفيس ليفت ما يتهنى فيها الا سنتين ثم يتغير الشكل 🙁

    + 0- 0
  4. نظام ينقل مفهوم جديد لقياده المركبات ونظام الامان فيها لكن على حسب نظري انه لا يغني عن التحكم البشري لان هناك مواقف لا تستطيع الاله تفسيره مهما كانت من تطور

    + 0- 0
    1. ما ادري ليه الرد فارغ ...
      كنت أقول أنا أعشق الأودي لكن أكره "الأتمتة" ولا أثق في الحواسيب الآلية

      + 0- 0
  5. قدها ياأودي بس البافاريا بالمرصاد لهالأشياء وعندها وجهت نظر!

    + 0- 0
  6. ركز على كلمة لايتفقد الفتيات ههههه!!

    المهم،

    صحيح كلامة لكن مهما بلغت دقة الالة صعب علينا كبشر ان نثق فيها خصوصا في امور زي كذا.
    الواحد لمن يشغل الاوتو بارك يحط يدة على قلبة فما بالك قيادة كاملة.

    + 0- 0
  7. ما اشكك في جودة الصناعة الالمانية
    لكن خطأ بسيط في مثبت السرعة سبب كوارث اذا علق
    سيارة ذاتية القيادة بالكامل لاي سبب من الاسباب لو علق هذا النظام وش الكوارث اللي ممكن نواجهها

    + 0- 0
    1. والله احنا عندنا استهتار غير طبيعي في ظل قوانين القياده عندنا هذه التقتيه منها خطوره كييره

      + 0- 0
  8. مدير المدير

    بانتظار رد الملكة الالمانية BMW

    + 0- 0
  9. فهد الخالدي

    نظام القيادة الذاتية جداً رائع
    في بداية اطلاقه اي سائق ما راح يعتمد عليه اعتماد كلي ..
    مثلاً على طريق سفر .. السائق راح يفعل نظام القيادة الذاتية على سرعة مناسبة
    لكن استخدام النظام للانتقال من نقطة أ الى ب راح يكون شيء مستبعد !!

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقعنا الشريكة