نيسان تكشف عن بولسار نيسمو الإختبارية، كابوس جديد لجولف GTI؟

773
40
@Abdulaziz Adel

اذا لم تعجبك نيسان بولسار، ولم تعتقد انها منافس قوي لفولكس واجن جولف، فربما عليك إعادة التفكير مرة اخرى، لان قسم نيسمو قد طور الهاتشباك لتصبح اجمل ورياضية بشكل أكبر.

كما تفعل نيسمو مع جميع سياراتها، حسنت نيسمو إيروديناميكية السيارة والتي تجعل بولسار أكثر حدة بشكل واضح، بعد ذلك تم صبغ بولسار باللون الرمادي الخاص بنيسمو، وتم اعادة تصميم الصدام الأمامي، وتم تكبير مشتت الهواء الأمامي وصبغه باللون الأحمر، وتم وضع الحواف الجانبية السفلية باللون الأحمر كذلك، وتم تحسين نظام الفرامل ايضا.

وقد وضعت عجلات R19 مقاس 235/35 بجنوط 19 انش تجعل من بولسان اكثر شراسة، وتم تغيير تصميم الصدام الخلفي ليشمل مخارج عوادم وسطية، وقد وضعت نيسمو حواف النوافذ الجانبية من الكاربون مصبوغة باللون الأسود منتهية عند المرايا الجانبية باللون الأحمر.

اما من الداخل، فقد وضعت نيسمو مقاعد رياضية باللون الأحمر، عجلة قيادة رياضية، ودواسات جديدة.

للأسف ، ما تزال نيسان متحفظة على قوة المحرك، ولكنها تقول ان السيارة تحصل على نظام تعليق جديد خاص بالسباقات، بالطبع، ستحصل فئة نيسمو على محرك اقوى من محرك بولسان العادي 1.6 لتر تيربو والذي يطلق 190 حصان.

نيسان بولسار نيسمو الإختبارية

 

عن الكاتب

للتواصلـ|تويتر

40 تعليقات

  1. نيسان هي الي تستحق اسم فخر الصناعة اليابانية

    + 0- 0
    1. نيسان فخر الصناعه اليابانيه

      نيسان فخر صناعة الإنسان

      + 0- 0
      1. اقول يا ARTI-R

        + 0- 0
        1. هلا حبيبي بغيت شيء

          + 0- 0
          1. كل عام وانت بخير

            + 0- 0
          2. وأنت بصحه والسلامه وجميع القراء والمعلقين والموقع بدون استنثاء

            + 0- 0
      2. يا فله انت اوكي نيسان شي كبير بس لا تزودها 🙂
        فخر صناعة الانسان اجل وش خليت للاختراعات الطبيه اجل ..

        + 0- 0
        1. اش دخل الاختراعات الطبيه أنا أتكلم عن السيارات أخي العزيز والرجاء يكون في احترام أكثر باسلوب التخاطب

          + 0- 0
    2. اتفق معك

      + 0- 0
  2. تصميم إبداعي و جميل و خيالي من نيسان
    يا ليت ينزلونها عندنا مثلا يجيبونها بمعارض السيارات و يشوفون كبف الاقبال عليها

    + 0- 0
  3. نيسان بولسار لحظة الكشف عنها لم ينزل سعودي شفت الخبر عنها وين اللي ينزلون الأخبار هنا
    والشيء الثاني السيارة صناعة أوروبية وتصنع باسبانيا

    + 0- 0
  4. كل شي في السيارة جميل بس المحرك لو تزيد قوته الى فوق 250 حصان بتصير رائعة ..

    + 0- 0
  5. محمد راشد

    رائعة يا نيسان ... بدأت تعود إلى ما كانت عليه في السبعينات وبداية الثمانينات .. داتسون سابقا .. تصميم رائع وجذاب . أتمنى أن تصل للخليج

    + 0- 0
  6. عاشق عالم اليابان

    نيسان كشفت سيارات كثير من نيسمو
    اولا السنترا بمحرك طبيعي ٢.٠ لتر تنفس طبيعي ينتج ٢٥٠ حصان

    الصني نيسمو تحت مسمى الميرا بمحرك ١.٥ تنفس طبيعي ١٥٠ حصان

    نيسان ذكرت انا بولسار بمحرك ١.٦ تون تيربو ينتج ٢٧٥ حصان !!!!؟

    انا سامع الخبر اكثر من شهرين

    جميع سيارات نيسان الهيتشباك والسيدان حصلت على تعديل نيسمو
    ماعدى سيارتين فقط لم تحصل على نيسمو وهم الالتيما و الماكسيما

    + 0- 0
    1. قد شفت باليوتيزب تعديلات على نيسان التيما 6 سلندر وصارت تتخطى قوة 400 حصان يعني يقدرون نيسمو يسوون عليها تعديلات وتصير سياره جباره ولكن اتوقع سياسه من نيسان ماتوفر تعديل نيسمو على كل السيارات عشان تكون مميزه.. وايضا نيسان جوك عليها تعديلات مجنوونه تصير بقوه خرافيه هذي ميزة نيسان مكاينها تتعدل الى ماله نهايه بعكس الشركات اليابانيه الثانيه حرام فيها كلمة يابانيه .. نيسان-انفنتي فقط هيا فخر الصناعه اليابانيه

      + 0- 0
  7. أليمة السيارة, وإن كان سعرها أفضل من الجولف فـ أعتقد راح ينضرب سوقها بقوة
    بس فيه شي ماحبيته بالشبك، لو يشتغلون عليه حبتين أكثر بس!!

    + 0- 0
  8. ابداااااااع ابدااااااع مبدع ياا نيسان ارفع رأسك الى القمه ..

    + 0- 0
  9. يابابا انت واياه اللي يقول نيسان فخر الصناعة اليابانية ياحبيبي لكزس هي فخر الصناعة اﻻسيوية واليابانية

    + 0- 0
  10. عاشق عالم اليابان

    ممكن تقول لي كيف حرام عليها كلمة يابانية ؟؟؟؟؟
    انا اعشق النيسان وأحب لكزس

    فخر السيارات اليابانية هي نيسان
    فخر السيارات الرفاهية اليابانية هي لكزس
    فخر السيارات التميز بين فئتها هي هوندا

    جميع الشركات اليابانية مكاينها يقبل عليها التعديل
    المحركات اليابانية هي الوحيدة المحركات الي بها قابلية التعديل بدون ما تشبع وفوق هذا كله غير مكلف بعكس السيارات الدول الثانية محركاتها تقف على لمت معين

    وسالفة انك تقول نيسان ماتبي تحط نيسمو على الالتيما. لمعلوماتك نيسمو اصلا هي متخصصة سباقات قانونية يعني الالتيما المتخصصة لسباقات استراليا. قوتها٨٠٠ حصان بمحرك v8 لتراته ٥٦٠٠

    بس انا أتكلم ليش نيسمو مأحطت على الماكسيما والالتيما تعديل نيسمو السبب الرئيس هو ناقل الحركة CVT
    الماكسيما جيل cvt حقها الثاني القديم اما الالتيما الجديدة ناقل cvt حقها الجيل الثالث تحت مسمى NS3 اداء هذا القير قوي خاصة في الالتيما تستطيع هزم سيارات أحصنتها عالية. وتسارع الالتيما 6 سلندر الجديدة ٥.٦ ثواني من ٠ الى ١٠٠ وفي شركات كثيرة قالوا تسارعها ٥.٣ من ٠ الى ١٠٠ بسبب القير الجبار من cvt لو عدلوا نيسمو على الالتيما والماكسيما راح يخرب سوق نيسان Z

    + 0- 0
    1. معليش انا معك في كل شي الا سالفة التعديل .. وين راحت المحركات الامريكية ؟!
      اقوى وافضل شي يمكن يتعدل وبأرخص ما يكون وانا اتكلم عن تجربه موب كلام وبس .
      طبعا ولا تهون نيسان في التعديلات تبقى ممتازه .

      + 0- 0
      1. عاشق عالم اليابان

        مهب شرط ياخي يعجبك كلامي. للناس حرية الكلام و الرأي
        هل الامريكي تعديله أرخص من الامريكي ؟؟؟

        اسهل وأرخص تعديل للسيارات الامريكية هي جينرال موتر أمثال الكابرس لكن ياحبي محركات الامريكية لتراتها كبيرة مقابل أحصنة معقولة لكن التعديل يقف عند لمت معين واحصن معينة ما تزيد عليها.

        لكن المحركات اليابانية صغيرة وسهل التعديل عليها وفرق هذا كله تصل الى أحصنة خرافية ماتقف عن لما معين

        الياباني يعطيك لتر بسيط واحصنة توافق الترات مثل محرك الماكسيما ٣.٥ قوتها ٢٩٠ حصان
        والكابرس ٦.٠ بقوة ٣٦٠ حصان بالمقابل محرك الانفينتي m56 ٥.٦ لتر بقوة ٤١٦ حصان

        عدل الكابرس وعدل الانفينتي راح تلاقي محرك الانفنتي يقبل اكثر من الكابرس في التعديل

        هذه النقطة الي حبيت أوصلها لك بان محرك الياباني صغير لكن يقبل التعديل بدون مايشبع

        ومحركات نيسان بالتحديت ٦ و ٨ سلندر لها طابع رحيب صوت المحرك والاقزوز و الفلتر ينسمع في الشارع من غير تعديل فما بالك اذا تعدل راح تسمع أصوات محركم مميز. هذه ميزة في السيارات الامريكية من ايام الثمانينات الميلادية حتى الان ويفتخرون فيه الامريكان في الأصوات

        طلعت عن موضوع التعديل

        عنك محركات الهوندا أيضاً تقبل تعديل بدون توقف لانها تستخدم تقنية VTC الموجودة في محركات نيسان ولها إنجازات مثل سباقات F1.
        عندك السفيك اذا تعدلت تسابق سيارات خارقة
        عندك ميستوبيشي في لانسر اڤلوشن تنافس سيارات خارقة اذا تعدلت القائمة تطول لكن حاولت اختصر لك

        + 0- 0
        1. وهل كل شي في الاحصنة ؟ هنا السؤال .. واعتقد انك تعرف الاجابة

          + 0- 0
          1. عاشق عالم اليابان

            الجواب معروف ليش ذكرت بان السيارات اليابانية لتراتها قصيرة مقابل أحصنتها النشطة وان محركات تستقبل بدون ما تشبع +عزم دوران المحرك +عزم الكرنك + نشاط القير في السيارات اليابانية من ناقل الحركة او ناقل الحركة cvt

            + 0- 0
        2. طيب ياخوي هد اعصابك وش فيك بغيت تضربني .. اذكر الله
          صح كلامك انا لما قلت محركات امريكية قصدك GM

          + 0- 0
        3. هد اعصابك ياخوي وش فيك بغيت تضربني .. اذكر الله ورايك على عيني وراسي ما قلت شي ..
          صح عليك انا لما قلت محركات امريكية قصدت محركات GM بس مين قالك ان لها حد معين ؟!
          ابسط تعديل عليها بدون سوبرتشارج او تيربو راح يطلع معك حدود 600 حصان هذا الكلام عن محرك LS2 بالتحديد اللي هو سعته 6 لتر فما بالك لو قلنا LS3 او LS7 وما بالك لو قلنا بنعطيها سوبرتشارج او تيربو .. بالراحه تجيب لك 1200 حصان وفوق حسب تعديلك .

          + 0- 0
        4. وارجع واقول نيسان من افضل السيارات في التعديل واكبر دليل الجي تي ار .
          لكن لا تهضم حق محركات GM.

          + 0- 0
          1. عاشق عالم اليابان

            والله ياخوي اني رايق واتبادل الرأي بواسع صدر متعصبا

            انت ذكرت المحركات السابقة ل GM الان تستخدم محركات اعتقد والله العالم اسمها LT1
            طيب أذكرك بمحركات الكورفت لجيل السابق كانت ZO6 لتراتها ٧.٠ بقوة ٥٠٥ حصان ونوع الكورفت
            ZR1 بسوبر تشارج ٦.٢ لتر بقوة ٦٥٠ حصان
            شفت مقاطع كثير للكورفت أقصى حد وصلت له ٩٥٠ حصان !!!!
            هذا وهي عليها سوبر تشارج
            كيف تقولي بدون سوبر توصل ٦٠٠ حصان مع السوبر توصل ١٢٠٠ حصان ؟؟؟؟

            مهب إنقاص بمحركات جي ام أو محركات الامريكية الثانية
            المحركات الامريكية قوية بس يعيبها عزم الكرنك وتوزيع القوة + القير حقها مريح مهب شاد مثل
            الياباني والألماني قيورهم قصيرة وتشدد بدون تريح

            خوي معه كابرس ٢٠١٢ وانا معي التيما ٢٠١٤ قاومته اطلع عليه لين ٢٠٠ بعد الالتيما تحسي جمب الكابرس
            بحكم انه ٨ سلندر وانا ٦ سلندر بس عيب الكابرس انها تفصل على ٢٤٠ كيلو والالتيما تفصل على ٢٥٨ كيلو
            الفرق مهب كثير اذا طلع علي بعد ٢٠٠ فرق بسيط بيني وبينه يعني اقل من سيارة اذا فصل اطلع عليه
            السبب يعود لناقل الحركة عندي CVT القير أشد ما يريح وهو قيره ٦ نمر بس تحس انها مريحة مهب شادة

            في القصيم عندنا يعدلون على محركات LS1. ومحرك الكزس LS400
            في الجيوب يسقطون المحركات هذه
            عيب محرك LS1 انه غالي السعر والتعديل عليه غالي ولا ينفع للاستخدام اليومي
            محرك لكزس LS400 التعديل عليه رخيص والمحرك رخيص وفوق هذا كله يقبل تعديل بدون إشباع وينفع لاستخدام اليومي وصوت التعديل عليه جبار مثل أصوات المحركات الامريكية

            ياخوي العزيز انا أتكلم بحكم تجربة المحركات الامريكية قوية من مصنعها لكن التعديل عليها يقف في لمت معين

            وخوي راعي الكابرس فقط ركب عليها هوائيات وبرامجه السرعة القصوة وصلت لها هي ٢٨٠ كيلو ماقدرت تعداها الا اذا لغم السيارة تلغيم كامل علشان تمشي ٣٠٠

            ومثل ماقلت لك اسهل محركات الامريكية في التعديل هي جي ام لان محركات أشكالها ماتفرق عن الأجيال السابقة
            الا في المسميات أمثال LS1 والآن تستخدم LT1

            الحديث يطول واستمتعت معك وآسف لو غلط عليك او على اي شخص

            + 0- 0
          2. عاشق عالم اليابان

            عفوا الالتيما الي معي ٢٠١٣ مهب ٢٠١٤
            والأخطاء الإملائية بسبب الكتابة بالجوال الايفون ويصحح من نفسه

            + 0- 0
          3. لا يا رجال ابد ما غلطت ولا شي ..
            انا احترم اللي يناقش بعقل مثلك .

            + 0- 0
  11. عاشق عالم اليابان

    للأسف بعض الناس تتفلسف في نيسان

    معارفنا لهم
    مرات يقولون انها قوية وحرام انها يابانية ؟؟؟؟
    وبعضهم يتفلسف ويقول انها تتفكك وتخرب ؟؟؟؟؟؟

    وللأسف الفلسفة الاخرى وهي مالقى انها تتفكك ولا تخرب. حطوا حيلهم على القير cvt
    هههههههههههه

    الي ماجرب سيارات نيسان ولا ساقها لا يتفلسف علينا.

    ويقول انها تتفكك او يحط الفلسفة في قيرها cvt

    سق اي سيارة من نيسان اطلق سيارة عندهم الى اخيس سيارة وهي الصني راح تغير رايك بعد التجربة

    ويمديك تطلب التجربة من عن وكالة العيسى او الغسان في انفنتي وجرب سيارات نيسان واحكم بعدها
    طبعا وكيل نيسان في السعودية هو الجفالي حق مرسيدس
    الموزعين المعتمدين هم ( الحمراني -العيسى) في انفينتي ( الغسان )

    + 0- 0
    1. اااه من الي يفهمك ههههههه
      انا عندي التيما ٢٠١١ 4 سلندر فل .. الى يومك هذا ما اشتكي منها .. ما شاء الله الجير بوكس cvt oxdn

      ونفس ابدلها بالموديل ٢٠١٤ الشكل الجديد 6 سلندر فل 😀

      + 0- 0
  12. عاشق عالم اليابان

    انا معي فل ٦ سلندر التيما ٢٠١٣ وكان معي بالسابق التيما ٢٠٠٨ فل ٤ سلندر وكان بعدها بسنة معي لكزس ls 460 بعت الكزس بسبب خسارة مؤسستي وصار فيها اغتلاس والحمد الله على كل حال
    لكن بعد تجربتي الالتيما ٢٠١٣ طبعا فرق شاسع بينها وبين الجيل السابق من كل النواحي لا في العزم ولا في الراحة ولا في العزل الأرضي والعزل العلوي.

    طبعا الالتيما الشكل الجديد يعيبها في فئة ٦ سلندر جنطها ١٧ يعدم رساوتها. كلمت وقتها العيسى وقلت وين جنطها ١٨ قال كذا أحينا من شركة نيسان الشرق الأوسط سحبت عليهم وطلبت الجنط ١٨ من أمريكا فرقت معي بجنطها ١٨ الرساوة زادت وأفضل من زيارة الجيل السابق
    مع العلم الجيل السابق رساوته قوية بسبب وزنه الثقيل والسبب الثاني السيارة طامنه في الارض
    هذه كان عيب الالتيما ٦ سلندر في جنط ١٧ تنعدم الرساوة والمشكلة ان هذا الجنط هو جنط نص فل والاستاندر وجنط الفل ١٨ بس للأسف ان العيسى مايجيبه

    مساعدات الالتيما الجديدة ناعمة بعكس الالتيما الي معك مساعداتها رياضية. والمراتب الي في الالتيما الجديدة من تصميم وكالة ناسا الفضائية تمتص الجاذبية ومريحة في السفر اذا مسكت خط ومدته ٦ الى ٧ ساعات ماراح تتعب

    أنصحك في الماكسيما الجديدة مهب الالتيما بسبب ان الماكسيما الي يتنزل أقوى من الالتيما وتأخذ الجيل الثالث من cvt وتندا بانورما وتأخذ انوار LED وليد خلفي مثل المورانو الجديد بالتوفيق لك

    + 0- 0
  13. نيسان تخطط لانتاج فئات نيسمو في جميع سياراتها وغير صحيح انهم ماسوو من الالتيما والمكسيما عشانهم cvt لان نيسان صنعة فئة نيسمو من السنترا وهي قيرها cvt لكن بدلوه بقير عادي وصارت دفع رباعي وهذا النهج الي بيصير في المكسيما والالتيما ... والان الشركة فقط تجس النبض لهذا المشروع الكبير ومكسيما نيسمو راح ينزلوها لكن بعد الكشف عن الجيل القادم ...... اما بخصوص بعض الردود النيسان يتفكك ومن هذا الكلام انا عندي تجربه مع سيارات نيسان من موديلات ٩٩ الحقيقه الي سبب كلمة يتهربد او يتفكك هي التيما جيل ٢٠٠٥ كانت بعد فتره مع الحفر والمطبات تطلع اصوات ديكور واضحه ومشاكل بالكهرب وهذي نقطة سوداء في تاريخ نيسان لكن الاجيال الجديده من الالتيما تغيرت ١٨٠٪ درجة من ناحية تماسك وجودة المواد مع العلم الالتيما هي السياره الوحيده الي كانت عندها هذي المشكله المكسيما من موديل ٢٠٠٠ لين انقطعت عندنا سنة ٢٠٠٧ وموادها مثل ماهي من اجود مايكون والكلام يشمل الباترول وباقي الاسطول والان نيسان صححت خطاها في الالتيما مع الاجيال الجديده لكن طاحت في مشكله ثانيه وهي الcvt للمعلوميه نيسان اول شركة تضع احصنه كبيره على هذا القير يوجد سيارات cvt مثل لكزس الهايبرد لكن نظام مختلف تمام النظام الي تستخدمه نيسان هو نظام السير مع البكره استخدمته مستوبيشي ع سيارة ١٢٠ حصان لكن نيسان اول من وضعه ع سيارات ٢٨٠ و ٢٩٠ حصان وللاسف ظهرت مشاكل في هذا القير في مكاسيم موديلات ٢٠١٠ و٢٠١١ وبعض الالتيمات ال ٤ سلندر الجيل السابق وليس الجيل الحالي ونامل انهم صلحو خطاهم في المكسيما ٢٠١٢ مع الفيس لفت ننتظر ونشوف

    + 0- 0
  14. عاشق عالم اليابان

    السنترا تجي خيارين بناقل الحركة بالقير عادي او ناقل حركة CVT
    اما المحركات تجي خيارين وهي ١.٦ او ١.٨
    اما المحرك الثالث كانت تستخدمه سابقا في سنترا تحت مسمى SE-R المحرك هذا عدلت عليه
    لتراته ٢.٠ لتر بقوة ٢٥٠ حصان ناقل حركة عادي من ٦ سرعات

    اما الماكسيما والالتيما اعتمدتهم بشكل رسمي قير CVT بدون خيارات لناقل الحركة

    يا اخوي الكلمة الي قالوها تتفكك في موديلات ٩٥ بسبب كان مبيعات النيسان متفوقة على تويوتا والشركات الثانية لان نيسان بالسابق كانت رقم ١ المبيعات في السعودية أمثال السيدرك و 200L و 240L و الالتيما كانت ماكلة السوق
    لكن إشاعة انها تتفك للأسف ركبت عليها وكذبوا الكذبة وصدقوها

    اما بخصوص الماكسيما الي ذكرتها ٢٠٠٧ هي بالأصل انفينيتي اي ٣٥ I35 والماكسيما الامريكية هي بالفعل الأصل وكانت موديل ٢٠٠٥ و ٢٠٠٤ كانت تجي تندا بانوراما في السوق الامريكي وكانت حصرية للسوق الامريكي الشمالي و الامريكا اللاتينية فقط

    وبخصوص الالتيما ٢٠٠٥ كانت ديكوراتها رخيص بس ماتتفكك بس عيبها رخص الديكور وريش المكيف تتكسر بس والناس تاخذ قير عادي و ٦ سلندر وتخلي الموتر يحفر محله أكيد بتخرب كراسي المساعدات والمكينة

    وخصوص ذكرك ناقل الحركة CVT كانت معي التيما ٢٠٠٨ ماكان فيها عيوب
    اما الالتيما ٢٠١٠ نزل فيها تطوير لناقل CVT هو مبرد القير الي الناس ماتعرف تستخدمه في الخطوط الطويلة خاصة في التيما ٤ سلندر يمشي ٢٢٠ وضغط الآر بي ام منشبه في الأحمر ترى تقدر تجيب ٢٢٠ بدون وصول الآر بي ام للأحمر
    هذا سبب هو مبرد القير يخلي السيارة تثبت على ١٢٠ فارة بعدها أسرع وخذ راحتك

    و أقوى CVT قدمته تويوتا في الكزس بفئة LS 600h بمحرك v8 محد قدر يوصله في مثل التويوتا في لكزس وهو كهربائي هايبرد
    كل الشركات وصلت قير CVT في محركات ٦ سلندر فقط

    والنيسان هي الشركة الوحيدة الي تطور CVT وصلت له للجيل الثالث وانا استخدم هذا القير في سيارتي استجابة رائعة في التسارع + صرفية البنزين قليل. أمسك خط وامشي ٢٠٠ الآر بي ام على ٢.٥ لو مشيت ٢٥٨ الآر بي ام على ٤. تطور قوي في هذا القير وحبيته بسبب هدوء السيارة في الممشى

    + 0- 0
  15. عزيزي راح ينتجون نسخة نيسمو من الالتيما والمكسيما وراح يركبون عليها قير عادي فرع نيسمو ...

    + 0- 0
  16. عاشق عالم اليابان

    اخوي الله يرضى عليك انا متأكد ان الالتيما و الماكسيما ماراح تنتج من قسم نيسمو

    راح أوضح لك السبب

    مشكلت نيسان ياعزيزي في مسميات سياراتها تلقاها نفس الشكل بس تختلف مسميات بالدول وهذا عيب نيسان للأسف

    انت تدري ان البولسار اصلا لها اسم ثاني وهو نيسان تيدا !!!!
    صور بولسار نيسنو هي بالأصل نيسان تيدا في دول ثانية !!!!!!

    مثال ثاني الصني
    تجي في السوق الامريكي تحت مسمى فيروس
    وفي السوق الآسيوي تحت مسمى الميرا
    وتجي في الدول الأوربية والشرق الأوسط تحت مسمى صني ؟؟؟؟؟

    الي ابي أوصله لك بان الصني ماراح تجي نيسمو ولا فيروس راح تجي نيسمو بعد
    لكن السوق الآسيوي ألميرا راح تنزلهم نيسمو بمحرك صغير ١.٥ بقوة ١٥٠ حصان الى ١٦٠ حصان

    نروح للماكسيما تنتج فقط في أمريكا والشرق الأوسط فقط صعب عليها انها تحصل على تعديل نيسمو لانها تعتبر اكبر سيدان دفع انامي ومنافسين لها مثل آلافالون و الازيرا يعني استبعد نيسمو لها مع اني شفت خطط نيسو للماكسيما لمن أبعدت بي تخطيط بالقلم

    اما الالتيما أنتجت فقط نيسمو لها في حلابات استراليا تنافس هوليدن في سباق استراليا ومحرك خرافي ٥.٦ لتر بقوة ٨٠٠ حصان هذا كان تصريح نيسان ونيسمو

    والشى الثاني الالتيما تجي تحت مسمين مثل سالفة الصني

    في السوق الامريكي و الأوربي والشرق الأوسط تحت مسمى التيما
    اما في السوق الآسيوي تحت مسمى تيانا
    طبعا الالتيما الأوربية تتفوق على الامريكية بالمواصفات يليها الالتيما الامريكية وعندنا مواصفات فاشلة بالنسبة الأوربي والأمريكي
    اما التيانا في تتفوق على الأوربي والامريكي في المواصفات

    هل نيسان تنزل نيسمو على التيانا او على الالتيما ؟؟؟؟؟
    لو تفكر فيها ماراح تنزل

    اذا تسارع الالتيما من ٠ الى ١٠٠ خلال ٥.٦ او ٥.٣ ثواني هذه تسارع سيارات محركاتها ٨ سلندر. وتسارع قريب من نيسان زد لان تسارعها ٥.١ ثواني من ٠ الى ١٠٠

    وهذا ناقل الحركة CVT

    كيف لو نزلت الماكسيما الجديدة بالقير الثالث من الCVT كم بيكون تسارعها من ٠ الى ١٠٠

    لو فكروا يتزلون نيسمو على الالتيما او الماكسيما راح يخرب سوق نيسان Z
    لان الالتيما الان قريبة من تسارع نيسان Z من ٠ الى ١٠٠

    + 0- 0
  17. شكرا ع الشرح المفصل لكن اولا تسارع الالتيما والمكسيما بعيده كل البعد عن ٥.٣ اذا شديت حيلك مره ٥.٧ او ٥.٨ سواء التيما او مكسيما مع الافضليه للالتيما بسبب القير الجديد ثانيا كل الي جالس تقوله عن التيما ومكسيما نيسمو مجرد تخمينات وتوقعات لكن الحقيقه قبل فتره نيسان لمحت بخبر انها راح تنتج فئات نيسمو من جميع الطرازات

    + 0- 0
  18. عاشق عالم اليابان

    بعيده كل البعد هي الماكسيما انا ماذكرت تسارع الماكسيما !!!!
    انا قلت الالتيما من ٠ الى ١٠٠ خلال ٥.٦ ثواني ومواقع كثيره وخلال تجربة بعضهم قال من ٠ الى ١٠٠ خلال ٥.٣ ثواني

    لانه بصراحة أسوى جيل للالتيما هو كان ناقل الحركة الجيل الثاني من CVT تحت مسمى NS2 الي هي من ٢٠٠٨ الى ٢٠١٢
    كان كل شى فيها مميز الجيل السابق الا التسارع ( انا اسميها مخصيه ) بصراحة كان سى التسارع فيها عزم السيارة ماكان يطلع الا فوق ٦٠ كيلو اما اقل كان العداد يعض عن ٤٠ بعدها تشد.

    ولا تنسى كان وزن الالتيما في الجيل السابق ١٩٠٠ وتسارع سيئ فوق ٦٠ كيلو تطلع طيارة اقل من ٦٠ العزم ميت
    هذا الوزن كان لفئة v6

    والماكسيما كان نفس نظام السى في الالتيما من ناحية التسارع من ٠

    الالتيما الجديدة فئة v6 وزنها ١٥٤٠ كيلو وفوق هذا قيرها الجيل الثالث من CVT تحت مسمى NS3
    من ٠ تسارعها مجنون العداد مايعض عند ٤٠ كيلو من ٠ وهي مجنونه في التسارع

    وللمعلوميه الالتيما الجديدة ٢٧٠ حصان نفس المحرك الجيل السابق

    لكن الالتيما الجديدة تعطي الالتيما السابق والماكسيما فرق ٣ سيارات وأكثر في التسارع
    وانا جربت مع ماكسيما والتيما كأني انا ٨ سلندر بالنسبة له والله الكلام هذا بحكم تجربة ومع اخوياي ماكسيمات والتيمات الفرق كان شاسع '
    ولها ميزة الالتيما الجديدة
    المعروف في سيارات فئة ٦ سلندر بعد ٢٠٠ العزم يقل يالله يجيب ٢٤٠ بصعوبة
    لكن الالتيما الجديدة العزم قوي بعد ٢٠٠ تحس انها v8 العزم شاد لين تفصل وهذا بسبب وزنها الخفيف والقير الجديد
    لآني انا كنت املك التيما ٢٠٠٨ و الان ٢٠١٣

    بخصوص النيسمو الالتيما و الماكسيما كان مشروع ورق فقط
    ماراح يعنمدونه

    لآني شفت جميع سيارات نيسان الي تحصل على نيسمو ومستعد أعطيك كل أسامي الي تاخذ تعديل نيسمو
    ًالماكسيما والالتيما مستبعدات بسبب واضح مثل ماذكرت لك بسبب نيسان Z

    مشروع الالتيما يوم أطلقتها نيسان بأنها تتخلى عن نظام الاسبورت في الالتيما
    ولو تلاحظ الالتيما الجديدة مساعداتها ناعمة
    لا يوجد جناح خلفي مثل الأجيال السابقة
    حولت الالتيما من ديكور رياضي الى ديكور كلاسيك فخم

    الماكسيما الحالية تجي باختياري
    ياشكل اسبورت وجناحِ خلفي وجنط ١٩
    او تاخذ تندا بانورما وجنط ١٨ بدون جناح
    لكن في الشرق الأوسط تجي بنظام الاسبورت

    مشروع الماكسيما الجديدة الكونسوبت قالوا بيتخلون عن نظام الاسبورت والجناح الخلفي
    راح تنزل فقط بنظام تندا بانورامية وديكور فخم

    فأعتقد خطت نيسان راح تنجح بتخلي عن المساعدات الرياضية والديكور الرياضي

    من ٢٠١٢ حتى الان مبيعات الالتيما متوفقه على الكامري

    وهذا سبب الي جعل تويوتا تحدث الكامري الجديدة
    ونفس النظام للهيونداي في السوناتا كلهم غيرو تصميم سياراتهم بسبب مبيعات الالتيما ومواصفاتها

    + 0- 0
  19. نيسان تستحق أسطورة السياراة اليابانيه بكل صراحه .. ابداع بكل معنى الكلمه

    + 0- 0
  20. الموجودين ،،،
    هل شركة نيسان راح تصدر نسخه جديده من نيسان سيدرگ بعد غياب طال فترة طوليه

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة