مرور الرياض يستخدم سيارات مستأجرة لترصد مخالفات اليوم الوطني

213
10
@حاتم الخثلان

اليوم-الوطني2

بدأ مرور منطقة الرياض بتطبيق خطة انتشار ميدانية إستعداداً للإحتفال بذكرى اليوم الوطني غداً الإثنين, بإنتشار 950 رجل مرور و800 سيارة شرطة وسرية لمتابعة حركة السير.

إضافة لذلك أكد مدير مرور منطقة الرياض العقيد علي بن عبدالله الدبيخي استخدام رجال الأمن لسيارات مستأجرة تساهم في رصد أي مخالفات مرورية متوقعه خلال احتفالات المواطنين باليوم الوطني.

إدارة مرور الشرقية أعلنت إستعدادها بأكثر من 80 ضابطا و1800 فرد, إضافة إلى 150 دورية سرية للتصدي للمخالفين, اعتبارا من صباح الإثنين وحتى فجر الثلاثاء لضبط السير في كل مدن ومحافظات المنطقة الشرقية،

مرور جده لم تعلن عن عدد سيارات ورجال الأمن المشاركين ضمن إستعداداتهم, ولكن المتحدث الرسمي بإسم مرور جده أكد أن “طمس معالم التعريف بالمركبة كتغيير لونها إلى اللون الأخضر يؤدى ذلك لحجز المركبة حتى إزالة المخالفة مع غرامة مالية حدّها الأدنى 500 ريال والأعلى 900 ريال ، كما أن سير المركبة بدون لوحات أو بدون لوحة خلفية، عقوبتها حجز المركبة حتى إزالة المخالفة مع غرامة مالية حدّها الأدنى 500 ريال والأعلى 900 ريال”.

وطالب مدير مرور الرياض قائدي السيارات إلى ضرورة التعاون والالتزام بالتعليمات الصادرة من رجال المرور والالتزام والتقيد بالظهور في الصورة التي تعكس مظاهر الفرحة والسرور بما يجسد هذه المناسبة العزيزة والغالية على قلوب الجميع.

عن الكاتب

مؤسس سعودي شفت، مهتم بكل مايتعلق بالسيارات. تابع الكاتب على تويتر

10 تعليقات

  1. تكفوووون فيهم..قطعوهم بالمخالفات ..اقسم بالله العظيم ياليوم الوطني مافيه الا اشياء تغضب الله ..كل واحد لابس الشهاده ويرقص فيها ع الاغاني واعلى صوووت بعد !! ياعالم الصحابه ايديهم تقطعت في المعارك ليعلون هذه الكلمه وانتم تلبسونها ورقص في رقص !! ولا غير البنات اللي في كل مكان لا حياء من الله ولا من الناس ..ولا غير الاعلام اللي تكون طايحه بالشوارع بعد انتهاء اليوم الوطني والسيارات تدعس عليها .. انتبهوا لا يغضب علينا الله لا يغضب علينا لايغضب علينا الله ..اللهم اني بلغت اللهم فشهد ..

    + 0- 0
  2. غريبه مرور الشرقيه جهز 1800 فرد بينما الرياض 950 فقط رغم انه الرياض اكبر من حيث السكان

    + 0- 0
    1. والمساحة

      والهمجية

      طبعا اكلمك وأنا من أهل الرياض ( من مراهقينها بعد .. يعني أساس الطهبلة اللي قاعد تسير )

      لاكن الحق ينقال مافي زينا في همجية القيادة والاخلاق ( الأ من رحم الله )

      + 0- 0
    2. عشان ما تتكرر اعمال الشغب اللي صارت في الخبر قبل 3 سنوات "على ما اعتقد" .. وعشان احداث الشغب في مدينة القطيف اللي تصير بشكل مستمر

      الله يجعل هذا البلد امناً وسائر بلاد المسلمين ..

      + 0- 0
    3. لأن نص أهل الرياض بالشرقية الان

      + 0- 0
  3. الله يديم نعمة الأمن
    بس والله أن الحكومة مقصرة معنا باشياء كثير وبدال م يطلعون يعتذرون ولا يعلنون عن اصلاحات يخلونا نطبل لهم ونرقص !!!
    والله الشعب بدال م يحتفل والعلم بيده أن الملف الأخضر بيصير مكانه !!!
    غير انه رقص وفسق ومعصية واغضاب لله وامتهان للشهادة واختلاط ومجاهرة بمعصية وايذاء للمسلمين وتحرش وتكسير واحتفال بعيد بدعي ( سواء سميناه يوم وطني ولا عيد وطني ) !!!! هذا جزاء النعمة والأمن ... نقابلها بالمعاصي والمجاهرة !!
    ( ضرب الله مثلا قرية كانت آمنة مطمئنة يأتيها رزقها رغدا من كل مكان فكفرت بانعم الله فأذاقها الله لباس الجوع و الخوف بما كانوا يصنعون )

    .

    .

    .

    بعدين من الغبي اللي يطلع عشان يتلاحق من كلاب مكافحة الشغب وباصات التوقيف و ينذل
    وشغل واسطات ودق على اخوك ولا على ولد عمك العسكري عشان يكفلك !!

    صراحة هذولي حطموا أساطير الغباء
    مستر بن لو يموت م فكر يمثل حلقة زي كذأ .. عاد كيف لو دراسة أن السبايك اللي عندنا يسوونها ف الحقيقة

    + 0- 0
    1. لو *درى

      + 0- 0
  4. ههههههههههههههههه بالشارع يرقص على "انتٍ ما مثلك بهالدنيا بلد "

    وعلى تويتر الراتب ما يكفي الحاجه وتحصله عاطل باطل .

    بغض النظر عن مظاهر الهمجيه , وش ذا النفاق !!!!!

    + 0- 0
  5. للاسف لدينا شعب غير واعي واحتفال اليوم الوطني اكبر دليل
    والله ان احتفال الاغلبيه للتحرش والتعرف علي الاولاد
    وتقفيل الشوارع بالرقص وللاسف ان هناك من يطلع بعائلته لكي يحتفل
    وكان الغيره لاتوجد في قلبه ويلاحظ ان هناك انفلات امني في هذا اليوم
    والتساهل مع المزعجين

    + 0- 0
  6. اتفق مع الرد الاول

    بلد متخلفة تتبع الغرب في شهواتها
    قال يوم وطني قال
    وللاسف نسمع اشياء يندى لها الجبين

    والله اننا مانقدر النعمة من امن
    ونجي نسوي يوم وطني عشان نرقص ونرضي امريكا ونغضب الله سبحانه ويجيك واحد شايل كلمة التوحيد الي قاتلوا الصحابة من اجلها
    يجي ويرفع صوت الاغاني ويرقصون
    وينكم ما شفناكم يوم الحوثيين هاجموا بالجنوب؟
    ولافالحين بالرقص والخلاعة والصياعة؟
    والشباب عاطلين ٣ مليون عاطل متسدحين بالبيوت
    ويجيك ناس ترقص بالشوارع
    فرحانين على ايش؟
    على العاطلين المتسدحين الي منهم جاوا من الابتعاث ومن جامعاتنا؟
    ولا على الاجانب المنتشرين لدرجة مهولة؟
    ولا على ازمة السكن الي عندنا وغلاء الاراضي؟
    ولا على الرواتب الضعيفة الي ينهيها غلاء الاسعار وشجع التجار؟
    فرحانين على ايش؟ ممكن تفهموني؟
    ماغير صياعة وقلة حياء بالشوارع على بالهم ان هالحركات رجولة
    هذي سخافة وحماقة وناس جاهلة مالقوا حكومة تهجدهم

    + 0- 0

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة

مواضيع من مواقع صديقة