التفحيط يصبح قضية جنائية في السعودية, مع غرامة تصل إلى 40,000 ومصادرة السيارة 5 سنوات

4183
29
@يزيد سبحي

images-7669eadbfd

رغم افتتاح عدة حلبات وساحات للجميع للإبتعاد عن التفحيط في الشوارع العامة, مازالت هذه الظاهرة تتسبب في العديد من الإصابات والضحايا. لهذا السبب, وضعت السعودية عقوبات صارمة جداً لإيقاف التفحيط في الشوارع العامة كلياً.

وفقاً لصحيفة Arab News, وضعت السلطات غرامة 10,000 ريال سعودي لأول مرة يُقبض فيها المفحط, وستتم مصادرة سيارته مدة شهر. واذا تم القبض على مفحط للمرة الثانية, سيدفع غرامة 20,000 ريال سعودي ومصادرة سيارته مدة 3 شهور, وقد يُسجن لمدة 6 الى 12 شهر. تصل العقوبة الى اقصاها في المرة الثالثة, حيث يعاقب المفحط بدفع 40,000 ريال سعودي, وبمصادرة سيارته سنة الى 5 سنوات.

كما تقول الصحيفة بان الركّاب والمشاهدين يُعتبرون شركاء في الجريمة ايضاً. اذا تم القبض على الراكب او احد المشاهدين, سيدقع غرامة قدرها 1,500 ريال سعودي, وقد تصادر سيارته لـ 15 يوم او اكثر.

تأكيد هذه العقوبات في لمساته الأخيرة. تطمح السعودية بهذه العقوبات التقليل من الوفيات المتعلقة بحوادث السيارات والتفحيط. وجميعنا نعلم مدى خطورة هذه الظاهرة بمشاهدتنا مقاطع الفيديو المرعبة لحوادث التفحيط. يُذكر ان دراسة قامت بها الإدارة العامة للمرور في عام 2013 وجدت انه هناك 19 وفاة بسبب حوادث السيارات كل يوم.

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

29 تعليقات

  1. سؤال: ماهي اسماء وأماكن الحلبات في المملكة بالاضافة الى حلبة الريم في الرياض؟ على حد علمي جدة ريس واي قفلت من زمان

     
    1. ميدان ديراب

       
      1. ومن متى الردع يكون مادي ؟ طيب الـ 40 ألف اذا أخذتها منه وين بتروح ؟ بتفتح حلبات فيها ؟ ولآ في الجيب !
        ^ بدل مايعالجون الظاهرة بالتثقيف والتعليم وإفتتاح اماكن مخصصة ومهيئة بأسعار معقولة ! مو حلبة والأسعار غالية !

         
        1. عزيزي من يومي في المهد الى الان كله اشوف حملات عن التفحيط وحملات عن المخدرات و الى الان في ناس يفحطون و يتعاطون التثقيف مو كل شيء .

          اما الرادع المادي انا معه واكبر دليل على تأثير نظام ساهر الى تشوف الناس منظمه في التقاطعات اللي فيها ساهر .

          بخصوص الاموال لا تدخل بذمتك شيء , اموال المخالافات على حد علمي تذهب لخزانة الدولة

           
  2. شيخ المعارض

    المفروض من أول يطبقون هالشي ، صار الاستهار بحياة الاخرين شي عادي

     
  3. هل الدخول مسموح ؟ وفي اي يوم ؟ للاسف افتحو حلبات وساحات ومحد داري وش نظامها ومتى تفتح

     
  4. على انها بتطيح في روسنا احنى اللي مالنا دخل ، مافي الا حلبتين ومحد يدري وش نظامها او وينها
    لكن الله يقويهم .. مو بس الازعاج والقلق .. حتى الارواح و سرقة المواتر ذي كلها بتخف كثييييير ان شاء الله ..

    عاد تعال فهمهم ان المقاومات مالها دخل .. وان جامعة نورة والمهدية بعيدين عن الناس و السكان

     
  5. واحد من الناس

    ARAB NEWS ??
    وش هي !

     
    1. واحد من الناس

      وين مصدر الخبر !!
      قال ارب نيوز قال

       
  6. لكن خطر التفحيط يختلف من سيارة لسيارة
    الواحد يقدر يفحط بسيارة دفع خلفي زي تويوتا 86 أو بي ام دبليو ام3 على سرعة 50.. أو حتى بعض سيارات الدفع الأمامي الرياضية زي الفوكس إس تي.

    فرق كبير في الأمان بينهم وبين التفحيط بأكورد على سرعة 200!!

     
    1. الدرفت عندهم فن في دخول المنعطفات , عندنا مجرد استهتار بسرعة عالية و اتلاف للاموال و على سيارة غير مخصصة اصلا ولا يوجد بها ادوات سلامة مثل سيارات الدرفت

       
  7. المخالفة اشوفها شوية

    وخصوصاً ان اغلبهم مروجين والمبلغ هذا عندهم ولا شي

     
  8. لا حول ولا قوة الا بالله 19 حالة وفاه يوميا مقابل عقوبات هزليه مضحكه ويريدون بها وقف الحوادث! لا اعلم لماذا تتهاون الدوله بقوه تجاه ظاهرة التفحيط .. حسبي الله ونعم الوكيل

     
  9. وين الساحات

     
  10. عقبال مايمحونهم كلهم ان شاء الله

     
  11. وين فيه الحلبات هذي خخخ ؟
    انا اللي سمعت فيه عن حلبة ديراب .. ولا ادري وينها فيه .. اظن الرياض !!

     
  12. المفروض العقوبه على الاقل على الاقل 100 الف ريال والسيارة مايشوفها ابدا علشان ثاني مرة مايفكر يدق جلنط اذا عادها مرة ثانيه 250 الف مع سجن 5 سنوات اذا عادها 3 مرة مليون ريال مع سجن 10 سنوات 🙂 اظن كذا اتحداء احد يفحط

     
  13. سامي المالكي

    كبوا التخلف لوبتطورون الشباب طوروهم مو بس بالتفحيط حتى لوفي الحلبات طوروهم خلوا بلدهم يفتخر بهم واد مصرين عالسيارات وراء مبالغ مطاردات هالدشر ماتروح على راليات وسباقات ناسكار وفورملا 1

     
  14. طيب وش اللي يظمن ان السيارة تكون له مهيب مسروقة , 95% من المفحطين السيارات اللي فحطون بها تكون مسروقة !!

     
  15. والله حرام … تلاقي شاب وقدامه مستقبل كبير لو حط عقله براسه … يتجه للترويج والتفحيط وبالأخر يموت ويحرق قلب أهله عليه …. الموضوع صار مبالغ جدا فيه … و اللي يعرف واللي ما يعرف صار يفحط … يغامر بحياته وبفلوسه ويحط أرواح الناس ومستخدمين الطريق بخطر … ونهايتها اما سجن وإما وفاة … ربي يحفظلكم كل غالي ويعطينا من خير سياراتنا ويكفينا شرها

     
  16. نفسي اشطح في تعليق بس خايف يجيبوني من حضن امي

     
    1. روح والقلب داعيلك ..
      ومالك الا اللي يطلعك باحلا(و)
      وان م طلعت مالك الا اللي يجيك كل عصرية وشاي وقهوة وطقطقة

       
  17. لست بمحط لاكن

    اوكي حطيتو الريم وديراب بسس الريم بالرياض والديراب مدري والله لاكن

    ينطبق ذا الكلام على اهل حايل والقصيم يروحون مشوار 650 لهل حايل والقصيم 300
    حطو بكل منطقه حلبه بعدين حطوا هاذا القانون

    زين مامنعوا التطعيس وعندنا بالقصيم كلشي عوايل وين نروح نموت

     
  18. اللي يفحط 5سنوات سجن
    مصادرة السيارة نهائياً أول مرة وﻻ آخر مرة
    والله ليمشون ع الصراط المستقيم

     
  19. إلي يطالبون بأماكن للتفحيط
    مع إحترامي لك التفحيط ينتشر فيه المخدارت والأغاني زي ما شفتها بأحد القنوات ماسكين مفحطين ومعهم ويسكي
    ياخي مع إحترامي للي يطالبون بساحات تفحيط
    ما أظن راح تستجيب الدولة لهم للمفاسد إلي فيها

    اتمنى تقل ظاهرة التفحيط ويهتدون شبابنا ويلتفتون لدراستهم وإلي يفيدهم بدنياهم وأخرتهم

     
  20. عمر 777

    لا مايختلف سواء كانت كوبيه ولا دفع خلفي أو أمامي
    مع إحترامي لك

    الحين ابتلشنا بظاهرة جديدة وهي التفجير
    وخطرها نفس التفحيط

    أتمنى تتخذ الدولة إجراءات صارمة ورادعة بخصوص التفحيط

    والله يحمينا وإياكم من كر شر

     
  21. كر = كل

     
  22. م. محمد الفهد

    مع اني سني ليس بالصغير اطلاقا
    ولاكني اجد في التفحيط شيئا من التسلية

    كنت في احد الدول الاوروبية وكانو يسمحون لدخولك مضمار سياق
    بسيارتك الخاصه برسوم رمزية

    وعاد فحط اسرع على كيفك

    بس طبعا لازم تحط وسائل الامان

     
  23. توهم يصحون ربعنا بعد ماتوفى اللي توفى كالعاده يصحون على ركام المشاكل المرور اسوء اداره بالبلد

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة