تويوتا تستدعي 6.4 مليون سيارة حول العالم

3241
54
@Hatem Alkhathlan

AR-130809939

أعلنت تويوتا رسمياً عن إستدعاء ضخم لأكثر من 6.4 مليون تويوتا حول العالم لعدة مشاكل مصنعية, تبدأ من مشاكل أكياس الهواء (ايرباق) إلى مسّاحات الزجاج الأمامي.

يشمل الإستدعاء 27 موديل تويوتا من عام 2004 إلى 2013 بالمشاكل التالية:

  • 3.5 مليون تويوتا تم إستدعائها بسبب مشاكل في المقود, وأكياس الهواء.
  • 2.32 مليون تويوتا تم إستدعائها بسبب مشكلة إنزلاق المقعد للأمام عند وقوع حادث.
  • بقية الإستدعاءات تشمل مشاكل مصنعية في محرك مسّاحات الزجاج, وقطعة مثبّته لعمود التوجيه للمقود, وغطاء المولّد الكهربائي.

لم تتسبب هذه المشاكل المصنعية بأي حالاة وفاة حتى الان, ولكنها قد تسببت في إحتراق سيارتي تويوتا مؤخراً بسبب مولّد الكهرباء.

هذا الإستدعاء يعد ثاني أكبر إستدعاء في تاريخ السيارات يتم في يوم واحد, حيث أن أكبر إستدعاء يعود لتويوتا أيضاً بإستدعائها لأكثر من 7.4 مليون سيارة في عام 2012.

تحديث:

أعلنت وكالة عبداللطيف جميل أنها تنوي إستدعاء أكثر من 211,000 سيارة ضمن حملة تويوتا لإستدعاء 6.4 مليون سيارة

 

عن الكاتب

مؤسس سعودي شفت، مهتم بكل مايتعلق بالسيارات.

54 تعليقات

  1. سيارات رخيصة أداء سيء ثبات سيء عزل سيء فرامل سيئة مواصفات سيئة جودة سيئة تصميم سيء تصميم داخلي سيء مواد مستخدمة رخيصة وسيئة !! لم أرى في حياتي سيارة تتجاوز 300 الف ريال مثل تويوتا لكزس 460 ويذهب مالكها مباشرة لتغيير فراملها من شركات أمريكية وغيرها !! هذه سيارتهم الأفخم لك أن تتخيل مستوى بقية السيارات !! من أراد الجودة والمتانة والأمان بعد الله والعزل والثبات فليتوجه للسيارات الألمانية وإن كانت غالية فهناك السيارات الأمريكية

     
    1. اسمحلي كلامك غير صحيح بدليل ان لكزس حازت على جازت جي دي باور للجوده

      وشوفها في نفس السوق الأمريكي متصدره على جميع السيارات الامريكيه والكوريه واليابانيه وبعض الشركات الألمانيه

      لو كلامك صحيح ماكان انتشرت السيارة بالهاشكل بالرغم من انت نفسك تقول ان سعرها فوق 300 الف

      قلي على بعض موديلات تويوتا اقولك صحيح لكن لكزس ماستدعت ولا حتى نص استدعاء لأن مصانعها كلها باليابان وفي فرق ملحوض بالجوده اليابانيه وخارج اليابان

       
      1. اخ اتاري
        اسمح لي انت م تعرف
        وانت طبال ياباني
        واليابااني ابو كلب
        شف الكوري كيف متفوق عليه
        من جميع النواحي
        ولا تنكر هالشي
        انا معروف

         
        1. اذا انا طبال للياباني اش سويت انت بالكوري لمن تقول الجينسس احسن من الفيراري ترى لك سوابق يرفضها العقل

          شوف الياباني حتى لو ماكان فيه تويوتا من الاساس عمر الكوري ماينجز اللي انجزه اكبر دليل

          ان مافي احد فينا الا واليابان ركبه سواء وهوا صغير حقت ابوه او وهو كبير

          لكن الكوري مجرد سيارات تكاسي وطلع فيه الدرباويه والبدو

           
        2. اخ يحيى واتاري
          انتم تطبلون للكوري والثاني للياباني
          الكوري مواصفات الاستاندر مافيه abs ولا ايرباق بالجوانب
          الياباني فيه abs بس مافيه ايرباق بالجوانب

          باقي ما تكلمنا عن منع انحراف المركبة ومتانة الشاصي
          لو تكرمتوا تراكم ازعجتونا

          الي مطنووووخ يطق له مرسيدس ولا رنج روفر
          والي مايقدر يطق له سيارة صناعتها كندية او امريكية

          او ياخذ مستخدم امريكي موديل مثلا ٢٠٠٩ زي كذا

          ويكفي تطبيلكم على سيارات مشلحه

           
          1. وانت تطبل للأمريكي اللي كله بلاستيك ودايمن في ورش الصناعيه

            الأكورد ياحبيبي فيها 6 ايرباقات والليقاسي 8 ايرباقات مشكله اذا كل الناس تفكر الياباني = تويوتا

             
    2. واذا انت موب قادر على الألماني فيه عندك نيسان وانفينيتي

       
      1. ليه يروح لشركات تجيب سياراتهم عندنا مشلحة
        لا يروح للسيارات الامريكية الفخمة

         
        1. اش هيا السيارات الامريكيه الفخمه كرايزلر اللي مافيها الا ال300 سي اللي هيا تشارجر مفخمه

          ولا لينكون اللي كل سيارات مبنيه على فورد

          ولا كدلك اللي مشاكل بالكهرباء الين تطفش

          اذا كان السوق الأمريكي نفسه يفضل السيارات اليابانيه والألمانيه على الأمريكيه

           
  2. معاذ الخالدي

    ما شاء الله ع تويوتا..توها من اسبوعين دافعة تعويضات للكونقرس الامريكية ١ و٦٠٠مليون دولار..والحين مقارب لل٧ مليون سيارة وقبلها خلال الخمس السنوات الي راحت اكثر من ٥ مليون سيارة سحبتها..ومن غير المصنع الي قفلته في استراليا..وضع جدا محررررررررررج أمام منافسيها بالاخص نيسان..ولا يتناسق مع تاريخها..للأسف..

     
  3. معاذ الخالدي

    مليار و٦٠٠ مليون..تصحيح

     
  4. تويوتا … للخلف در كالعادة

     
  5. الظاهر تويوتا بتخصص مصانعها للاستدعائات وتوقف صناعة

    إستدعائاتها كبيرة وبالملايين

     
  6. انا عندي تويوتا كامري 2012 ، سيارة سيئة بكل ما تعنيه الكلمة ، البلاستيك المسخدم فالداخلية سيء لابعد درجة و عزل و ثبات مافي اسوء منه.

     
    1. شكلك ما شفت تكاسي الكامري 2013 عندنا في الامارات, كلها استاندرد واخس يلاستيك مر علي في حياتي والله كا اكذب ا1ا قلت ان بلاستيك كورولا 2004 احسن منه والوكالة تشتريه وهي فرحانة ب90 الف , الحين لم ادور تكسي مل ارفع ايدي الالموديلات 2009 الى 2012

       
  7. أبي أعرف إيش هي المديلات الي فيها العيوب المصنعية

     
  8. تويوتا من حتفضل على هالحال وممكن أسوء الحل الوحيد لها أنها تقفل جميع المصانع الخارجيه اللي برا اليابان وتركز على الإنتاج الياباني

     
    1. تكلفت الإنتاج راح تكون غالية إذا بقت بس في اليابان (الأيدي العاملة غالية في اليابان) و هذا كان سبب إغلاق فروع أستراليا
      غير أن الشحن من منطقة واحدة راح يشكل لها مشكلة كبيرة في توفير السيارات في الوقت المناسب
      كون الشركة تصنع بأعداد ضخمة هذا الي يتسبب في مثل هذه المشاكل

       
  9. يالبى الكوري بس
    افضل سيارات حول العالم
    لا مشاكل كصنعية ولا يحزنون
    وسوقها ماشي
    وضربت على جميع الممافسين
    في جميع النواحي
    دمت لنا ايها الكوري

     
    1. جل من لا يخطئ
      https://www.saudishift.com/2013/452-hyundai-genesis-coupe-recalled-in-saudi-arabia
      الشركات الكورية (المقصود هنا هيونداي و كيا) قدمت نفسها بشكل ممتاز في الفترة الأخيرة بس هذا ما يعني أنها أفضل من أي شركة ثانية بشي
      يوم لك و يوم عليك هذا الي حصل مع تويوتا الحين هي في مشكلة بس هذا ما يعني أنها خلاص بدون جودة و الي حاصل مع تويوتا ممكن يحصل مع أي شركة ثانية
      كل شركة تتميز بشئ عن الثانية بس مافي شركة بدون مشاكل

       
      1. عادي بس نوع واحد
        وكمية محدودة
        مب كل السيارات الي انتجها

         
        1. هذا يسمونه مثال دور في النت تلقى أزيد
          و أنا كتبت التعليق لتوضيح فكرة

          رجاءا قبل لا تكتب رد ثاني راجع معلوماتك و فكر بدون تعصب
          هذا الموقع لمحبين السيارات بشكل عام إذا تبي موقع بس يهتم بالسيارات الكورية فللأسف دخلت موقع غلط

           
    2. يحيى
      تراك مصختها
      وش الكوري الي تطبل له
      حتى abs بالاستاندر مافيه
      جاي تلعب علينا

       
  10. ايش بقى مافيه عطل ؟؟ مو شيء جديد على تويوتا .. الحين الي يطبل للياباني بساله سؤال الاخطاء المصنعية بتويوتا مقارنه بهونداي وكيا ايتهم اكثر ؟! بعد الجواب الحين اقتنعتو من الافضل في الوقت الحالي

     
    1. على فكرة فيه شركات يابانية غير تويوتا و احسن من تويوتا و كيا و هونداي

       
      1. محمد ح
        ترا الياباني كله كذا
        على هذا الحال
        في انحدار
        كلها فاشلة باستثناء نيسان هي افضلهم
        والافضل من الباقي الكيا والهيونداي
        لاتقول لي هوندا او تويوتا او ميتسوبيشي
        او بطيخ كلهم واحد ابو كلب
        الكوري افضل منهم بمراحل

         
      2. اتفق معك من ناحية نيسان وانفنتي افضلهم عن هونداي وكيا كجوده ومكائن .. لاكن دائما لما لما نقارن بين شركتين من دولتين ناخذ اكبر شركتين انا اتكلم تحديدا عن تويوتا .. ودائما اقول افضل شركتين يابانيتين تستحق ان الواحد يشتري منها سيارة هيا نيسان وانفنتي فقط اما الباقي في تخببط كبير

         
  11. المشكلة باقي فيه ناس تشتريها و ينصحون الناس يشترونها على ايش معاد فيها شيء صاحي

     
  12. اللي يشتري تويوتا في الوقت الحالي ما ادري كيف يفكر
    لاجوده لا تصاميم والاسعار مرتفعة
    وتويوتا نفسها اعترفت انها اخطأت كثير ومرت في تخبطات
    والناس لازالت تشتري

     
    1. ناس عقلها في …….! اعذروني على الشفافية …. ياخي اذا مره تبي سياره يابانية خذ النيسان والله انه كويس

       
  13. يا لطيف.. اسمع اليوم في الاخبار انه اكبر استدعاء للسيارات في تاريخ صناعة السيارات!

     
  14. اكبر استدعاءات وارقام في الملايين .. ويجيك مطبل تويوتا ويرقع ومازالوا الناس يشتروا ومازالت شيك في الجيب .. الحمدلله ع نعمة العقل
    ع الاقل لو قلنا الكوري ممكن بالالاف صح لكن ما توصل ملايين
    وع فكرة يا ارتي اللكزس اشوفها متفوقة برخص قطع غيارها واي احد يقدر يمتلكها اما الالماني زبائنهم محددين من طبقة عالية يقدرو يتحملو مصاريفها
    فلا تفكر انه كل الناس بتشتري لكزس لانها افضل
    واسمع ملاك لكزس كثير يقولو لو نقدر نتحمل ع الالماني ما كان فكرنا باللكزس

     
  15. هيااااط هيااااط هيااااااط
    اسوء شركه بلا منازع التويوتا وبعدين النيسان انا جربت السيارتين النيسان محركها عملي بس جودتها في الداخليه زباله والجلد الي فيها يهتري بسرعه والبلاستك يذوب ويتاثر بحرارة الشمس
    كلامنا مب على النيسان الحين كلامنا على تويوتا لا شكل شراات الناس ولا منظر وسعرها فوق ودايم استدعاأت في الامارات
    شف هالاستدعاء هذا ما خلو شي مساحات زجاج عصا المقود الاكياس الهوائيه انزلاق المقاعد عند وقوع حوادث وكهربا و و و ماخلو شي الحمدالله راح تقولى شيوخ الامارات عندهم لكزس راح اقولك بس حب امتلاك لا اكثر اما سياراتهم معروفه اغلبها مرسيدس s & g55وبنتلي ورولس رايس في هالوقت الحالي الكوري افضل عن التويوتا بمراحل وصدقني عصر تويوتا راح يندثر والي راح يدفنه الكوري

     
  16. سياسة تويوتا هو انتاج سيارات بسيطة الكلفة باسعار مناسبة مقارنة بالشركات الاخرى لتحصيل اكبر رقم ممكن في المبيعات و الانتشار مما يؤدي الى تصدر الشركة كما هو الواقع للمواقع العالمية مما يزيد في ثقة المستهلكين وبالتالي ازدياد المبيعات ازدياد هامش الربح للشركة اللي هو هدف كل الشركات , ولكن نرى ان هذه البساطة اودت بتويوتا الى الزبالة وليس الى النجاح بسبب انها اعتمدت على العالمية التي وصلت لها من دون مراعاة المنافسين الذين يسعون الى نفس الهدف ولكن بتفاني و ببطء اللذان ينقصان تويوتا , وبسبب انها علقت في بساطتها تلك ولم تستطيع ان تعدلها مع ارتفاع اسعار الخامات و اسعار التصنيع مما ادى الى انها -وباعتمادها على شهرتها -رفعت من سعر البيع مع تقديم بضاعة ليست بالمستوى , والنهاية ماربحته تويوتا من شهره و عالمية في سنوات قليلة ها هي اليوم تخسره في ايام قليلة , وكيف ما يقول المثل اللي جمعاته النملة في عام شاله الجمل في خفه.

     
    1. ماشاءالله عليك.. دُرر دُرر، أفضل تعليق على الموضوع. +1

       
    2. أحب أضيف شيء بسيط..
      من وجهة نظري، تويوتا تقف على سمعتها فقط وبدونها ستسقط، وهذا اللي يخلي الناس تثق فيها وتشتري.
      وهي لا تستحق للأسف.

       
  17. عاشق الاودي

    هم لو يركزون على الجوده ويسحبون على هدفهم البايخ اللي جاب فيهم ام العيد ( انتاج اكثر من ١٠ مليون سيارة خلال سنة واحدة ) كان بقيت جودتهم ممتازه

     
  18. والله لو يستدعون 10 ملايين سيارة
    ولو يقولون ترى اللاندكروزر لما تتعدى الـ 140 كلم تنفجر فيك وتروح فيها أنت وعايلتك
    مهما يقولون ومها يهبطون من TOYOTA

    راح تزيد المبيعات عندنا بالمملكه 200% لأن الناس ماخذين فكرة إنك تشتري تويوتا وتبيعها بعد خمس سنوات وتخسر فيها 5000 ريال فقط

    تقول له ترى الكوري تطور وقاعد يعطي ضمانات خورافيه يقول لك طيب لاجيت أبيع ما ألقى أحد يشتري

    شعب ماله حل . . تويوتا – شماغ البسام – آيفون – كبدة بالجبن

     
    1. عاشق الاودي

      ههههههههههههههههه ياخي حبيتك وانا ما عرفتك … وصفك في التسعيييييييين

       
      1. محمد سعيد

        حلوه كبده بالجبن دي 😀

         
  19. نيسان افضل من كل النواخي

     
  20. العالم يتكلم عن تويوتا وهو لايفهم شيء

    ستبقى سيدة لأسيا ولاشيء يعلوا عليها

    اما الياباني الثاني زي نيسان وغيره هذا مايتقارن بالكوري حتى بالجودة
    هربدة الألتيما والمكسيما الي يتفككون في نص الخط قراطيس
    مكاين نيسان تخبيط وحرايق ورا حرايق نذكر الباترول اول
    والددسن ملك الحرايق
    والزد الأسترالي الهطف
    هوندا مايحتاج عيوب بالقماشات الخلفية والراديتر
    بس على الأقل اصرف من نيسان ابو التخبيط
    ومتسوبيشي كهرباء
    وسوبارو ومازدا تخبيط مكاين وتهريب زيت

    الياباني ولايسوى طقعه من غير تويوتا
    تبقى سيدة لأسيا

     
  21. تويوتا زي ما تفضل ارتي انها مب صناعه يابانيه 100% و ياليتها تتصنع في اماكن زي الناس بعد , تجميع مكسيكي ولا ماليزي و هذا الشي جد فرق بجودتها و خلها صددددق تطيح على عكس منافسينها من كورياو امريكا…توني شايف خبر الفورد فوكس السيدان و صراحه ما اشوف ان لليارس الجديده حق تنباع اكثر منها و نفس الشي السوناتا الجديده ما خلت شي للكامري الا و تفوقت عليها فيه

     
  22. اما لكزس فلاسف سياره اقل ما يقال انها رائعه بس اللي منزل من اسمها تويوتا و انها تشارك بعض قطع تويوتا في بعض الموديلات مثل الES وLX .. و صح مب كل سياراتهم ممتازه و متفوقه بس ال460 و الجي اس اشوفها ماشيه مع اكثر الالمانيات في نفس المستوى من اغلب النواحي بالذات الLS , و الله اعلم اللي ناقص لكزس ارث و تاريخ اما اللي تقدمه من تكنلوجيا و جوده و امكانيات فهي جدا متقدمه و مثال على كذا جاقوار.. ما انكر انها سياره خرافيه بس من ناحيه تقدم و تكنولوجيا و هندسه فاللكزس افضل من هالنواحي بس يفزع لجاقوار اسمها القديم ..

    بمعنى ثاني لو لكانت لكزس المانيه بنفس هالمستوى اللي هي عليه الحين كان الناس وصلوها للسما …بس البعض يركز على امور ثانويه و اقل اهميه

     
  23. انا الي مزعلني ردود الناس ، يحسسك ان التفكير عندنا للاسف سيء وياثر عليه التعصب بشكل كبير .

     
  24. الكوري مواصفات و الياباني جوده عالية
    يعني لأحد يقول هاذي الهيونداي سوناتا أحسن من الافلون لأن التفاوت ما فيها بانوراما
    اوكي التفاوت مافي بس انت ضامن أن السوناتا البنوراما اللي فيها جودة عالية اكيد لا لأن سياسة تصنيع السيارات الكورية هي مواصفات أكثر جودة اخيس و ايرباق واحد للستاندرد وللفل ايرباقين شوف التيوتا والهوندا فخر الصناعة اليابانية

     
  25. اللي يقولون الكوري مواصفات وبس شكل لاجوده ولا اعتماديه اكيد انهم ما استخدموها
    انا معي سوناتا 2010 من 4 سنوات ولله الحمد ما قد دخلت الصناعيه اسافر كثير واكرفها وصلت تقريبا 200 الف كم ماصلحت شي غير الاشياء الاستهلاكية مثل الفحمات والبواجي فقط

     
  26. اولا الصناعة اليابانية ليست محصورة على تايوتا فيه شركات اخرى مثل نيسان وسوبارو وهوندا حتى مع ان تايوتا تمثل الجزء الاكبر الا انها لاتمثل كل الشركات اليابانيه….ثانيا اسلوب تايوتا في التسويق واضح جدا انها تستند على سمعتها فقط للبيع بدون بذل مجهود كافي للمنافسة لانها تضمن ان زبائنها موجودين في كل مكان وكل زمان فلا داعي للخسائر ويتضح ذالك من خلال التصاميم الجديدة لسياراتها وايضا الخامات المستخدمه التي تدل على عدم وجود اي اهتمام بالمنافسين….ثالثا تايوتا اهتمت فقط بتوسيع نطاق البيع وبذل مجهودها كله في التوسعه بسبب زيادة الطلب وهذا هو اكبر الاسباب للمشاكل التصنيعية …. لاننكر ابدا ان تايوتا كانت اكثر السيارات مثالية للاستهلاك لكن هذا لم يدم طويلا فالان اختلف الوضع تماما واذا استمروا على هذا المنوال في السنين القادم سيعلم كل مستهلك عادي الذي لايهتم باخبار السيارات ان تايوتا لم تعد كما كانت و ستنخفض مبيعاتها بشكل حاد والعودة للقمة ستكون اصعب

     
  27. خلو عنكم الطقاق وكل واحد يشري الي يبي
    بكل موضوع هوشه !!!!!!

     
  28. كأني سمعت فيه ناس تقول الياباني والكوري افضل واجود من الالمااني هههههههههههههههههههههههههههه

    شر البليه ما يضحك ..

    انا امتلكت سيارات من نيسان ومن تويوتا وجربت الهوندا والسوناتا والالنترا وبي ام دبليو ٢٠١٢ ..

    الفرق وااضح وفاضح جداً بينهم …

    الياباني بشكل عام ما يعتمد على التصميم سواء كان الخارجي او الداخلي .. لكن شغله كله على الاعتماديه وسيارات بلد ومع الخط خصوصاً النيسان والهوندا الثبات مقبول فيهم ..

    الكوري معطي اهتمام للشكل اكثر من الجودة لكن للبلد سيارات اعتمادية من الدرجه الاولى … بس تطلع فيها خط فضيييحه لا عزل ولا ثبات ولا شئ ..

    الالماني حدث ولا حرج المفروض الصلاة على النبي فررق السماء على الارض جودة وفخامه ومواصفات وثبات وعزل وكل شئ … الالماني يغرد خارج السرب …

    واصلاً بشكل عام الالماني موجه للطبقه المخمليه والياباني والكوري للطبقه العاديه …

    يعني المقارنه بينهم بااااااااطلة ….

     
  29. حبيت اضيف على كلامي اللي فووق …

    حسب الواضح من قفزات الكوري الثوريه في السنوات الاخيرة …

    الكوري له مستقبل كبيييير جداً جداً وراح يتفوق على الياباني على المدى الطويل بسبب بسيط جدا الصانع الكوري يتطور بسرعه كبيرة بينما الياباني مش ولابد 🙂

     
  30. كلكم تطبلون .. الياباني جوده ممتازه بس مواصفات عاديه جداً
    الكوري مواصفات وسعر وشكل ممتاز لكن الجوده حلوه لكن مب زي الياباني
    واللي يقول تويوتا ينفك الصدام اللي قدام ، كل السيارات إذا مشيت فوق 160 ينفك
    لان الصدامات الحين كلها كبس مب ربط مثل أول ، كم مره اشوف ازيرا منفك الصدام .. وحتى الكامري والاوريون ..

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة