تويوتا تكشف رسمياً عن 4Runner 2014

3186
43
@يزيد سبحي

كشفت تويوتا عن التحديثات الجديدة التي حصلت عليها 4Runner كموديل 2014, في الحفل الموسيقي Stagecoach الواقع في ولاية كاليفورنيا في الولايات المتحدة الامريكية.

لم يحصل الشكل العام للسيارة على تغيير كبير, ولكن نرى تغيّر في الواجهة الأمامية والخلفية, حيث حصلت على مصابيح بأجزاء معتّمة. اضافة الى تصميم مختلف للواجهة الامامية, وشبك جديد.

ستستمر المحركات, والفئات نفسها في موديل 2014 من 4Runner. الثلاث فئات هي, RS5, والفاخرة Limited, والخاصة بالطرقات الوعرة Trail. وستتوفر ايضاً بانظمة الدفع الثنائي, والرباعي, وستكون جميعها مزودة بمحرك V6 سعة 4.0 لتر يولد 270 حصان, وناقل حركة مكون من 5 سرعات.

التحديثات الجديدة في الداخلية تشمل عدادات جديدة, وشاشة تظهر معلومات عديدة عن السيارة, وتغييرات في المواد المستخدمة. اضافةً الى شاشة مقاس 7 انش لنظام الملاحة والنظام التفاعلي الترفيهي Entune.

فيديو وصور تويوتا 4Runner 2014 الجديدة:

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

43 تعليقات

  1. واضح انه مصمم ليعمل خارج المدينه

     
  2. تصميم جبلي 🙂
    الله أعلم مخصصه للسوق الأمريكي.

     
  3. تويوتا ان شاء الله من الحال واردنى

     
  4. تصميم رائع وداخليه اروع

    هل حدثوا الانظمه اللي فيه؟

     
  5. هههههههههههه من قاعد يصمم لهم هذول؟! يبوي من بعد الكامري وأنا غاسل يدي .. نشوف اللاندكروزر ذا اللي صاجيننا فيه كيف بيصير .. وصدق من قال تويوتا من حال إلى أردى

     
    1. تظل تيوتا جوده عالميه

       
  6. اللي ماسك تصاميم تويوتا ههههههههههههه صعب اوصفه بكلمة 🙂
    انحدار في تصاميم السيارات الخارجية بشكل بشع وغير مقبول مقارنة بتطور الشركات الأخرى.

     
  7. ههههههههههههههه بالله هاذا تصميم لحين ؟! اللي يشوفه تصميم جميل مع إحترامي له ذوقه زباله
    مو معقول اللي يصير في تويوتا أقل شي خلو تويوتا أمريكا تصمم لكم , مادري مين كذب على تويوتا وقال التصميم غير مهم , تويوتا ترجع للخلف الشركات الأخرى تتقدم وتتطور

     
  8. اعرف ان اكثر اللي كتبو التعليقات اللي فوق من معجبين هيونداي…
    اسمحولي بسوال فل نفرض ان ابي اشتري سيارة دفع رباعي للطرق الصعبه وش راح اختار هذي او السنتافي؟؟؟
    ههههههه سنتافي اكيد سنتافي لا لاني ابي سيارة دفع رباعي حقيقية للطرق الصعبه مهو للمطبات والارصفه…
    هيونداي ما تملك حتى التقنيات انها تصنع منافس ردي الجودة لهذا او منافس للاندكروزر اسطورة الدفع الرباعي وانت جاي تضحك عشان التصميم ما اعجبك…
    السيارة مهو تصميم و بس في اشياء اكبر واكثر اهميه والتصميم ترا اسهل شي في مجال السيارات في اشياء اصعب ما تقدر على هيونداي…

     
    1. بدر السويدي

      برأيك هل التصميم جميل ؟ أخوي لاتوهم نفسك هاذو لاحاقدين ولاشي ماحد جاب سيرة الكوري والسنتافي غيرك وثاني شي هاذي مو فئة السنتافي هاذي فئة الأكيورا rdx والقراند شيروكي والاند روفر lr4 وكلهم يتفوقو عليها في كل شيئ

       
    2. هههههههه إذا ذوقك السيارة ذي الله يخلف عليك

       
      1. اذا من ناحيت التصميم فلا اما من ناحيت السيارة نفسها ايه ذوقي والاقرب لذوقي اكثر منها هي اللاندكروزر (:

         
    3. اللحين وش دخل السنتافي ؟ لهاذي الدرجة الحقد على الهيونداي والكوري ؟ وبعدين وش هي الأنظمة والتقنيات الرهيبة اللي تخليك تاخذ الكارثة ذي ؟ ياخي أنت مانت عارف حتى أنظمتها وتقنياتها وجاي تتكلم بحقد على السنتافي

       
      1. اذا مو عاجبك تصميم هذا ترا هو لاند كروزر لاكن هذا للسوق الامريكي…
        وسوالك عن التقنيات هذي وحده منهم…(:
        http://m.youtube.com/watch?v=7YJAuhE1Az8
        انا ماني حاقد على السنتافي ولا شي اذا كلامي خطاء اثبت لي العكس…

         
        1. الحين وش دخل اللاندكروزر !!!!!!!!!!
          تهايط انت !؟
          حنا نتكلم عن السيارة اللي بالموضوع اللي شكلها في قمة القبح
          لذي الدرجة الكوري حارق دمك ؟!

           
          1. هذي هي نفسها اللاند كروزر لاكن هذي باسم مختلف وتصميم مختلف ومخصصه للسوق الامريكي…
            تشترك معها في الشاسي والمحركات والتقنيات…

             
          2. لا لا مو نفس الاند كروزر اترك اللف والدوران

             
        2. هههههههههههههههههههه أنا شايف إسم السيارة 4Runner وحاولت ألقى في الموضوع كلمة لاندكروزر أمريكا مالقيت
          فابلاش تراوغ وعطينا التقنيات والأنظمة الرهيبة اللي تتكلم عنها وبعدين السنتافي ماهي سيارة أوف رود والكارثة اللي فوق تقارن مع القراند شيروكي والرانج واللي ماتسوى شي جنبهم

           
          1. ههههههههههههههههه يا إخوان لايضحك عليكم هاذي السيارة تجي تحت الاندكروزر وسكيويا
            والله مصخرة جاي يتفلسف وهوا مو عارف فئات الشركة هههههههههههههه

             
          2. شكراً على التوضيح (:

             
  9. اكتشفت أن الشركات تتنافس على القبح

     
  10. التصميم صرااحة كاااارثة بحق عاام 2013 وأعتقد أن هذي السيارات غير صالحة لأستخدام الأدمي !!!!!

     
  11. تصميم خايس .. ودي اقابل الى مستلم تصاميم توياتا ذا الممخيس بالله هذي 2014 والله حرام عليها تكون 1970 .. وش ها التصاميم الزباله ياخى ؟؟؟!؟

     
  12. التصميم الوحيد المعقول لحد ما اف جي كروزر من توياتا وغيره ما في الا الطقاع

     
  13. ناصر الفالح

    هذي بالذات مخصصة للسوق امريكا الشمالية

    وترا فيها لمسات كلاسيكيكة من الموديلات القديمة

    وهم يحبون التصاميم الكلاسيكي مع التطور

    خاصة شروكي وتويوتا وجي ام سي

     
  14. تويوتا بنت مجدها بسيارات الدفع الرباعي الاولى ع مستوى السيارات لايوجد افضل من تويوتا في سيارات الدفع الرباعي
    اثبات
    https://www.youtube.com/watch?v=HObwUl7ahG4
    .https://www.youtube.com/watch?v=to8zleXI_Rs

     
    1. الرنج والهمر والجيب يصعدون الصعدة اللي في الفيديو الثاني
      * حسافة ما جبت مقاطع الإف جيه أشهد انه وحش في الأوفرود
      * ترا الفيديو الأول لو أركب للكورولا نفس الهواية بحيث انه ما يخنق المكينة تنزل تحت الماي ما عندها أي مشكلة

       
    2. ماضنتي فيه موتر حاليا ينافس الرابتر

       
  15. هيثم عاشق تيوتا

    سيارة بانظمتها تفوق البرادو وهي سيارة لن تخرج عن طابع التصميم القديم الذي تتمتع به هذة السيارة من ايام الثمانينات ليس كل شيئ التصميم والمنظر هذة السيارة تستخدم للطرق الوعرة جداً وهي ترا حالها حال الفورتشنر عندنا ولاكن شتان بين الاثنين

    راي شخصي

     
  16. هذي السيارة مو لاندكروزر يا اخواني, وتباع في جميع انحاء العالم. مدري عن توفرها في الخليج لكن متأكد من توفرها في الدول الثانية مثل المملكة المتحدة.
    هذي السيارة اساساً بنيت على اساس تويوتا هايلكس. وكانت زمان تسمى بـ هايلكس سيرف Hilux Surf, واعتقد مازالت تعرف بهذا الاسم في بعض الدول. كانت في الجيل الاول ببساطة كانها هايلكس بصندوق خلفي خلاها SUV.
    لكن مع الوقت حصلت السيارة على تصميمها المنفرد, وصارت تسمى بـ 4Runner. ومثل ما قال اخوي Equus, هذي السيارة تجي تحت لاندركروزر وسيكويا. تعتبر من فئة الـ SUV الصغيرة او الكروس اوفر.

     
    1. شكرا على التوضيح أخوي يزيد 🙂

       
    2. شكرا اخوي يزيد على التوضيح…
      هيثم وضح لنا قبل لاكن ما سمعنا له (:

       
  17. الأمبراااطور

    تويــــوتا ……..

    مهما تفوهو عليك بأشنع الاقاويل ……تضل اشهر من النار على علم …وتضل متربعه على عرش لقب المبيعات…

    شاااء بعض الناس …ولا ابـــو..

    ولاتنسين ايتها الشركه المستهدفه …المثل اللي يقول..

    لكـــــل بـــــ(toyota)ــــارز أعــــداء

     
    1. اشهر من النار على علم في الرخص وانعدام الجودة
      تويوتا اللي تتغزل بيها ذي خلاص راحت زمان شكلك نايم منت داري
      اما الان ارخص سيارة

       
  18. الخط المحفور عموديا تحت النور الأمامي في السيارة هو اللي مخرب شكلها
    بس ما عليك صايرة زي شيريخان p:

     
  19. انا ماني من مناصرين تويوتا وافضل هيونداي وعندي هيونداي .. لكن اقول السيارة دي فيها تصميم جديد في تويوتا مثل المقدمة .. وكشكل عام احس فيها لمسة كلاسك .. وشكلها مقبول صراحة ..
    وبلاش الحقد ع الشركات .. خلي روحكم رياضية ^_* وبلاش التعصب

     
  20. الأسطبات الأمامية من إنفينتي G50 ماقي مشكل تسرقوها لكن حطوها على سيارة تستاهل مو القبيحة ذي

     
  21. بغظ النظر عن الخارجيه ..
    داخلية السياره جميله ورحبه
    لكن وش فايدة الشئ اللي يخرج من الشنطه في آخر صوره ؟

     
  22. والله أول ما شفتها فكرت انها مصدومة على الزاوية…ههههه تويوتا الورق

     
    1. ههههههههههه والله انك صادق شكلها مصدوم وهي جديدة
      ههههههههههههههههه

       
  23. ابو نواف

    شخص يطلع الديره ويمسك خطوط جبلية اي غباء يخليه ياخذ سنتافي
    ماسكين على الاف جي انه مواصفات ما فيه وهذا قلبتوا على شكله
    سيارات تويوتا المصممه لامريكا حققت نجاح
    صحيح سيارتي هونداي وانا اقرب خيار لي داخل المدينة عائليه السنتافي
    لاكن الحق ينقال

     
  24. تصميم قبيييييييييييييح جدا جدا
    تويوتا مستواها في انحدار شديد .. من أول كامري 2013 القبيحة المشابه لكورولا الصغيرة وايضا مشابه لجميع الفئات الاخرى
    الحل الوحيد هو اقالة وطرد المصمم

     
  25. لو أجيب اخوي الصغير واعطيه دفتر كشكول صمم لي سياره أطلق من الصيني ذا..
    تويوتا… Good bye

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة