وصول لكزس IS 2014 إلى السعودية

5605
57
@Hatem Alkhathlan

is

بعد أقل من 4 أشهر منذ أن كشفت لكزس لأول مره عن الجيل الجديد من IS في معرض ديترويت, وصلت اليوم IS 2014 لدى وكيل تويوتا “عبداللطيف جميل” في الرياض.

فقد شاهد صديقنا (abdulrahman4) لكزس IS 350 بفئتها الأعلى أثناء تجهيزها في فرع الوكالة في طريق خريص للإستعدادا لإطلاقها رسمياً في السعودية.

هذه الفئة مزودة بمحرك V6 بسعة 3.5 لتر بقوة 306 حصان, وهي أقوى فئة حالياً قبل إطلاق IS-F, وستتوفر عليها رزمة F-Sport الرياضية التي تتميز عن الفئة الأساسية بصدام امامي يحتوي على فتحات تهوية اوسع, وشبك رياضي أسود وجنوط رياضية, إضافة إلى تزويد الداخلية بلمسات من الكاربون فايبر ومقود رياضي, وتزويدها بنظام تعليق رياضي.

حتى الان لا توجد معلومات عن أسعار IS الجديدة في السعودية, ولكن نتوقع إطلاقها بسعر يبدأ من 135 ألف لأقل فئة IS 250 SE.

تعرف على تفاصيل التغييرات ومميزات IS الجديدة في تقريرنا عنها هنا

إقرأ أسعار لكزس IS الرسمية ومواصفاتها هنا

صور لكزس IS 2014 في السعودية:

شكراً لعبدالرحمن (abdulrahman4) لإرسال الصور

إذا شاهدت وصول أي سيارة جديدة في السعودية, لا تنسى أن ترسل صورها لنا عبر بريدنا [email protected]
 

عن الكاتب

مؤسس سعودي شفت، مهتم بكل مايتعلق بالسيارات.

57 تعليقات

  1. توها توصل !!!!!!
    غريبة انا صار لي فترة اشوفها في الشارع واخر مرة امس

     
    1. هههههههه تراك مشبه يالحبيب مع الGS

       
  2. وش ذا ؟ وين الشبك اللي في النسخة اللي عرضوها في ديترويت ؟ شكلها بشع جدا بدون الشبك

     
    1. النسخة اللي انعرضت بمعرض ديترويت هي النسخة اللي بكت الـ F الرياضي ، اللي بالصور فوق هي النسخة العادية

       
      1. ان شاء الله تكون الاسعار مناسبة

         
  3. لازالت الفئة الثالثه هي المتسيده في هالفئة من السيارات

     
    1. مبروك . بس الخبر عن اللكزس IS

       
      1. فهد العبدالقادر

        ايه نعم . وهو ماطلع عن الخبر .
        يقصد انه لكزس في هالسيارة استهدفت الفئة الثالثة خصيصا من بين جميع السيارات التي بالفئة نفسها .
        والظاهر ما ارضاه شغل لكزس . ويشوف انه مو افضل من الفئة الثالثة . وطبعا هذا رايه انا احترم رايه .
        لكن رايي انا يختلف . من وجهة نظري ان ال IS الجديدة افضل من الفئة الثالثة بكثير من جميع النواحي ..
        وبالنهايه السوالف هنا كلها منافسات و مقارنات . و ابداء وجهات الراي .. وتقبلوا مروري ^^

         
        1. بعيدا عن الموضوع ارفع لك القبعه تحيه لاخلاقك

           
  4. احمد القايدي

    والله انها حلوه +نبي الاسعار +تجربة قياده

     
  5. عبدالرحمن الأحمري

    ههههههههه اللحين هاذا حجم جنط يتركب على سيارة فاخرة ؟ حسيتها كامري

     
    1. الحين جنط 18 بوصة مو مالي عينك ؟؟

       
      1. ناصر الفالح

        اكيد يبي جنط 22 مع هدروليك ترفيع وتنزيل والشبك الي قدام مع الانوار مثل امبالا 1964

         
  6. ودنا نعرف كيف الرساوه والعزل من داخل واهم شي الاسعار

     
  7. نننتظر تجربتكم لها..

     
  8. قبيحة جدا على الطبيعة

     
  9. أخيراً نزلت بمكينة 3.5
    اتوقع تكون منافس قوي لبي ام الفئه الثالثه طبعاً قبل نزول انفنيتي جي 37 الي تغير اسمها
    لكن ع الورق البي ام تتفوق بحكم الغيار 8 نسب +قوة المحرك 300 و العزم 300 او اكثر بشي بسيط
    عموماً السياره شكلها جميل و رياضي و عقبال ماتنزل بزوايد اف
    و يعطيكم العافية

     
    1. الكزس is350 2014 قيرها متكون من 8 نسب وبقوه احصنه 306 حصان

       
    2. فهد العبدالقادر

      ناقل الحركة لIS من اسرع و افضل نواقل الحركة على الاطلاق .
      وهو ايضا من ثمان نسب .
      ومحرك الفئة الثالثة 3.0 لتر . مزود بالتوربو .
      اما الكزس 3.5 لتر لكن بدون توربو . واقوى من البي ام .!!
      فاذا كيف تتفوق البي ام على الورق !!

       
  10. أكيد هذي نسخة التجربة ، كل وكيل بالخليج تجيه نسخة تجربة قبل ما تجي الدفعات الكبيرة عشان يشوفون الملاحظات على السيارة قبل طرحها

     
  11. والله السيارة دمااااار بعدين الي يقول الجنط صغير حجم الجنط 18 اذا ماتدري ولا قصدك تستحقر !

     
  12. قبيحه جدا ، متى تويوتا تتعلم من كيا وهيونداي وتغير المصممين

     
    1. عبدالعزيز

      قبيحة

       
  13. جميلة السياره و متناسقه اكثر من الفئة الرياضيه
    المنافسه قويه بينها وبين الكاديلاك AXT
    الانفنتي اشوفها متفوقه عليهم

     
  14. الشكل تسليك بالطبيعة غير الي شفناه بالصورة

    هههههههههههههه لابس ضحكني واحد اسمه معتز
    يقول الأنفنتي تتفوق على الكاديلاك واللكزس هههههههههههههههههههههههههههههههههه

    يارجال والله لو تقعد مية سنة ماراح تجيب جنط كاديلااك هالأنفنتي الفاشلة
    لا ولكزس بعد يارجال ريح بس
    هاذي اللكزس الي في الموضوع بعد كم يوم راح تشوفها عند كل البيوت

    لأنها سياارة تستحق الشراء

    اما الأنفنتي
    هههههه ما احد يشتريها

     
    1. ع الاقل الانفنيتي الفاشلة على قولك اعتمادية و تتحمل اكثر من الكاديلاك و خراباتها أقل

      أزيدك من الشعر بيت ، الانفنيتي جي مبيعاتها اكثر من مبيعات اللكزس الآي اس في السوق الامريكي و هي السيارة الثالثة في المبيعات في هالفئة بعد الفئة الثالثة و السي كلاس

       
      1. انفنيتي خله بالبدايه تنافس لكزس وبعدين تروح لفوق تنافس الكبار

        طبعاً تنافس لكزس IS و GS والـ LS ,LX مستحيل تفكر في منفستهم

        انفنيتي + نيسان = مزبله التاريخ

         
        1. ههههههه ، يعني اللكزس توها ما تنافس الكبار هههههههه

          أوما الـ LX ، مبيعات اللكزس و اللاند مع بعضهم ما يصفون جنب مبيعات الـ QX56 في أمريكا و اللي هو السوق الأهم عالمياً مع دخول السوق الصيني كمنافس في الأهمية

          انفنيتي ينقصها سيارة كبيرة و سيارات في بعض الفئات ، و صدقني الشركة اللي طلعت الـ GT-R و كسرت السيارات السوبر رياضية و خلت الشركات تعيد حساباتها و طلعت بورش عن صمتها المعهود بالتشكيك في أرقام الـ GT-R ، قادرة انها تنافس بسيارة فخمة من انفنيتي و تنافس بها باقي الشركات المنافسة

           
          1. من قالك GT-R تكسر روس السيارات الرياضيه !

            كورفت تحلم تقوم عليها وفيراري ايضاً تحلم وماكلارين تحلم

            وايضاً السياره الرخيصه من شركة فورد شيلبي ماتقدر تقوم عليها الا بحيله الدفع الرباعي من الصفر

            ولكن تمشي مع شلبي على 40 كلم وفوق ماتقدر تقوم ولا واحد بالميه

            اذا انت لاتعلم عن قوه شيلبي 2013 الشارع يعلمك قوتها

            ولا ادري وين كسر الروس وهي ماتقدر تقوم على شيلبي

            وبعدين مبيعات تويوتا وخدها في امريكا اعلى من أنفينيتي ونيسان جميعاً

            كلم العاقل بما يعقل اذا انت تتكلم عن خيال ياليت تحتفظ في خيالك بعيد عن النقاش

            كل شهر تويوتا تاخذ اقل شيء مركزين في الاوائل ( كرولا – كامري ) ونيسان لايوجد لديها الا التيما الجديده بدت تدخل السيارات االاعلى مبيعاً في امريكا

            واذا عندك ادله على كلامك اثبت نسج الخيال دعه بعيد عن النقاش

            https://www.youtube.com/watch?v=S0pJt9Vx7-Q

            وايضاً

            https://www.youtube.com/watch?v=NEKMO-EfkXk

             
      2. لو سمحت الكاديلاك لحد يجيب سيرته.. شركة سياراتها يركبوها روساء دول و ملوك ..
        في وقتها تايوتا و نيسان يصنعوا كرسيدات و 240 لوريل

        و بعدين الي يقولك خرباتها.. يحبيبي الحصان لازم تعتني فيه و تدلعه

        مو زي الحمار شغل و امشي

         
  15. لحين هاذي هي اللي مسوين رجة عليها وبتنافس بي أم الفئة الثالثة ومدري وش ؟ هههههههههههههههههه هاذي حتى الفئة الثالثة موديل 95 ماتوصلها تبي تنافس الجيل الحالي هههههههههههههه هاذا تصميم يرحم أمكم ؟ إهانة ووصمة عار في تاريخ السيارات الفاخرة والتصاميم

     
  16. الشمعات الأمامية قبيحة جداُ

    الخلفية جميلة

     
  17. الانفنتي اقوى و افضل من الكزس وين الغريب ياجماعه مثل ما النيسان افضل و اقوى من التويوتا

    و اكيد الكزس بتلقاه بكل بيت ( الكل يملك لكزس حتى الهنود ) لكن الانفنتي للمتميزيين و النخبه

     
    1. هل أنت تتكلم عن بنتلي ولا روز رايز !!

      أجل الانفينتي للمتميزين والنخبه !

      وسياراتكم الاخيره Q50 قص ولصق من خلفيه السوناتا

      أتق الله في نفسك

       
      1. الانفنتي كيو 50 تشبه الكونسبت حقها اللي نزل قبل السوناتا الجديدة بكثير

        أعتقد أن السوناتا هي من قلدت كونسبت الانفنتي

         
        1. كونسبت السوناتا نازل قبل السوناتا بسنتين او اكثر

           
          1. كونسبت السوناتا نزلت في 2010 و كونسبت الانفنيتي نزل في 2009

            هذا دليل آخر بأنك تتكلم بدون اثبات

             
    2. أخي العنيف ..
      بغض النظر عن انتشار اللكزس وقوة الانفينتي وووو ..!

      اتمنى انك تحسن من الفاظك شوي .. فعيب عليك تقلل من شأن أخواننا الهنود .. !

      فمنهم كثير مسلمين قد يكونو افضل مننا عند الله .. وغير كذا .. ترى فيهم ناس ماديات يشتري شركة السيارات بكبرها ..!

      خل كلامنا عن السيارات ولا يكون عنصري !

       
  18. S H E L B Y

    أنت متخيل سيارة 6 سلندر سعة 3.8 لتر بوزن فوق الـ 1700 كجم تقوم من 0 إلى 100 كم في 2.7 ثانية ؟؟ لاحظ الوزن الثقيل جدا في عالم السيارات الرياضية و اللي نادر ما تحصله في هالفئة ، جب لي سيارة بنفس هالمقومات اللي فوق و أتحداك تلاقي ، هذا هو سر تفوق القودزيلا الياباني

    أما الخيال و هالخرابيط ، فالحمد لله أنا ما أقعد أهذري بما لا أدري ، و أنا اعرف ان مبيعات تويوتا هي الأولى آسيوياً و يابانياً في السوق الأمريكي ، لا تقعد تطلع من مواضيع النقاش بخصوص السيارات اللي ذكرتها فوق

    هذي مبيعات الـ QX لعام 2012 و اللي هي 15130 سيارة
    http://www.goodcarbadcar.net/2011/01/infiniti-qx56-sales-figures.html
    مبيعات اللكزس LX لعام 2012 و اللي هي 5005 سيارة بس
    http://www.goodcarbadcar.net/2011/01/lexus-lx-sales-figures.html
    مبيعات اللاند لعام 2012 و اللي هي 2895 سيارة
    http://www.goodcarbadcar.net/2011/01/toyota-land-cruiser-sales-figures.html

    أما مبيعات الـ G لعام 2012 فهي 59844 سيارة
    http://www.goodcarbadcar.net/2011/01/infiniti-g-sales-figures.html
    مبيعات الـ IS لعام 2012 فهي 27708 سيارة ، يعني أقل من نصف مبيعات لكزس
    http://www.goodcarbadcar.net/2011/01/lexus-is-sales-figures.html

    أجل الألتيما بدت تدخل قائمة السيارات الأكثر مبيعاً هههههههه ، ضحكتني يا شيخ
    هي ثالث سيارة في فئتها في المبيعات الإجمالية لعام 2012 بعد الكامري و الأكورد بعدد 302934 سيارة و السيارة رقم 6 في قائمة الأفضل مبيعاً لجميع الفئات و قبل الكورولا حقتك
    http://www.goodcarbadcar.net/2013/01/usa-2012-best-selling-vehicles-overall-year-end.html

    فلا تقعد تهرف بما لا تعرف ، و أنا لي خبرة 20 سنة بالسيارة و أعرف عالمها صح و جبت لك الأدلة على كلامي

     
    1. مصدرك ضعيف

      انا اجيبلك المصدر الي سعودي شفت يثبت لك انه موثوق أجل ( قود كار وباد كار ) وتقول مصدر موثوق 🙂

      لا اطيل عليك ياصاحب الخيال والمواقع المزيفه وانظر الى الواقع المرير بالنسبه لك

      http://blogs.cars.com/kickingtires/2013/01/top-10-best-selling-cars-of-2012.html

      وازيد من الشعر بيت

      رئيس نيسان فكّر في ايقاف شركة انفينيتي بالكامل ! اقراء المقال لكي تعلم من هي أنفينيتي

      https://www.saudishift.com/2013/nissan-ceo-considered-infiniti-cancelation/

       
      1. هههههههههههههههههههههههههههههههههههههههههههههههههه

        الله يرحم حالك بس

        أجل موقع مزيف ؟؟ ههههههههههههههههههههه

        إذا الأرقام اللي في الرابط اللي حطيته تختلف عن الرابط الأخير اللي حطيته بردي ، والله ثم و الله لأتوقف عن الكتابة في هالموقع و اعترف قدام الناس انك أفهم مني ، مدري انت ما تفتح الروابط و تقرأ و تقارن ولا وش سالفتك ؟؟

        الخبر الثاني قد قريته و علقت عليه ، يعني يقال لك جايب شي جديد يابو الشباب ؟؟

         
      2. ههههههههه حبيبي جيب رابط زي روابط الأخ تثبت أن الفئات اللي كنت تتكلم عنها تتفوق على الأنفينيتي ماتجيبلنا رابط أكثر السيارات مبيعا وبعدين وش اللي خلى الموقع اللي عطاك الأخو غير موثوق و موقعك موثوق ؟ ترا أول مرة أسمع به

         
      3. اكثر شيء اعجبني مدحك لنفسك اجل خبره عشرين سنه سيارات !!

        من الكلام هذا حسيت عمرك 18 ومعك صني

         
        1. ههههههههه ، يا حليلك يا بابا ، تحسب انك خفيف دم و تنكت ؟؟

          ما عاد لقيت شي تعلق عليه بعد ما انحجرت الا هالشي ؟؟

          رد على الكلام المفيد و خلك الغير مفيد

           
  19. أشك ان بعض الناس عايش في غرفة لحاله وماعنده الا اخبار نيسان ويقول سيارة جبارة ,
    انفنتي مقارنة بصني جبارة انا معك لكن تقارنها بلكزس ولا سيارات اكبر منها اقولك هذا شي مستحيل ,
    وأي شخص بعيد عن التعصب الأعمى يدرك هالشي ,
    لست من عشاق اللكزس ومستحيل أفكر اشتريها ولكن الحق حق ,
    اذا انتفتي جبارة كما يقول البعض فإذا هي فعلاً جبارة على الأقل تصنع شاصي بنفسها ,
    ولا يمكن ماتقدر لأنها جبروت فتخلي المرسيدس تصنع لها ,

    وبالنسبة للجي تي آر أقدر أجيبلك اي سيارة ستة سلندر واخليها باداء فوق الجبار ,
    ولكن المقابل ؟ نسبة انضغاط عالية جداً تجعل من المحرق قنبلة موقوتة ,
    وياليت الواحد قبل مايتكلم يسأل نفسه سؤال بسيط بس يعني كل شركات السيارات اليابانية والأمريكية ماسوت هالشي اللي سوته النيسان في الجي تي ار ومع انه فيه شركات جبارة كثير وكلها عيب نقارنها بنيسان ,
    هل هو من قوة النيسان ؟ ولا لأن النيسان صنع سيارة من خردة ؟
    ع العموم تراها مب صعبة اجيب محرك شفر او فورد واصير العب بآلاف الأحصنة فيه ولكن المقابل محرك حق استخدام يومين , وهذا الشي مع النيسان جي تي ار ولكن الكارثة انه جاء من المصنع ,

    انفنتي ونيسان شركة لها قدرها ماحد ينكر ولكن الإنسان يضع الأمور في مكانها ولا يعظم شي ويوصله لمرحلة فوق مستواه لأن هذا إجحاف بحق السيارات الأخرى .

     
    1. لا تكون أنت اللي صنعت الجي تي آر و تعرف أسرارها و أنا ما أدري ؟؟ أجل محرك استخدام يومين ههههههههه

      اصنع لي محرك ستة سلندر جبار على قولتك بنفس المنظومة اللي ذكرتها فوق ثم تعال ناقشني ، زين ؟؟

      شغلة الشاصيه المشترك بين الشركات هذا شي معروف في عالم السيارات عشان تقليل تكاليف الإنتاج ، و فولكس واجن و تويوتا و جي ام موتورز يسوون هالشي في الشركات اللي يملكونها ، هل هذا يعني انهم ما يعرفون يصنعون شاصيه لكل سيارة لحالها؟؟

      فهمت النقطة الأخيرة ولا أعيد لك ؟؟

       
  20. هههههههههه الأخ المفجوع بالجي تي أر ومحركها أحب أقوله روح شوف سيارات ومحركات البورش وراح تنفجع وتنصدم وتعرف أن الجي تي أر سيارة عادية

     
    1. بالله ؟؟ توني أدري

      أجل الألتيما مثل الجي تي آر ، كلهم سيارات عادية

      استرح الله يخليك و علق بما هو مفيد

       
      1. خبرتك عشرين سنه بالسيارات مانقدر نقول شي ههههههههههههههههههه

         
        1. يا داخل بين البصلة و قشرتها ما ينوبك غير ريحتها

          كلامي مو موجه لك لذلك لا تتلقف و تحشر خشمك

           
    2. بغض النضر عن الحوار

      اللي يقول الجي تي ار سيارة عاديه , اما انه مكابر او لا يفقه شي في عالم السيارات

       
  21. الصرآحة…اللي ما يعرف في السيارات لا يجي يتفلسف..محركات جبارة ومدري ايش..
    أجيب لك الحين محرك نفاث اركبه على الكرسيدا موديل 90 وتشوف ايهما اكثر جبروتا..12سلندر ولا الكرسيدا..لا تقارن عقل واحد اولى ب بعقل واحد اول ثانوي..قارن سيارات بعدد السلندر والفئة..اقدر اقوللك ان الشاحنة محركها جبار..لأن على حسب الفئة والمحرك والسعة والتقنية تقاس السيارات ليس فقط بالسرعة..

     
  22. تويوتا صارت تتفنن في السيارات المخيسه !! << لحد يدرعم ويجي ويقول ماتعرف شي هذا رأيي واخيس سياره يعني اخيس سياره 😀

     
  23. بالنسبه لي شخصيا الانفنتي دائما متفوقه في القياده على لكزس. والفرق بينهم بالضبط زي بي ام ومرسيدس في المانيا. مرسيدس تركز على الفخامه والامان بشكل كبير والبي ام تركز على احترافية القياده بشكل كبير. المساله مسالة اذواق لا اكثر ولا اقل.

     
  24. ناصر الفالح

    ^^^^ هوشة فوق LOOOL

    لكزس الجديد رائعة جدا

    بس انتضرو تشوفوها على الطبيعة راح تعجبكم

     
  25. السلام عليكم ورحمة الله
    احب اعلق على الموضوع بالكامل بخصوص تصميم الكزس الجديد تصميم رائع
    ويختلف الذوق من شخص لاخر (لولا الاذواق لبارة السلع )
    انا اعترف ان الانفنتي تفوق موصفات الكزس لاكن مقرنه مع قطع الغيار وقمية اصلح السياره
    ومشاكل السياره الكزس تتفوق من هذا الجانب وبخصوص ان حتى الهندي تلقها عنده
    على فكره لولو ماركت العالمي صاحبه هندي وللمعلوميه بس روح شوف صوره بالروز رايز
    وعلى فكره عنده سيارات اكثر مما تتوقع وبخصوص الهنود عندنا افخم سياره عادي يسوقها
    واحيان سيارات ماتشوفها الا بالصدفه بالسعوديه وهي عند هندي او بكستاني المعطي الله
    لاتاخذك العزه بالاثم

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة