ابا سيارة حلوه و مناسبة للبنات

1894
11

لو سمحتوا بغيت مساعدتكم

برايكم شو الافضل للبنات .. مرسيدس E250 كوبيه ولا C300 ولا CLA

و الميزانية 200

 

عن الكاتب

11 تعليقات

  1. اودي وفولكس واجن هي الشركتين الاكثر شهرة بين البنات, وبالاخص اودي TT الجميع يوصفها بتصميم انثوي. يبدأ سعرها من 150 الف. فولكس واجن عندها بيتل, مشهورة بين البنات بعد لكن مو احسن من TT في الشكل.
    وفي ميني, سياراتها مشهورة بين البنات بعد. ميني كوبر بالسقف المكشوف يوصل سعرها لـ 165 الف ريال سعودي.
    والسيارات المذكورة كلها ممتازة. اذا ودك في الفخامة مع تصميم كوبيه E250 ممتازة, لكن اضعف من C350, هذا اذا كانت القوة تهمك. والشكل الجديد من E-class نازل قريب وانصحك تنتظرين اذا هذي السيارة اللي تختارينها. و CLA صغيرة وشكلها رائع, اعتقد يبدأ سعرها من 138 الف ريال, بالنسبة لي هي الانسب لطلبك من بينهم.

     
  2. الميني كوبر جميلة وأنيقة وتنفع للبنات
    المرسيدس سيارتها شكلها رياضي ووحشي وتنفع للشباب أكثر

     
  3. عندك البي ام M135i تصميم جريء ورائع صراحة، وعندك ايضا منافستها الـA Class سياره جميله جدا.

    اما اذا تبين شي رياضي وكوبيه عندك الاودي A5 Coupe يبدا سعرها من 178,600.

     
  4. فهد العبدالقادر

    شكلك مصممة الا تبغين مرسيدس بينز .
    اوكي . انا افضل ال C350 على ال E250 . لان الثلاث مئة تاتي بستة سلندر اما المئتين تاتي باربعه سلندر . الا عاد لو بتاخذي E350 تكون افضل بس سعرها اغلى بكثير .
    وفيه نقطه انه ال C بيتغير شكلها قريب . اما ال E تغير شكلها بس بعده مانزل السوق . الان موجود شكلها القديم فقط .
    اما ال CLA فهي حلوه وجميله و عصريه اكثر . وشكلها جديد توه نازل . ممكن انه نزل السوق او بنزل قريب .
    عموما جميع السيارات المختاره ذي جيدة جدا . لكن ما اعرف اذا هن بناتيات او فقط شبابيات . وما اتوقع انه فيه اشكالية كبيره في هالناحية .
    و هنيئا و مبروكا مقدما ^^

     
  5. ناصر الفالح

    E احلا

    و250 اربع سلندر بس قوية جدا اقتصادية ومناسبة وانا افضل اربع سلندر على ال 6

    و350 ستة سلندر

     
  6. ما انصح بمرسيدس E لأنها توها تغيرت وياليت تنتظرين و C لأنها راح تتغيرو مثل ما شفنا في الصور التجسسيه حقت الموقع.

    رأيي الشخصي المرسيدس CLA افضلهم اولا لكونها جديده كلياً وراح تطول بدون اي تغييرات (يعني ماراح تتغير الا بعد فتره طويله), ولان سعرها الانسب والاقل بينهم, وتصميمها عصري, لكن عيبها انه ممكن ماتناسب البنات.

    اقترح عليك تفكري في الفولكس واجن CC, لانه تصميمها جذاب نفس فكرة تصميم CLA, وسعرها ايضا مناسب, وهي اكبر من الCLA

    ولو تعلمينا عن نوع احتياجاتك للسياره والمميزات اللي تفضلينها ممكن نساعد اكثر

     
  7. أنصحك بهايلكس غمارة واحدة

     
  8. كرسيدا 96 ههههه ><
    مممم شوفي بما ان السياره لبنت والميزانيه 200 فا لاتطلعي عن البي ام بحكم ان المرسيدس ماركه رسميه اكثر من انها شبابيه والبي ام شبابي ورياضي

     
  9. رنج روفر ايفوك

     
    1. الايفوك بـ٢٢٠ وفوق

       
  10. شخصيا ما أشوف إن C Class تصف مع E class or CLA، ومره أؤيد اختيارك للمرسيدس، فيها كمية كلاس مو طبيعية، رأيي إنك تاخذين CLA، وبالتوفيق يارب.

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة