بوقاتي فايرون تنضم إلى أسطول شرطة دبي

1662
20

BfyVewaCIAATq7E

أعلنت شرطة دبي عن ضمها لبوقاتي فايرون إلى أسطولها من السيارات الرياضية الفاخرة عبر حسابها على تويتر و قناتها على يوتيوب.

توفر بوفاتي فايرون محرك سعة 8 لتر من W16 سلندر مزود بـ4 شواحن تيربو، متصل بناقل حركة أوتوماتيكي من 7 سرعات ينقل القوة إلى العجلات الأربعة، ليساعد فايرون على التسارع من 0 إلى 100 كم/س خلال 2.46 ثانية. و من 0 إلى 240 كم/س خلال 9.8 ثانية.

يذكر أن أسطول شرطة دبي يضم العديد من السيارات الرياضية الفاخرة مثل أستون مارتن One 77، لامبورغيني أفينتادور، فيراري FF، بنتلي كونتيننتال، أودي R8، بي إم دبليو M6 جران كوبيه، نيسان GT-R، و العديد غيرها.

فيديو تقديم بوقاتي ضمن شرطة دبي:

 

عن الكاتب

مهندس سرعة بدوام كامل، مهندس معماري بدوام جزئي. مختص تجارب القيادة في سعودي شفت.

20 تعليقات

  1. عاد مصخوها

     
    1. صدقت والله من جد مصخوها

       
  2. سامي المالكي

    بقيمة 3 مليون بس علشان السياحة يعمي هدي تجيب لك مروحية او مدرعة تحمي الامن من جد قالوا ايش قال شرطة كلهم حريم الي يسوقونها وفي امهم خير يطاردون بها واحد والله حرام على بلد متطور زي الامارات يسوي زي كدا كدا قلتوا للعالم انكم بقدرات بلد العالم الاول بس بافكار العالم الثالث مع تمنياتي للخير للامارات بس صراحة لو في في هالحركة خير ماكان كل سنة مسؤول ينتقل عندكم شوفوا امريكا بكروان فكتوريا وتوروس الي فيه امه خير يهرب وحن بالسعودية دسنا خشون المفحطين بالارض وما معنى الا ربع وكامري وكروان الدعوى ميب بوقاتي الدعوى عمل اخلاص سلامي لاهل الامارات الاشقاء

     
    1. سامي المالكي

      تصحيح ينقتل

       
      1. سامي المالكي

        للي حطوا ديسلايك شوفوا

        http://th01.deviantart.net/fs71/PRE/i/2013/115/2/a/not_what_islam_teaches_by_nayzak-d630w7o.jpg

        مكتوب فوق
        this is not what islam teaches

        ليس هذا ما يعلمنا الإسلام

         
      2. لا ارى في الواقع شيئا مما ذكرت يا اخي العزيز.

        وللأسف وعالفكرة المفحطين لايزالون يسرحون ويمرحون وشف فيديوهاتهم وهم يستهزؤن بالدوريات وبثقة!!

        وحسب ما اعرف نسب الجرائم وسرقات السيارات اقل مننا بكثير رغم ان الامارات كلها اجانب.

        الأمارات اطعمت فم مواطنيها ومقيمنها فاستحت اعينهم عن السرقات، لوتلاحظ ان نسب الجرائم تزيد

        كلما كانت الدولة فقيرة.

        ترا الغرض سياحي وتسويقي وليس انها سيارات شرطة ويتسمى بالأنفاق السياحي ولة سلبيات وايجابيات

        وما اظن ضرر هذا الشي اكبر من نفعة.

        و عندك شرطة لندن ادخلوا المكلارين وشرطة ايطاليا ادخلت الجلاردو وكلها لأغراض جذب الزوار.

         
      3. سامي المالكي

        شباب انا ماقلت شيء بس الامارات تتطور باخد الاولويات يوفرون هالفلوس للاوليات زي الجيش تطوير ماينقص الشرطة من سيارات جدية ومروحيات ومدرعات بعدين والله امقولهم شيء والله لو يجيبون سيارة كوينيجسنيغ الاخيرة بس الاولويات ياشباب الحركة حلوه بس والله ان الامارات لو تستفيد في حاجات اهم يكون احسن بالنسبة للكلام عالمفحطين ترا صعب عالدوريات تمسك هالدشر الي متخبين بين الاستراحات بس لو كشفوهم والله ليلعبون بهم والله اني اقراء واشوف لاكن مثل ماقال Grande 88
        نسكت ونشوف وننتظر الدور يجي علينا

         
        1. من إشتكى لك و قالك ما عندنا مروحيات و مدرعات و غيرها !!!!!!!!!!!!!!!!!!!!!!!!!!!

           
    2. يا اخ سامي.. قسم بالله انا من اشد متابعي تعليقاتك بما فيها من معلومات قيمة واستدفت منك في عالم سيارات وربي يشهد.. بس الكلام اللي قلته فوق بصراحة ماتفق معاك بالمرة!!!! لو تسمح بس بفهمك ويمكن تعرف بان هالمواتر بس حق عرض لا حق مطاردات مادري شو وﻻا فرض الامن على مادري وين ولا شي من ما ذكرت.. بس لل(شو) يعني يطلع من مركز لين منطقة العرض في دبي مول اظن وبعض مناطق سياحية ويرجع للمركز وسلام عليكم بس مايخصه بمطاردات مفحطين مثل ماذكرت ولا نشر امن ولاهم يحزنون لانه عندهم جهات مختصه بذلك… والتفحيط ترا صار قديم عندنا ههه الحين بس مايسمعون في تجمعات ناوين يفحطون.. الجماعه ارسلو طائرة مروحية وكم دورية لتفتيت التجمع وتعقبهم وفرض غرامات والله انه تكسر ظهر الواحد بيخليه يفكر مرة الجاية عشرين الف مره قبل مايفحط … وعن المسوولين اللي ماتو ترا في اي مكان بالعالم بيموتون جت على الإمارات يعني؟!؟ وسموحة اذا طولت عليك او اذا غلط على حد

       
      1. سامي المالكي

        صح لسان اخ خليل بس فلوسهم وحلالهم وبكيفهم عاد

         
  3. مدري وش حارق رزكم ؟؟

    ترا بفلوسم ما اديناهم من ميزانتينا شي مثل المغرب 🙂

     
    1. عزيزي كنا نتكلم زيك فلوسنا تروح هنا وهناك

      لكن حطها ببالك
      قسم بآيات الله فيه ناس تتمنى سقوط بلدك واحتلالها وتقسيمها كما قرأنا بالشرق الأوسط الجديد
      وأكبر مثال حاصل أمامك العراق
      كانت من سابع الجيوش قوة بالعالم
      وش صار فيها؟؟؟؟
      مقسومة ٣ أقسام
      ومايحتاج اذكرها

      الأموال هذي لصالحنا ولازم تفهم هالشي
      ليش ضمينا الاردن والمغرب لمجلس التعاون؟
      ليش السعودية دعمت مصر وجيشها بعد ما منع الغرب وصول أجهزة للجيش المصري
      ليش السعودية دعمت الجيش اللبناني؟
      لازم تفهم الوضع حولك
      الغرب الآن متقارب مع إيران

      نعم حنا نبي نتطور نبي وظايف ونبي قطارات ونبي بيوت وغيره
      بس فكر ترى أعدائنا مافكروا بالي تبيه
      همهم يقسمونك ومعهم الغرب يؤيدهم بالخفاء وامام حكومتنا مسوين فيها

      الإمارات عرفت كيف تحمي نفسها لكن وش الضريبة
      قطر عرفت تحمي نفسها لكن وش الضريبة
      فكر وشوف حولك
      ودي اتكلم لكن اظن البعض فهم ما أقصده

      على العموم نتمنى لشعوب الإسلام العزة والتطور
      وحمى الله بلادنا من كل خائن وغدار

       
  4. السيارات هذي غرضها تنشيط السياحة في دبي ونوع من انواع الدعاية…
    وعلى فكره السيارات هذي ادخل مبالغ كبيرة لحكومة دبي بس بشكل غير مباشر

    وبالنسبة للمطارة فهي ممنوعة في دبي وماعندنا مفحطين ولله الحمد

     
    1. للمطاردة *

       
  5. ياعالم ياناس..لو يعطون كل مواطن إماراتي سيارة بوقاتي انت ايش دخلك ف الموضوع ؟ ياخي مادفعت شي من فلوسك !! ياخي ع الاقل معيشين شعبهم احسن عيشه والحمدلله على كل حال هذا لا يعني اننا عايشين عيشه سيئة والله اننا عايشين ملوك واللي ماحس بالحاله السيئة ولا جرب الفقر ماراح يحس بالنعمه وابن آدم لا يملى فاهه الا التراب … بطلوا من الحسد والله حال المسلمين يحزن الصديق والعدو كل تفكيرنا دنيا حتى اعدائنا نشوفهم متربصين فينا وهمنا كيف نصير شطار على بعض ..عيب والله عيب

     
    1. جزاك الله خير قلت بعض ما في خاطري

       
  6. احد عنده علم وين يوقفونها الليل؟

     
  7. أغلب الردود أتفقت على الصواب وشافت الموضوع من جانب إيجابي ، وللأسف يجيك واحد ولا إثنين كالعادة الحقد يعمي عيونهم .. خفوا حسد وحقد بارك الله فيكم .. ترا كلنا مسلمين وكلنا إخوان فماله داعي الحقد هذا والكلام والفلسفة بدون تفكّر ، شغل مخوخكم شوي والأمور كلها بتكون طيبة بإذن الله.

     
  8. الصراحة أغلب الردود تثبت حسد البعض …. ألحين عشان تم طرح بوقاتي دورية سويتو فيها مجلس شورى و كل واحد يطلع من كيسه شوي !!!!!!!!!!!!!

     
  9. عقبال مانشوف لمبرغيني فينينو

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة