هروب مثير لكرايسلر SRT8 300C من 4 دوريات مرور في الرياض

3234
28
@Hatem Alkhathlan

0

بينما تحاول إدارة مرور منطقة الرياض بردع المفحطين بالقوة في حملات متتابعة, انتشر فيديو مثير لهروب سيارة من مطارة 4 دوريات مرور خلال تجمع تفحيط في عطلة عيد الأضحى المبارك.

حيث تظهر كرايسلر SRT8 300C معدلة تواجه 4 دوريات مرور بشكل خطير بالقيادة عكس إتجاه الشارع أمام جامعة الأميرة نورة في شمال مدينة الرياض.

فيديو هروب كرايسلر SRT8 من 4 دوريات مرور في الرياض:

 

عن الكاتب

مؤسس سعودي شفت، مهتم بكل مايتعلق بالسيارات.

28 تعليقات

  1. والله ياهو قوي قلب ,

    المفروض الدوريات اللي تجي هنا تكون قويه

    لان فيه مواتر مايمديك تجيبها بربع ولا فورد

     
    1. حتى لو حطو سيارات قوية فيه سيارات أقوى وأقوى منها ,,
      طيب شرطة لندن وش تقول ؟ بوقاتي ومكلارين وللامبورغيني وغيره من سيارات أخويانا البطارنين اللي هناك وش ييلحقهم ذولا خخخخ ,,
      الـربع أبدا أبدا مايصلح دورية مدري ليه حاطينه ,, لامن ناحية أمان أو قوة أو رساوة وتماسك أو حتى هيبة ههههه ,,
      الفورد قلنا بوليسي أقوى من العادي لكن برضو يحتاجون سيارات آقوى شارجر أو حتى كابرس او تورس شو

       
      1. والان صرفو عدد كبير من مرسيدس e200 موديل 2014 لأمن الطرق

        سياره 4 سلندر سعرها حوالي 170 الف يحطونها امن طرق ؟! يريحون العساكر مثلا ولا وش
        كثير قالو حقت مواكب بس انا شفتها كم مره بطريق مكه جدة ولا في لا مواكب ولاشيء

        170 الف تجيب لك كابرس اس اس ولا حتى تشارجر اس ار تي ابرك من المرسيدس e200 لاهي حقت قوه هذي حقت راحه وبعض الدول الاوروبيه الغنيه ياخذوها تاكسي

        حاجه غريبه

         
        1. 170 الف تجيب تورس شو بعد

           
        2. ههههههههههههههههههه والله كلامك صح صدقت بكل شي .ماكينه اربع سلندر ؟؟ ومرسيدس بعد ؟ مالها هيبه ؟ تشارجر معقوله

           
        3. خلنا نكشخ مثل جيرانا اللي حاطين جنسيس دوريه محد احسن من احد

           
  2. الصراحة اكشن ههههههه

    الله يهديهم

     
  3. ما هي اول مره

     
  4. لووول بعد المقطع ذا ودي اشوف دوريات زي حقت الامارات تطرد وراهم عشان تقلب fast and furious
    P:

     
  5. اهم شي اخر المقطع يقول ايوه اخبار علوم ههههههه

     
  6. مرور سري+ بحث جنائي يجيب راسه بكل هدوء باين ان الأفراد عليميه وطاحوا في سربوت كبير

     
  7. ماصملوا عليه ولا كان ينطحونه الصدام وينسوه حليب امه “الخكا”
    خايفين يزيد تهوره ويصدم ناس ابرياء ويتسبب في كارثة
    وراس ماله كم يوم ويسحبونه عن طريق مصادرهم وكفين على الخدين ويبكي مورد الخدين.

     
    1. والله شكلك انت الي تبي كفين والله ما خله الشرطه يتكبرون و يتمادون على البشر الا الي مثلك
      الى مزبله التاريخ انت و من على شاكلتك

       
      1. ليش زعلان ؟ موعجبك كلام اخونا ؟ليش ماتبيهم يعطونه كفين ؟ وتقول انت اللي مكبر الشرطه ؟ شكلك من المجرمين

         
  8. انا ابي اعرف ليه مايخلون الناس تجمع وتقاوم وتستانس اذا هي على التفحيط خلاص حطو سريه ولا دوريات لا تستغربون من اللي يسونه الشباب لان ماعندهم شيء بلوت ولا سوني

     
    1. لان الطرق عامة حقت الكل ماهي مخصصه لفئه معينه عشان تقاوم وتفحط وتصدم خلق الله

       
    2. يروح لحلبة ديراب الجديدة هو واللي يبون يقاومون وياقوم على كيفه والا يسوي هو واللي يهتمون بهالرياضه نادي ويتسابقون مع الانديه الثانية في الخليج والدول الثانية ليش لا مو احسن من ازعاج الناس في الطرق العامه…

       
  9. Supercharged 6.4L SRT ( دايملــــر كرايسلـــــر )

    عليه عــزم الكرايسلــر SRT ..
    إبداع الـ 6.4 HEMI ..
    ——-
    لكـــن مش رجولــه اللي سواه
    الله يهديه ..

     
  10. هههههههه كبير شد عليهم

    الSRT8 وحش ينغزابه

     
  11. اول شيؤ اللي سواه غلط وكلنا نتفق عليه

    لكن اللي يقولون غلطان و مدري ايش .. حسستوني انه يدرفت ف خريص ولا الملك فهد !!
    ترونه نورة . نورة ، يعني بعد تفتيش المطار خارج حدود المدينة و مافي هناك لا عوايل ولا بيوت ينزعجون او يتأذون ولا حتى اي شخص يمر ..
    يحتاج يحطون دورية رسمية و ثنتينين سري وابد ي حبيبي خلهم يدرفتون و يقبعون و يموتون على كيفهم !!

    بالنسبة لراعي الsrt8 ترونه م عكس الا بعد م قبع لكزس و طاح صدامه هو

     
  12. هذا يذكرني ب need for speed the run وبعدين بالنسبة للسيارات الشرطة بسيطة مثل الربع سعره فوق ال 100 عندك سوبارو امبريزا ومستبيشي لانسر ايفولوشن كلها دفع رباعي و300 حصان عملية جدا

     
  13. الى متى خذول يفحطون؟
    ما انتهوا؟
    اذاوا المسلمين بالطرق وتفحيط واهلاك للنفس
    وتبذير لاموالهم
    اذا سوى حادث وماتت ناس ابرياء ولا ماتوا الي معه بالسيارة او هو مات
    وش يستفيد من هالتفحيط؟

    اتقوا الله يامن تدافعون عن المفحطين
    حتى لو هو لحاله
    الله سبحانه امر بعدم اهلاك النفس

    واتمنى من الحكومة وبالذات من الشخص الي يعطي الجنود دوريات
    لو سمحت لا عاد تشتري جيب ربع
    تراها ماتساعد الا بركوب الارصفة ولا وقت الامطار فقط
    جيب للجنود تشارجر بوليسي srt8
    ولا معليش يعني لازم سيارات قوية في المكاين
    خلاص الفورد فكتوريا ووقفوا تصنيعه

    مافي عندك الا تشارجر بوليسي srt8
    مايبيلها تفكير

     
  14. خذول= هذول

     
  15. واتمنى للموقع وللشخص الي اسمه حام صاحب المقال
    اتمنى انه يكبر عقله ولا ينزل مستوى تفكيره لناس تبي تتونس على حساب امن الناس ويأذيهم بالتفحيط

    كبر عقلك ولا تلتفت للمقاطع هذي

    احنا استفدنا من موقعك الكثير من اخبار السيارات

    طيب وش بستفيد من مفحط ولا واحد يهايط الدوريات على حساب امن الناس الي بالشارع ومسوي فيها شجاع

    واخرتها بيجيبون رقم اللوحة وينمسك

    وللاسف موقعكم بدأ يهتم لاشياء صراحة ما ترتقي بالناس

    هذي نصيحتي

     
    1. استاذي اذا انت ماتبي الاخبار هاذي في غيرك يبيها واذا ماعجبك الموضوع ليش تدخل من الاساس

      شكرا استاذ حاتم موضوع فيه اثاره وكمية اكشن ملينا من الاخبار الرسميه

       
  16. حام=حاتم

     
  17. المقطع موسف بصراحه. الموضوع كله تهور في تهور. راعي الكرازيرلر كان ممكن يتسبب في حادث شنيع!
    والمرور مدري ايش كانو يسوون بصراحه فوضى.

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة