فيراري FF تنضم لاسطول شرطة دبي رسمياً

3113
26
@يزيد سبحي

10072_522624554450457_93300879_n

كانت ردة الفعل من الكشف عن سيارة شرطة دبي الجديدة لامبورغيني افينتادور قوية جداً. حيث انتشر الخبر في جميع انحاء العالم والجميع تداول الخبر من حساب شرطة دبي في تويتر. ولهذا السبب, قامت شرطة دبي باعلانها عن انضمام فيراري FF الى اسطولها.

لن تختلف مهام فيراري FF عن لامبورغيني افينتادور التي تم الكشف عنها مسبقاً. فهي ستتواجد في المناطق السياحية لجذب الانظار والسيّاح.

صور فيراري FF الخاصة بشرطة دبي:

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

26 تعليقات

  1. مهايط وجزر طنب الكبرى والصغرى محتلتها ايران

     
    1. وش دخل !!!

       
    2. هههههههههههههه
      شكلك معاك حاله نفسيه

       
  2. هذي نوع من الجذب السياحي .. ترى السعوديه قادره عل هالشي لكن مايحتاجون لها لان السياحه عندنا صفر
    وبنفس الوقت نعوضها بالسياحه الدينيه ” الحج والعمرع “

     
  3. هياااااط * هيااااااط

     
  4. ليش هالحسد وشو يخص الهياط هذا يسمونه جذب سياحي وشو دخل الجزر في الموضوع !! الحمدلله والشكر على نعمة العقل

     
    1. هو يقصد أن هذا نوع من الترف والدعاية الزايدة لمدينة دبي أو جذب سياحي سمها ما شئت

      في نفس الوقت الدولة لديها جزر محتلتها ايران وكـنه يبي يقولك أن أولويات الدولة غلط

      بدل ماتسترجع جزرها المحتله من ايران هي جالسه تتبجح بأصطولها من السيارات الفارهه

      وكلامه في نوع من المصداقية يعني هالرخاء والاسراف في الرخاء ماراح ينفع لو قامت حرب مع ايران

      فجدير بالحكومة الاماراتية ان تبدع اكثر في السياسة والمفاوضات والتحالفات العسكرية القوية

      بدل ما تضيع فلوسها في الجذب السياحي وفي نفس الوقت المخاطر محدقه على الدولة !!

       
      1. اقول اذكرو ربكم و قولو الله يرزقنا وتركو كلام السياسه و الحسد يحقلهم يتبجحون و يهايطون و يسون بديرتهم الي يبون ما نخلص من الغيره و الحسد موقع اخبار سيارات بتقلبونه سياسه ارحمون يا ناس

         
        1. أولاً: بالنسبه للحسد والغيره فكلامك باطل لأن إنتقادنا كان موضوعي وفي محله وماله دخل بالحسد والغيره
          ثانياً: من حقهم طبعاً يحرقون فلوسهم زي مايبون محد منعهم لكن من حق أي شخص ينتقد أي سياسة
          ياخي ترا ما قلنا شي لاتقعد تسوي فيها أننا ظالمينهم ولا سابينهم ولا محتقرينهم
          لاوفوق هذا تزعم أننا غيرانين وحاسدين !! أركد حبيبي أركد ..
          ترا الإمارات وشعب الإمارات كلهم نعتز ونفتخر فيهم وكلنا أهل الخليج شعب واحد
          المسألة حبيبي إنتقاد سياسة لا أكثر ولا أٌقل وكل واحد حر يعبر عن آراءه وقناعاته بأدب واحترام
          أخيراً: أحب أقولك أن الموقع للسيارات فعلاً لكن مو معناتها ممنوع أحد يتكلم في مواضيع ثانية لها علاقة
          بالعكس لما نربط مواضيع السيارات بالإقتصاد والصناعة والسياسة تكون المواضيع أعمق وأكثر شموليه
          وهذا يثري المواضيع وتزيد الفائده للقراء ..

          تحياتي لك ..

           
  5. ناس ما تدري وش تسوي بفلوسها و قبل كم سنة كانت عندهم أزمة مالية

    الله يخلي أبو ظبي النفطية

     
  6. دبي هي كاليفورنيا الخليج وهي اهم واكبر امارات الساحل الخليجي
    ولكنها للاسف تسمح بالفساد الاخلاقي وابو ظبي تحاول تجاريها
    ولن تستطيع

    سلم لي على الشارجه “الشارقة” طابع اسلامي ومكاتب دعوة
    وتنظيم محاضرات ومخيمات دعوية ياحبي للشارجه من بد الامارات.

     
  7. بس انا ماني فاهم يعني ياجماعه سعودي شفت على فكره انتو مابتعملو تغطيه الا على ثلاثين في الميه من الي حاصل اقرب مثال ليش ماعملتو تغطيه على اهم المعارض موناكو شو 2013

     
  8. اولا الدوله مب ناسيه موضوع الجزر وما يستوي يعلنون الحرب على ايران مره وحده وهم قاعدين يحاولون بشتى الطرق السلميه انهم يسترجعونها ويقدمون الدعم الكااامل اولا باول للمواطنين الي فيها .. وثانيا الي يتكلم عن الفساد ! الفساد موجود بكل الدول في العالم ومب شرط يكون فساد ظاهري ترى ف شي اسمه فساد داخلي من الشخص نفسه ،، مب لازم يكون في اماكن للفساد عشان نقول عن المكان هذا فاسد !! وعن موضوع الازمه ترى دبي طلعت من الازمه وهي ما تعتمد على النفط في كل شي والبترول موجود في دبي ابوظبي لعلمك 🙂 مشكلتكم تشوفون الاشيا السلبيه وتنسون الاشيا الايجابيه وياليت بعض الناس قبل لا يتكلمون يشوفون انفسهم قبل .. والسموحه الموضوع عن السيارات وانقلب لسياسه .

     
    1. اللي اخذ بالقوة يرجع بالقوة يعني دوله مثل ايران جايه وماخذه الجزر بالقوة بتجيكم يوم وبتقول اسفين احنا اخطنا عليكم هذي جزركم اخذوها هههههههه…
      والا الفيراري واللمبرقيني بترجعها ههههههه…

       
  9. ترقبو شرطة دبي تكشف عن بوقاتي

     
    1. الله يرزقهم و يرزقنا و بصراحه نجحو في جلب الانظار و من الحين التعاليق كله منصدمه ف ما بالك السواح الاجانب الى الامام

       
      1. محمد ال سعيّد

        احييك على تأييدك للاسراف لانه اساس التطور كما تعلم !!
        الى الامام يا دبي عقبال البوقاتي والكوينجسيق ولا عزاء للحاقدين !!

        >> معليش بس جالس اساير الاخ فهد اللي الظاهر انه فاهم الدنيا غلط هههههه الله يهديك بس 😀

         
  10. فعلا إسراف…وهطهط

     
  11. انا مادري ليش انتو مصرين ادخلون سالفة الجزر في الموضوع وهو يتكلم عن شرطة دبي !!!! السياسه لها اهلها وشيوخ الامارات ادرى بالموضوع وافهم مني ومنكم وله هو مجرد حقد وحسد هههههههههه ووين الاسراف في الموضوع ؟؟ هذا يسمونه جذب سياااحي يعني يبون يجذبون السياح ودبي تعتمد بشكل كبير على السياحه وهذا كله تمهيد حق معرض EXPO 2020 غير التطوير الكبير في البنيه التحتيه .

     
    1. أخوي سعيد أنا رديت على ردك فوق ووجهات النظر لي ولك صارت واضحه للجميع
      إذا عندك شي جديد تظيفه أهلاً وسهلاً لكن بأسلوب محترم ومؤدب ..
      ماله داعي بعد ماتقول وجهت نظرك تتهم غيرك بالغيره والحسد !!
      لاحظ لما غيرك يستخدم كلمت (هياط , إسراف , تبجح) هذا كله وصف للسياسة
      لكن إنت جالس تتهم الناس شخصياً تقول انتو حاسدين وغيرانيين !!
      ما أبي أعلق أكثر في أسلوبك في الرد .. في النهاية أبي الجميع يكون محترم في رده وتعليقه
      والكلام طبعاُ موجه للجميع وأولهم أنا .. تحياتي لك

       
  12. يا اخواني, اتجنبوا المواضيع السياسية عشان لا تجرحون احد من اخوانكم المتابعين, لو سمحتم.

     
  13. افهم من كلامك يا اخ ماريو انه عادي الواحد يقول عن حكومة دوله اخرى حكومه مهايطه وله مبذره !! بس مب عادي انه الواحد يتهم شخص بعينه بهذا الاسم !!! يا حبيبي انا ما عندي مانع انك تتهم حكومة الامارات ولكن اتهمها بشي واقعي مب اتقول عنها امبذره ومسرفه ومهايطه !!! ماعتقد في حد يرضى هالكلام على حكومته ومثل ما قلت شعب الخليج كله واحد ومافي فرق بس الواحد ما يتعدى حدوده ويتهم حكومات بشي غير واقعي لاني ماشوف انه شرطة دبي وهي جزء من حكومة دبي وليس الامارات سوت شي غلط بالعكس مافي اي تبذير او اسراف بالموضوع .

     
    1. عزيزي كلامي واضح
      أنا أشوف سياسة حكومة دبي في موضوع سيارات الامبرجيني والفيراري الي ضمتها للشرطة مبالغة وتبذير
      وطبيعي مثل ما الأخوان قالو هياط واسراف الخر … لأن هذا الوصف ينطبق على الموقف
      نحن ننتقد سياسة حكومة دبي في موضوع معين ولا نعمم على حكومة دبي أو الحكومة الإماراتية
      النقد مايزعل حبيبي .. المهم يكون النقد بأدب وإحترام .
      وأنت من حقك تدافع عن وجهت نظرك وماحد قالك يا المهايطي ولا يالمبذر ولا يالمتبجح .. الكل يعرف حدوده
      أتمنى أني وضحت بعض الإلتباسات ..

       
  14. انا للحين مب فاهم وين الاسراف في الموضوع !! هذا الشي راح يزيد السياااااح والعائد المادي بيكون اكبر بكثير من سعر السياره .. علي العموم كل واحد حر في تفكيره والسموحه اذا غلط على احد !.

     
  15. لجميع الاخوه الافاضل

    بخصوص انه تبذير ابشرك حكومة دبي ما تحط درهم إلا ومتأكدين انه يرجع عشره
    وبخصوص اللمبرجيني كم سعرها ؟ مليون و200 ألف تقريبا مع التجهيزات توصل مليون و500 مثلاً .
    الجذب السياحي اللي جابته السيارة يساوي اكثر من مليون و500
    هذه كل المسألة

     
  16. يجيب الله مطر 🙁

    تصدقون سافرت ايطاليا قبل يومين لقيت عندهم كورولا 2006 للمرور السري !
    واللي ادهشني اكثر فورد 2000 باقي في الخدمه ..لا وامورهم تمام الحمدلله ومتطورين وناس اهل عقل وذوق وادب ..بصراحه الشي السلبي فيهم ان عندهم درباويه وناس مفحطين الله يهديهم بس شوارعهم صراحه زي الزبده ..انا قاعد الفلف ابغا بس حفريه او مطب بس ماحصلت !

    لعنبوها من حاله بس :/

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة