شاب سعودي يقفز من سيارته بعد إشتعالها

2105
26
@Hatem Alkhathlan

انتشر فيديو حديث لشاب سعودي كان يقود سيارته من نوع شيفرولية كابريس بسرعه عالية جداً, شوهد يقفز منها بعد إشتعالها.

وفقاً لمصور الفيديو, سائق السيارة كان يقودها رغم إنفجار أحد إطاراتها, وهو ماتسبب في إشتعال السيارة, و أدّى إلى هروب سائق السيارة عبر القفز منها أثناء سيرها.

لا توجد معلومات حتى الان عن هذه الحادثه, ولكن يشاع أن سائق السيارة كان يحاول الهروب من الشرطة.

 

عن الكاتب

مؤسس سعودي شفت، مهتم بكل مايتعلق بالسيارات.

26 تعليقات

  1. التهور و عواقبه ~

    شيء يقطع القلب ~

     
  2. سامي المالكي

    صراحة مافي فرق بين راعي الكابرس والمصور الاول 240 ويشطف السيارات لاكن المصور بسيكويا وماشي 180 لا ويقول الله يستر على الناس ههههههه الله يهديه بس واسال الله الرحمه بس

     
  3. ماتت قلوب الناس الرجل يصيح وهو جالس يصور لا قلب ولا دين وجع يوجع بطنه. نوعيه معفنه

     
    1. ابراهيم سعد عجل البقمي

      انت ما سمعته يتلفض كأنه طالع منها

      اما الولد ما ادري كيف ما تقطع لنه نزل و هو مسرع

      ودي اعرف نوع سيارته

       
  4. دي او دبل h

    المقطع على طريق العزيزيه في الخبر

     
  5. السيارة المحترقة كابرس
    واللي يصور سيكويا

     
  6. غير معروف

    عيب عليه
    جالس يصور في الرجال وهو يصرخ

     
  7. عاشق السيارات

    و العلم عند الله ان الرجال مخمور

    و اللى في واحد صاحي يمشي اكثر من 200 بدون كفر

    انا اعرف المخمورين يسون كذا و اكثر من كذا لانهم تحت تاثير الخمر

    الخبر يقولك شارد من شرطه

    يمشي اكثر من 200 بدن كفر عشان شارد من شرطه بالعقل ماتجي

    حياته اهم من ان يمسكونه شرطة

    حتى لو مسوى مصيبه مايمشي بدون كفر اكثر من 200

    انا قلتلكم مافي احد صاحي بعقله يمشي اكثر من 200 بدون كفر

    هذا و الله اعلم

    و الله يستر عليه

    و هذا درس له و لللجميع في الحياه اتمنى نتعلم منه طول الحياه

    تحياتي لكم

     
  8. راعي السوكويا ما ينلام , راعي الكابرس الـ … جايبها على نفسة , لو يهمونة اخوياه ما سوا هالشغل الأرعن , اجل فيه عاقل يسوي كذا !! ولو كنت مكان السوكويا راح اسوي سواته , لأن إنسان ما همة نفسة ولا اخوياه يتحمل شغلة , الوم المصور في حال الحادث عرضي وقضاء وقدر , مهب واحد يمشي فوق ميتين ومنحاش ومسوي مصيبة ويحتري احد يساعدة .

     
  9. ماشوف لها تفسير الا معلق مثبت السرعه

     
  10. اتوقع ان راعي الكابرس نسم كفره بمسمار ولا بغيره وهو مايدري وطاير

    ويوم مر جمب السيكويا شافه راعي السيكويا وظن انه متهور

    وقاعد يمشي بهالسرعة والكفر منسم وعلى وشك الانفجار أو التقطع ..

    ولا راعي الكابرس ما الظاهر انه قاعد يهج لان طريق العزيزية مليان (( دوريات سرية )) ففلذلك بيدخل حواري .. ^_^

     
  11. افضل موقع نشر الخبر
    باقي المواقع قاموا يعطون من الرخيص كان يفحط كان هارب من الشرطة وهم مايدرون وش السالفة
    اشكركم سعودي شفت

     
  12. غير معروف

    طيب إيش صار لأخوياه
    و ليش الأخ الي فوق يقول سكران
    ممكن كان عنده ضرف خاص (دوام، أو رايح لأحد)
    و ما كان مركز مع الكفر من كثر ما كان مستعجل
    أنا برأيي كل من راعي الكابر و السكويا كانو مجانين
    راعي الكابرس يسرع أكثر من 200 في طريق دائما زحمة
    و راعي السكويا ماخذ جوه معلق رياضي + مصور وهو قاعد يسرع 190

     
  13. اثنينهم مجانين واثنينهم عرضو حياة الاخرين للخطر

    ما اقول الا لا حول ولا قوة الا بالله

     
  14. يا لطيف … اللهم نسئلك العفو والعافيه

     
  15. محمد شروفنا

    مو هو عاقل
    في ناس في السارة ؟؟؟ لان كان يقول اخوياي

     
  16. اول شي الحمد لله اللي طلعمهم سالمين و ما انتهى الموضوع بمصيبه على حساب طيش او فله او اللي هو…

    بس الله يهدي بعض الشباب في التعليقات قاعدين يحطون في ذمتهم بعض الامور اللي ما عندهم عنها علم او دليل مثل اللي يقولون مخمور او غيره… ترا مب بسيطة الواحد يرمي كلمة بدون ما يحسب حسابه و إن بعض الظن اثم و يتحاسب الرجال على مثل كذا فما له داعي..

     
  17. ليته مات

     
  18. السلام عليكم
    شباب ترى ما ندري وش السالفة يعني لا تظلمون الولد
    يمكن معلق عليه مثبت السرعة
    الله يكفينا شر الحوادث

     
  19. غير معروف

    مثبت السرعه معلق ياناس … حرام عليكم الافتراءات اللي تقولونها

     
  20. بالله هذا موضوع تكتبه يا حاتم
    وش الفائدة من الموضوع

     
  21. (ولكن يشاع أن سائق السيارة كان يحاول الهروب من الشرطة)
    أتمنى البعض من الاإخوة يحسن الظن، وما كتب ذكر انه يشاع
    وليس الحقيقة

    فممكن كان معذور
    ولكن اللي يقول مستعجل وما شاف الكفر ولا ما انتبه
    أبسط الاأشياء تصدر ضوضاءواضحة، ليس من المعقول انه لم يسمع صوت الكفر
    ويحمد ربه ما تقلبت السيارة
    والأقدار بيد الله

     
  22. أعوذ بالله من الحوادث

    يارب سترك وعفوك على عبادك

    يا اخوان نسأل الله السلامة

    والله ان قلبي تقطع وهو يصيح

    يارب عفورك ورحمتك وسترك على الناس

    يارب احفظنا من الحوادث ياحي ياقيوم

    اللهم اهدي شباب المسلمين

     
  23. المفروض ان الحكومة تزرع كاميرات ساهر ثابته بكل مكان بالخطوط السريعة

    شوفوا دبي عصب عنك تهدي ولا تقدر تسرع

    ياخي اقرب مثال عندك الجبيل الصناعية حطوا كل كم كيلو كاميرا ثابته يعني احلم تسرع بسيارتك

    نبي شغل زي كذا

    اما تحط لي سيارة متحركة واذا شافوها الناس هدوا واذا تعدوها دعسوا
    هذا مايصير وهذا فشل ذريع

    الحل نضع بالطرق السريعة كل كيلو كاميرا ثابته وريني احد يسرع بعدها

    والي يغطي اللوحات اتمنى من رجال الامن يصكونه مخالفة اكثر من ١٠ الاف ريال
    وش يديك يارجل الامن وش مسوي الي مغطي لوحته؟
    ممكن مسوي بلاوي
    عاقبوهم حتى يتأدبون ويتعظ غيرهم

     
  24. يديك=يدريك

     
  25. حسبي الله على كل واحد يسب الرجال ولا يدري وش ضروفه اكيد معلق مثبت السرعه والي يدعي عليه بالموت خير ان شاءالله لهدرجه ميت قلبك تخيل لو انه اخوكك ولا شخص قريب منك مهما كان كل انسان خطاء حنا بشر مو معصومين من الغلط

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة