تدشين مرسيدس S63 AMG في الشرق الأوسط

2308
21

5

دشنت مرسيدس اليوم رسمياً عن الجيل الجديد من S63 AMG في معرض دبي الدولي للسيارات.

من حيث التصميم الخارجي تتميز هذه الفئة بصدام أمامي وخلفي جديد, إضافة إلى 4 مخارج للعادم, وعدة خيارات من الجنوط الرياضية, كما حصلت على إضافات ايروديناميكية تزيد من طابعها الرياضي, مثل فتحات تهوية امامية اكبر من التي في الفئات الأساسية, ولكن بدون شفرات وسطية. اضافة الى شعار V8 Bi-Turbo في جوانب السيارة, وعلامة S63 في الخلف.

تم تزويد S63 AMG بمحرك مكون من 8 اسطوانات على شكل حرف V توربو مزدوج تبلغ سعته 5.5 لتر, يولد قوة تصل الى 585 حصان و900 نيوتن-متر من عزم الدوران, متصل بناقل حركة AMG SPEEDSHIFT MCT مكون من 7 سرعات, يتوفر بـ3 أنواع للقيادة (عادي-مريح-رياضي).

مرسدس أعلنت أن S63 AMG تتسارع من 0 إلى 100 كم/س في غضون 4.4 ثواني, وبإستخدام نظام الدفع الرباعي 4MATIC تتسارع في غضون 4 ثواني فقط, وتبلغ سرعتها القصوى المحددة الكترونيا 250 كم/س.

ستتوفّر السيارة في الأسواق الأشهر الفادمة بسعر يبدأ من 674 الف درهم إماراتي, اي حوالي 688,190 ريال سعودي.

صور مرسيدس S63 AMG في معرض دبي:

 

عن الكاتب

مهندس سرعة بدوام كامل، مهندس معماري بدوام جزئي. مختص تجارب القيادة في سعودي شفت.

21 تعليقات

  1. والله سعرها ممتااااز توقعتها فوق ال 700 الف !

     
  2. عندك هنا ال s 500 يبيعونها الحين على ٧٠٠ ، هذي لو جت توقع تصك ٩٠٠ الف اول ما توصل و باقي ال V12 عاد هذي ينزلونها بمليون و فوق ، يعني باختصار ما عاد بقى شي اخربها و اخذ رولز رويس :)…

     
    1. عبدالرحمن

      يارجل ترقد الرولز جمب دي مع احترامي لهاذي السيارة الفاخرة العريقة
      لاكن من جد ترررقد جمب دي من كل الجوانب , بعدين مذكور في الخبر
      سعرها بالريال السعودي فعلا قليل ما وصل 700 او 800 الف ريال

       
      1. ترقد ؟
        اخلي القوست و اخذ S Class قوية شوي
        معليش بس ما زلت اشوف البنتلي مولسان و الرولز فانتوم و قوست
        مالهم اي منافس
        ممكن اذا نزل البولمان مرسيدس اغير رأيي بو احطه بفئتهم س حاليا اقول
        يرقد المرسيدس جنب الرولز

         
        1. عبد الرحمن

          لا تلخبط الكلام انا قصدت منافس الفئة s من رولز رويس اللي هي الجوست
          ومن بنتلي فلاينج سبير , اما الفانتوم والمولسان اكيد أفخم من ال s لانهم فئة
          اعلى حتى من ناحية الحجم والسعر وكل شي ,و لاكن تقلي فلاينج سبير
          ورولز جوست اقلك يرقدوووون رقاااااد , اذا كانت وحدة
          منهم عملت بس بس مقاعد درجة اولى في الخلف مثل ال s تعال اتكلم
          طبعا ناهيك عن المواصفات الاخرى التكنلوجية والميكانيكية هاذي محسومة للمرسيدس

           
          1. بس بقول شي واحد
            بوجهه لكل اللي داخلين الصفحة
            تشوف قوست و فلاينق سبير و S Class واقفين جنب بعض
            من بتاخذ…؟
            و اللي ماعنده فكرة عن القوست والفلاينق ياليت يروح يقرا شويتين ويجي يقول لي رايه
            ويا عبدالرحمن قلنا الـS الجديد حلو و فخم بس موب كذا الله يهديك
            كثير رفعتوا فيه توني راجع من معرض ماس بالخبر وكان موجود
            فخم لكن مايوصل مستوى الرولز والبنتلي

             
          2. عبد الرحمن

            طبعا كل العقال بياخذو s كلاس , سؤالك غريب جدا , انت قاعد تنكر
            حقيقة واضحة جدا لاجدال فيها ان الفئة s تفوقت عليهم شئت ام ابيت
            مع كل الاحترام لك
            التقنية التكنلوجيا للفئة s بفارق السماء عن الأرض
            الأنظمة الميكانيكية وأنطمة التعليق وغيرها للفئة s
            الراحة الداخلية والرفاهية والخيارات الكثيييرة المتعددة للفئة s
            السعر الأفضل للفئة s
            ياخوي شف هاذة الموقع مايعطي سيارة تصنيف 5 نجوم ابدااااااا
            معاييره صااارمة جدا , بالرغم من كذا اعطى الفئة s الجديدة 5 نجوم !
            فلاينج سبير , جوست , الفئة السابعة , اودي a8 كل هاذي
            السيارت بما فيها حتى الفانتوم والمولسان مافي احد اخذ تصنيف 5 نجوم
            فقط الفئة s الجديدة شف
            http://www.autocar.co.uk/car-review/bentley/flying-spur
            http://www.autocar.co.uk/car-review/rolls-royce/ghost
            http://www.autocar.co.uk/car-review/mercedes-benz/s-class
            وحب اضيفلك ملاحظة بسيطة تراه موقع بريطاني ..
            الفئة s الأفضل في هاذه الفئة الأن بكل وضوح

             
    2. maybach landaulet شوف الفئة دي بعدين كلمني على الرولز والبنتلي ..
      تاني شي ما اشوف مقارنة بين السيارتين اصلن ..
      ولاتنسى مرسيدس قوة + فخامة + عصرية ..
      والرولز كلاسيك + فخامة ..

       
      1. شوف بنتلي مولسان بعدين كلمني
        للمعلومية تذبح 170 بقرة لأستخدام جلودها في انتاج داخلية سيارة مولسان “وحدة” فقط
        الداخلية هاند ميد كل التخيط والتطريز بشغل يد من قبل ناس خبرتهم 40 سنه بمجال التطريز
        الخشب الداخلي للسيارة يتم صقله وتلميعه لمدة 5 اسابيع للسيارة الوحدة فقط من بنتلي مولسان
        سيارة فعلا حقت بزنس كلاس
        معليش بس من متى صارت الـS Class تنافس هذي الفئة من السيارات
        انا اعشق المرسيدس ومن اشد معجبينه لكن الحق ينقال ماتتقارن بهذي السيارات بدري عليها شوي
        ممكن اقول لك هي متفوقة على فئتها اودي A8 و BMW 760LI و تفوق كبير ايضا,
        و مايباخ لو انها سيارة ناجحة كان واصلت لكن اعلنت الشركة عن خسائرها
        زيادة على شكلها القبيح
        طلبي الوحيد منك قبل ماترد علي ادخل اليوتيوب و اكتب بنتلي مولسان و استمتع بالمزايا
        وبما انك جبت لي افخم نوع مايباخ ياليت تشيك على بنتلي مولسان “شاهين” بعدين قول رايك

         
        1. عبد الرحمن

          انت تعيد وتزيد في نقط انتهينا منها لأن باين اخوي ان ماعندك
          كلام , قلنالك ال s لاااا تنافس المولسان والفانتوم هاذي السيارتين
          اعلى منها في المقارنة وكانت تنافسهم المايباخ سابقا , انت ترجع وتعيد
          بنفس الموضوع ثاني وثالث ورابع !
          بعدين المعذرة منك انت باقي تبي تقول انها اتفوقت على الفئة السابعة وال a8
          وممكن تقول بعد !؟ أخوي من غير ماتقول مايحتاج تقول اصلا هذا امر منتهي
          احنا نقول ال s 2014 تفوق على الجوست والفلاينج سبير فقط

           
          1. انا قاعد ارد على اللي يقول شوف المايباخ
            اي مقارنة هذي جايب لي افخم مايباخ بفلاينق سبير ؟!
            بعدين انا مدري كيف تشوف انت يعني الحين الصور اللي انت حطيتها فوق
            بنظرك الـS Class افخم ؟
            الحين تأكدت انها مسألة تعصب لمرسيدس
            لأنه واضح من افخم من داخل
            ما راح اكثر كلام
            عاجبك المرسيدس الله يرزقك بأفخم نوع
            بس لا تقعد تقارن بين السيارات لأنه كلن له معجبينه

             
          2. عبد الرحمن

            ماقلك قارنها بالفلاينج سبير , قلك شوفها وكلمني عن الرولز والنتلي
            يتكلم بشكل عام , بالنسبة للصورة انا مو شايف ان ال s افخم منهم بس
            انا شايف انها افخم وأحدث منهم بكثيييييييييييييييييييييير , بس يمكن انت
            من الناس اللي تحب تشوف خشب كثير ( فخامة قديمة عفى عنها الزمن )
            عشين كذا ماتعجبك الفخامة و الترف الحديث اللي في الفئة s لاكن
            الفئة s اكثر ترف , اكثر عصرية , أكثر تقنية وتطور , اكثر راحة ..
            مارديت علي وين مقاعد الدرجة الأولى في الجوست والفلاينج سبير ؟
            كل شخص حر بذوقه لاكن كل الحقائق تقول ان ال s متفوق

             
  3. احمد ناصر

    السعر غير حقيقي !!

    في الخليج اسعار مرسيدس مرتفعه جدا ..

    400 اس 640 كامل المواصفات ..

    500 اس 750 الف كامل المواصفات

     
    1. الأسعار اللي ذكرتها اغلى من اسعار السعودية

       
  4. رائعة جدا

     
  5. السيارة خرافة بكل المقاييس بس اللون مو حلو

     
  6. غير معروف

    مرسيدس الملك

     
  7. مارسدس إس كلاس سيارة تقريباً محد يقدر يعيبها لكن العيب في مارسدس نفسها ما تلاحظ فرق بين ال 500 او ال 400 و ال63 الفروق جداً بسيطة الداخلية نفسها والشكل الخارجي فروقه بسيطة المفروض يكون في تعديل من اول نظرة للسيارة يبان إنها 63 وما يكون سهل تغير 400 او 500 وتخليها 63

     
  8. السعر الي مكتوب لفئة s500 لان الي في الصور s63 اكيد اسعرها مابين 900 الف الي مليون لان في الامارات شايف وحده بي مليون وميتين الف وشكرا. ..

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة