تويوتا تكشف رسمياً عن فئة Invincible الجديدة من هايلكس

2420
31
@يزيد سبحي

كشفت تويوتا رسمياً عن اعلى فئة من هايلكس, والتي سميّت بـ Invincible اي انها “لا تُقهر”.

من الخارج, تقول تويوتا ان تصميمها “يجمع مابين قوّة الأداء والإعتمادية والراحة والتصميم الأنيق”. تحصل الفئة Invincible على اضافات جديدة من الكروم, وحامي سفلي فضّي اللون من الأمام, وعلامات Invincible حول السيارة. اما الفئة الرياضية منها Invincible Sport, تضيف الى الفئة مقاعد مغطاة بالجلد, ودعّامات كروم في الحوض, وجنوط قياس 17 انش.

لم تتغيّر السيارة كثيراً من الداخل, سوى في حصولها على علامات Invincible و اضافات معدنية باللون الفضّي.

تتوفّر الفئة الجديدة من هايلكس بمحرّك D-4D سعة 2.5 لتر يرتبط بناقل حركة يدوي, او يمكنك شرائها بمحرّك D-4D سعة 3.0 لتر مرتبط بناقل حركة يدوي او اوتوماتيكي. وستتوفر جميع الفئات بخيار نظام الدفع الرباعي.

لم تكشف الشركة اليابانية عن اسعار السيارة, ولكن سنتعرّف عليها فور اطلاقها لاحقاً هذا العام.

صور تويوتا هايلكس Invincible الجديدة:

 

عن الكاتب

طالب جامعي أدرس علم الحاسب, لكن أكبر اهتماماتي السيارات. للتواصل: عبر تويتر

31 تعليقات

  1. خياس كالعادة وزيادة سعر مجنونة بكل تأكيد !!!

    شوفو شركة جيب يوم طلعت نسخ خاصة من سياراتها أبدعت فيها وسعرها كان قريب من الأساسي وقس عليه من الشركات الأخرى إلا السوبر كارز هذي وضعها غير ..

     
    1. ممكن بس تقولنا كيف عرفت السعر !!

      قريت الخبر 10 مرات ومالقيت الا

      لم تكشف الشركة اليابانية عن اسعار السيارة

       
      1. افهمها اخوي . بدون مايكتب بالخبر. وبدون الاخ صقر يذكر السعر .. الهايلكس سعرها فوق التسعينات يعني 100 الف ريال . فما بالك باللي حاطين عليها الاكسسوارت . اكيد بيخلونها 200 الف او 300 الف . واحتمال تصير نصف مليون وصدقني راح يشترونها يقولون لك شيك بجيبك . معروف زبائن تويوتا اغبياء

         
        1. يارجال اذكر الله قال نصف مليون ههههههههههه

          ياخي ماختلفنا في أسعار وكالة أبو جميل انها مبالغة لكن ياخي للأمانة لانحكم على شيء الين ماينزل سعره رسميا

          يعني انت الحين قلت سعر الهايلوكس في التعسينات واذا نزلت بتصير 200 و300 ونص مليون

          والله لو نتعامل بالروبيه الهنديه

           
        2. زبائن تويوتا أغبى مخلوقات الله !! سيارات تويوتا ما فيها اي مواصفات واسعار جنونية ويشترون الدلوخ

           
          1. رجاء لا تغلط على أحد اللي يشترون تويوتا ما يشترونها علشان مواصفاتها يشترونها لأنها عملية تشد معاك حتى لو كرفتها وقطع غيارها رخيصة نسبيا ووقت البيع تجيب سعر طيب
            هيونداي وكيا تطوروا بس ما وصلوا لانهم يكسبون ثقة الزباين تويوتا بدأت تنزل في جودة سياراتها وترفع الأسعار من دون تطور بس مع ذلك تبقى سياراتها جيدة وينشهد لها وما تخوف لا في البيع ولا في الشراء
            وناس تقول لي أمريكي الأمريكي إذا اخترب مرة فعليه السلام يظل يخترب أكثر وأكثر كلما تصلح فيه يمكن لأن قطعه مب أصلية أما لو اننا في بلد ثاني كان شفنا كثير من الوكالات أفضل من تويوتا وأولهم هوندا فورد والشفر
            عطني في السعودية شنو الشركات اللي أفضل وأقنعني فيها مب مبسوط أنا وأنا أدفع سعر بدون مواصفات ولاني متعصب لتويوتا

             
        3. السلام عليكم،
          مرحبا أخوي طلال، عرفتني ؟
          بالنسبة للسيارة وهايلكس عموما هي تتسم بالقوة في الأداء والصلابة لكن ما يعيبها هو محدودية التكنولوجيا في تويوتا عموما، ومبالغة في السعر مثل ما قالوا الإخوة

           
    2. حبيبي عاذي السيارة الي عتدك ابد ماهي خياس الي عندنا هي الي خياس ركز في السيارة فيها شاشة وبلوتوث وكاميرا خللفية ومقاعد جلد ومثبت سرعة والي عندنا امبح

       
  2. نهايتها “هايلكس”

     
    1. صدقت ي خوي,,

      حآولت أقنع مخي هايلكس داخلية جد ,, رفض أنه يقتنع هههههههه خلوككم على الداخلية العنابية بسس 🙂

       
  3. وش الجديد
    قسم والله مضحك الي يشرون الموديلات الجديدة عندنا بحائل في ناس عندهم إدمان هايلكس
    لدرجة بالبيت سياارتين هايلكس وكل ماينزل موديل جديد يتنافسون على شرائه بالأخير مجرد خط جديد وتعديل بسيط بالشكل الخارجي
    لا وسعر نار على لاجديد ..! أطق لي بها اكورد 2014 أبرك لي
    ولا إذا انت مهتم بنقل العفش ياخي اكتفي بموديل قديم اشوف مافي شيء يشوقك لشرائها
    يعني لا تصميم جذاب ولا فخامة ولا شيء ينافس السيارات الثانية

     
    1. والله صدقت . بكل بساطه اغبياء . وشركه تويوتا الام ومعها عبد اللطيف يضحكون علي عقولهم اللي يصدرون لنا يزخرفونها بخطوط لنا احمر واخضر ومادري وشو يضحكون عليهم واللي يصدرون لاوروبا وامريكا بدون خطوط لانهم عارفين انهم مو اغبياء ولا ينضحك عليهم

       
  4. دي او دبل h

    احلى مافيها بدي ساده بدون ستكرات

    ترا شكلها بشع بالستكر الى على الباب

     
  5. لا لا الوضع اصبح خطير وماينسكت عليه .. يكفي انها مشوهه شوارعنا . تجي الهايلكس بسعودي شفت وتشوه هالموقع ؟

     
  6. عبدالرحمن

    بالله ركزوا على المساكه حقت السواق جنبها في علامه الايرباق .. هايلكس فيه ايرباقات جانبيه !! منك لله ياعبداللطيف قبيح كان حتى ايرباق واحد مافيه ولاحتى ABS والله لو اننا هنوده .. اللي يقهر العالم طايحه فيه على غير سنع لاسعر لا أمان ولاقوه ولاراحه والبدائل متوفره فورد رانجر و مازدا Bt50 اذا ودك في الياباني 🙁

    وشيك بالله على اي حادث كان الهايلكس طرف فيه تلقى السواق فاطس لضعف البدي الله يلطف فينا

     
  7. ابو جميل ” و من معه و من يدعمه ” حرميه بإمتياز
    و الحكومة غضي الطرف كلعاده
    إحتكار، أسعار جنونيه، غش، عدم وجود أمان، الخ ..
    و المتظرر المواطن
    و أبو جميل يستمر في إنتفاخه و غطرسته
    حسبي الله عليهم و نعم الوكيل

     
  8. عبدالرحمن تاج

    الي يشتري هايلوكس وترى انتا ما تشتري السيارة عشين تبيعها

     
  9. احساسي ابو جميل قدر يسيطر على تويوتا ويجبرها تنتج هايلوكس كذبي مافيه شي زايد عن هايلكس 4X4 بس لان نسبه كبيره من السعوديين يحبون هالموتر واظن بيلاقي ربح كبير <~ مجرد احساس

     
  10. يا جماعه إلي مو عاجبه لا يشتري ويروح يتورط بشركة ثانيه وفي الأخير بيرجع لتويوتا ويتذكر كلامي

     
    1. | عبدالرحمن |

      نصيحة جرب يوم تستأجر سيارة مازدا ولا وهوندا ولا اي شيء جرب الرساوة والمتعه في القياده بالذات الزوووم زووم مازدا 🙂 وشوف ليش العالم تترك تويوتا عشانه وتتوجه للبدائل .. بعدين لما تهدد اننا راح نرجع لتويوتا معاك حق لو قلت لك بروح كيا ولا هيونداي لكن هوندا مازدا فورد وغيرها ابداً مالك حق سيارات اعتماديه جداً ومواصفات ورساوة عاليه .. على فكرة الهايلكس مخصص لدول العالم الثالث وبما اننا جهله ومايهمنا الا شيك بالجيب وتويوتا مابعده ضفونا معهم 🙁

       
  11. معاذ الخالدي

    لا تفكرون بهالسيارة لاتعا بتجسك ابيض ومن داخل احمر وقير عايدي ومكيف يدوي ومسجل مركب ودركسون حق ٢٠١٣

     
  12. ياخوان والله تويوتا شركة معطينها اكبر من حجمها
    والله سياراتها فاشلة أكثرها حتى موديلات جديدة مافي تحسين فقط سمعة تارخية
    لا سلامة لا تصميم حلو
    هايلكس ولا كامري ولا كورلا كلهم نفس بعض كم لهم من سنة وهم هم مافي جديد سوا كم قطعة ثم تزيد 10 الا ريال

    مشكلة كثير عندنا مو مقتنع بالشركات الثانية فيه قفل بمخه يقول تويوتا الأفضل والباقي كلها خرابات
    المشكلة يجيك واحد راعي كورلا يقولك مازدا سيئة
    يارجل مازاد 3 بالسلامة ماخذه ممتاز أما كامري 2013 اخذت الأسوء والنتيجة سيارة رخيصة الصنع مرتفعة السعر
    الي مستغرب كيف تباع؟ إذا الفرد روحه لعبة بيد هالسيارة

     
  13. ما سوو شي شويه اكسسورات كانت موجوده من قبل بمحلات الزينه والمكاين الديزل نفسها , اتمنى من تويوتا انها ما تستخف بعقل المستهلك وتعود الى فتره التسعينات حيث ان الهايلكس بدون ما ينكتب عليه شي كان لايقهر

     
  14. شيخ المعارض

    الهايلوكس سيارة أثبتت جودتها اللي ماتضاهيها اي سياره في فئتها
    والله اشوفهم يجلدون فيها جلد وماتقول لا

    لكن سعرها مرتفع والسلامه فيها معدومة تماما

    على فكرة ياليت تشوفون حلقة الهايلوكس على توب جير

     
  15. فعلا مثل ما قلت يا عبدالرحمن اتفق معاك في بعض كلامك استخدمت ازيرا والله انها خايسه بكل المقايس وسواقتها تجيب كررب ولا تستمتعبها 7 شهور وبعتها والمازدا ماشاء الله اول شي سعرها خيالي مقابل المنافسين وثاني شي رساوه وتقنيات عاليه كنك تسوق اودي تماماً ولاكن الجوده اقل من تويوتا بامانه وتتحمل اقل وللعم مارتحت في سياره سقتها بعد تويوتا والله يشهد .

     
    1. اسف تقول مازدا جودتها أقل من تويوتا؟
      لكنها أجتازت بسياراتها إختبار السلامة بنجاح وبتقدير ممتاز
      بين تويوتا يا سيئة يامقبولة وجميع أختباراتها على سيارات تويوتا أثبتت ان جودتها رخيصة وسيئة والسلامة زيرو فيه مثل الكامري كنها قوطي بصربة تروح تشليح هي والكورلا ..
      عزيزي مازدا شرقة راقية ومتواضعة
      سيارة فخمة وتقنية وامان وبالأخير سعر رخيص
      تيويوتا يارس وتصميمها المعوق الي وصلنا ل 2013 وهي ماتغيرت هي والطبلون الي مادري وش يبي
      وسعرها فوق المازدا وقسط نار لو تبي

      اكبر فخر بتيويتا هو الاندكروزر وغيره ماشوف سيارة منهم
      ——

      ياأخوان إلى متى وأنت تعيبون بالشركات الثانية ياخي انت حافظ على سيارتك مايجيها شيء
      والله ناس معهم سيارات أمريكية وسنين معهم ماخرب عليهم شيء وناس تويوتا ماله شهر الا ومخبطة معه
      حافظ على سيارتك مايجيها شيء

       
  16. ليه ماجا تعليقي
    انا احتج -__-!!

     
  17. حسب تجربتي للهايلكس سابقا.. سيارة تطلع فيها وتطلع اللي براسك كله

    لانك ضامن انها مافيها اي تكنلوجيا ممكن تخرب لك شئ في السيارة

    لكن لاجيت للسفر ولا للتمشي ولا للرزه !!

    هي صنعت للتحميل والمكدة والبساطة واللي شاريها يدري عن هالشئ

    والناس البسيطين ما يبي يشري سياره الا عشان تنقله من

    النقطة A الى النقطة B بدون مشاكل ولا صيانة وبدون مايخاف عليها

    .. تحليلي للناس اللي يشترون الهايلكس ..

    (سيارة ادفع عليها اكثر في البداية .. وارتاح عليها الى النهاية !!)

    وطبعا تعتبر الددسن هي اللمنافسة لها لولا مشاكل الوكيل الحالية

    ..

    لا تكنلوجيا
    لارفاهية
    لاسلامة

    ..

    كلنا عارفين ان الهايلكس مثل النعال الزبيرية او النجدية ( لا شكل ولا راحة ولكن تعيش )

     
    1. هههههههههه عجبي كلامك خاصه اخر شي

       
  18. أنت وش أنت

    ههههههههههههههههههاآي مُلاك الهايلوكس تم نسف جبهت موتركم من قِبل مباشر

     
  19. اقول بس سلمولي على الــ amarok اللي واقفه عند الباب
    قوة وجوده وشكل حلو وصناعة المانية وش تبي بعد .

     

‎إضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

ارفع صورة مع تعليقك



‎مقالات ذات صلة